UNLAD Dolores

05/06/2026

05/06/2026

𝐅𝐈𝐑𝐒𝐓 𝐅𝐑𝐈𝐃𝐀𝐘 𝐎𝐅 𝐉𝐔𝐍𝐄 𝟐𝟎𝟐𝟔 | 𝐏𝐀𝐑𝐈𝐒𝐇 𝐀𝐍𝐃 𝐍𝐀𝐓𝐈𝐎𝐍𝐀𝐋 𝐒𝐇𝐑𝐈𝐍𝐄 𝐎𝐅 𝐎𝐔𝐑 𝐋𝐀𝐃𝐘 𝐎𝐅 𝐒𝐎𝐑𝐑𝐎𝐖𝐒

| Patuloy ang pagdagsa ng daan-daang deboto at mananampalataya ngayong 𝐔𝐧𝐚𝐧𝐠 𝐁𝐢𝐲𝐞𝐫𝐧𝐞𝐬 𝐧𝐠 𝐇𝐮𝐧𝐲𝐨 sa Parish and National Shrine of Our Lady of Sorrows upang taimtim na makibahagi sa Banal na Misa at sa pagdiriwang ng Araw ng Debosyon para kay Mahal na Birheng Dolorosa.

Mahal na Birhen Dolorosa, ipanalangin Mo po kami! 💜🙏

-𝑀𝑔𝑎 𝐿𝑎𝑟𝑎𝑤𝑎𝑛 𝑛𝑎 𝐾𝑢ℎ𝑎 𝑚𝑢𝑙𝑎 𝑠𝑎 𝐼𝑘𝑎𝑙𝑎𝑤𝑎𝑛𝑔 𝐵𝑎𝑛𝑎𝑙 𝑛𝑎 𝑀𝑖𝑠𝑎.

04/06/2026

𝐏𝐀𝐆𝐏𝐀𝐏𝐀𝐋𝐀𝐊𝐀𝐒 𝐀𝐓 𝐏𝐀𝐆𝐏𝐀𝐏𝐀𝐔𝐍𝐋𝐀𝐃 𝐍𝐆 𝐌𝐒𝐌𝐄𝐬, 𝐓𝐈𝐍𝐀𝐋𝐀𝐊𝐀𝐘 𝐍𝐆 𝐋𝐎𝐊𝐀𝐋 𝐍𝐀 𝐏𝐀𝐌𝐀𝐇𝐀𝐋𝐀𝐀𝐍 𝐍𝐆 𝐃𝐎𝐋𝐎𝐑𝐄𝐒 𝐊𝐀𝐓𝐔𝐖𝐀𝐍𝐆 𝐀𝐍𝐆 𝐏𝐑𝐎𝐕𝐈𝐍𝐂𝐈𝐀𝐋 𝐒𝐓𝐀𝐍 𝐊𝐀𝐁𝐔𝐇𝐀𝐘𝐀𝐍

Upang higit na mapalakas ang sektor ng Micro, Small, and Medium Enterprises (MSMEs) sa bayan ng Dolores, isinagawa kanina ang isang pagpupulong sa pagitan ng Lokal na Pamahalaan ng Dolores sa pamumuno ng ating butihing Mayor Orlan A. Calayag at ng Provincial STAN Kabuhayan Program sa pamumuno ni Governor Doktora Helen Tan.

Dinaluhan ang nasabing pagpupulong ng ating butihing Mayor Orlan A. Calayag kasama sina BPLO Head Ms. Sheena Borja, mga kinatawan ng Market Office sa pangunguna ni Sir Domingo Dimayacyac, DTI Dolores Negosyo Center Counselor Ms. Beverly Pantoja, mga kinatawan ng STAN Dolores, at si Konsehal B**g Pionela.

Sa pagpupulong, tinalakay ni Sir Lawrence Joseph Velasco, Head ng Provincial Livelihood and Enterprise Development Unit, ang PalengQue Digitalization Program ng Pamahalaang Panlalawigan. Napag-usapan din ang iba’t ibang programang nakatuon sa pagpapaunlad ng MSMEs, kabilang ang mga business support services, digitalization initiatives, online payment systems, at iba pang oportunidad sa negosyo na makatutulong sa pagpapalago ng kabuhayan at pagpapalakas ng lokal na ekonomiya sa bayan ng Dolores.

Iminungkahi at hiniling rin ng ating butihing Mayor Orlan A. Calayag sa Provincial STAN Kabuhayan ang pagkakaloob ng karagdagang livelihood assistance at iba pang programang pangkabuhayan ng Pamahalaang Panlalawigan na maaaring i-pilot o unang ipatupad sa Dolores upang higit pang mapalawak ang mga oportunidad para sa ating mga negosyante at mamamayan.

Patuloy ang Lokal na Pamahalaan ng Dolores sa pakikipagtulungan sa iba’t ibang ahensya at katuwang na institusyon upang makapaghatid ng mga programang magpapalakas sa sektor ng negosyo, lilikha ng mas maraming oportunidad, at magdadala ng tuloy-tuloy na pag-unlad para sa bawat Doloresin.

04/06/2026

Par'ne Na at maki-ZUMBA kasama ang RHU Dolores!

📣 Inaanyayahan ang lahat ng Doloresin! 💃🕺
Makilahok sa ating Zumba Session at sabay-sabay nating galawin ang katawan para sa mas malusog at masayang pamumuhay!

🗓 June 5, 2026 (Friday)
⏰ 4:30 PM
📍 Unlad Government Center

✨ Walang experience? Ayos lang! Lahat ay welcome!
✨ Mag-enjoy, magpawis, at makisaya kasama ang inyong mga kabarangay!

Tara na, mag-Zumba na! Bring your energy at gawing healthy ang bawat galaw! 💪💖

04/06/2026

Congratulations to the following Doloresin who passed the May 2026 Certified Public Accountant Licensure Examination (CPALE).

May you succeed and flourish well in your professional career. You are genuinely Doloresin’s pride!

ps: Other passers will be added upon notification, confirmation, and verification by the admin.

04/06/2026

| Congratulations to JEAN ERICKA B. BITERANTA PHRN, USRN for successfully passing the April 2026 National Council Licensure Examination for Registered Nurses (NCLEX-RN).

May you succeed and flourish well in your professional career! You are genuinely Doloresin’s pride.

04/06/2026

𝟐𝐍𝐃 𝐐𝐔𝐀𝐑𝐓𝐄𝐑 𝐌𝐄𝐄𝐓𝐈𝐍𝐆 𝐎𝐅 𝐋𝐎𝐂𝐀𝐋 𝐃𝐄𝐕𝐄𝐋𝐎𝐏𝐌𝐄𝐍𝐓 𝐂𝐎𝐔𝐍𝐂𝐈𝐋

Matagumpay na isinagawa kahapon ang 2nd Quarter Meeting ng Local Development Council na pinangunahan ng ating butihing Mayor Orlan A. Calayag upang mapag-usapan, mapagplano, at mapagtibay ang mga programang tunay na makatutugon sa pangangailangan ng bawat pamilyang Doloresin.

Pinangasiwaan ang nasabing pagpupulong ng MPDO sa pangunguna ni Ms. Sheryl Cabrera at dinaluhan ng mga miyembro ng konseho, kabilang ang mga Punong Barangay, mga kinatawan mula sa Civil Society Organizations (CSOs), kasama sina EA Jason D. Ocado, PPSK Kryzt Andrey Bacay, at Kons. Joed Reyes. Naimbitahan din si Municipal Engineer Isaiah Dominic Alilio upang magbigay ng paliwanag hinggil sa mahahalagang proyektong pang-imprastraktura ng pamahalaang lokal.

Sa nasabing pagpupulong, iminungkahi ng mga kinatawan ng CSOs ang pag-apruba sa 2027 20% Development Fund na nakatuon sa pagpapaigting ng turismo, pagsasaayos ng columbarium, konstruksyon ng mga pathways at iba pang imprastraktura, gayundin ng mga programang higit na makatutulong sa sektor ng agrikultura at sa bawat mamamayan. Inaprubahan din sa pagpupulong ang 2027 Annual Investment Program.

Sa kanyang mensahe, ibinahagi ni Mayor Orlan A. Calayag ang kanyang pasasalamat at kasiyahan sa patuloy na pakikiisa ng bawat barangay at sa patuloy na pag-UNLAD ng ating bayan.

Isa itong patunay na sa pamamagitan ng pagkakaisa, maayos na pagpaplano, at sama-samang pagkilos, mas marami pang programa at proyektong makapagbibigay ng kaunlaran at mas magandang kinabukasan para sa bawat Doloresin.

03/06/2026

𝐏𝐀𝐍𝐔𝐍𝐔𝐌𝐏𝐀 𝐒𝐀 𝐊𝐀𝐓𝐔𝐍𝐆𝐊𝐔𝐋𝐀𝐍

| Pinangunahan ng ating butihing Mayor Orlan A. Calayag ang pormal na panunumpa sa kanilang tungkulin bilang bagong talagang SK Councilors (through Katipunan ng Kabataan Assembly) ng Barangay Bungoy, Barangay Cabatang, at Barangay Maligaya. Sila ay sina:

𝐁𝐑𝐆𝐘. 𝐁𝐔𝐍𝐆𝐎𝐘
1. SK Councilor Charisse Dela Rosa Hernandez
𝐁𝐑𝐆𝐘. 𝐂𝐀𝐁𝐀𝐓𝐀𝐍𝐆
1. SK Councilor Pauline M. De Castro
2. SK Councilor Clowie A. Samiano
𝐁𝐑𝐆𝐘. 𝐌𝐀𝐋𝐈𝐆𝐀𝐘𝐀
1. SK Councilor Trixcie Kim G. Juliano

Sinaksihan ang nasabing panunumpa nina PPSK Pres. Kryzt Andrey Bacay kasama sina LYDO Ms. Jaynelyn Anives , SK Chairman na sina SK John Joshua Montano at SK Jr Amat, gayundin si Kons. B**g Pionela.

Congratulations po sa inyong lahat! Naway maging mabuting ehemplo kayo at inspirasyon sa mga kapwa kabataan at maging mahusay na kaagapay ng mga opisyales ng inyong barangay at ng Lokal na Pamahalaan para sa patuloy na mas mapa-UNLAD pa ang ating bayan.

03/06/2026

𝐏𝐔𝐁𝐋𝐈𝐂 𝐒𝐄𝐑𝐕𝐈𝐂𝐄: 𝐋𝐎𝐒𝐓 𝐂𝐄𝐋𝐋𝐏𝐇𝐎𝐍𝐄 | 𝐁𝐋𝐔𝐄 𝐄𝐂𝐎 𝐁𝐀𝐆 𝐖𝐈𝐓𝐇 𝐌𝐄𝐃𝐈𝐂𝐈𝐍𝐄𝐒

Baka sakali pong may nakapulot ng Blue Eco Bag na may laman na mga gamot (PIROXICAM AND PREDNISONE) ni Ma’am Shirley Tarlac. Ayon po sa may-ari, maaaring nawala daw po ito sa may paradahan pa San Pablo papuntang Dolores.

Mangyaring tawagan ang numero na nasa larawan kung sakaling inyo po itong nakita.

Maraming salamat po sa tulong at malasakit.