18/03/2026
Unggoy nga gisurrender kay tungod sa grabe nga pagsuka ug pagkalibang gipatambalan sa opisina.
Adunay report gikan sa MENRO ug MAO-Magsaysay bahin sa unggoy nga gisurrender sa tag-iya sa ilaha mahitungod nga grabe na ang pagsuka ug pag-igit niani. Dali-daling girefer nila sa amoa ang kaso, gikustodiya ug gihatod sa Community Environment and Natural Resources (CENRO-Digos) ang maong unggoy sa among opisina.
Nakita sa doctor na ang unggoy nga dili na mubarog ug sakto, ug naa nay langsa nga baho sa dugo nga nagagawas sa iyang gawsanan sa hugaw. Makita sa kaso nga dili lang kini bago, kundi taod taod na jud nga kondisyon. Gisuwayan pa kini ug taod sa ugat ug IV fluids pero sa sobra ka dehydrated naglisod ug pangita sa ugat mao giturok na lang sa panit ang fluids ug ang mga tambal alang sa daliang alibyo.
Kinaugmaan nareport sa nagkustodiya sa among opisina nga ang maong unggoy namatay tungod sa iyang kondisyon.
Busa, gina-awhag ang mga tao na kung may mga sakit inyong binuhing hayop, dili na hulaton nga mugrabe pa kini bago dalhon sa mga beterinaryo para matambalan ug masalbar ang kinabuhi. Dungag pa, halikayan ang pagdakop sa mga wild animals alang buhion labaw na kung ilegal kani nga gidakop ug walay kakayahan nga muamoma.
Karon ang lawas sa unggoy, gipahiluna ni Dr. Darrel Blatchley kinhi nagpalikod sa D' Bone Collector sa Davao City himoong isip silbing handumanan para sa mga katawhan sa istorya sa unggoy nga namatay tungod sa kakulangan sa pagtagad sa iyang panlawas nga kondisyon.
