Gloria Municipal Gazette

01/06/2026

Ang RCSP Serbisyo Caravan ay darating sa Barangay Malamig ngayong Hunyo 2, 2026!

Kasama ang iba’t ibang tanggapan ng pamahalaan upang ilapit ang mga pangunahing serbisyo sa bawat mamamayan. Mula sa mga programang pangkalusugan, agrikultura, social services, dokumentasyon, at iba pang mahahalagang serbisyo, lahat ay handang maglingkod para sa inyo.

📍 Barangay Malamig
📅 Hunyo 2, 2026

Inaanyayahan namin ang lahat ng mamamayan ng Barangay Malamig na makiisa at samantalahin ang mga serbisyong hatid ng pamahalaang bayan ng Gloria.

Para sa Luntiang Bayan!

30/05/2026

𝐆𝐫𝐚𝐧𝐝 𝐒𝐚𝐧𝐭𝐚𝐜𝐫𝐮𝐳𝐚𝐧 𝟐𝟎𝟐𝟔🌸
𝑻𝒆𝒎𝒂: “𝑴𝒂𝒌𝒊𝒊𝒔𝒂, 𝑴𝒂𝒌𝒊𝒔𝒂𝒎𝒂 𝒔𝒂 𝑷𝒂𝒈𝒑𝒖𝒑𝒖𝒓𝒊 𝒌𝒂𝒚 𝑴𝒂𝒓𝒊𝒂”.

Ang 𝐏𝐚𝐦𝐚𝐡𝐚𝐥𝐚𝐚𝐧𝐠 𝐁𝐚𝐲𝐚𝐧 𝐧𝐠 𝐆𝐥𝐨𝐫𝐢𝐚, sa pakikipagtulungan ng 𝐌𝐮𝐧𝐢𝐜𝐢𝐩𝐚𝐥 𝐓𝐨𝐮𝐫𝐢𝐬𝐦, 𝐂𝐮𝐥𝐭𝐮𝐫𝐞 𝐚𝐧𝐝 𝐀𝐫𝐭𝐬 𝐂𝐨𝐮𝐧𝐜𝐢𝐥 (𝐌𝐓𝐂𝐀𝐂) at iba pang katuwang na sektor ay malugod na nag-aanyaya sa lahat ng mamamayang Gloriano na makibahagi sa 𝐆𝐫𝐚𝐧𝐝 𝐒𝐚𝐧𝐭𝐚𝐜𝐫𝐮𝐳𝐚𝐧 𝟐𝟎𝟐𝟔 na gaganapin bukas, 𝐚𝐫𝐚𝐰 𝐧𝐠 𝐋𝐢𝐧𝐠𝐠𝐨, 𝐢𝐤𝐚-𝟑𝟏 𝐧𝐠 𝐌𝐚𝐲𝐨 𝟐𝟎𝟐𝟔.

Magsisimula ang pagtitipon sa ganap na 𝐢𝐤𝐚-𝟒:𝟎𝟎 𝐧𝐠 𝐡𝐚𝐩𝐨𝐧 𝐬𝐚 𝐡𝐚𝐫𝐚𝐩 𝐧𝐠 𝐆𝐮𝐬𝐚𝐥𝐢𝐧𝐠 𝐏𝐚𝐦𝐛𝐚𝐲𝐚𝐧 𝐧𝐠 𝐆𝐥𝐨𝐫𝐢𝐚, habang ang 𝐏𝐫𝐮𝐬𝐢𝐬𝐲𝐨𝐧 ay pormal na magsisimula sa 𝐢𝐤𝐚-𝟒:𝟒𝟓 𝐧𝐠 𝐡𝐚𝐩𝐨𝐧. Susundan ito ng 𝐁𝐚𝐧𝐚𝐥 𝐧𝐚 𝐌𝐢𝐬𝐚, 𝐅𝐥𝐨𝐰𝐞𝐫 𝐎𝐟𝐟𝐞𝐫𝐢𝐧𝐠, 𝐚𝐭 𝐒𝐨𝐜𝐢𝐚𝐥𝐢𝐳𝐚𝐭𝐢𝐨𝐧 𝐍𝐢𝐠𝐡𝐭 𝐧𝐚 𝐠𝐚𝐠𝐚𝐧𝐚𝐩𝐢𝐧 𝐬𝐚 𝐏𝐮𝐧𝐳𝐚𝐥𝐚𝐧 𝐆𝐲𝐦𝐧𝐚𝐬𝐢𝐮𝐦.

Inaanyayahan ang lahat na maging bahagi ng espesyal na pagdiriwang na ito at sama-samang magbigay-pugay at magpasalamat sa Mahal na Birheng Maria.

29/05/2026

📣 Tuloy-tuloy para sa pag-angat ng batang Gloriano!

Mabuting balita para sa ating mga mag-aaral at magulang.

Magkakaroon po tayo ng Libreng School Supplies para sa incoming public school students mula Grade 1 hanggang Grade 6, sa pamamagitan ng Pamahalaang Bayan ng Gloria.

Ang distribution po ay pangangasiwaan ng bawat school. Abangan po ang anunsyo ng inyong paaralan para sa schedule at detalye.

27/05/2026

Malaking hakbang para sa edukasyon ng kabataang Gloriano.

Patuloy na inaayos ang pagtataguyod ng Gloria Community College / Mindoro State University Extension sa Bayan ng Gloria.
Sa isang ektaryang lupang ipinagkaloob ng Pamilya Ong, katuwang ang Pamahalaang Panlalawigan at Pamahalaang Bayan ng Gloria sa pamumuno ni Mayor Tessie Ong, mas inilalapit natin ang pangarap na kolehiyo para sa mas maraming kabataan.

Para sa edukasyon. Para sa kabataan. Para sa kinabukasan ng Gloria.

26/05/2026

Application for Licensure Examination for Professional Teachers will be offered during PRC Mobile Services in Bansud, Oriental Mindoro located at Municipal Hall, Poblacion, Bansud, Oriental Mindoro on July 4-5, 2026:

Important Notice for PRC Clients:
● Appointments must be made through online.prc.gov.ph. Only clients with confirmed appointments will be accommodated.
● For LERIS-related concerns, log a request for assistance at crms.prc.gov.ph. You may retrieve your ticket for response within 72 hours.
● For concerns regarding non-availability of slots, kindly email [email protected] for further guidance.

26/05/2026

𝗥𝗖𝗦𝗣 𝗦𝗲𝗿𝗯𝗶𝘀𝘆𝗼 𝗖𝗮𝗿𝗮𝘃𝗮𝗻, 𝗠𝗮𝘁𝗮𝗴𝘂𝗺𝗽𝗮𝘆 𝗻𝗮 𝗡𝗮𝗶𝘀𝗮𝗴𝗮𝘄𝗮 𝘀𝗮 𝗕𝗮𝗿𝗮𝗻𝗴𝗮𝘆 𝗕𝘂𝗼𝗻𝗴 𝗟𝘂𝗽𝗮

Kahapon Mayo 25, 2026, matagumpay na naisagawa ang RCSP Serbisyo Caravan sa Barangay Buong Lupa bilang bahagi ng pagdiriwang ng kanilang Founding Anniversary sa pangunguna ni Punong Barangay Richard R. Labay.

Sa layuning mailapit ang mga pangunahing serbisyo ng pamahalaan sa mga mamamayan, natugunan ang kahilingan ng barangay na maisama sa programa ang Serbisyo Caravan, lalo’t isa ang Buong Lupa sa mga barangay na malayo sa sentro ng munisipyo.

Sa pamamagitan ng sama-samang pagkilos ng mga tanggapan ng lokal at nasyonal na pamahalaan, naging matagumpay ang paghahatid ng iba’t ibang serbisyo para sa kapakanan ng mga mamamayan ng Barangay Buong Lupa.

Patuloy ang adhikain ng pamahalaan na maghatid ng serbisyong tapat, maagap, at mas malapit sa bawat Gloriano.
Para sa Gloria Luntiang Bayan!

25/05/2026

📢 𝗣𝗔𝗡𝗔𝗪𝗔𝗚𝗔𝗡 𝗦𝗔 𝗠𝗚𝗔 𝗣𝗪𝗗 𝗡𝗚 𝗕𝗔𝗥𝗔𝗡𝗚𝗔𝗬 𝗔𝗟𝗠𝗔 𝗩𝗜𝗟𝗟𝗔

Magkakaroon po ng PWD Barangay Assembly Meeting at PWD ID Registration sa darating na Mayo 26, 2026 (Martes), alas-9:00 ng umaga sa Brgy. Alma Villa Covered Court.

Hinihikayat po ang lahat ng Persons with Disability (PWD) na dumalo upang maging bahagi ng mga usapin, programa, at serbisyong nakalaan para sa sektor ng PWD.

Ang inyong pakikiisa ay mahalaga sa patuloy na pagtataguyod ng isang maalaga at inklusibong komunidad. 💚

📢 ATTENTION PWD RESIDENTS OF BARANGAY ALMA VILLA! 📢
Join us for the
🧑‍🦽 PWD BARANGAY ASSEMBLY MEETING & PWD ID REGISTRATION
📅 May 26, 2026 (Tuesday)
🕘 9:00 AM onwards
📍 Brgy. Alma Villa Covered Court

25/05/2026

𝗜𝘀𝗮𝗻𝗴 𝗠𝗮𝗸𝗮𝗯𝘂𝗹𝘂𝗵𝗮𝗻𝗴 𝗦𝗶𝗺𝘂𝗹𝗮 𝗽𝗮𝗿𝗮 𝘀𝗮 𝗞𝗮𝗯𝗮𝘁𝗮𝗮𝗻𝗴 𝗚𝗹𝗼𝗿𝗶𝗮𝗻𝗼!🏊‍♂️

Tagumpay na naisagawa ang kauna-unahang “𝗟𝗲𝗮𝗿𝗻 𝘁𝗼 𝗦𝘄𝗶𝗺” Program sa Languyan ng Bayan sa Bamboo Plantation, Brgy. Malubay, Gloria, Oriental Mindoro kung saan natutunan ng mga kabataan ang tamang paglangoy, water safety, at kahalagahan ng disiplina at tiwala sa sarili.

Sa tulong at paggabay nina Coach Randy “Bady” Maulion, Regional Director ng Philippine Aquatics Inc., at Coach Johnson Maulion, naging makabuluhan at masaya ang tatlong araw na pagsasanay para sa ating mga batang Gloriano.

Patunay ito na sa pamamagitan ng pagkakaisa at suporta sa kabataan, mas nahuhubog natin ang isang ligtas, malusog, at aktibong komunidad.

Patuloy nating suportahan ang mga programang nagbibigay inspirasyon at oportunidad para sa bawat batang Gloriano. 💚

21/05/2026

Mula sa napagkaisahang Demonstration Garden ng 𝗠𝗮𝘀𝗮𝗴𝗮𝗻𝗮𝗻𝗴 𝗧𝗮𝗵𝗮𝗻𝗮𝗻, MINSU 𝗣𝗿𝗼𝗷𝗲𝗰𝘁 𝗦.𝗔.𝗚.𝗜.𝗣., DOLE TUPAD Beneficiaries, patuloy nating nasasaksihan ang bunga ng pagkakaisa, pagtutulungan, at kasipagan ng komunidad.
At sa araw na ito, atin nang aanihin ang mga biyayang bunga ng sama-samang pagkilos para sa mas masagana at sustenableng pamayanan. 🌾✨

21/05/2026

𝗟𝗜𝗕𝗥𝗘𝗡𝗚 𝗦𝗪𝗜𝗠𝗠𝗜𝗡𝗚 𝗟𝗘𝗦𝗦𝗢𝗡𝗦 𝗣𝗔𝗥𝗔 𝗦𝗔 𝗠𝗚𝗔 𝗕𝗔𝗧𝗔𝗡𝗚 𝗚𝗟𝗢𝗥𝗜𝗔𝗡𝗢! 🌊🏊

Patuloy ang ating Learn to Swim Program ngayong araw para sa mga nais matutong lumangoy, magkaroon ng dagdag kaalaman sa water safety, at mas mapaunlad ang kanilang swimming skills ngayong bakasyon.

Sa tulong ni 𝗖𝗼𝗮𝗰𝗵 𝗕𝗮𝗱𝘆 ng Philippine Aquatics Inc., mas magiging masaya at makabuluhan ang bawat session dahil ito ay 𝗟𝗜𝗕𝗥𝗘𝗡𝗚 programa para sa ating mga kabataan. 💙

May ilan pang available slots para sa mga gustong sumali:

🕘 Morning Session – 9:00 AM
🕝 Afternoon Session – 2:30 PM

📍 Languyan ng Bayan, Bamboo Plantation, Malubay, Gloria, Oriental Mindoro

Huwag palampasin ang pagkakataong matuto, magsaya, at maging water-safe ngayong tag-init! Kita-kits sa pool! ☀️🌊