08/09/2026
36TH REGULAR SESSION SA SANGGUNIANG BAYAN SA SAN JOSE, MALAMPUSONG GIPAHIGAYON
Gipahigayon sa Sangguniang Bayan sa San Jose, Dinagat Islands, ang ilang 36th Regular Session, diin nahisgutan ug gihatagan og aksyon ang nagkalain-laing legislative measures ug mga concern nga direktang may kalabutan sa serbisyo publiko ug kaayohan sa mga katawhan.
Mitambong sa maong session sila Hon. Clica Antipolo, Hon. Pesito, Hon. Portullano, Hon. Tuquib, Hon. Ho, Hon. Reubenne Ecleo, Hon. Allan Ecleo, ug Liga President Hon. Lovely Bacolod.
Si Hon. Ludwig Ecleo wala makatambong tungod kaynag
special leave, samtang si SK Federation President Hon. Tampon anaa sa official travel.
UNIFIED HONORARIUM SA CHILD DEVELOPMENT WORKERS, GIAPRUBAHAN
Usa sa mga importanteng lakang nga giaprobahan sa Sangguniang Bayan mao ang proposed resolution ni Hon. Clica Antipolo alang sa pag-adopt sa unified rate of honorarium sa mga Child Development Workers sa 12 ka barangay sa San Jose.
Ubos sa maong proposal, ang honorarium ibase sa length of service sa matag Child Development Worker.
Tumong niini ang paghatag og mas patas ug uniform nga honorarium ug pag-ila sa ilang dugay nang serbisyo alang sa mga kabataan sa matag barangay.
DOH GIHANGYO SA BAG-ONG DTTB DOCTOR SA SAN JOSE
Gi-approve usab sa Sangguniang Bayan ang resolusyon nga naghangyo sa Department of Health o DOH alang sa assignment og bag-ong Doctor to the Barrios o DTTB doctor sa Municipality of San Jose.
Sumala sa resolusyon, matapos na sa January 2027 ang termino sa kasamtangang DTTB doctor nga naka-assign sa San Jose .
Busa, sayo pa lang, gihimo na sa lungsod ang maong hangyo aron malikayan ang posibilidad nga mawad-an og DTTB doctor ang San Jose.
Importante kini ilabina tungod sa panginahanglan sa mga residente alang sa medical services ug tungod usab sa kadaghan sa mga local government units nga nangayo og DTTB doctors ngadto sa DOH.
350 KA DELEGATES SA SAN JOSE, MOAPIL SA PROVINCIAL ATHLETIC MEET
Samtang, sa Other Matters, mitambong sa session si San Jose District Supervisor Mr. Durero, uban sa pipila ka school heads.
Gipahibalo nila ang Sangguniang Bayan nga adunay mokabat sa 350 ka delegates gikan sa San Jose District nga moapil sa Dinagat Islands Provincial Athletic Meet, nga pagahimuon sa Libjo karong September 18, 2026.
Gilangkuban kini sa 260 ka athletes, 60 ka trainers ug 30 ka teachers.
Naghangyo ang grupo og suporta, cash man o in kind, aron matubag ang mga panginahanglanon sa San Jose contingent.
Adunay gi-allocate nga pondo ang lungsod gikan sa School Board Fund, ubos sa pagpangulo ni Mayor Ruben “Kiking” J. D. Zuniega, apan gipasabot nga dili kini igo alang sa tanang gasto sa maong kalihukan.
Isip tubag sa hangyo, ang mga miyembro sa Sangguniang Bayan mipledge og personal contributions nga mokabat sa 20 thousand pesos.
Mipledge usab ang Benford Gas Station og 10 gallons nga gasolina.
Samtang si Vice Mayor ug SB Member Portullano mipasalig usab og gasolina alang sa mga sakyanan nga gamiton sa paghatod ug pagkuha sa mga atleta ug delegates gikan sa San Jose ngadto sa Libjo ug pabalik.
Misaad usab si Liga President Hon. Lovely Bacolod nga iyang i-coordinate ang mga barangay nga adunay service vehicles aron magamit usab kini alang sa transportasyon sa contingent.
LIBRENG PAMASAHE PARA SA DIALYSIS UG CHEMOTHERAPY PATIENTS, GIHISGUTAN
Gihisgutan usab sa session ang hangyo sa Municipality of San Jose ngadto sa mga boat operators alang sa paghatag og free fare sa mga dialysis ug chemotherapy patients, lakip ang usa ka chaperon matag schedule sa ilang treatment.
Misanong sa maong hangyo ang MPC Island Navigators ,Vince Gabriel ug Go Rainbow.
Samtang, ang Viels Liner miuyon sa pagkakaron nga libre ang pamasahe sa pasyente apan wala pa maapil ang chaperon.
Gipasabot sa ilang representante nga iyang ipasaka sa tag-iya sa Viels Liner ang hangyo, lakip ang sugyot ni SB Member Clica Antipolo nga kung dili mahimo ang full free fare sa chaperon, mahimo nga 50 percent discount sa pamasahe.
Gihangyo usab sa representante sa Viels Liner ang lungsod nga maghimo og klaro ug uniform nga protocol aron parehas ang sistema sa pag-apply ug pagpatuman sa maong programa sa tanang boat operators.
WATER TESTING SA MGA ATABAY, GISUGDAN NA
Gipahibalo usab ni Hon. Clica Antipolo nga ang Rural Health Unit, pinaagi sa Municipal Sanitary Inspector, nagsugod na sa water testing sa mga atabay nga gigamit sa mga residente sa San Jose.
Tumong niini nga maseguro nga ang tubig nga gigamit ug giinom sa mga katawhansafe.
