Justice Service Trust

13/07/2025

10/05/2025

BOTOSI!

Jearim Sison Tumanda
Mayor, Guiuan, E. Samar
#2 ha balota

Plataporma:
1. Bag-o nga liderato para han mga molupyo nga duha na kadekada an padayon nga pag-antos han pasibaya nga samtang nga administrasyon han bungto.
2. Patas, waray pinili, dire pinolitika nga panimangno han mga molupyo han bungto.
3. Baynte kuwatro oras nga serbisyo hin mahamis ngan de-kalidad nga tubig.
4. Baynte kuwatro oras nga serbisyo hiton kuryente ha kaislahan.
5. Tatalinguhaon nga magpulos an ngatanan nga senior citizen han Social Pension tikang han gobyerno nga ihahatod mismo ngadto ha bungsaran han magbebenipisyo.
6. Serbisyo-panlawas nga para han ngatanan dida hin hospital nga titingdungon durante hiton kan Mayor Jearim Sison Tumanda administrasyon.
7. Pag-iban han kinada tuig nga baraydan nga buhis han mga paragtraysikol, may sidecar nga pamasaheros nga motor ngan han mga nagtitinda ha merkado publiko han bungto.
8. Fuel subsidy para han mga parapangisda ngan han may sidecar nga pamasaheros nga motor.
9. Suportar han pakabuhi han parag-uma pinaagi hin mga programa nga maghahatag hin kadugangan nga kina-adman ngan pundo agud magin mabaskog iton sektor han mga parag-uma.
10. Libre nga school supplies, sapatos, ngan uniporme han mga estudyante agud magin madinasigon hira hin pangaram.
11. Panginano han mga kahimtang han mga molupyo ha mga relocation sites han bungto.
12. Pag-ayad han proseso han munisipyo agud magin business-friendly para ha mga mamumuhunan.

Ha pagtikang han bag-o nga liderato han bungto ha ilarom han pagdumara ni Mayor Jearim Sison Tumanda an mga nahigadayan nga mga programa in ha gilayon ipapahamtang ha sistema nga waray pinili, waray paglangan-langan para han mga molupyo nga duha na kadekada an pag-inantuson hin administrasyon nga waray pagpa-id.

Sanglit, pagkaurosa kita hin pagpili hin liderato nga may kasingkasing hin paghigugma han kablas nga mga molupyo, may lawas, huna-huna og panahon hin pamati han araba han mga himaruydoy nga kabutangan han mga molupyo.

"Serbisyo nga waray kabalyo, halad ni Mayor Jearim Sison Tumanda ha iyo"

08/05/2025

BOTOSI!

Florian 'Poroy' Yodico Perez
Vice-Mayor, Guiuan, E. Samar
#2 ha balota

Plataporma:
1. Dayag ha publiko nga pagtuman han trabaho kumo amay han konseho-munisipal agud mahibaro an mga molupyo han mga pitad para han ira kalungganayan.
2. Paghimo hin mga ordinansa ngan balaud nga mayda partisipasyon han mga molupyo ilabi na an mga sektor nga maaapektaran.
3. Konsultasyon han mga molupyo para an mga balaud og ordinansa angay ngan sakto nga kabatunan han mga problema han molupyo.
4. Susuportaran an mga programa og plataporma ni Mayor Jearim Sison Tumanda.
5. Susuportaran an mga programa ngan plataporma han mga konsehales ha ilarom han 1TeamJST.

"Serbisyo nga waray puray-puray".

06/05/2025

BOTOSI!

Dominic Bandoy Sia
Konsehal, Guiuan, E. Samar
#13 ha balota

Plataporma:
1. Manginginano han kahimtang han mga nanay, ate, mana og mga miyembro han LBGTQ han bungto.
2. Magpapasi-ugda hin mga pitad-pagpakabuhi han mga kababayin-an han bungto.
3. Sisiguraduhon nga an pagrespeto han katungod ngan dignidad han mga kababayin-an han bungto in aada hin eksakto nga pagpahamtang.
4. Magtatalinguha hin mga inisyatibo-pagpadukwag han pakabuhi han mga kababayin-an pinaagi hin pakipagsumpayan ngadto han mga ahensiya han gobyerno nga may mandato hin paghatag hin pundo ngan hibaro han pagpakabuhi sugad han DTI ngan DOLE.
5. Natuod nga "In every success of a man, there is always a woman behind it".

"Serbisyo nga waray kabalyo, halad namon ha iyo".

06/05/2025

BOTOSI!

Sibert Rodrigo Odivilas
Konsehal, Guiuan, E. Samar
#12 ha balota

Plataporma:
1. I-uundong an ordinansa para hin libre nga school supplies para han mga estudyante han bungto.
2. Masuportar han mga estudyante nga atleta han bungto agud magin madinasigon hira ha ira pag-eskuyla ngan ha paisan-isan han sports.
3. Igduduso ha konseho an mga pitad nga magproproteher han mga katungod han mga estudyante ilabi na an natikang han mga magkinurion nga pamilya.
4. Panginginanuhon an hul-os nga pag-uswag han pamilya pinaagi han opurtunidad nga aada han edukasyon han kabatan-onan.
5. Tututukan an pag-uswag han turismo ilabi na an pagpakilala ngan pagpreserbar han bahandi han natural nga kalibungan,
haluag nga istorya han nakalabay nga panhitabo han bungto ha natad han kristiyanismo og liberasyon han nasud.

"Anak hin pobre, batan-on, guapito; testingi kay dire kamo magsisisi".

05/05/2025

BOTOSI!

Mark Anthony 'Kuya Mark' Magalona
Konsehal, Guiuan, E. Samar
#11 ha balota

Plataporma:
1. Aatenderan an pakabuhi han mga parapangisda ngan parag-uma.
2. Magpapasi-ugda hin ordinansa nga maghatag hin mga higamit ha parapangisda agud masalbar an ira kinabuhi durante hin tigda nga pagdagoraot hiton panahon.
3. Kadugangan nga paghag-id agud an parapangisda hibaro hin rescue initiatives.
4. Fuel subsidy para han parangisda ha ira pagtikang hiton pagpakabuhi durante hiton katuigan han panahon hin panagat.
5. Paghag-id para han mga parag-uma agud mahibaroan nira an paagi hin scientific farming.
6. Pakipagsumpayan ngadto han mga ahensiya han gobyerno nga may programa para han parapangisda ngan parag-uma.

"Bag-o naman".

05/05/2025

BOTOSI!

Edgar Jadulan Holanda
Konsehal, Guiuan, E. Samar
#8 ha balota

Plataporma:
1. Ipapahamtang ha konseho munisipal han bungto nga mahimo nga ordinansa an Barangay Transient Residents Registration and Monitoring.
2. Magpapasi-ugda han panginano han pangilal-an han mga dayo ngada han bungto agud hibaroan an ira katuyoanan ngan pagkatawo.
3. Magproproteher han mga molupyo agud dire hira mabiktima hin mga tawo nga mapakanhi ha bungto nga dire tuhay an katuyoanan.
4. Seguridad para han mga molupyo agud dire hira mabaraka han presensiya hin mga bisita han bungto nga dire dayag an pagkatawo.

"An bag-o nga kaugop han molupyo ngan kabaranggayan".

04/05/2025

BOTOSI!

Cesar Espina Dael
Konsehal, Guiuan E. Samar
#7 ha balota

Plataporma:
1. Mahimyang ngan may seguridad han katilingban kun diin aadto nagpupuyo an mga molupyo pinaagi han pagpahamtang hin haluag ngan inaabat nga presensiya han mga law enforcers.
2. Kadugangan nga paghag-id para han mga Brgy. Tanods agud magin epektibo hira ha pagtuman han ira responsabilidad.
3. Sakto nga mga higamit para protektado an mga Brgy. Tanods durante ha ira pagtrabaho.
4. Hapsay nga sistema han trapiko ha mga kakalsadahan han bungto.
5. Tuhay nga implementasyon han relocation efforts para han mga molupyo nga aada ha mga disaster prone area.

"Sulanganon, giniyahan han kaburot-on han molupyo ngan Diyos".

04/05/2025

BOTOSI!

Reynaldo Rey Achay Balatay
Konsehal, Guiuan, E. Samar
#3 ha balota

Plataporma:
1. Pitad para hin epektibo nga serbisyo panlawas ha mga barangay pinaagi hin kadugangan ngan kaangayan nga pag-aradman medikal han mga BHW.
2. Kadugangan nga honorarium han mga BHW og Brgy. Tanods agud makabulig han ira mga pamilya samtang nagtutuman hira han ira obligasyon ngada han mga molupyo.
3. Libre nga medesina, ilabi na han mga kumon og maintainance drugs, nga aadto mismo ha health centers kukuhaa.
4. Kaangayan nga paagi hin paglabog han basura, alinsunod han international standard han Solid Waste Management ngan Environmental Protection nga mga palisiya.
5. Malatay ngadto ha mga barangay, para han pagpakahamis ngan pagpakaupay.

"Tinuod ngan tangkod nga pagserbisyo, ighahalad ngadto han mga tawo".

01/05/2025

Malipayon nga pagsalin-urog han iyo adlaw nga natawhan, VM Poroy Perez ngan SBM Mark Anthony Magalona.

Pangamuyo namon nga iyo JST family ngadto han Makagarahom nga Diyos an iyo bugwày nga panlawas ngan an katumanan han iyo mga inop og hingyap para han mga molupyo han bungto nga Guiuan.

Marisyo iton harampang kun mayda MAGALONA nga tuba ngan pinuroy-POROY nga sumsuman.

An JST family kaupod niyo ha ngatanan nga higayon, sa-ad iton.

29/04/2025

1TeamJST Grand Rally

Malipayon nga adlaw hinihigugma namon nga mga Molupyo han Guiuan, Eastern Samar.

Ginpapahibaro ko kamo nga yana nga Abril 30, 2025, miyerkules nga adlaw, pagbubuhaton an JST Grand Rally dida han aton Municipal Cultural Stage. An mga detalye han hine nga higayon, mao an masunod:
A. 1:30 PM- titirok ha Guiuan Town Plaza agud makikanta han banda nga Musikang Bayan.
B. 2:30 PM- Santos nga Misa pagbubuhaton ha Immaculate Conception Parish.
C. 4:00 PM- Solidarity Walk tikang ha singbahan ngadto ha Guiuan Town Plaza.
D. 4:15 PM- Grand Rally program.

Hinahangyo namon an iyo suporta ngan pakipag-orosa hine nga mahinungdanon nga adlaw.

Damo nga salamat...

"An bungto han Guiuan ngan an mga molupyo, andam na para hin bag-o nga liderato".

(Everybody, please share this good news)...

14/04/2025

Talinguha...
Pagpahamtang...
Katuyoanan...

Waray distansita nga makakaulang han lider nga an tuyo magserbe para han kaupayan han mga molupyo.

"Serbisyo nga waray kabalyo,
halad namon ha iyo".