10/04/2026
REQUIRED NA ANG NATIONAL ID 🧐
Kinahanglan na nga mopresentar og National ID ang mga indigent nga senior citizen sa pagkuha sa ilang social pension.
Gipatuman kini sa Department of Social Welfare and Development (DSWD) sugod niadtong Abril 1, 2026.
Sumala sa Philippine Information Agency (PIA), ang direktiba sa DSWD nagbutang sa Philippine Identification System (PhilSys) isip sentro sa pag-verify sa mga benepisyaryo.
“DSWD continues to recognize and encourage the use of the PhilSys National ID as the primary ID,” matud sa PIA.
Maghatag kini og mas organisado nga database alang sa Social Pension for Indigent Senior Citizens (SPISC) program, nga naghatag og ₱1,000 matag bulan sa mga senior citizen nga walay regular pension o kita.
Giklaro usab sa DSWD nga ang mga senior citizen nga wala pa makadawat sa ilang National ID, mahimo gihapong mogamit og ubang government-issued IDs.
Alang sa dugang balitang lokal, i-follow ang among IG account: instagram.com/yesfmdumagueteofficial
| via Reynalyn A. Labarda, correspondent
