Barangay Daungan

19/10/2025

𝐏𝐀𝐁𝐀𝐓𝐈𝐃 𝐒𝐀 𝐋𝐀𝐇𝐀𝐓

𝑷𝑨𝑵𝑺𝑨𝑴𝑨𝑵𝑻𝑨𝑳𝑨𝑵𝑮 𝑷𝑨𝑮𝑲𝑨𝑲𝑨𝑵𝑺𝑬𝑳𝑨 𝑵𝑮 𝑩𝑨𝑹𝑨𝑵𝑮𝑨𝒀 𝑮𝑬𝑵𝑬𝑹𝑨𝑳 𝑨𝑺𝑺𝑬𝑴𝑩𝑳𝒀

Magandang araw po sa lahat ng ating mga minamahal na kabarangay sa Barangay Daungan. Ipinababatid po namin na ang nakatakdang Barangay General Assembly ngayong araw, Oktubre 19, 2025 sa ganap na alas-4:00 ng hapon sa Daungan Covered Court ay pansamantalang kanselado dahil sa masamang panahon.

Ang kaligtasan po ng bawat isa ang aming pangunahing prayoridad. Ang bagong iskedyul ng pagpupulong ay ipapaabot po namin sa lalong madaling panahon.

Mangyaring manatiling nakaantabay sa mga susunod na anunsyo.

Maraming salamat po sa inyong pang-unawa at patuloy na pakikiisa para sa ikabubuti ng ating barangay.

Mag-ingat po tayong lahat!

18/10/2025

PAANYAYA

Magandang araw po sa ating mga kabarangay sa Barangay Daungan!
Kayo po ay malugod naming inaanyayahan na dumalo sa Barangay General Assembly ng ating pamayanan.

📅 Bukas, Oktubre 19, 2025
🕓 Alas-4:00 ng hapon
📍 Daungan Covered Court

Sama-sama po tayong makinig, magbahagi, at makiisa para sa ikauunlad ng ating Barangay!
Tara na’t makibahagi, Kabarangay! 💪🇵🇭

08/10/2025

PAALALA: Dulot ng mga naidagdag na bilang ng kaso ng HFMD sa Central Luzon, muling pinaaalalahanan ng Bataan Provincial Health Office ang lahat na sanayin ang mga batang maghugas ng kamay; gayundin, pinapayuhan ang mga nakatatanda na ugaliin ang paghuhugas ng kamay bago at pagkatapos hawakan ang mga bata, at pag-disinfect ng mga gamit na madalas hinahawakan.

Ang HFMD o Hand, Foot, and Mouth Disease ay kadalasang dumadapo sa mga nasa edad 10 pababa, ngunit may mga pagkakataon din na pati ang mga matatanda ay dinadapuan nito. Nakahahawa ang sakit na ito, at ang mga sintomas ay:

-Lagnat
-Pagkawala ng ganang kumain at uminom ng tubig
-Pagsakit ng lalamunan
-Pagkakaroon ng mga pantal sa palad ng mga kamay at talampakan ng paa, pati na sa puwitan at sa maselang bahagi ng katawan; at
-Pagkakaroon ng singaw sa bibig

Sama-sama tayo sa pagkamit ng isang ligtas at malusog na komunidad.

05/10/2025

Paalala

BABALA: Sa muling pagtaas ng naitatalang kaso ng hand, foot, and mouth disease (HFMD) dito sa Central Luzon, pinaaalalahanan ng Bataan Provincial Health Office ang lahat na sanayin ang mga batang maghugas ng kamay.

Bukod pa rito ay pinapayuhan din ang mga nakatatanda na ugaliin ang paghuhugas ng kamay bago at pagkatapos hawakan ang mga bata; siguraduhin na laging mayroong sabon at malinis na tubig sa inyong mga palikuran at lababo; kung maaari ay maglaan din ng alcohol o alcogel na maaaring gamitin anumang oras; sanayin din na i-disinfect ang mga bagay na palaging hinahawakan.

Kung sakali namang makaranas ng mga sumusunod na sintomas ay agad na sumangguni sa pinakamalapit na health center sa inyong lugar:
-Lagnat
-Pagkawala ng ganang kumain at uminom ng tubig
-Pagsakit ng lalamunan
-Pagkakaroon ng mga pantal sa palad ng mga kamay at talampakan ng paa, pati na sa puwitan at sa maselang bahagi ng katawan; at
-Pagkakaroon ng singaw sa bibig

Sama-sama tayo sa pagkamit ng protektadong komunidad.

30/09/2025

29/09/2025

ALAM NIYO BA?
Ipinagdiriwang ngayong araw, ika-29 ng Setyembre, ang World Heart Day. Nakumusta niyo na ba ang inyong mga puso? Nakatutulong ba ang iyong paraan ng pamumuhay sa pagpapanatili ng malusog na puso?

Sa pagdiriwang ito, nais ipaalala ng Bataan Provincial Health Office na laging piliin ang malusog na pamumuhay upang mapangalagaan ang inyong mga puso:
1. Huwag manigarilyo
2. Iwasan ang masyadong maaalat at mamantikang pagkain
3. Kumain ng sapat at masusustansyang pagkain
3. Idagdag ang pisikal na mga aktibidad sa araw-araw na gawain
4. Umiwas sa pag-inom ng alak

Ayon sa World Health Organization (WHO), isa sa mga pangunahing sanhi ng kamatayan ay sakit sa puso, kung saan mahigit 18 milyon kada taon ang naitatalang bilang ng pagkamatay dulot ng sakit sa puso sa buong mundo.

Huwag kalimutang mahalin ang iyong puso. Sama-sama tayo sa pagpapanatili ng malusog na pamumuhay para sa malusog na puso ng bawat miyembro ng pamilyang Bataeño.

26/09/2025

26/09/2025

26/09/2025

🚭 BAWAL MAG YOSI AT V**E SA MGA EVACUATION CENTER 🚭

Ayon sa pinakahuling DSWD DROMIC Report, 48,164 na tao ang lumikas sa evacuation centers bunsod ng hagupit ng Severe Tropical Storm Opong.

Ipinaalala ng Department of Health na mahigpit na ipinagbabawal ang paggamit ng sigarilyo at v**e sa mga pampublikong lugar—kabilang ang paaralan at evacuation centers, ayon sa Republic Act 9211 at Executive Order No. 106.

Ang paninigarilyo sa loob ng evacuation center ay delikado para sa lahat, lalo na sa mga buntis, sanggol, at bata dahil:
🚭 Maaaring makalanghap sila ng usok na nakakasama sa baga at kalusugan.
🚭 Mataas ang panganib ng sunog sa masisikip na lugar.

Paalala ng DOH:
✅ Ipaalam agad sa mga awtoridad kung may makikitang nagyoyosi o nagve-v**e sa loob ng evacuation center.
📞 Tumawag sa DOH Quitline 1558 kung kailangan ng tulong upang huminto sa paninigarilyo.

Source: DSWD DROMIC Report No. 18