DARMO Gasan-Buenavista Cluster

25/05/2026

𝑺𝑰𝑩𝒔 | 𝑶𝒓𝒈𝒂𝒏𝒊𝒛𝒂𝒕𝒊𝒐𝒏𝒂𝒍 𝑴𝒂𝒏𝒂𝒈𝒆𝒎𝒆𝒏𝒕 𝒂𝒏𝒅 𝑮𝒐𝒗𝒆𝒓𝒏𝒂𝒏𝒄𝒆

Noong ika-19 ng Mayo 2026, matagumpay na naisagawa ang pagsasanay tungkol sa 𝙊𝙧𝙜𝙖𝙣𝙞𝙯𝙖𝙩𝙞𝙤𝙣𝙖𝙡 𝙈𝙖𝙣𝙖𝙜𝙚𝙢𝙚𝙣𝙩 𝙖𝙣𝙙 𝙂𝙤𝙫𝙚𝙧𝙣𝙖𝙣𝙘𝙚 para sa 𝙎𝙖𝙧𝙞𝙡𝙞𝙣𝙜 𝙎𝙞𝙠𝙖𝙥 𝙁𝙖𝙧𝙢𝙚𝙧𝙨 𝘼𝙨𝙨𝙤𝙘𝙞𝙖𝙩𝙞𝙤𝙣 (𝙎𝙎𝙁𝘼) sa Sitio Daat, Brgy. Sihi, Buenavista, Marinduque.

Layunin ng pagsasanay na ito na mapalawak ang kaalaman at kakayahan ng mga miyembro at opisyal ng samahan sa wastong pamamahala at epektibong pamumuno upang mapabuti ang operasyon, pagpapasya, at pagtupad sa kanilang mga tungkulin at responsibilidad. Nilalayon din nitong maisulong ang maayos at responsableng pamamahala tungo sa patuloy na pag-unlad ng samahan.

24/05/2026

𝑺𝑰𝑩𝒔 | 𝑺𝒕𝒓𝒂𝒕𝒆𝒈𝒊𝒄 𝑫𝒆𝒗𝒆𝒍𝒐𝒑𝒎𝒆𝒏𝒕 𝑷𝒍𝒂𝒏𝒏𝒊𝒏𝒈 𝑾𝒐𝒓𝒌𝒔𝒉𝒐𝒑 (𝑺𝑫𝑷𝑾)

Matagumpay na naisagawa ang Strategic Development Planning Workshop ng Malbog Multi-Purpose Farmers Cooperative (MMPFC) noong Mayo 11–12, 2026 sa Brgy. Malbog, Buenavista.

Ang nasabing pagsasanay ay napakahalaga sapagkat nagsisilbi itong gabay ng samahan sa pagbuo ng malinaw na direksyon, layunin, at mga estratehiya para sa pangmatagalang pag-unlad. Sa pamamagitan nito, nabibigyang pagkakataon ang mga miyembro na masuri ang kasalukuyang kalagayan ng kanilang kooperatiba, matukoy ang mga hamon at oportunidad, at makabuo ng mga konkretong plano at programa na makatutulong sa paglago at pagpapatatag ng samahan.

Patuloy ang pagsisikap ng Kagawaran ng Repormang Pansakahan sa pagpapalakas ng samahan sa pamamagitan ng mga gawaing magpapataas ng kakayahan ng mga miyembro at magtataguyod ng pagkakaisa, maayos na pamamahala, at pangmatagalang kaunlaran.

23/05/2026

𝑺𝑰𝑩𝒔 𝑻𝒓𝒂𝒊𝒏𝒊𝒏𝒈: 𝑺𝒕𝒓𝒂𝒕𝒆𝒈𝒊𝒄 𝑫𝒆𝒗𝒆𝒍𝒐𝒑𝒎𝒆𝒏𝒕 𝑷𝒍𝒂𝒏𝒏𝒊𝒏𝒈 𝑾𝒐𝒓𝒌𝒔𝒉𝒐𝒑 (𝑺𝑫𝑷𝑾)

Nagsagawa ng Strategic Development Planning Workshop (SDPW) ang Buklurang Itinatag ng Mamamayan ng Daykitin (BIDA) Tungo sa Pag-unlad Agriculture Cooperative noong Mayo 7–8, 2026 sa Daykitin, Buenavista, Marinduque.

Layunin ng nasabing pagsasanay na matulungan ang samahan sa pagbuo ng malinaw na direksyon, mga layunin, at mga estratehiya para sa patuloy na paglago at pag-unlad ng kanilang ARBO. Mahalaga ang Strategic Development Planning sapagkat nagsisilbi itong gabay ng samahan sa pagtukoy ng kanilang mga prayoridad, wastong paggamit ng mga yaman, at pagbuo ng mga plano at programang makatutugon sa pangangailangan ng kanilang mga miyembro.

Sa pamamagitan nito, higit na napapalakas ang kapasidad ng samahan sa paggawa ng mga desisyong pang-organisasyon at napapanatili ang maayos, epektibo, at pangmatagalang pagpapatakbo ng kanilang kooperatiba.

23/05/2026

📍𝐎𝐜𝐮𝐥𝐚𝐫 𝐈𝐧𝐬𝐩𝐞𝐜𝐭𝐢𝐨𝐧 & 𝐒𝐏𝐋𝐈𝐓 𝐏𝐫𝐨𝐣𝐞𝐜𝐭 𝐑𝐞𝐯𝐚𝐥𝐢𝐝𝐚𝐭𝐢𝐨𝐧
🗓️ Ika-29 ng Abril 2026

Isinagawa ng DARMO Gasan–Buenavista Cluster ang Ocular Inspection para sa DAR Clearance alinsunod sa Administrative Order No. 8 sa Bangbang, Gasan.

Kasabay nito, isinagawa rin ang Revalidation para sa SPLIT Project sa mga barangay Yook at Bicas-bicas, Buenavista, Marinduque.

✅ Layunin ng mga aktibidad na ito na masiguro ang tamang implementasyon ng mga programa ng DAR, partikular sa land tenure improvement at sa patuloy na pagpapalakas ng mga agrarian reform beneficiaries (ARBs).

🤝 Ang mga gawain ay naisakatuparan sa pakikipagtulungan ng mga lokal na pamahalaan at mga benepisyaryo upang matiyak ang transparency, legalidad, at kaayusan ng proseso.

✨ Patuloy ang DARMO Gasan–Buenavista Cluster sa pagbibigay ng serbisyo tungo sa mas makatarungan at mas maunlad na pamayanan.

23/05/2026

𝐁𝐁𝐏𝐌𝐏𝐂 𝐍𝐚𝐠𝐬𝐚𝐠𝐚𝐰𝐚 𝐧𝐠 𝐒𝐩𝐞𝐜𝐢𝐚𝐥 𝐌𝐞𝐞𝐭𝐢𝐧𝐠 𝐚𝐭 𝐑𝐞𝐨𝐫𝐠𝐚𝐧𝐢𝐳𝐚𝐭𝐢𝐨𝐧

Matagumpay na naisagawa noong Mayo 6, 2026 ang “𝙎𝙥𝙚𝙘𝙞𝙖𝙡 𝙈𝙚𝙚𝙩𝙞𝙣𝙜” ng 𝘽𝙪𝙚𝙣𝙖𝙫𝙞𝙨𝙩𝙖 𝘽𝙖𝙜𝙤𝙤𝙣𝙜 𝙋𝙧𝙤𝙙𝙪𝙘𝙚𝙧𝙨 𝙈𝙪𝙡𝙩𝙞-𝙋𝙪𝙧𝙥𝙤𝙨𝙚 𝘾𝙤𝙤𝙥𝙚𝙧𝙖𝙩𝙞𝙫𝙚 (𝘽𝘽𝙋𝙈𝙋𝘾) sa kanilang Shared Service Facility sa Sitio Escolta, Brgy. Libas, Buenavista.

Layunin ng pagpupulong na maibahagi sa bawat miyembro ang mga updates hinggil sa kasalukuyang kalagayan at mga aktibidad ng samahan. Nagsagawa rin ng halalan para sa mga bagong mamumuno ng samahan bilang bahagi ng reorganisasyon. Isang mahalagang hakbang ito upang higit na mapalakas ang pamamahala at mapanatili ang pagkakaisa ng samahan.

Patuloy ang Pambayang Tanggapan ng Repormang Pansakahan ng Gasan/Buenavista Cluster sa pagbibigay ng suporta at pagpapatibay sa bawat Agrarian Reform Beneficiaries Organization (ARBO) tungo sa mas matatag at maunlad na samahan.

18/05/2026

𝐍𝐀𝐊𝐈𝐊𝐈𝐈𝐒𝐀 𝐀𝐓 𝐍𝐀𝐆𝐏𝐔𝐏𝐔𝐆𝐀𝐘 𝐚𝐧𝐠 𝐃𝐀𝐑𝐌𝐎 𝐆𝐚𝐬𝐚𝐧-𝐁𝐮𝐞𝐧𝐚𝐯𝐢𝐬𝐭𝐚 𝐂𝐥𝐮𝐬𝐭𝐞𝐫 𝐬𝐚 𝐏𝐚𝐠𝐝𝐢𝐫𝐢𝐰𝐚𝐧𝐠 𝐧𝐠 𝐁𝐔𝐖𝐀𝐍 𝐍𝐆 𝐌𝐀𝐆𝐒𝐀𝐒𝐀𝐊𝐀 𝐀𝐓 𝐌𝐀𝐍𝐆𝐈𝐍𝐆𝐈𝐒𝐃𝐀 2026

Sa bisa ng "𝑷𝒓𝒆𝒔𝒊𝒅𝒆𝒏𝒕𝒊𝒂𝒍 𝑷𝒓𝒐𝒄𝒍𝒂𝒎𝒂𝒕𝒊𝒐𝒏 𝑵𝒐. 33, 𝒔. 1989", ipinagdiriwang tuwing buwan ng Mayo ang Buwan ng Magsasaka at Mangingisda — bilang pagkilala sa kanilang walang sawang pagsisikap, sakripisyo, at pagsisikap na magkaroon ng pagkain sa bawat hapag.

Ang DARMO Gasan–Buenavista Cluster ay taos-pusong nagpupugay sa ating mga Agrarian Reform Beneficiaries (ARBs), Agrarian Reform Beneficiaries Organizations (ARBOs), at lahat ng mga magsasaka at mangingisda na patuloy na nagsusulong ng pag-unlad sa ating mga komunidad.

Ang inyong pawis ay binhi ng pag-asa, ang inyong mga kamay ay sandigan ng kabuhayan, at ang inyong dedikasyon ay inspirasyon sa bawat Pilipino.

Sama-sama nating ipagdiwang ang buwang ito bilang patunay na ang tunay na pag-unlad ay nagsisimula sa lupa at dagat — sa mga taong walang sawang nagbubungkal, nangingisda, at nagmamahal sa kapwa Pilipino.

𝐌𝐚𝐫𝐚𝐦𝐢𝐧𝐠 𝐬𝐚𝐥𝐚𝐦𝐚𝐭 𝐩𝐨 𝐬𝐚 𝐢𝐧𝐲𝐨𝐧𝐠 𝐬𝐞𝐫𝐛𝐢𝐬𝐲𝐨, 𝐬𝐚𝐤𝐫𝐢𝐩𝐢𝐬𝐲𝐨, 𝐚𝐭 𝐩𝐚𝐠𝐦𝐚𝐦𝐚𝐡𝐚𝐥 𝐬𝐚 𝐚𝐭𝐢𝐧𝐠 𝐈𝐧𝐚𝐧𝐠 𝐁𝐚𝐲𝐚𝐧!

13/05/2026

12/05/2026

🌱✨ 𝐏𝐚𝐠𝐛𝐢𝐬𝐢𝐭𝐚 𝐬𝐚 𝐕𝐞𝐠𝐞𝐭𝐚𝐛𝐥𝐞 𝐏𝐫𝐨𝐝𝐮𝐜𝐭𝐢𝐨𝐧 Site 𝐧𝐠 𝐁𝐈𝐅𝐀𝐂𝐎✨🌱

Noong Mayo 5, 2026, isinagawa ng mga Development Facilitators (DF) mula sa DARMO Gasan-Buenavista Cluster ang pagbisita sa vegetable production site ng 𝘽𝙖𝙘𝙝𝙖𝙤-𝙄𝙡𝙖𝙮𝙖 𝙁𝙖𝙧𝙢𝙚𝙧𝙨 𝘾𝙤𝙤𝙥𝙚𝙧𝙖𝙩𝙞𝙫𝙚 (𝘽𝙄𝙁𝘼𝘾𝙊) sa Bachao-Ilaya, Gasan, Marinduque.

Ang BIFACO ay isa sa mga Agrarian Reform Beneficiaries Organizations (ARBOs) na patuloy na inaasistihan ng DAR. Kabilang din sila sa mga benepisyaryo ng Sustainable Livelihood Support (SLS) Project, kung saan nakapaloob ang pagtatayo ng SLS site na humigit-kumulang 1,000 metro kwadrado bilang suporta sa kanilang produktibong kabuhayan. Ang programa ay pinapamahalaan ni Joel Quinto, Agrarian Reform Program Officer I (ARPO I) ng DAR Marinduque at SLS Focal Point Person.

👩‍🌾👨‍🌾 Sa isinagawang pagbisita, nagdala ang mga DF ng karagdagang gamit para sa gulayan tulad ng seeds, seedling trays, at drum, at nagbigay din ng ilang teknikal na paalala at rekomendasyon upang higit pang mapalakas ang kanilang produksyon.

🤝 Sa pamamagitan ng proyektong ito, mas napapalakas ang kakayahan ng mga magsasaka ng BIFACO na magpatuloy sa sustainable vegetable farming, na nag-aambag hindi lamang sa kita ng kanilang kooperatiba kundi pati na rin sa seguridad sa pagkain ng komunidad.

12/05/2026

𝑺𝒖𝒑𝒐𝒓𝒕𝒂 𝒂𝒕 𝑷𝒂𝒈𝒕𝒖𝒕𝒖𝒍𝒖𝒏𝒈𝒂𝒏 𝒑𝒂𝒓𝒂 𝒔𝒂 𝑨𝑹𝑩𝑶𝒔 𝒏𝒈 𝑮𝒂𝒔𝒂𝒏!💪🧑‍🌾

Ang DARMO Gasan-Buenavista Cluster ay buong pusong nakibahagi at sumubaybay sa pagsasagawa ng General Assembly ng Dawis Coconut Farmers Cooperative (DCFACO) — isa sa mga Agrarian Reform Beneficiaries Organization (ARBO) mula sa bayan ng Gasan.

Ang pagtitipong ito ay mahalagang hakbang upang mapagtibay ang demokrasya, transparency, at kooperasyon sa loob ng kooperatiba.

Sa pamamagitan ng General Assembly, naipapahayag ng mga kasapi ang kanilang mga pananaw, mungkahi, at desisyon para sa ikauunlad ng kanilang samahan.

Ang DARMO Gasan-Buenavista Cluster ay patuloy na nakahandang magbigay-gabay, suporta, at tulong teknikal upang masiguro ang matagumpay na pagpapatupad ng mga programa ng ARBOs.

Mabuhay ang Dawis Coconut Farmers Cooperative at lahat ng ARBOs na nagsusulong ng pag-asa, pag-unlad, at pagtutulungan sa ating komunidad!