Jowable Youth Sta. Cruz

28/01/2025

25/01/2025

25/01/2025

Patuloy ang paglalakbay, sama-sama sa tagumpay!

Maligayang ika-4 na anibersaryo mga ka-Jowable—salamat sa patuloy na pagkilos na may dedikasyon, at pagsisikap. Sa marami pang taon ng pagkakaisa at pag-unlad!

11/08/2024

17/04/2024

Bilang paggunita ng Araw ng mga Inang humuhubog sa mga pag-asa ng Bayan. Ang Jowable Youth ay magdadaos ng isang paligsahan sa paggawa ng Creative Tribute Presentation na may temang “Mana sa Nanay, Kakayanin Lahat ng Bagay!”. Ang mga alituntunin at pamantayan ng paligsahan ay nasa ibaba:

MGA ALITUNTUNIN SA PAGLAHOK:

1. Ang patimpalak ay bukas sa lahat ng mamamayan edad 15-30 na naninirahan sa Bayan ng Angat.

2. Bumuo ng grupo na may 3 - 5 miyembro at mag-register sa link na ito https://tinyurl.com/MDSCJ para maging QUALIFIED ang inyong entry.

3. Batay sa tema na “Mana sa Nanay, Kakayanin Lahat ng Bagay!”, maaaring magpasa ang grupo ng kanilang CREATIVE PRESENTATION na handog sa kanilang mga ina. Ito ay maaaring sa pamamagitan ng tula, sayaw o pag-awit at iba pa.

4. Bawat kalahok ay dapat magpasa ng 2-3 minutong recorded video ng kanilang creative presentation sa email ng [email protected] kalakip ang mga sumusunod na impormasyon:

a. Pangalan ng Grupo
b. Pangalan ng bawat miyembro
c. Barangay
d. Contact number
e. Katibayan na naka-like at follow sa official page ng Jowable Youth.

5. Siguraduhing naka - “public” ang inyong entry at naka-tag ang opisyal na page ng Jowable Youth upang maging QUALIFIED ang inyong entry. Kailangan ding mag tag ng hindi bababa sa 50 na ina sa comment section.

6. Maaaring ipadala ang entry hanggang ika-05 ng Mayo, 2024, alas 5:00 ng hapon. Hindi na makakabilang ang sinumang grupo na magpapasa ng lampas sa itinakdang oras.

7. Ia-announce ang ma-swerteng nanalo sa mismong araw ng mga Ina, ika- 11 ng Mayo, 2024.

8. Maaaring manalo ang grupo ng indibidwal ng mga sumusunod:

Unang Gantimpala: ₱10,000
Ikalawang Gantimpala: ₱ 7,000
Ikatlong Gantimpala: ₱ 5,000

9. Walang malulungkot sa patimpalak na ito dahil ang mga hindi papalaring entries ay makakatanggap ng consolation prizes.

MGA PAMANTAYAN:

Konsepto at Kaangkupan sa Tema: 40%
Mensage ng Pagtatanghal: 30%
Orihinalidad: 30%
Kabuuan: 100%

Ps. Ang lahat ng mga kalahok ay inaanyayahang makiisa at dumalo sa Awarding Ceremony sa darting na ika-11 ng Mayo, ika-1 ng hapon.

13/02/2024

FEB-IBIG: KWENTONG JOWArble PHOTO CONTEST 🫶🏻

Ngayong love month, i-celebrate natin ang mga kwento ng wagas na pagmamahalan sa ating bayan. Chance mo na manalo ng surprising at exciting na pa-premyo mula sa akin. Para makasali, dapat ay kumpletong sundin lamang ang sumusunod:

❤ I-comment ang picture ng iyong partner-in-life at ikwento ang inyong love story
💛 Wag kalimutang ilagay ang inyong pangalan, contact number at address.
💙 Mag-tag ng 10 facebook friends
🧡 I-heart at share ang post na ito

Excited na kaming malaman ang iyong istorya. Punuin natin ng puso at pag-ibig ang buwan ng Pebrero!

25/01/2024

Ikaw ang naniwala
Ikaw ang nagtiwala
Binigyan mo po kami ng karapatan
At tinuruang manindigan

Salamat po, Mayor Reynante "Jowar" S. Bautista sa iyong paggabay
Sa lahat ng oras na iyong inilaan
Ikaw po ang naging susi sa aming tagumpay
At siyang patuloy naming magiging sandigan

Ibinahagi mo po sa amin ang iyong kaarawan
Ito rin ang naging araw ng pagsilang ng aming samahan
Naging bahagi kami ng iyong pagsilang

Nagsilbi kaming isang katuparan
Sa iyong mga kahilingan
Ngayon ay magsisilbi naman kaming katuparan sa ating inang bayan

Maligayang Kaarawan
Sa aming idolong huwaran
Magsisilbi po kayong bayani
Sa aming mga kabataan.

25/01/2024

Samahan niyo kaming ipagdiwang ang ikatlong taong pagkakatatag ng JOWABLE Youth!

Kaugnay nito, nais naming mas mapalawak pa ang saklaw ng mga kabataan upang maging huwaran at maging inspirasyon sa iba!

Gusto mo bang
•Matuto ng iba’t ibang kasanayan at kaalaman?
•Makatulong sa iyong pamilya at pamayanan?
•Magkaroon ng boses sa lipunan?

Kung OO, baka isa ka sa aming hanap.
Sumali na sa JOWABLE Youth (JOWAr Bautista League of Empowered Youth)!

SINO ANG MAAARING SUMALI?
• Kabataan edad 15-30 yrs old
• Naninirahan sa Angat, Bulacan
• Handang gumanap ng boluntaryong gawain para sa komunidad

PAANO SUMALI?

Maaaring sumali sa pamamagitan ng ONLINE REGISTRATION. I-click lang ang link na ito:

http://bit.ly/JowableYouth
http://bit.ly/JowableYouth
http://bit.ly/JowableYouth

Maaari rin i-scan ang code na nasa larawan;

o di kaya’y makipag-ugnayan sa email address: [email protected]

LIBRE lang ang pagsali kaya MAGMADALI!

21/01/2024

Sa ikalawang taon ng pagkatatag ng JOWABLE Youth, ang pag-unlad at paglago ng samahan ay patuloy na namamayani. Ang adbokasiya at mga proyektong itinataguyod ng organisasyon ay patuloy na nagbibigay-buhay at pagkakataon para sa mga kabataan na maging instrumento ng paglilingkod sa kanilang kapwa at sa bayan.

Matagumpay na nakamit ng organisasyon ang accreditation mula sa Securities and Exchange Commission (SEC), NYC - Youth Organization Registration Program (YORP), at pagiging miyembro ng Angat Local Youth Development Council sa pangalawang taon mula sa pagkatatag. Ito ay nagbunga ng mas malakas na pundasyon sa organisasyon at mas malawakang partisipasyon sa iba't ibang proyekto at adbokasiya na nakatutok sa mga pangangailangan ng kabataan.

Ilan sa mga proyektong ipinagmamalaki at naging bahagi ang JOWABLE Youth ay ang Barangay Kumustahan, Plan Ahead, Plant A Tree, A Thousand Trees Project, River Clean Up, Contextual Journalism Workshop, Capacity Development Training and Workshop, Basic First Aid Training, Teenage Pregnancy and Mental Health Awareness. Layunin ng mga proyektong ito na mapalaganap ang kaalaman, magtaguyod ng pag-unlad, at magbigay halaga sa kalikasan at maging sa kapwa.

Sa pagpapatuloy ng mga pagsasagawa ng proyekto at adbokasiya, naging mas matatag ang organisasyon na maglingkod sa kabataan at bayan.

Ang dedikasyon ng pagkakaisa ng bawat isa ay pagpapatunay na tayo ay naglalayong magtagumpay at magdulot ng positibong pagbabago sa ating lipunan.

08/01/2024

𝐉𝐎𝐖𝐀𝐁𝐋𝐄 𝐘𝐨𝐮𝐭𝐡 - 𝐏𝐚𝐠𝐩𝐮𝐩𝐮𝐥𝐨𝐧𝐠 𝐩𝐚𝐫𝐚 𝐬𝐚 𝐔𝐧𝐚𝐧𝐠 𝐐𝐮𝐚𝐫𝐭𝐞𝐫 | 𝐉𝐚𝐧𝐮𝐚𝐫𝐲 𝟕, 𝟐𝟎𝟐𝟒, 𝐬𝐚 𝐭𝐚𝐧𝐠𝐠𝐚𝐩𝐚𝐧 𝐧𝐠 𝐏𝐮𝐧𝐨𝐧𝐠 𝐁𝐚𝐲𝐚𝐧, 𝐀𝐧𝐠𝐚𝐭, 𝐁𝐮𝐥𝐚𝐜𝐚𝐧

Kabilang sa agenda ang mga sumusunod:

1. Pagsasaayos ng mga komite
2. Estratehikong plano para sa mga gawain sa unang tatlong buwan sa taong 2024
3. Talakayang may kinalaman sa nalalapit na ikatlong anibersaryo ng organisasyon
4. Iba pang mga bagay.

Sa patuloy na pagsulong ng mga adbokasiya at inisyatibo ng JOWABLE Youth, ang mga itinakdang gawain para sa mga susunod na buwan ay naglalarawan ng matibay na pundasyon para sa mga makabuluhang paglilingkod at nagpapatunay ng dedikasyon ng organisasyon sa pag-unlad at pagkakaisa na naka-angkla sa masidhi nitong paninindigan; "Hindi dahil bata, walang magagawa."