Barangay Santiago General Trias Cavite

24/08/2026

❤️ Kalusugan ay para sa lahat—alagaan, pahalagahan, at huwag ipagwalang-bahala.

May pagkakataon na naman po tayong makapagbigay-pansin sa ating kalusugan at makatanggap ng mga serbisyong medikal at dental. Inaanyayahan namin ang ating mga kababayan na makiisa at samantalahin ang mga serbisyong hatid para sa ating komunidad. 🩺🦷💙

🩺😷 MEDICAL & DENTAL MISSION 💉💊
📅 Agosto 27, 2026 (Huwebes)
🕘 9:00 AM
📍 Barangay Santiago Covered Court

🌟 KARAGDAGANG SERBISYO: YAKAP REGISTRATION! 🌟
Para sa ating mga PhilHealth members, magkakaroon din po ng YAKAP registration sa araw ng ating Medical & Dental Mission. 💙

📌 Para sa YAKAP Registration:
Ipakita ang inyong PhilHealth ID o ipresenta ang inyong PhilHealth Number upang makapagparehistro. 💙

Huwag palampasin ang pagkakataong ito upang makapagparehistro at mapakinabangan ang mga serbisyong maaaring makatulong sa pangangalaga ng inyong kalusugan.

Hatid ito ng Provincial Government of Cavite, katuwang ang Local Government of General Trias sa pamamagitan ng Mayor’s Office at City Health Office (CHO) .

📣 Magkita-kita po tayo! Dalhin ang inyong pamilya, mga kaibigan, at kapitbahay at sama-sama nating bigyang-halaga ang kalusugan ng bawat Gentriseño. 🙏💙

Serbisyong malapit, malasakit na tunay, para sa mas malusog na komunidad.

19/08/2026

📢 BARANGAY SANTIAGO AY BUKAS SA PAGLILINGKOD!
AUGUST 20, 2026

🏢 BARANGAY SANTIAGO OFFICE

Ang ating Barangay Santiago Office ay BUKAS at NAKA-FULL FORCE SA PAGLILINGKOD bukas Agosto 20, 2026.

Para sa mga residenteng nangangailangan ng:
✅ Barangay Clearance
✅ Barangay Certificates
✅ Iba’t Ibang Barangay Services

Patuloy ang ating tuloy-tuloy na serbisyo para sa bawat kabarangay.

Laging Handa, Laging Naglilingkod.

18/08/2026

17/08/2026

𝗣𝗔𝗨𝗡𝗔𝗡𝗚 𝗔𝗞𝗦𝗬𝗢𝗡 𝗣𝗔𝗥𝗔 𝗦𝗔 𝗞𝗔𝗟𝗜𝗚𝗧𝗔𝗦𝗔𝗡 𝗡𝗚 𝗠𝗢𝗧𝗢𝗥𝗜𝗦𝗧𝗔 𝗔𝗧 𝗣𝗘𝗗𝗘𝗦𝗧𝗥𝗜𝗔𝗡 ⚠️‼️

Bilang paunang aksyon, agad tayong naglagay ng signage “𝐂𝐀𝐔𝐓𝐈𝐎𝐍: 𝐔𝐍𝐄𝐕𝐄𝐍 𝐑𝐎𝐀𝐃 𝐒𝐔𝐑𝐅𝐀𝐂𝐄” sa nasabing lugar upang mabigyan ng maagang babala ang mga motorista at ibang uri ng mga sasakyan at higit ng mga residente, tungkol sa hindi pantay na kondisyon ng kalsada. Layunin nitong maiwasan ang anumang aksidente o disgrasya habang hinihintay ang kinakailangang pagkukumpuni at mas permanenteng solusyon sa nasabing bahagi ng kalsada. Paumanhin dahil sa masamang lagay ng panahon at hindi agad ito makumpuni. Salamat po sa inyong pang-unawa 🫶🏻💚

12/08/2026

📢 PAALALA SA MGA BENEPISYARYO NG UPLIFT PROGRAM! 💚

Para sa mga NAABISUHANG BENEPISYARYO ng
UPLIFT Program, narito ang mga detalye ng payout:

📅 August 14, 2026 (Biyernes)
⏰ 8:00 AM
📍 Covered Court, Pennsylvania Subd., Brgy. San Juan I, City of General Trias, Cavite

📌 MAHALAGANG PAALALA:

✅ Ang payout ay PARA LAMANG sa mga naabisuhang benepisyaryo ng UPLIFT Program.

✅ Ang opisyal na listahan ng mga benepisyaryo ay batay sa 2024 Community-Based Monitoring System (CBMS).

❌ Walang walk-in o bagong aplikasyon sa araw ng payout.

🪪 MAGDALA NG VALID ID.
❗ Hindi po tinatanggap ang Barangay ID bilang valid ID para sa payout.

🏠 Kung ang address na nakalagay sa inyong Valid ID ay HINDI sa General Trias, kinakailangan po na magdala rin ng Certificate of Residency bilang patunay na kayo ay residente ng General Trias.

📄 Mangyaring dalhin ang lahat ng kinakailangang dokumento at requirements upang maging maayos at mabilis ang proseso ng payout.

📌 PAALALA: Ang listahan ng mga benepisyaryo ay hindi galing sa Barangay at City Hall. Ang listahan ng UPLIFT beneficiaries ay batay sa 2024 CBMS ng Philippine Statistics Authority (PSA) at ipinatutupad ng DSWD.

🙏 Kung kayo ay kabilang sa mga naabisuhan, mangyaring dumating sa itinakdang lugar at oras at dalhin ang inyong mga kinakailangang dokumento.
Maraming salamat po sa inyong pakikiisa, pang-unawa, at kooperasyon! 💚

11/08/2026

🚯 HUWAG MAGTAPON NG BASURA!

BEFORE & AFTER

Matapos ang insidente ng ilegal na pagtatapon ng basura, agad na isinagawa ang paglilinis sa nasabing lugar upang maibalik ang kalinisan at kaayusan.

Huwag magtapon ng basura kung saan-saan. Panatilihin nating malinis ang ating barangay! ♻️🧹

11/08/2026

𝗔𝗚𝗔𝗥𝗔𝗡𝗚 𝗔𝗞𝗦𝗬𝗢𝗡 𝗟𝗔𝗕𝗔𝗡 𝗦𝗔 𝗜𝗟𝗟𝗘𝗚𝗔𝗟 𝗗𝗨𝗠𝗣𝗜𝗡𝗚
𝗔𝗡𝗚 𝗞𝗔𝗟𝗦𝗔𝗗𝗔 𝗔𝗬 𝗛𝗜𝗡𝗗𝗜 𝗕𝗔𝗦𝗨𝗥𝗔𝗛𝗔𝗡‼️

⚠️ PAALALA: Naglalaman ng maseselang at nakakadiring larawan.

Isang lalaki ang nai-report na nakitang nagtatapon ng mga sako ng nabubulok na manok sa kahabaan ng Mayors Drive. Agad itong inaksyunan ng Barangay Santiago, sa pangunguna ni Punong Barangay Clodualdo Jojo Mendoza, kasama sina Kagawad Ryan Dua, Kagawad Lauro Pagkaliwangan, at Kagawad Ranjay Mendoza Santor.

Agad ding nakipag-ugnayan ang Barangay Santiago sa CENRO General Trias at kay Mayor Jon-Jon Ferrer para sa kaukulang aksyon at koordinasyon kaugnay ng insidente.

Ang nasabing indibidwal ay 𝘀𝗶𝗻𝗮𝗺𝗽𝗮𝗵𝗮𝗻 𝗻𝗴 𝗸𝗮𝘂𝗸𝘂𝗹𝗮𝗻𝗴 𝗸𝗮𝘀𝗼 𝘀𝗮 𝗶𝗹𝗮𝗹𝗶𝗺 𝗻𝗴 𝗥𝗲𝗽𝘂𝗯𝗹𝗶𝗰 𝗔𝗰𝘁 𝗡𝗼. 𝟵𝟬𝟬𝟯, 𝗼 𝗘𝗰𝗼𝗹𝗼𝗴𝗶𝗰𝗮𝗹 𝗦𝗼𝗹𝗶𝗱 𝗪𝗮𝘀𝘁𝗲 𝗠𝗮𝗻𝗮𝗴𝗲𝗺𝗲𝗻𝘁 𝗔𝗰𝘁 𝗼𝗳 𝟮𝟬𝟬𝟬, dahil sa ilegal na pagtatapon ng basura.

Nais din ng Barangay Santiago na magpasalamat kay Kagawad Orly Corpuz ng San Francisco sa kanyang agarang pagre-report ng insidente, na naging daan upang mabilis itong maaksyunan ng ating barangay.

🤝 Maraming salamat sa lahat ng nakikiisa at tumutulong sa pagpapanatili ng kalinisan at kaayusan ng ating komunidad.

♻️ Magtapon sa tamang lugar. Huwag magkalat.
Para sa malinis, maayos, at disiplinadong Barangay Santiago!

03/08/2026

🇵🇭 UNANG LUNES NG AGOSTO 🇵🇭

Sama-sama nating sinalubong ang bagong buwan sa pamamagitan ng Flag Raising Ceremony. Nawa’y patuloy tayong magkaisa at maglingkod nang tapat para sa ating mga kabarangay. 💚💙

Maraming salamat sa lahat ng nakiisa at dumalo. Sama-sama nating ipagpatuloy ang tapat at makabuluhang paglilingkod sa ating komunidad.

💚💙 Serbisyong Tapat, Makikinabang Lahat! 🇵🇭

31/07/2026

💈𝗟𝗜𝗕𝗥𝗘𝗡𝗚 𝗚𝗨𝗣𝗜𝗧𝗔𝗡 𝗦𝗔 𝗕𝗘𝗟𝗟𝗔 𝗩𝗜𝗦𝗧𝗔!✂️

Premium Scripture Barbershop

📢 Libreng gupit para sa mga taga-Bella Vista!

ＦＩＲＳＴ (80) ＯＮＬＹ (PER DAY)
-1 PER HOUSE HOLD ONLY🫶🏻

🗓️ August 1 & 2, 2026
🕘 9:00 AM – 9:00 PM

📍 B47 L21, 3rd Floor
Beside ABC Clinic
Caserta St., Cluster 1, Bella Vista

👥 Target Age: 16–45years old
✅ 𝗙𝗥𝗘𝗘 𝗙𝗢𝗥 𝗔𝗟𝗟

✨ Tara na at magpagupit nang libre! Dalhin ang inyong pamilya at mga kaibigan. Kita-kits sa Premium Scripture Barbershop!

31/07/2026

📢 PAUNAWA SA MGA UPLIFT BENEFICIARIES

Ang DSWD ay nagbigay ng listahan ng mga UPLIFT Beneficiaries na kailangang ma-interview.

📌 Ang listahan ng mga beneficiaries ay makikita sa ibaba. Mangyaring tingnan kung kasama ang inyong pangalan.

Para sa mga nasa listahan, hinihikayat na ang Head of the Family ay personal na pumunta sa barangay upang sumailalim sa interview ng DSWD.

📄 Dalhin ang:
• Valid ID
• Photocopy ng Valid ID

👉 Kung hindi makakapunta ang Head of the Family, maaaring isa sa kanilang family member na nakalista ang pumunta at magdala rin ng Valid ID at photocopy nito.

📅 DATE: August 1, 2026
⏰ TIME: 8:00 AM – 11:00 AM
📍 VENUE: Barangay Santiago Covered Court

PAALALA: Mangyaring tingnan ang listahan sa ibaba at siguraduhing may dalang kinakailangang dokumento.
Maraming salamat po sa inyong pakikiisa at kooperasyon! 🤝💙💚

MAHALAGANG PAALALA:
Ang listahang ito ay mula mismo sa DSWD. Ang Barangay Santiago ay hindi po ang namili, nag-screen, o nagtakda ng mga pangalan na kasama sa listahan. Ang barangay ay tagapagbigay lamang ng impormasyon at katuwang sa pagpapabatid sa mga nakalista.

BARANGAY SANTIAGO
Serbisyong Tapat, Makikinabang Lahat