Brgy. San Fabian, Echague, Isabela

26/07/2026

❤️ Mass CPR Day ❤️

Learning CPR today can save a life tomorrow.💙

26/07/2026

Matagumpay na isinagawa ang mga Meetings sa bawat Purok na pinangunahan ng ating mga Purok Kagawad upang maipabatid sa ating mga residente ang mahahalagang update sa mga umiiral na ordinansa, mga programa, at mga kasalukuyang kaganapan sa ating Barangay.

Ang mga pulong na ito ay mahalagang daan upang mapalakas ang komunikasyon sa bawat komunidad at matiyak na ang bawat mamamayan ay may sapat na kaalaman sa mga alituntunin at responsibilidad bilang residente.

Inaasahan ng ating pamunuan ang buong kooperasyon ng bawat isa sa pagsunod sa mga ordinansa at patakaran ng barangay. Sa pamamagitan ng pagkakaisa, disiplina, at pakikiisa ng lahat, mas mapapanatili nating ligtas, maayos, at maunlad ang ating Barangay.

14/07/2026

🏸🎾 RE-OPENING OF PICKLEBALL & BADMINTON COURT! 🎾🏸

📣 GAME ON, SAN FABIAN!
We are excited to announce that our Pickleball & Badminton Court is officially OPEN this Friday! 🏸✨

📌 IMPORTANT REMINDERS:

✅ PAYMENT FIRST POLICY
— Court reservation will only be confirmed upon payment.

✅ SIGNING OF COURT RULES & WAIVER IS REQUIRED
— All players must read, understand, and sign the court rules/waiver before playing.

Let’s play, stay active, and enjoy a fun and safe sports experience! 💙🤍

🕘 Registration Time: 9:00 AM – 4:00 PM only

📍 See you at the court!
🏸 Bring your friends and let’s make every game count!

12/07/2026

Patuloy ang ating masisipag na Sangguniang Kabataan (SK) Officials sa pagpipintura ng mga gutter sa ating barangay(Purok 4- Gawad/Core)bilang bahagi ng pagpapaganda at pagpapanatili ng kaayusan sa ating komunidad.
Hindi lamang ito tungkol sa pagpapaganda ng ating kapaligiran, kundi isa ring paalala sa bawat isa na pangalagaan ang ating mga gutter sa pamamagitan ng hindi pagtatapon ng basura at pagpapanatiling malinis at maaliwalas ang mga ito. Ang malinis na gutter ay nakatutulong upang maiwasan ang pagbabara, pagbaha, at mapanatili ang kalinisan ng ating barangay.
Inaanyayahan natin ang bawat residente na makiisa sa pangangalaga ng ating kapaligiran. Sa pamamagitan ng sama-samang pagkilos, makakamit natin ang isang malinis, ligtas, at maayos na Barangay San Fabian.
Maraming salamat sa ating SK Officials sa kanilang dedikasyon at patuloy na paglilingkod sa kabataan at sa buong komunidad. 💚

13/06/2026

🇵🇭🌳 Araw ng Kalayaan 2026 🌳🇵🇭

Bilang pakikiisa sa pagdiriwang ng Araw ng Kalayaan, matagumpay na naisagawa ng ating Barangay ang Tree Planting Activity at Clean-Up Drive/General Cleaning sa mga pasilidad ng barangay.

Ang gawaing ito ay hindi lamang pagpapakita ng pagmamahal sa ating kalikasan kundi pati na rin ng ating pagkakaisa at malasakit sa kalinisan ng komunidad. Sa pamamagitan ng pagtatanim ng mga puno at paglilinis ng ating kapaligiran, ipinapakita natin ang ating responsibilidad bilang mamamayan na pangalagaan ang ating barangay.

Sama-sama nating ipagpatuloy ang pagkakaisa para sa isang malinis, luntian, at maunlad na barangay.





💙

10/06/2026

Matapos ang naiparating na concern ng ating kabarangay hinggil sa delikadong poste ng kuryente sa Purok 1, agad po itong naipaabot sa ISELCO at isinasagawa na ang kinakailangang pagkukumpuni para maiwasan ang anumang panganib, lalo na ngayong panahon ng bagyo.

Maraming salamat po sa maagap na pag-uulat ng ating mga residente at sa mabilis na aksyon ng mga kinauukulan para sa kaligtasan ng ating komunidad.

🫰🏻💙

06/06/2026

PAALALA SA LAHAT NG RESIDENTE

Nais po naming paalalahanan ang bawat residente na maging mas mapagmatyag at alerto, lalo na tuwing gabi.

✅ Siguraduhing nakakandado ang mga pinto, bintana, at gate bago matulog o umalis ng bahay.
✅ Mag-ingat sa mga hindi kilalang tao na paikot-ikot o kahina-hinala ang kilos sa ating lugar.
✅ Panatilihing maliwanag ang paligid ng inyong tahanan kung maaari.
✅ Agad na i-report sa ating mga opisyal o kinauukulan ang anumang kahina-hinalang pangyayari o tao.

Ang seguridad ng ating komunidad ay responsibilidad nating lahat. Sa pamamagitan ng pagtutulungan, pag-iingat, at pagiging mapagmatyag, makatutulong tayo upang mapanatiling ligtas at payapa ang ating lugar.

Maraming salamat po at manatiling ligtas ang bawat isa.💙

05/06/2026

05/06/2026

MATAGUMPAY NA CLEAN-UP ACTIVITY 2026 ♻️🌿

Simultaneous Clean-Up Activity ngayong Hunyo 5, 2026, bilang pagdiriwang ng World Environment Day at pakikiisa sa Philippine Environment Month.

Ang gawaing ito ay patunay na sa sama-samang pagkilos, malaki ang ating magagawa upang mapanatiling malinis, ligtas, at maayos ang ating kapaligiran para sa kasalukuyan at sa mga susunod na henerasyon.

Maraming salamat sa inyong aktibong pakikilahok at suporta. Nawa’y maging inspirasyon ito upang patuloy nating pangalagaan ang ating kapaligiran araw-araw.