Barangay Daungan

29/08/2026

𝗥𝗘𝗗 𝗥𝗔𝗜𝗡𝗙𝗔𝗟𝗟 𝗪𝗔𝗥𝗡𝗜𝗡𝗚 | 𝗔𝗨𝗚𝗨𝗦𝗧 𝟮𝟵, 𝟮𝟬𝟮𝟲

Nakataas ang Red Rainfall Warning sa lalawigan ng Bataan.

May matinding banta ng malawakang pagbaha at posibleng pagguho ng lupa, lalo na sa mga mabababang lugar, gilid ng bundok, at mga komunidad na malapit sa ilog.

Pinapayuhan ang lahat na lumikas agad kung kinakailangan, at patuloy na makinig sa mga opisyal na abiso ng lokal na pamahalaan at mga awtoridad.'

Ibayong pag-iingat at kahandaan po para sa kaligtasan ng lahat.

29/08/2026

Ngayong panahon ng habagat, malaki ang tyansang maganap ang mga aksidente tulad na lang ng pagkakuryente.

Narito ang ilang paalala sakaling makuryente:

✅️ Kung kaya at ligtas, pataying ang main switch

✅️ Kung hindi kayang patayin ang main switch, ilayo ang source ng kuryente gamit ang non-conducting object gaya ng kahoy o plastic. Huwag gumamit ng metal.

✅️ Tumawag sa emergency hotline 911

✅️ Simulan ang CPR kung walang malay ang biktima.

✅️ Banlawan ang mga paso ng malamig at umaagos na tubig sa loob ng 20 minuto.

✅️ Siguraduhing hindi giniginaw ang biktima at bantayan hanggang sa dumating ang tulong.

Siguraduhing ligtas ngayon tag-ulan, maging alerto anumang oras. Sama-sama tayo sa pagkamit ng ligtas na komunidad para sa mas matatag na pamilyang Bataeño.

29/08/2026

LIVE: KWENTUHAN TAYO BATAENO NGAYONG BUWAN NG WIKA AT SA NALALAPIT NA NATIONAL HEROES DAY

Ipinagdiriwang natin ngayong buwan ng Agosto ang Buwan ng Wika, at sa pagtatapos naman ng buwan ay gugunitain natin ang National Heroes Day, mga pagdiriwang na nagbibigay-diin sa kahalagahan ng ating wika, kultura, kasaysayan, at pagkakakilanlan bilang mga Pilipino.

Kaya naman, kasama natin ngayong gabi ang ilan sa mga natatanging panauhin na magbabahagi ng kanilang kaalaman, pananaw, at karanasan tungkol sa kahalagahan ng wika sa makabagong panahon, gayundin ang kanilang mga adbokasiya bilang mga lokal na bayani sa kani-kanilang larangan.

Kasama po natin sina Rebecca B. Appelido, Ed.D., College Dean ng Tomas del Rosario College; Dr. Lorraine Marie Item ng Kids Cancer Warriors; at Maricel Candela ng The Guilds, BPSU Main Campus.

Manatili po kayong nakatutok at makiisa sa ating talakayan dahil maaari rin kayong manalo ng ₱500 Smart Load, 1Bataan merchandise at gift certificates mula sa:

- Diko’s Kitchen
- Remedios Cafe
- Flipp Burgers & Wings

May mga tanong ba kayo tungkol sa ating mga guests? I-comment na po ninyo sa ibaba at maaari nating itanong at ipa-sagot sa kanila yan mamaya lamang!

29/08/2026

29/08/2026

𝐔𝐏𝐃𝐀𝐓𝐄 | 𝐀𝐮𝐠𝐮𝐬𝐭 𝟐𝟗, 𝟐𝟎𝟐𝟔 | 𝐁𝐀𝐑𝐀𝐍𝐆𝐀𝐘 𝐃𝐀𝐔𝐍𝐆𝐀𝐍

Patuloy ang paalala ng Barangay Daungan na manatiling alerto at mag-ingat dahil sa mataas na baha at iba pang posibleng panganib dulot ng malakas na pag-ulan. 🌧️

Pulisya: 0998 598 5360
Bumbero: 0919 865 4441
MDRRMO: 0917 549 7739
RHU: 0961 622 1790 / 0906 249 3585

Kung kinakailangan, manatili muna sa ligtas na lugar at makinig sa mga opisyal na abiso mula sa barangay at pamahalaan.

Manatiling ligtas, Barangay Daungan!
Patuloy nating unahin ang kaligtasan ng bawat isa. 🙏🌧️

29/08/2026

𝐑𝐄𝐃 𝗥𝗔𝗜𝗡𝗙𝗔𝗟𝗟 𝗪𝗔𝗥𝗡𝗜𝗡𝗚 | 𝗔𝗨𝗚𝗨𝗦𝗧 𝟐𝟗, 𝟮𝟬𝟮𝟲 🌧️

⚠️ Nakataas ang Red Rainfall Warning sa buong lalawigan ng Bataan.

📌 Pinapaalalahanan ang lahat na:
• Manatiling alerto at maging maingat sa lahat ng oras.
• Patuloy na subaybayan ang mga update ukol sa panahon.
• Iwasang pumunta sa mga lugar na madaling bahain.
• Makinig at sumunod sa mga abiso at tagubilin mula sa lokal na pamahalaan at MDRRMO.

Kaligtasan ng bawat isa ang ating pangunahing prayoridad. 💛

Ibayong pag-iingat po sa ating lahat. Manatiling ligtas, Daungan! 🙏🌧️

𝐑𝐄𝐃 𝗥𝗔𝗜𝗡𝗙𝗔𝗟𝗟 𝗪𝗔𝗥𝗡𝗜𝗡𝗚 | 𝗔𝗨𝗚𝗨𝗦𝗧 𝟐𝟗, 𝟮𝟬𝟮𝟲 🌧️

⚠️ Nakataas ang Red Rainfall Warning sa buong lalawigan ng Bataan.

📌 Pinapaalalahanan ang lahat na:
• Manatiling alerto at maging maingat sa lahat ng oras.
• Patuloy na subaybayan ang mga update ukol sa panahon.
• Iwasang pumunta sa mga lugar na madaling bahain.
• Makinig at sumunod sa mga abiso at tagubilin mula sa lokal na pamahalaan at MDRRMO.

Kaligtasan ng bawat isa ang ating pangunahing prayoridad. 💛

Ibayong pag-iingat po sa ating lahat. Manatiling ligtas, Daungan! 🙏🌧️

— Sangguniang Kabataan ng Daungan

10/08/2026

NATIONAL HIV PREVENTION MONTH

Ngayong National HIV Prevention Month, hinihikayat po ang bawat Bataeño na maging mulat, responsable, at maagap sa pangangalaga ng ating kalusugan.

Ang HIV ay maiiwasan sa pamamagitan nang tamang kaalaman, regular na HIV testing, tamang paggamit ng proteksyon sa pakikipagtalik, at Pre-Exposure Prophylaxis (PrEP) batay sa payo ng healthcare provider, kung kinakailangan.

Alamin ang iyong HIV status. Magpa-test at magpakonsulta sa pinakamalapit na HIV testing facility o health center sa inyong lugar. Ang maagang pagsusuri ay susi sa maagap na pangangalaga at paggamot.

Wakasan po natin ang stigma, isulong ang tamang impormasyon, at pangalagaan ang kalusugan ng bawat Bataeño.

10/08/2026

PAALALA NGAYONG PANAHON NG HABAGAT!
Iwasan ang 'WILD' diseases (Water-borne diseases, Influenza, Leptospirosis, at Dengue)! Ito ang mga sakit na mas malaki ang banta sa ating kalusugan ngayong panahon ng bagyo.

Mga sakit na dulot ng mga mikroorganismo, bacteria, at virus na hindi natin agad-agad makikita gamit lamang ang ating mga mata, kung kaya't kinakailangan nating mag doble-ingat upang maiwasan ang mga komplikasyon o di kaya'y kamatayan na maaari nitong idulot.

Ipinapaalala ng Bataan Provincial Health Office na patuloy na gawin ang mga sumusunod:

✅️Siguraduhin na malinis at ligtas ang tubig na inyong iniinom at ginagamit; gayundin ang pagkain na inyong kakainin, siguraduhing ito ay maayos na naluto.

✅️Panatilihing malinis ang katawan; ugaliing maghugas ng kamay gamit ang malinis na tubig at sabon

✅️Siguraduhing malinis ang kapaligiran at tama ang paraan ng pagtatapon ng basura upang maiwasan ang baha at upang walang pamugaran ang mga lamok at insektong magdudulot ng sakit.

✅️Ugaliing linisin at i-disinfect ang mga kagamitan sa bahay; itaob ang mga maaaring maipunan ng tubig gaya ng mga bote, gulong, o timbang hindi ginagamit.

✅️Umiwas sa baha; huwag maglaro, lumusong, o lumangoy sa tubig baha

✅️Gumamit ng payong, kapote, at bota

✅️Magpabakuna kontra influenza at hepatitis

✅️Iwasan ang malapit na pakikipag-usap sa mga taong may sakit, lagnat, ubo at sipon

Maging maingat, maalam, at mapagmatyag para sa mas matatag na pamilyang Bataeño.

10/08/2026

PAALALA: Sa kabila ng hindi magandang panahon, tuloy pa rin ang pagbibigay dagdag proteksyon ng mga health workers sa mga batang edad 6-59 na buwang gulang dito sa lalawigan ng Bataan.

Nagsimula ngayon araw ang Measles-Rubella Supplemental Immunization Activity (MR-SIA) na aabutin hanggang sa ika-28 ng Agosto. Isang aktibidad na layong bigyang proteksyon ang lahat ng batang 6-59 buwang gulang mula sa banta ng sakit na tigdas at tigdas hangin.

Bukod dito, ipinapaalala rin ng Bataan Provincial Health Office na mag-ingat sa banta ng W.I.L.D diseases ngayon panahon ng habagat.
W - Water-borne diseases
I - Influenza-like illness
L - Leptospirosis
D - Dengue

✅️Piliting umiwas sa paglusong sa baha at kung hindi man ito maiiwasan ay ipinapayong uminom ng doxycycline na maaari namang makuha ng libre sa pinakamalapit na health station sa inyong lugar.

✅️Siguraduhing walang pinamamahayan at pangingitlugan ang mga lamok sa inyong tahanan dahil tandaan, kung walang lamok ay wala ring dengue.

✅️Panatilihing malinis ang inyong mga inumin at ginagamit na tubig, ugaliing maghugas ng kamay, at umiwas munang makisalamuha sa mga taong mayroong sipon, ubo, o lagnat.

Sama-sama tayo sa pagkamit ng ligtas, protektado, at malusog na komunidad para sa mas matatag na pamilyang Bataeño.