https://www.facebook.com/146311452860170/

Ontoy Sherwin Pacete, Caridad, Hamtic (2026)

20/08/2026

Nagkinala-kala ang mga pangka kag nag me-ri-mi ang mga kanding sa Government Center??? Amo dya ang pamangkot kang mga taga suporta ni Former Governor Dodod Cadiao nga IGNORANTE sa LAYI😂😅🤣

Pero ang pamangkot tana kang madlang pipol of Antique nga naka-intsindi kag nagasunod sa LAYI amo dya “ANDUT GIN-UNA ANG PAGPATINDOG KANG GOVERNMENT CENTER ANTES MASIGURO ANG MGA LEGAL NGA REKISITOS??! Nauna ang karusa sa karbaw! baw! baw! baw! 😁😅

Ang COA ang nagpamat-od nga INDI PWEDE GAMITON ANG KWARTA KANG PUMULUYO SA ILLEGAL NGA TRANSAKSYON! Karun ang pamangkot duman kang madlang pipol of Antique ANDUT NGA GIN PIRIT ni Former Governor Cadiao nga implementar ang proyekto maski ILLEGAL???

Kang damlag lang ang Department of Agriculture Region 6 ang NAG-DENY kang request for certification nga gin hinyo ni Bien Nallos para sa land reclassification, tungod nga ang lote nga patindugan kang nasambit nga proyekto ay natuon gid sa sangka IRRIGATED kag PRIME AGRICULTURAL LAND! Ginahambalan kag ginapanawagan ron katu pa si Former Governor Cadiao pero wara gid namati kag ang koon nanda “NO ONE CAN STOP US!” Susmaryosep! AH TI OK A!😅😂😁

Karun maski ano pa natun ka SINGGITAN nga “Ang dya nga proyekto para sa kaaraydan!!!” KAARAYDAN MAN GANI pero kon ang implementasyon kang ra nga proyekto wara nagasunod sa legal nga proseso WARA gihapon kita may mahimo tungod LAYI ang masunod bukot ang POLITIKO o ang SUPPORTERS kang POLITIKO.

Ang COA kag DA nagabase lang kag nagasunod sa mga APPLICABLE LAWS & GUIDELINES. Suno pa gani sa migo ta nga abogado nga “Compliance comes first before implementation - NOT implementation first, compliance later”.

Amo ra nga kon sa GOBYERNO kaw sundon mo ang TANAN nga LAYI especially sa pag implementar kang mga programa kag proyekto tungod KWARTA kang PUMULUYO ang nakasalalay rugyan kara BUKOT kwarta kang POLITIKO!

Do not BEND the LAW, Do not SWAY A LITTLE!⚖️👊💪

Ang koon nanda “Teh! ano lamang ra bay kon indi matapos ang proyekto?? Kanugon ra e ang kwarta ta??!” Hehehe Amo ra gani nga nagpapanaog kang Notice of Disallowance ang COA kag gina manduan si Former Governor Cadiao et. al. nga IBALIK NINYO ang kwarta kang PUMULUYO nga gin gamit sa ILLEGAL nga transaksyon!

Mayad nga hapon ANTIQUE😃👍💪⚖️👊

Jon Sherwin Pacete

18/08/2026

Update sa Antique Government Center: DENIED! Gin deny kang Regional Office kang Department of Agriculture ang request ni Mr. Bien Nallos nga certification para sa lot reclassification kag nabaton ang sulat kadya lang nga August 11, 2026 suno kay Provincial Legal Officer Atty. Jobert Pahilga.

TAPAT! ⚖️👊💪

Jon Sherwin Pacete

11/08/2026

Ang kontrobersiya nga nagalibot kay Senator Loren Legarda dapat gid nga usisaon kang husto, may transparency, kag may due process. Pero dapat man nga may fairness. Ang preliminary investigation sangka proseso pa lang kang pag-pang-usisa BUKOT conviction. Ang alegasyon, alegasyon pa lang BUKOT pamatuod kang pagkasala.

Ang mga tinaga nga “plunder,” “graft,” kag iban pa nga kaso mabaskog pamatian, pero indi dya dapat pag tratuhon nga daw napamatud-an ron nga sala samtang wara pa kang pinal nga desisyon halin sa korte nga nagapamatuod kadya.

Si Senator Loren Legarda mismo ang nagapanginwara sa mga akusasyon kag nagakoon nga dya mga sala kag wara kang basehan, kag wara man kang public funds nga nalakip. Ang Ombudsman amo ang may mandato nga mag-usisa kag magdeterminar kon may nagakaigo nga basehan para sa kaso.

Pero antes naton hukman ang bug-os nga serbisyo publiko ni Inday Loren Legarda tungod lang sa sangka kontrobersiya, dapat man naton dumdumon ang ana malawid ron kag dokumentado nga kontribusyon sa Pilipinas labi na sa Antique.

Sa sulod kang ana malawid nga serbisyo bilang lehislador, si Senator Legarda ang nag-author kag nag-sponsor kang duro kag importante nga mga layi sa Pilipinas pareho kang:
Disaster Risk Reduction and Management Act (RA 10121), Climate Change Act (RA 9729), People's Survival Fund Act (RA 10174), Renewable Energy Act (RA 9513), Ecological Solid Waste Management Act (RA 9003), Clean Air Act (RA 8749), Environmental Awareness Education Act (RA 9512), Magna Carta of Women (RA 9710), Anti-Violence Against Women and Their Children Act (RA 9262), Anti-Trafficking in Persons Act (RA 9208), Expanded Senior Citizens Act (RA 9994), Barangay Kabuhayan Act (RA 9509), Magna Carta for MSMEs (RA 9501), Agri-Agra Reform Credit Act (RA 10000), Enhanced Basic Education Act (RA 10533) kag duro pa ka iban.

Ang dya nga mga lahi may epekto sa kabuhi kang ordinaryo nga Pilipino sa disaster preparedness, climate change, environment, edukasyon, livelihood, kababaihan, senior citizens, MSMEs, kag mga mangunguma.

Ano ang nahimo ni Legarda para sa Antique?
Dumdumon naton ang 2017 Palarong Pambansa, nga gin-host kang Antique amo dya ang una nga tion nga ang probinsya nangin host kang pinakabahol nga national sporting event kang mga estudyante sa Pilipinas. Bukot lang dya sports event. Nagtugro dya kang oportunidad para mapakita ang Antique sa bilog nga Pilipinas kag nagdara kang mga atleta, coach, opisyal kag mga pamilya rugya sa aton probinsya.

May rugyan man nga DOST-CEST Program, ukon Community Empowerment through Science and Technology, nga ginpatigayon sa pira ka lugar sa Antique lakip ang Tibiao, Caluya, San Remigio, Sibalom kag Hamtic. Ang dya nga programa nagtugro kang technical assistance, technology, product development, marketing support kag livelihood opportunities sa mga komunidad.

Sa University of Antique, ang CEST initiative nagbulig sa pag-establisar kang mga TechnoHubs kag Technology-Based Barangay Economic Enterprises, nga nagatugro kang oportunidad para sa livelihood kag employment kag nagabulig man sa pagsolbar kang mga problema sa komunidad.

May rugyan man kang STARBOOKS science-and-technology resources kag mga ceramic water filters nga gindara sa mga eskwelahan kag komunidad.

Sa University of Antique Pottery Center sa Sibalom, ang DOST-assisted program nakatugro kang livelihood opportunities sa duro nga pamilya kang mga lokal nga potter. Amo dya ang klase kang proyekto nga nagalab-ot mismo sa ordinaryo nga mga Antiqueño - sa pamilya, sa mangunguma, kag sa mga gagmay nga community enterprises.

Rugyan man ang suporta ni Senator Inday Loren Legarda sa Antique Coral Restoration Program kag sa nagkalain-lain nga environmental kag climate-change initiatives nga nagabulig sa pagprotektar kang aton kadagatan, coral reefs kag natural resources.

Mga proyekto inprastruktura pareho kang:
1. Antique Airport – sa San Jose de Buenavista.
2. Nasuli-Vilvar Bridge – sa San Remegio nga naga konektar kang mga Brgys. Baladjay, Nasuli, Magdalena, Gen, Luna, Carmelo 1 & 2, kag Carawisan 1 & 2
3. Paliwan Bridge – sa Bugasong kag Laua-an nga naga konektar kang Norte kag Sur kang Antique.
4. Pandan Eco-Tourism road nga naga konektar sa upland barangays of Pandan paagto sa town proper.
5. Panay East-West road – nga ang tinutuyo para ma improbar ang koneksyon kang Antique sa mga kaiping nga probinsya para mapabaskog ang turismo kag Negosyo.
6. Antique Convention Center – sa Brgy. Badiang, San Jose nga ang tinutuyo para sa mga convention, events, turismo kag pagpabaskog kang ekonomiya kang Antique.
7. New-Antique Legislative Building – sa San Jose de Buenavista nga ginagamit para sa mga opisina kang mga myembro kang Provincial Board kag session hall.
8. Pag-restore kag pag-retrofit kang Old Antique Capitol – makasaysayan nga kapitolyo gin pa-restore ni Senator Legarda kag ginhimo nga museum kag library agud ma-preserba ang kasaysayan kag kultura kang Antique.
9. Pag restore kag preserba kang Balay nga Bato - sa San Jose de buenavista - naga isarahanon nga nabilin nga Balay nga Bato sa Antique, bilang pag suporta sa preservation kang kultura kag kasaysayan kang Antique.
10. San Jose Boulevard Esplanade/Comon-San Pedro Coastal Road – Ang tinutuyo nga magatugro kang mas mayad nga transportasyon, recreation kag oportunidad sa turismo.
11. Bantayan-San Pedro-Cubay Road Widening – sa San Jose
12. Angel Salazar Memorial General hospital Expansion – sa San Jose, lakip sa proyekto ang pagtukod kang anum ka panalgan kag ginatawag karun nga Gella Building nga may 100-bed hospital building.
13. Hospital, Rural Health Unit and Brgy. Health Station upgrades sa bilog nga probinsya kang Antique – pagtukod kag pagpalapad kang mga ospital, RHU kag Brgy Health Stations pati ron ang mga kagamitan kag emergency-response facilities.
14. School buildings and classrooms throughout Antique
15. TESDA Training Center – sa Bugasong kag sa Hamtic, dya sangka training facility nga ang tinutuyo para magtugro kang skills training, livelihood kag employment opportunities sa mga Antikenyo.
16. Community Fish Landing Centers kag Fisheries Facilities – nagalakip dya kang infrastructure kag equipment assistance para sa mga mananagat, lakip ang community fish landing facilities, mga sakayan kag fishing equipment.
17. Food Terminal Projects – sa Pandan, San Jose kag Sibalom – ang tinutuyo kadya nga mapabaskog ang agricultural production, pag proseso kang mga produkto kag pagtugro kang mas mayad nga access kang mga mangunguma sa merkado.
18. Pawikan Center – sa San Jose de Buenavista – sangka 500-square-meter nga sea-turtle rehabilitation kag education facility.

Pira lamang dya ka mga proyekto ni Senator Inday Loren Legarda nga dapat turukon natun ang kabug-osan kang ana serbisyo nga naka benepisyo sa mga tawo.

Gani, may importante nga mga pamangkot nga dapat naton ipakita:
Dapat bala mag-atubang si Senator Loren Legarda sa mga alegasyon? YES.
Ang bisan sin-o nga gin-akusaran kang sala dapat magtugro kang sabat sa nagakaigo nga investigative kag judicial institutions.

Pero may sara pa gid ka importante nga prinsipyo:
Dapat bala lipatan ukon paraon ang ana tatlo ka dekada nga serbisyo sa publiko tungod lang sa sangka alegasyon nga wara pa napamatud-an? INDI.

- Tugutan naton ang ebidensya ang maghambal.
- Tugutan naton ang Ombudsman ang mag-usisa.
- Tugutan naton si Senator Loren Legarda ang magsabat sa tanan nga mga lehitimo nga pamangkot.
- Kag kon mapamatud-an nga may sala, dapat may accountability - bisan sin-o pa ang involved.

Pero kon indi mapamatud-an ang alegasyon, dapat man may kaisog kita nga indi magpadara-dara sa trial by publicity, political insinuation, kag guilt by association.

Kay ang hustisya nagakinahanglan kang darwa ka butang: ACCOUNTABILITY KAG FAIRNESS.

Ang record ni Senator Loren Legarda indi man dapat pag-himuon nga automatic nga depensa batok sa bisan ano nga alegasyon. Pero indi man dya dapat pag-isipon nga daw wara gid tana nakaserbisyo sa sulod kang tatlo ka dekada.

USISAA ANG ALEGASYON. USISAA ANG EBIDENSYA. PERO INDI PAGHUSGARI ANG AKUSADO ANTES KANG DESISYON.
Amo dya ang ginapangayo kang due process.

Kag para sa mga Antikenyo, dumdumon naton ang mga proyekto kag programa nga may konkreto nga epekto sa aton mga komunidad.

Ang serbisyo publiko dapat husgahan base sa ebidensya - indi sa ngaran kang politika.😉

Jon Sherwin Pacete

08/07/2026

1,700 ginasukot sa mga pasyente nga myembro kang Philhealth sa hospital para sa information system nga DBP-DCI samtang may rugyan ron man kita nga LIBRE nga info system nga IHOMIS kang DOH, andut rudto gid tatun sa may bayad nga may libre man lang okon wara ron ti dapat baydan ang mga pasyente??? Bahol nga paramangkutanon ra, kag ang sabat nanda dasig kuno ang pag proseso kang philhealth kon may bayad keysa sa libre nga information system?? OWWWS?? Hehehe pero bukot ti amo kara ang eksakto nga isyu kundi ang pamangkot kang pumuluyo amo dya, LEGAL BALA ANG KONTRATA NGA GIN HALINAN KANG DYANG TANAN?? Sa gobyerno indi mahimo nga tungod lang kay mayad ang resulta balewalaon ron natun ang layi. Hay kon amo ra ang prinsipyo nga sundon ta DELIKADO TAYO DYAN hay tungod nagdasig ang plastada kang philhealth kag kon ano pa nga plastada dyan pwede ta ron balewalaon ang legal nga proseso? Hehehe HINDI PWEDE YAN.

Antes nga piriton kag padali-dalion ang Sangguniang Panlalawigan nga mag-ratify kang DEPEKTIBO NGA KONTRATA may sangka importante gid nga pamangkot nga dapat anay sabton:

ANDUT kinahanglan nga ang JAVIER ADMINISTRATION ang maghilot kang deperensya kang kontrata nga sa umpisa pa lang wara ron nagtuman sa kinahanglanon kag ginamando kang layi?

Base sa opisyal nga Legal Opinion kang Provincial Legal Office, ang kontrata nga ginpirmahan nanday Former Governor Dodod Cadiao kag kang DBP-DCI nga wara kang otorisasyon kang Sangguniang Panlalawigan, sangka DEPEKTIBO NGA KONTRATA kag naka bayolar kang layi suno sa Section 22(c) kang Local Government Code nga nagakuon “NO CONTRACT MAYBE ENTERED INTO BY THE LOCAL CHIEF EXECUTIVE ON BEHALF OF THE LOCAL GOVERNMENT UNIT WITHOUT PRIOR AUTHORIZATION BY THE CONCERNED SANGGUNIAN”. Kag ang DBP-DCI mismo nagpadara kang sulat nga nagapangayo kang ratification. Dya tanan mga opisyal nga dokumento, bukot dya ti mga istorya kuris-kuris ukon tsismis KUMPIRMADO nga ang kontrata DEPEKTIBO!

Ang ratification bukot lang dya basta pirma ukon pormalidad LANG. Dya sangka seryoso nga aksyon nga may legal kag pinansyal nga epekto. Ang obligasyon kang mga miyembro kang Sangguniang Panlalawigan indi nga magpirma dayon tungod lang nga ginapirit kag gina padali-dali sanda. Ang anda una nga responsibilidad amo ang pag PROTEKTAR kang INTEREST kang PROBINSYA kag kang PUMULUYO kang Antique.

Antes may ratification nga himuon, may mga pamangkot anay nga dapat sabton -

• Nasunod bala ang tanan nga kinahanglanon kang layi sa pagpasulod kang dya nga kontrata?
• Ang mga ginbayad nga pondo, may kompleto bala nga legal nga basehan?
• Makatarungan kag patas bala ang presyo kag baydanay kang dya nga sistema?
• Ano gid ang kabug-osan nga epekto kadya sa pondo kang Probinsya?
• Ano ang legal nga basehan kang mga binaydanay nga ginapatuman sa hospital nga may kaangtanan sa dya nga sistema?
• Ang paggamit kang DBP-DCI kang mga opisina, pasilidad, kuryente, aircon kag iban pa nga kagamitan kang Probinsya, may klaro bala dya nga otorisasyon sa kontrata kag indi bala malugi kag makadugang kang gasto ang gobyerno probinsyal?
• Ano ang opisyal nga posisyon kang Commission on Audit sa mga ginbayad ron nga pondo?

Ang dya nga mga pamangkot indi dapat balewalaon. Ang gina istoryahan dya kadya MILYON-MILYON nga pondo kang gobyerno KWARTA KANG PUMULUYO kag serbisyo nga direkta nagaapekto sa mga ANTIKENYO.

Kon sigurado gid ang DBP-DCI nga legal kag husto ang anda ginahimo, dapat wara sanda ti dapat kahadlukan kon ipa-review anay ang tanan nga aspeto kang kontrata kag kang binaydanay kang mga nagakaigo nga ahensya kang gobyerno, imbes nga piriton kag padali-dalion ang Sanggunian nga mag-ratify antes matapos ang bug-os nga pag-usisa.

Ang Sangguniang Panlalawigan indi dapat pag presyuron, piriton kag padali-dalion. Ang anda desisyon dapat nakabase sa layi, sa kamatuoran, kag sa pag protektar kang pondo kang pumuluyo.

Kag kon may alternatibo nga hospital information system nga legal, epektibo kag mahimo gamiton para indi maapektaran ang serbisyo sa Hospital, dapat dya man usisaon kag tugruan kang importansya para sa kaaraydan kang pumuluyo.

Ang pumuluyo kang Antique nagakinahanglan kang transparency, bukot pressure. Nagakinahanglan kang accountability, bukot shortcut. Ang pagsunod sa layi indi dapat pag turukon nga balabag kundi proteksyon kang pondo kag kang interest kang tanan.

Kon ang sangka kontrata may seryoso nga legal nga pamangkot, indi dapat nga piriton kag padali-dalion ang Sanggunian nga maghilot kang deperensya. Ang dapat anay himuon amo ang pagpasiguro nga ang tanan nga legal kag pinansyal nga isyu nasabat kag nahusay ka insakto antes dya mangin obligasyon kang gobyerno kag pumuluyo kang Antique.

Jon Sherwin Pacete

07/07/2026

“Oh hala! Tuod dya??? Suno sa atun impormante nga ang Government project sa DPWH-Antique ay FOR SALE??? How true is this D.E. Betsy Uy??? KON ang mga dokumento, testimonya kag iban pa nga mga ibedensya nga gin tugro kanatun magsanto kag magpakita kang insakto nga paktwal kag legal nga basehan, indi gid kita mag pang duwa-duwa nga magpasaka kang graft complaint batok sa mga opisyal, empleyado kag iban pa gid nga mga indibidwal nga ginatudo kang ibedensya nga responsable lakip ang mga kontratista KON mapamatud-an nga may partisipasyon kag pagpabaya. KON may paglapas sa layi, ang may sala DAPAT MANABAT, kag ang hustisya DAPAT MATUMAN pinaagi sa layi kag due process.”

Jon Sherwin Pacete

30/06/2026

DISCAYA SA ANTIQUE??! Lisensya mo ipahuram mo para mangontrata sa gobyerno????

ATENSYON SA MGA KONTRATISTA SA PROBINSYA! May nabaton kita nga impormasyon nga may kontraktor nga ginatugotan nga magamit ang ana Contractor’s license agud ma-qualify kag mag-partisipar sa government procurement. Tuod dya Den Construction Supplies and Services????

Kon mapamatud-an nga gina pahuram nyo ang lisensya nyo mahimo dya nga magpakita kang seryoso nga paglapas sa mga kinahanglanon kang procurement laws kag contractor licensing regulations.

Ang dya nga buruhaton mahimo mag resulta sa administratibo, sibil kag kriminal nga sarabton sa tanan nga mga responsable nga indibidwal, pati man sa mga opisyal kag empleyado kang gobyerno nga nag kunsinti, nagpasugot, ukon nagpabaya sa anda obligasyon.

Ang pag-gamit kang lisensya nga wara sa husto nga pamaagi ukon ang pag presentar kang bukot tuod nga impormasyon sa procurement process mahimo magbukas kang imbestigasyon kang mga natungdan nga ahensya kag magdara kang mga silot nga ginatugot kang layi, lakip ang posible nga diskwalipikasyon, blacklisting, kag iban pa nga legal nga konsekuwensya.

Ang integridad kang public procurement sangka pundamental nga mandato kang layi. Bisan sin-o nga mapamatud-an nga naga-gamit ukon nagpahuram kang lisensya sa pamaagi nga nagalapas sa layi ukon nagpadali kang paglikaw sa procurement requirements kinahanglan manabat sa bug-os nga pwersa kang layi.💪⚖️

Jon Sherwin Pacete

25/06/2026

Nakabaton kita kang sulat halin sa Opisina kang OMBUDSMAN. 👍

Dya may kaangtanan sa ginpasaka ta nga panumbungon kang nagligad nga Marso 2026 sa Ombudsman Central Office

Kon ginapasakaan kaw kang reklamo sa OMBUDSMAN, indi kaw dapat magkabalaka ukon magka-kulba KON WARA kaw may nahimo nga ILEGAL sa gobyerno.

Ang importante, masabat ang mga alegasyon kag mapakita ang kamatuoran paagi sa husto nga proseso.👍💪⚖️

Jon Sherwin Pacete

21/06/2026

Andut bahol ang Problema kang Antique Government Center kadya??

Ang mga taga suporta ni former Governor Dodod Cadiao ang naga simplificar kang isyu kang Antique Government Center kag naga koon: "Building permit lang man ra bala. Andut indi ninyo matugro? Politika lang ra. Nahisa lang kamo kay si Dodod Cadiao ang mabaton kang kredito."

Pero SALA dya nga paghangop kang sitwasyon.

ANG BUILDING PERMIT BUKOT OPTIONAL
Ang Building Permit sangka mandatory kag kinahanglanon nga rekisito kang layi para sa bisan ano nga proyekto sa pagtukod kang building, lakip ron ang mga proyekto kang gobyerno.

Wara kang exemption ang mga proyekto kang gobyerno sa pagsunod sa National Building Code kag iban pa nga mga layi. Sa pagkamatuod, mas kinahanglan pa gani nga magsunod ang gobyerno tungod kay kwarta dya kang pumuluyo ang ginagasto.

Labi na gid dya ka importante sa Antique Government Center nga naga balor kang ginatos ka milyon tubtob kapin pa sa sangka bilyon ka pesos. INDI PWEDE nga i-shortcut ukon lapason ang mga kinahanglanon kang layi.

ANDUT WARA MATUGRUAN KANG BUILDING PERMIT?
Wara natugyanan kang Building Permit ang Antique Government Center tungod kay wara nareclassify ang lupa nga ginpatindugan kadya.

Ang nasambit nga lupa classified bilang:
1. Prime Agricultural Land
2. Irrigated Agricultural Land
3. Lupa nga protektado kang layi

Antes mahimo nga institutional ang gamit kang amo nga lupa, kinahanglan anay makabuol kang mga certification kag clearance halin sa nagkalain-lain nga ahensya kang gobyerno pareho kang:
1. National Irrigation Administration (NIA)
2. Department of Agriculture (DA)
3. Department of Agrarian Reform (DAR)
4. Department of Environment and Natural Resources (DENR)

Ang dya nga mga dokumento bukot dya optional kundi mandatory nga rekisito kang layi.

ANDUT IMPORTANTE ANG AMO NGA MGA CERTIFICATION?
Ang Sangguniang Bayan (SB) indi mahimo nga mag-reclassify kang agricultural land paagto sa institutional land kon wara dya nga mga certification. Ang mga certification amo ang legal nga basehan para sa reclassification kang lupa.

Amo dya ang proseso:
1. Magbuol kang certification kag clearance sa NIA, DA, DAR kag DENR.
2. Isumiter dya sa Sangguniang Bayan.
3. Kon kumpleto ron, mahimo ron dya nga i-reclassify kang SB ang lupa halin sa Agricultural paagto sa Institutional.

NAKABUOL BALA SANDA KANG AMO NGA CERTIFICATION? WARA!
Wara nakabuol kang mga kinahanglanon nga certification halin sa NIA, DA, DAR kag DENR. Tungod kadya, wara man kang legal nga basehan ang Sangguniang Bayan para i-reclassify ang lupa. Gani nagpabilin dya nga agricultural land.

PWEDE BALA NGA DIREKTA MAG-APPLY KANG BUILDING PERMIT? INDI!
Ang insakto nga proseso amo dya:
1. Reclassification kang lupa pinaagi sa Sangguniang Bayan.
2. Pagbuol kang Zoning Clearance.
3. Pagkumpleto kang iban pa nga mga rekisitos.
4. Pag-apply kang Building Permit sa Office of the Building Official (OBO).

Pagkatapos kang mga dya mahimo ron nga ma-isyu ang Building Permit.

PWEDE BALA NGA MAG DUMILI ANG BUILDING OFFICIAL? YES!
Kon kulang ukon wara nakumpleto ang mga rekisitos, may awtoridad kag obligasyon ang Building Official nga indi mag-isyu kang Building Permit. Simple lang - Kon kulang ang rekisitos, wara Building Permit.

PWEDE BALA MAGPATINDOG KANG BUILDING NGA WARA BUILDING PERMIT? BIG NO!
Ang Building Permit kinahanglan gid anay antes umpisahan ang construction. Ang pagtukod kang building nga wara Building Permit sangka paglapas sa National Building Code.

PWEDE BALA NGA MAG-RELEASE KANG KWARTA ANG GOBYERNO NGA WARA BUILDING PERMIT? BIG NO!
Indi dapat pag-release ang pondo kang gobyerno para sa proyekto nga wara kang legal nga Building Permit. Dya man ang nakita kang Commission on Audit (COA). Ang COA mismo nagtudlo nga may paglapas sa Building Code may kaangtanan sa Antique Government Center.

ANO ANG GINHIMO KANG COA?
Nag-isyu ang COA kang Notice of Disallowance. Bangud kadya, ginmando nga ibalik ni former Governor Dodod Cadiao kag kang contractor ang ginabanta ₱362 milyon nga kwarta kang pumuluyo. Ang basehan kang COA amo nga wara kang Building Permit kag iban pa nga legal nga rekisitos ang proyekto kang gin-release ang pondo.

PWEDE BALA PADAYUNON NI GOVERNOR PAOLO JAVIER ANG PROYEKTO? BIG YES!
Pwede gid nga mapadayon ang proyekto. Pero kinahanglan gihapon nga sundon ang tanan nga rekisitos kang layi. Wara man kang exemption ang kapareho nga administrasyon.

ANO ANG KINAHANGLAN HIMUON PARA MAPADAYON ANG PROYEKTO??
Kinahanglan:
1. Makabuol kang certification sa NIA, DA, DAR kag DENR.
2. Ma-reclassify ang lupa kang Sangguniang Bayan.
3. Makabuol kang Zoning Clearance.
4. Makumpleto ang tanan nga rekisitos.
5. Mag-apply kang Building Permit.
6. Mabaton ang approval kang Office of the Building Official.

Kon makumpleto ang tanan nga dya, mahimo ron nga ma-isyu ang Building Permit kag legal nga mapadayon ang proyekto.

ANDUT INDI RON KINAHANGLAN NGA MAGPANAWAGAN PA NGA “PADAYUNON LANG ANG PROYEKTO”!
Nag panawagan si former Governor Dodod Cadiao kay Governor Paolo Javier kag Mayor PJ Untaran nga padayunon na lang dayon ang proyekto.

Pero ang pinaka importante nga pamangkot amo dya - Pwede bala nga padayunon lang ang proyekto nga wara nagasunod sa mga rekisitos kang layi? Ang sabat BIG NO!

Kag wara man nagkoon si Governor Paolo Javier nga indi na pagpadayunon ang proyekto kay suno kana amo nga kinahanglan anay makumpleto ang tanan nga permit kag legal nga kinahanglanon antes magpadayon ang proyekto.

ANO ANG MAHIMO NI MAYOR PJ UNTARAN?
Limitado ang mahimo kang Mayor kon wara pa nakumpleto ang mga kinahanglanon nga dokumento. Indi pwede nga pwersahon kang Mayor ang Sangguniang Bayan nga mag-reclassify kang lupa, ang Office of the Building Official nga mag-isyu kang permit, kag ang mga national government agencies nga magtugro kang certification. Kay tungod ang amo ra nga mga aksyon mahimo man nga paglapas sa layi. Kag bukot ti abusador nga klase lider si Mayor PJ Untaran.

ANO ANG PINAKABAHOL NGA PROBLEMA KADYA KANG ANTIQUE GOVERNMENT CENTER?
Ang pinakabahol nga challenge amo ang pagbuol kang certification kag clearance halin sa NIA,DA,DAR kag DENR, hay kon hapos lang dya nga proseso, dapat nakabuol ron katu pa ka mga dya sanday former Governor Dodod Cadiao. Ang kamatuoran nga wara dya nakabuol nagapakita nga indi dya basta-basta nga proseso, labi na nga ang lupa prime agricultural kag irrigated nga protektado kang layi. Amo man dya ang problema nga gina-atubang karun kang Javier administration.

ANG PINAKA PUNDAMENTAL NGA PAMANGKOT
"Andut nabuhayan ang proyekto?" Pero basi mas importante nga pamangkutanon “Andut nga ginpili nga patindugan kang Antique Government Center ang sangka prime agricultural kag irrigated nga lupa nga protektado kang layi?" Kon ang lugar nga ginpili una pa lang angay nga para sa institutional development, posible nga wara ron dya nag-abot sa komplikado nga sitwasyon.

Ano abi hay sa kalapad kang San Jose dyan pa tinyo nag pwesto sa lugar nga indi pwede. Kag daad antes ninyo gin bakal ang lupa nga patindugan kang Antique Government Center gin konsulta man ninyo daad anay ra sa zoning officer kang San Jose kon pwede bala ra dyan plastaran okon indi, hay kon na plastar lang ra sa insakto nga lugar ang Antique Government Center wara gid ra ti problema daad kag EVERYBODY HAPPY abay pati nakatukob kang S.O.P.!

SIMPLE LANG ANG ISTORYA
WARA certification - WARA reclassification - WARA zoning clearance - WARA building permit - May building code VIOLATION - May Notice of Disallowance kang COA - NADELAY ANG PROYEKTO!

Jon Sherwin Pacete

20/06/2026

Sabat ta kay Former Antique Governor Dodod Cadiao😉

Ang matuod nga isyu dya sa Antique Government Center indi kon sin-o ang dapat basulon mo(COA, OBO, Present administration, Politika) kundi KON LEGAL kag HUSTO bala ang pag-gamit kang kwarta kang pumuluyo sa tion nga gin-patigayon okon gin implementar mo ang proyekto.

Ang pagpasaka kang aplikasyon para sa permit INDI PAREHO sa PAG-ANGKON kang permit. Ang pag-kinahanglan kang BAG-O nga Kapitolyo indi man rason para talikdan ang mga kinahanglanon kag ginamando kang LAYI.

Ang Notice of Disallowance kang Commission On Audit (COA) indi opinyon okon politika. Sara dya ka opisyal nga pagpang-usisa kang CONSTITUTIONAL BODY nga may katungdanan sa pag-PROTEKTAR kang pondo kang gobyerno KWARTA KANG PUMULUYO.

Imbes nga ibalhin ang isyu sa iban nga opisyal okon sa Javier Administration, MAS IMPORTANTE nga SABTON MO ang pamangkot nga dya: NA-KOMPLETO NINYO BALA ANG TANAN NGA LEGAL NGA REKISITOS ANTES GIN-PAGWA KAG GIN GASTO ANG SOBRA TUNGA SA B!ŁYÖN NGA KWARTA KANG MGA ANTIKENYO???

Ang mayad nga intensyon indi sapat nga depensa kon may paglapas sa proseso. Sa gobyerno, ang kinahanglan bukot lang mayad nga proyekto kundi LEGAL, TRANSPARENT kag ACCOUNTABLE nga proyekto.

Bukot dya isyu kang POLITIKA kundi isyu dya kang ACCOUNTABILITY.

Liwaton ta, Ang PAG APPLY kang permit BUKOT PERMIT kag mag koon nga “NO ONE CAN STOP US!” Ang kamayad kang proyekto BUKOT DEPENSA sa POSIBLE nga PAGLAPAS kang LAYI. Ang COA Notice of Disallowance sangka SERYOSO nga audit finding nga kinahanglan sabton pinaagi sa DOKUMENTO kag EBIDENSYA, indi sa pagbalhin kang responsibilidad sa iba.💪👍⚖️

Jon Sherwin Pacete

Ontoy Sherwin Pacete

20/08/2026

18/08/2026

11/08/2026

08/07/2026

07/07/2026

30/06/2026

25/06/2026

21/06/2026

20/06/2026

Address

Telephone

Website

Alerts

Shortcuts

Share

Category

Listing takedown request