07/08/2026
๐ก๐๐๐ ๐๐๐๐ ๐ฃ๐จ๐ฆ๐ข๐ก ๐๐ก๐ ๐ฃ๐ช๐ ๐๐ข๐ ๐ ๐จ๐ก๐๐ง๐ฌ ๐๐๐ง๐ ๐ฃ๐ฅ๐ข๐๐๐๐๐ก๐ ๐ข๐ฅ๐๐๐ก๐ง๐๐ง๐๐ข๐ก
Dinagat, Agosto 7, 2026 - Aron mapalig-on ang pagplano ug paghatag sa mas angay nga mga programa ug serbisyo alang sa Persons with Disabilities (PWDs),ubos sa administrasyon ni Mayor Simplicio S. Leyran, Jr., malampusong gipahigayon pinaagi sa Municipal Social Welfare and Development Office (MSWDO) ang PWD Community Data Profiling Orientation sa panagtambayayong sa CBM Global Disability Inclusion, Loving Presence Foundation, Inc.sa Lovely Presence Foundation para sa mga Dinagatnon niadtong Agosto 4, 2026 sa Municipal Gymnasium, Brgy. Beach, Dinagat, Dinagat Islands.
Gitambongan ang kalihokan sa mga PWD focal persons, barangay officials, BNS sanan BHW sa 12 ka Barangay aron masabtan ang kahinungdanon sa tukmang pagtipig ug pagdumala sa datos sa mga PWD sa lungsod.
Pinaagi niini, naghatag ug mensahe si Vice Mayor Hon. Jonathan M. Edillor ug Private Secretary II Welfer P. Erno, nga nagpasiugda sa padayon nga suporta sa lokal nga panggamhanan alang sa kaayohan ug inklusibong paglambo sa sektor sa mga Persons with Disabilities. Dako usab ug pagpasalamat ni Vice Mayor Edillor ngadtu sa Lovely Presence Foundation nga pinaagi niini nga inisyatibo, nagpadayon ang LGU Dinagat sa pagpalig-on sa datos nga mahimong basihan sa paghatag og episyente, patas, ug inklusibong serbisyo alang sa tanang Persons with Disabilities sa lungsod.
Nasundan kini sa Message of Commitment gikan kang Lyerra Mae C. Bersabal, RSW, ug Orientation on PWD Data Profiling Survey nga gipangunahan ni Mare Mae J. Ilagas, RSW sa LPFI, Inc., diin gipatin-aw ang proseso ug importansya sa husto nga pagkuha sa datos alang sa mas epektibong pagpatuman sa mga programa.
Tumong sa maong kalihokan ang pagpalig-on sa kahibalo sa mga partisipante mahitungod sa tukmang pagtipig ug pagdumala sa datos sa mga Persons with Disabilities aron mas masiguro ang episyente ug inklusibong paghatag sa mga programa ug serbisyo sa komunidad.
Gihatagan og importansya sa orientation ang kahinungdanon sa husto ug kompleto nga data profiling, nga magsilbing basihan sa pagplano sa mga proyekto, paghatag og angay nga suporta, ug paghimo og mga polisiya nga motubag sa tinuod nga panginahanglan sa mga PWDs.
Pinaagi niini nga inisyatibo, gipakita sa LGU Dinagat ug sa mga kaabag nga organisasyon ang ilang padayon nga paningkamot sa pagtukod og usa ka mas inklusibo, patas, ug responsableng komunidad, diin walay bisan kinsa ang mabiyaan sa pag-uswag.
