19/07/2026
📣 PAHIBALO SA TANAN NGA ESTANCIAHANON!
🩻 LIBRE NGA CHEST X-RAY
“Pangitaon ang TB antes pa ini maglala!”
Ang Municipal Health Office sang Estancia, sa pagpakig-upod sa International Care Ministries (ICM) magapatigayon sang Tuberculosis Active Case Finding (ACF) pinaagi sa LIBRE NGA Chest X-ray agud mapangita sing temprano ang TB kag malikawan ang paglapta sini sa aton komunidad.
📅 Petsa: Hulyo 20, 2026 (Lunes)
🕗 Oras: 8:00 AM
📍 Lugar: Barangay Hall, Poblacion Zone 2 (Bagsakan), Estancia, Iloilo
Sino ang mahimo mag-avail?
✅ Tanan nga Estanciahanon nga nagaedad sang 15 anyos pataas
Ginapadasig gid nga magpa-Chest X-ray ang mga yara sa mas mataas nga risgo sa TB, pareho sang:
✔️ Mga nakasalamuha ukon kaupod sa balay sang positibo sa TB
✔️ Mga Senior Citizens
✔️ Mga nagapanigarilyo (smokers)
✔️ Mga drivers (tricycle, jeep, van, bus, truck, taxi, kag iban pa)
✔️ Mga may diabetes kag iban pa nga comorbidities
✔️ Persons Living with HIV (PLHIV)
✔️ Mga may ubo nga nagalawig sang duha (2) ka semana ukon labaw pa, ukon may hilanat, pagpangapoy sa gab-i, kag naganubo ang timbang
💙 LIBRE ang Chest X-ray! Wala sang bayad kag wala kinahanglan sang referral.
Ang temprano nga pagpangita sang TB nagaluwas sang kabuhi. Kon temprano makita, temprano man matambalan kag malikawan ang paglapta sang sakit.
📢 Ayaw pagpalampasa ini nga kahigayunan! Magpa-Chest X-ray na kag buligan naton ang aton komunidad nga mahimong luwas sa TB.
“Libre nga Chest X-ray! Pangitaon ang TB antes pa ini maglala.”
Para sa dugang nga impormasyon, makig-angut sa inyong Barangay Health Worker sang Poblacion Zone II ukon sa Municipal Health Office sang Estancia.
