27/06/2026
PARTIDO/GOA
DISTRICT HOSPITAL TULOY NA❗❗
Siguro man ngunyan na pig hiro na ang baso kan kapitolyo sa pamamayo ni Gov. Lray manungod sa District Hospital baka lamang mag purundo na ang siging korontra diyan.
Ngunyan digdi ta mahihiling ang prioridad kan satong mga lideres. Pakiulay man kan kasaraditan sa distrito dai na man tabi pag ulangon ang hospital na ini asin hanapan pa kung ano anong labot para sana ma delay o maharang pa ta kada minuto dakol ang taga partido, lalo na ang taga Goa ang nangangaipo kaini.
Sa 7 years na naka agi dawa na ini pig urihan asin dai pig protektahan (hiling man ang pagka gibo kan riprap dyn na mayong intensyon na i-preserve ang area kan hospital asin mapalala ang kawsa kan pag tubag para mapahiling na ini mayo nang pag-asa). Alagad dawa arog kayan ang nang yari sa haloy na panahon dai pa lamang ini na abot kan baha dawa na ini mayong maray na riprap asin pinabayaan sana na garo bakong para sa gabos ang project na hospital.
Hapot mi lang po, tano daw ta arog kaini ang mga kaisipan kan mga siring na tao? Kaysa pag tarabangan na ma meet ang standard para ma-mitigate o ma-adopt ang current situation kan lugar para magamit ang nasabing hospital mas pinipili nindang dai ini hanapan ning paagi.
Siguro kaya dai ninda man mati ang pangangaipo kaini dahil dai man sinda dinadara sa public hospital, dahil sa sinda pag nagkahelang perming sa Naga, asin mga private hospital nagpapabulong. Iyan sana ang nahihiling ming rason kaya bako ninda ining prioridad. Salamat na sana ngani ta padagos ining nilalaban kan mga tunay na may pagmakulog sa kapwa.
Imagine 7years, kuta na dakul na ining na salbar na buhay. Ta kung sa katunayan sana kung gusto man ninda ini para sa kasaraditan hahanapan nindang paraan para mag collaborate asin mag support, dangan sisiguraduhon nindang hahanapan ini ning paraan para mag operate bako na hahanapan ning kung ano anong dahilan para lang ini mapugulan asin masayang.
Panahon na para mag tarabangan bako na mag barangayan. Ngunyan yaon na kita digdi sa exciting part, na padikit dikit madadagos na ang satong pinaglalaban na District Hospital.
Sana lang tabi, pakiulay mi sa mga lideres kung kamo tunay na may pagmakulog sa kasaraditan kaysa pag para hostage pa nindo ang district hospital tarabangan na po kan gabos na mag operate asin maayos ang protection kayan sa baha, dahil ini bako man para saindong mga perming nasa private hospital nagpapabulong kundi para sa mga kapos asin mayong mayo na saindong mga ka-himanwa asin ka-distrito.
Sa halawig na panahon kan distrito ta, nagkapira sana talaga ang hospital na igwa kita, na kulang pa man ngani sa health care services kaya sana ining dagdag na hospital imbes na pugulon pa tabangan na sana tabi ta sa huri mayong kulor nin politika ang pinipili ang siring na serbisyong medical.
Totoo mananggad ang kasabihan kung gusto dakul paraan, kung habo dakul dahilan.
Taga Goa ako asin distrito kuatro,
Kaya serbisyong para sa kapwa ko, suportado ko!
