Kuya ng Bayan Webster D. Letargo

31/05/2026

22/05/2026

Watch as it highlights local leaders from across the country.

Tonight, discover the best practices and initiatives of Gumaca, Quezon through the leadership of Mayor Webster Letargo.

20/05/2026

10/05/2026

Isang bagong simbolo ng kasaysayan, serbisyo, pagkakaisa, at pag-asa ang pormal nang ipinagkaloob sa Bayan ng Gumaca.

Pormal na pong itinurn-over sa ating bayan ang UH-1D Aircraft, na magsisilbing panibagong atraksyon at bahagi ng ating binubuong Greenbelt Park ng ating Bayan.

Higit pa sa isang display o atraksyon, ang helicopter po na ito ay simbolo ng courage, teamwork, service, at history. Hindi ito lumilipad nang mag-isa, sa likod ng bawat paglipad nito ay ang sakripisyo at dedikasyon ng mga piloto, crew, at mga uniformed personnel na buong pusong nagsisilbi para sa bayan.

Sinisiguro po natin na ang kanilang sakripisyo ay hindi kailanman mababaon sa limot paglipas ng panahon. Ang makasaysayang milestone na ito ay hindi magiging posible kung wala ang kabutihang-loob ng Philippine Air Force at ang walang sawang suporta ng isa sa ating ipinagmamalaking kababayan na si MGEN Dennis Estrella.

Kahit naabot na po ninyo ang pinakamataas na lipad sa inyong military career, hindi po ninyo nakalimutan ang bayan ng Gumaca na minsang naging pugad ng inyong mga pangarap. “No matter how high the eagle flies, it never forgets where it built its nest.”

Mula sa inyong pag-aaral sa Gumaca West Elementary School hanggang Gumaca National High School, kayo po ay nagsisilbing inspirasyon sa ating mga kabataan, patunay na ang pangarap ay maaaring magsimula sa simpleng silid-aralan at maabot ang pinakamataas na antas ng paglilingkod sa bayan.

Sa mga kabataan ng Gumaca na bibisita sa helicopter na ito, sana ay makita ninyo hindi lamang ang isang aircraft, kundi ang kwento ng dedikasyon, kabayanihan, at pangarap na kayang lumipad.

Kasabay ng pagbabasbas sa helicopter na ito nitong nakaraang araw ay ang ating panalangin para sa patuloy na kaligtasan ng mga kalalakihan at kababaihan ng Philippine Air Force na buong tapang na nagsisilbi para sa ating bansa.

Maraming maraming Salamat po sa Philippine Air Force at kay MGEN Dennis Estrella sa inyong malasakit at pagmamahal sa Bayan ng Gumaca. 🇵🇭✨

07/05/2026

Mayo na! Arana’t Baluarte Festival na!

Inaanyayahan ko po ang lahat na makiisa at makisaya sa pagdiriwang ng Arana’t Baluarte Festival na puno ng pasasalamat kay San Isidro Labrador.

Sama-sama nating ipagdiwang ang ating kultura, pagkakaisa, at ang pusong Gumaqueño na hindi kailanman matitinag ng anumang hamon.

Welcome po kayo sa Bayang Punong puno ng pagpapala, ang Bayan ng Gumaca.

28/04/2026

Mga kababayan, ibinabahagi ko po sa inyo ang saya sa pagtanggap natin ng Seal of Child-Friendly Local Governance (SCFLG) sa Lucena City. Ang parangal na ito ay simbolo ng ating pagkakaisa sa pagprotekta sa ating mga anak.
Ang tagumpay na ito ay bunga ng ating pagpasa sa masusing audit ng DILG at CWC sa 12 indicators na nakatutok sa survival o kalusugan at nutrisyon, development sa edukasyon at paglaki, proteksyon para sa kaligtasan, at participation para marinig ang boses ng ating kabataan.
Ang tagumpay na ito ay alay natin sa bawat kabataan at pamilyang Gumaqueño.

23/04/2026

Sa bawat batang napapangalagaan, mas tumitibay ang kinabukasan ng ating bayan.

Isang karangalan po para sa Bayan ng Gumaca ang muling pagkakamit ng Seal of Child-Friendly Local Governance (SCFLG) Award na iginawad ngayong araw sa ating Provincial Capitol.

Taon-taon po nating pinagsusumikapang makamit ang parangal na ito, at mula 2019, 2022, 2023, at 2024, patuloy po nating naiuuwi ang pagkilalang ito bilang patunay ng ating tuloy-tuloy na pagsulong ng isang child-friendly na komunidad at mahusay na pamamahala na nakasentro sa kapakanan ng bawat bata.

Ang pagkilala pong ito ay bunga ng ating epektibong pagpaplano, maayos na implementasyon ng mga programa, at sama-samang pagkilos ng ating mga katuwang sa serbisyo. Sa pangunguna po ng ating MSWDO sa ilalim ni Nancy Y. Pascual, kasama ang iba pang ahensya ng ating lokal na pamahalaan, patuloy po nating pinapalakas ang mga inisyatibo para sa kalusugan, edukasyon, proteksyon, at kabuuang pag-unlad ng ating mga kabataan.

Kasama po nating tinanggap ang parangal na ito sina Nancy Y. Pascual, ating MSWDO, Konsehal Raquel Mendoza, at ang iba pang Department Heads ng ating lokal na pamahalaan, patunay po ng ating pagkakaisa at kolektibong pagsusumikap para sa kapakanan ng ating mga kabataan.

Naniniwala po tayo na ang tunay na sukatan ng mahusay na pamamahala ay ang kakayahang alagaan, pakinggan, at bigyan ng ligtas na kinabukasan ang ating mga bata.

Para sa bawat batang Gumaqueño, kayo ang inspirasyon ng bawat plano, bawat programa, at bawat serbisyong aming inihahatid. Ang inyong kinabukasan ang aming ipinaglalaban at pinapahalagahan. Congratulations at Mabuhay po tayong lahat.

09/04/2026

Simula po ngayong araw ay muli na pong ipinagpapatuloy ang konstruksyon at pagsasaayos ng ating National Highway sa Bayan ng Gumaca, matapos ang pansamantalang pagbubukas nito noong Semana Santa.

Paalala po, asahan po ang pansamantalang abala sa daloy ng trapiko sa ating Bayan. Hinihiling ko po ang inyong pag-iingat sa pagmamaneho at pakikiisa sa pagsunod sa traffic signs at sa mga nakatalagang personnel o enforcers.

Maraming salamat po sa inyong pag-unawa at pakikiisa.

08/04/2026

Dumalo po tayo kaninang umaga sa isinagawang ABC Meeting, para sa buwan ng Abril, kung saan personal po nating nakasama at nakausap ang ating mga mahal na Punong Barangay.

Nagbigay po tayo ng suporta, mensahe, at ilang mahahalagang paalala upang lalo pang mapatatag ang ating ugnayan at sama-samang paglilingkod sa ating mga kababayan.

Isa po sa ating tinalakay ang nalalapit na Arañat Baluarte Festival 2026 sa darating na Mayo —na ating isasagawa po ngayong taon nang simple, ngunit masaya at makabuluhan, bilang patuloy na pasasalamat sa masaganang ani na biyaya sa ating bayan. Kaugnay po nito, magsasagawa rin po tayo ng Community Pantry upang makapag-abot ng tulong at pangunahing pangangailangan sa ating mga kababayan, lalo na po sa mga higit na nangangailangan at naapektuhan sa gitna ng mga hamon na ating kinakaharap.

Pinaalalahanan din po natin ang ating mga Punong Barangay hinggil sa mga umiiral na kautusan mula sa DILG, kabilang ang pagpapaigting ng Curfew para po sa mga Menor de Edad alinsunod sa ating Municipal Ordinance No. 10-17, na nagbabawal sa mga menor de edad (17 taong gulang pababa) na gumala mula 10:00 ng gabi hanggang 4:00 ng madaling araw. Kasama rin po dito ang pagsita sa mga nakatambay at pagala-gala nang disoras ng gabi, pagbabawal sa pag-inom sa kalsada, at pagpapatupad ng tamang oras sa videoke.

Kasabay nito, patuloy din po nating paiigtingin ang pagpapatupad ng ating No Smoking / No Va**ng Ordinance sa mga pampublikong lugar—bilang bahagi po ng ating hangarin na mapanatili ang malinis, ligtas, maayos na kapaligiran, at magandang kalusugan para sa bawat Gumaqueño.

Naniniwala po ako na sa tulong at pakikiisa ng ating mga Punong Barangay, mas magiging epektibo po ang pagpapatupad ng ating mga programa at ordinansa. Sama-sama nating isulong ang disiplina, kaayusan, at tunay na malasakit para sa ating bayan.

08/04/2026

Isinagawa po ngayong araw ang Data Turnover Ceremony at Convening ng Municipal Census Coordinating Board sa pangunguna ng Philippine Statistics Authority sa pamumuno ni Normita D. Pagkatipunan. Ako po ay dumalo kasama ang mga kawani ng Pamahalaang Bayan.

Mahalaga po ang mga datos na ito bilang gabay sa pagpaplano at pagpapatupad ng mga programa at serbisyo ng pamahalaan, lalo na sa oras ng sakuna at pagbibigay ng benepisyo sa mamamayan. Tiniyak din po ang maingat at ligtas na pangangalaga ng impormasyon.

Nagkaroon din po ng MOA signing bilang patibay ng ugnayan. Nagpaabot po ang inyong Lingkod ng pasasalamat sa PSA at ipinahayag ang hangaring magkaroon ng tanggapan nito sa Gumaca upang mas mapalapit ang serbisyo sa ating mga kababayan.

Maraming salamat po sa patuloy na suporta at pakikiisa sa paghahatid ng maayos at maaasahang serbisyo sa ating mga mamamayan.