20/08/2022
Ang Assistance to Individuals in Crisis Situation (AICS) usa ka regular nga programa sa DSWD nga nagahatag ug (1) Financial and Material Assistance, (2) Psychosocial Assistance, ug (3) Referral to Other Services.
Sulod sa Financial and Material Assistance, nahilakip niini ang pagpa-abot ug hinabang/serbisyo sa mga tawo nga nag-atubang ug krisis o tumang kalisod. Pipila sa tabang nga ihatag mao ang tabang para sa Medical, Burial, Transportation, Cash, Food, ug Educational Assistance.
Ang Educational Assistance nga anaa sa mensahe ni DSWD Secretary Erwin T. Tulfo dili bag-o nga programa kung dili lakip sa mga serbisyo sa AICS nga niadtong 2014 pa giimplimentar. Tungod sa ubay-ubay nga mipaabot sa ilang hangyo ngadto sa ahensya nga unta matabangan usab sila sa kalisod sa galastoson sa ilang pageskwela, gihatagan kini ug konsiderasyon sa atong Buhatan.
Unsa ang angay mahibaluan sa gusto makadawat o makapahimulos sa maong panabang:
Ang Educational Assistance pinaagi sa AICS dili usa ka SCHOLARSHIP, apan usa ka ayuda o hinabang alang sa mga estudyante nga anaa sa usa ka sitwasyon nga sila naglisod o anaa sa krisis. Mamahimo silaāng makabenepisyo niini sulod sa usa ka school year (elementary ug high school) o semester (kolehiyo) ā ONE SHOT ASSISTANCE. Hangtod sa tulo ka bata sa usa ka pamilya ang pwede maka avail sa maong assistance.
DILI TANANG STUDYANTE ang makapahimulos niini. Buot klaruhon sa ahensya nga ang mga estudyante lamang nga anaa sa usa ka CRISIS SITUATION o naglisod, ug anaa niiniāng mga mosunod nga kahimtang mao lamang ang kwalipikado:
- Breadwinner (mga estudyante nga nagtindog nga ga suporta sa mga membro sa pamilya)
- Working Students
- Mga ulila na o mga naabandona sa ginikan nga anaa nakipuyo sa mga paryente.
- Mga anak nga ang mga ginikanan walay mga trabaho o kita.
- Mga anak sa mga Solo Parent
- Mga anak sa mga OFW nga anaa sa kalisdanan. (Repatriated: Meaning OFW wa kabalik ug trabaho or DH)
- Mga anak sa mga biktima ug HIV o mga kritikal nga mga sakit
- Mga biktima sa mga pang-abuso
- Mga biktima sa kalamidad o katalagman
Ang mga kwalipikado mamahimong makadawat sa hinabang nga mokantidad ug:
- Elementary (Php1,000)
- High School (Php2,000)
- Senior High School (Php3,000)
- Vocational/College (Php4,000)
Alang sa mga estudyante nga anaa sa elementarya ug Junior High School (para sa minor de edad ā ubos sa 18 anyos) kinahanglan ang ilang ginikanan o guardian ang mamahimong aplikante para sa maong assistance.
Mao kini ang ilang andamon nga mga dokumento:
Requirements kung estudyante ang mag process:
- 2 Photocopies of school ID (front and back)
- 2 Photocopies of Certificate of Enrolment/School Registration o Statement of Account.
Pahinumdom:
- Alang sa mga aplikante nga anak sa Solo Parent, dalhon ang Solo Parent ID (with 2 photocopies) sa ginikanan.
- Ug sila mipili nga biktima sa pang-abuso, magdala ug police blotter/report (with 2 photocopies).
- Sa mga miingon nga sila ilo o wala nay ginikanan, magsumite ug death certificate sa ginikanan (with 2 photocopies).
Requirements kung ginikanan/guardian ang mag process:
- Government-issued ID (dili expired ang date) - with 2 photocopies
- School ID sa estudyante (with 2 photocopies)
- Orihinal nga Certificate of Enrolment/School Registration o Statement of Account (with 2 photocopies)
Buot ipahinumdom sa Ahensya nga dunay hingpit nga silot sa kinsa man nga mobuhat o makalampas sa mga lagda sa maong programa sa AICS ā Educational Assistance, sama sa pagsumite ug mga peke nga mga dokumento, o pagkuha sa sobra pa sa angay nga higayon sa maong assistance o tabang.
Dugang PAHINUMDOM:
Wala pay schedule ang DSWD ug a**s a schedule sa mga SATELLITE OFFICES. Para sa mga pangutana naa silay email dihas picture. Ug kung naay bag ong updates labi nas schedule mag'post me drea sa page. Balikon namu DILI ANG LGU/MSWDO ang ga implement ani kundi ang DSWD National. Igo ra me sa gapahibaw sa mga instruction.
