ANGAT KA Hilongosnon

ANGAT KA Hilongosnon The ANGAT KA Hilongosnon page is the official platform of the LGU of Hilongos, sharing updates and information on its programs and initiatives.
(2)

Comments and opinions from followers do not reflect the LGU’s views or policies.

Mabungahon ug puno sa kalipay nga gipasiugdahan uban sa espiritu sa panaghiusa ug pagkamadasigon, gitambungan ni Mayor M...
28/05/2026

Mabungahon ug puno sa kalipay nga gipasiugdahan uban sa espiritu sa panaghiusa ug pagkamadasigon, gitambungan ni Mayor Manuel “Linlin” R. Villahermosa ang Pakwan Harvest Festival nga gipahigayon sa Tambaan, Brgy. Liberty, Hilongos, Leyte. Ang maong kalihokan nahimong selebrasyon dili lamang sa abunda nga ani sa pakwan, kondili usab sa kakugi, paglahutay, ug dedikasyon sa atong mga mag-uuma nga padayon nga nagpalambo sa sektor sa agrikultura sa lungsod.

Sa iyang mensahe, gipasiugda ni Mayor Villahermosa ang dakong papel sa mga mag-uuma isip haligi sa kalamboan sa komunidad ug sa tibuok lungsod sa Hilongos. Iyang gipadayag nga ang kalampusan sa agrikultura mao usab ang kalampusan sa matag Hilongosnon, busa ang lokal nga pangagamhanan magpadayon sa pagpalig-on sa mga programa ug inisyatibo alang sa kaayohan sa agricultural sector.

Kauban sa mayor sa maong kalihokan sila Hon. Aline B. Reoma, SB Member; Ms. Analie B. Maike, Municipal Agriculturist; ug pipila ka mga kapitan ug konsehal gikan sa nagkadaiyang barangay.

Malipayong Pakwan Harvest Festival!

Puno sa gugma, panaghiusa, ug paglaum alang sa bag-ong kapitulo sa kinabuhi, gipangunahan ni Mayor Manuel “Linlin” R. Vi...
28/05/2026

Puno sa gugma, panaghiusa, ug paglaum alang sa bag-ong kapitulo sa kinabuhi, gipangunahan ni Mayor Manuel “Linlin” R. Villahermosa ang solemneng seremonya sa kasal sa managtiayon nga sila Mr. Nolasco A. Bulagao Jr. ug Ms. Mirasol M. Puno, ingon man nila Mr. Pedro Jr. R. Palmeras ug Ms. Carmela S. Vasquez.

Sa iyang mensahe, gipasiugda ni Mayor Linlin ang kamahinungdanon sa pagsinabtanay, pagrespeto, ug matinud-anong paghigugma isip lig-on nga pundasyon sa malungtarong kaminyoon. Nagdasig usab siya sa mga bag-ong minyo nga ipadayon ang panaghiusa ug pagtinabangay sa tanang pagsulay ug kalipay nga ilang pagaagian isip magtiayon.

Ang Lokal nga Pangagamhanan sa Hilongos nagpaabot sa kinasingkasing nga pahalipay ug mga pangamuyo alang sa malipayong panag-uban, malinawon nga pamilya, ug mauswagon nga kaugmaon sa mga bagong kasal. Congratulations and best wishes!

Ang Lokal nga Pangagamhanan sa Hilongos ubos sa maampingong pagpangulo ni Mayor Manuel “Linlin” R. Villahermosa, inubana...
27/05/2026

Ang Lokal nga Pangagamhanan sa Hilongos ubos sa maampingong pagpangulo ni Mayor Manuel “Linlin” R. Villahermosa, inubanan sa hingpit nga suporta sa Sangguniang Bayan nga gipangulohan ni Bise Mayor Albert R. Villahermosa, mapinanggaon nga nakighiusa sa atong mga kaigsoonan nga Muslim sa pagsaulog sa Eid Al-Adha o Feast of Sacrifice.

Hinaut nga kining balaang kasaulogan maghatod og malinawon nga panginabuhi, lig-on nga pagtuo, ug panaghiusa nga magpadayon sa pagdasig sa matag panimalay ug sa tibuok lungsod.

Eid Mubarak!

Ang Lokal nga Panggamhanan sa Hilongos ubos sa liderato ni Mayor Manuel “Linlin” R. Villahermosa, uban sa bug-os nga sup...
26/05/2026

Ang Lokal nga Panggamhanan sa Hilongos ubos sa liderato ni Mayor Manuel “Linlin” R. Villahermosa, uban sa bug-os nga suporta sa Sangguniang Bayan nga pinangulohan ni Bise Mayor Albert R. Villahermosa, mapinanggaon nga nagpadangat sa ilang mainiton ug kinasingkasing nga birthday greetings ngadto ni Hon. Trinidad V. Zarate, SB Member, sa pagsaulog sa iyang adlawng natawhan.

Hinaut nga ang imong adlaw mapuno sa kalipay, maayong panglawas, ug dugang kusog aron magpadayon sa matinud-anon ug malungtarong pag-alagad sa katawhang Hilongosnon. Ang imong dedikasyon ug pasalig sa serbisyo publiko padayon nga naghatag inspirasyon ug positibong kausaban sa komunidad.

Malipayong Adlawng Natawhan, Hon. Trinidad V. Zarate!

Photo credit: Sangguniang Bayan of Hilongos, Leyte

Uban sa lig-on ug mapinanggaong pagpanguna ni Mayor Manuel “Linlin” R. Villahermosa, malampusong napahigayon ang LGU Hil...
26/05/2026

Uban sa lig-on ug mapinanggaong pagpanguna ni Mayor Manuel “Linlin” R. Villahermosa, malampusong napahigayon ang LGU Hilongos Department Head Meeting sa Mayor’s Conference Room—usa ka mahinungdanong panagtigom nga nagpunting sa pagpalig-on sa koordinasyon, pagpausbaw sa serbisyo publiko, ug pagtinabangay alang sa padayon nga kalamboan sa lungsod ug sa katawhan.

Sa iyang mensahe, gipasiugda ni Mayor Linlin ang kamahinungdanon sa matinud-anon nga pag-alagad, responsableng liderato, ug hiniusang paningkamot sa matag departamento aron mas mapalambo pa ang kalidad sa serbisyo alang sa katawhang Hilongosnon. Iyang giawhag ang tanan sa pagpadayon nga dedikasyon, integridad, ug kahusayan isip haligi sa epektibong pangagamhanan.

Atol sa maong panagtigom, ang matag head of department mipresentar sa ilang tagsa-tagsa ka mga kalampusan, mga nahimong kalihokan, ug mga programa nga nagpakita sa padayon nga paningkamot sa Lokal nga Pangagamhanan sa paghatag og episyente ug responsive nga serbisyo publiko.

Kauban ni Mayor ang Municipal Administrator Atty. Lemuel Jan M. Nerves ug ang mga heads of offices sa LGU Hilongos nga nagpadayon sa hiniusang paningkamot alang sa mas lig-on, organisado, ug progresibong Hilongos ug Hilongosnon.

Madanihon ug masanagon nga gabii nga puno sa katahom, kalipay, ug panaghiusa ang misugat kang Mayor Manuel “Linlin” R. V...
26/05/2026

Madanihon ug masanagon nga gabii nga puno sa katahom, kalipay, ug panaghiusa ang misugat kang Mayor Manuel “Linlin” R. Villahermosa atol sa iyang pagtambong sa Coronation Night sa Brgy. Bung-aw diin opisyal nga gikoronahan si Ms. Karyl Anne A. Millan isip Miss Bung-aw 2026 nga gipahigayon sa Brgy. Bung-aw Gym, Hilongos, Leyte. Ang maong kalihukan nahimong timaan sa pagpasidungog sa katahom, talento, ug kaisog sa kabatan-onan sa maong barangay.

Sa iyang mensahe, gipadayag sa Mayor ang iyang pagdayeg sa padayon nga panaghiusa ug aktibong partisipasyon sa katawhan sa Bung-aw sa matag kalihukan nga nagpalig-on sa komunidad ug nagpreserbar sa lokal nga kultura ug tradisyon. Giila usab niya ang paningkamot sa mga organizers ug barangay officials nga malampusong nagpahigayon sa maong kasaulogan nga naghatag kalipay ug inspirasyon sa katawhan.

Dako usab ang pasalamat sa Mayor sa mainiton ug sinsero nga pagdawat kaniya sa mga residente sa Bung-aw, ilabina sa suporta ug kooperasyon nga padayon nga nagpalig-on sa maayong panaghiusa tali sa lokal nga pangagamhanan ug komunidad.

Kauban sa Mayor si Hon. Aline B. Reoma, SB Member, ug ang tibuok pwersa sa mga opisyales sa Brgy. Bung-aw nga pinangulohan ni Punong Barangay Hon. Generoso M. Lor.

Uban sa espiritu sa panaghiusa ug matinud-anong pag-alagad, gipangunahan ni Mayor Manuel “Linlin” R. Villahermosa ang Fl...
25/05/2026

Uban sa espiritu sa panaghiusa ug matinud-anong pag-alagad, gipangunahan ni Mayor Manuel “Linlin” R. Villahermosa ang Flag Raising Ceremony isip pag-abli sa usa na usab ka semana nga puno sa responsibilidad, dedikasyon, ug paglaum alang sa mga Hilongosnon.

Nahimong mas makahuluganon ang maong panagtigom pinaagi sa pagpanghatag og mga token sa mga empleyadong nagsaulog sa ilang adlawng natawhan ning bulan sa Mayo—usa ka yano apan mainiton nga pagpakita sa pagpasalamat ug pag-ila sa ilang kontribusyon sa serbisyo publiko. Gidungagan usab kini sa pagpaambit sa mga nahibal-an ug mga bag-ong kaalaman gikan sa mga empleyadong mitambong sa nagkalain-laing training ug seminar, nga nagpakita sa padayon nga pagpalambo sa kahibalo ug kapasidad alang sa mas epektibong serbisyo sa katawhan.

Sa matag pagsugod sa semana, mas napalig-on ang tinguha sa usa ka pangagamhanan nga nagserbisyo uban sa integridad, panaghiusa, ug tinuod nga pag-amuma sa katawhan.

🌱💚 Nagkahiusa alang sa mas greener ug mas malungtarong kaugmaon!Malampuson nga nahigayon ang usa ka mahinungdanong court...
21/05/2026

🌱💚 Nagkahiusa alang sa mas greener ug mas malungtarong kaugmaon!

Malampuson nga nahigayon ang usa ka mahinungdanong courtesy visit uban ni Atty. Lemuel Jan M. Nerves, representante ni Mayor Manuel “Linlin” R. Villahermosa, kauban ang mga delegado gikan sa Green Carbon Japan:

• Joanna Marie Ang – System Development Analyst
• Ruiya Li – Business Development Analyst
• Sherrene Chua – Operation Analyst

Miadto usab ang matinud-anong grupo sa Verde Carbon Capture Inc. (VCCI) nga gipangulohan ni Vic Anthony Lapore, Assistant Manager for Business Development, ug ang VSU Project Staff ubos sa pagpangulo ni Dr. Deejay M. Lumanao, Project Leader.

Ang maong panagtigom nagtumbok sa pagpalig-on sa panaghiusa alang sa mga inisyatibang nagpanalipod sa kinaiyahan, pagpalambo sa mga programa batok sa epekto sa climate change, ug pagpasiugda sa mga kabag-ohan nga makatampo sa mas limpyo ug mas himsog nga palibot.

Pinaagi sa lig-on nga panag-uban ug hiniusang tumong, nagpadayon kita sa paghimo og mga lakang padulong sa mas malungtaron ug mas hayag nga kaugmaon alang sa sunod nga mga henerasyon.

📢 Serbisyo sa LTO, Mas Pinalapad ug Mas Gipaduol sa Katawhan sa Hilongos! Ubos sa matinud-anon ug masinabtanon nga lider...
18/05/2026

📢 Serbisyo sa LTO, Mas Pinalapad ug Mas Gipaduol sa Katawhan sa Hilongos!

Ubos sa matinud-anon ug masinabtanon nga liderato ni Mayor Manuel “Linlin” R. Villahermosa, ug pinaagi sa lig-on nga panagtambayayong sa Land Transportation Office Baybay Extension Office, ipahigayon ang usa ka espesyal nga serbisyo aron mas mapadali ug mapaduol ang mga transaksyon sa mga lumolupyo sa lungsod sa Hilongos.

📍 Venue: Eastern Barangay Gym
🗓️ Date: May 23, 2026 (Sabado)
🕜 Time: 8:00AM

Ania ang mga serbisyong mahimong ma-avail sa maong aktibidad:

✅ Pag-release ug Plate Number
✅ Pagkuha ug Student Permit
✅ Renewal sa Driver’s License
✅ Rehistro sa mga sakyanan ug motorsiklo

🔎 Smoke Testing:
Ang tanan nga magpa-smoke emission test gihangyo nga magpalista una sa Hilongos Traffic Office nga nahimutang sa Hilongos Municipal Gym, aron mas organisado ug hapsay ang proseso.

Kini nga inisyatibo nagpakita sa padayon nga paningkamot sa lokal nga pangagamhanan sa pagdala ug mas episyente, accessible, ug kalidad nga serbisyo alang sa katawhan — usa ka lakang padulong sa mas sayon ug mas hapsay nga transaksyon alang sa matag motorista sa Hilongos.

🛵🚘 Dali na ug ayaw pasipyata ang higayon nga ma-update ug maasikaso ang inyong mga dokumento sa sakyanan ug lisensya!

Mabungahon ug mapuslanon nga gitambungan ni Mayor Manuel “Linlin” R. Villahermosa ang TUPAD Orientation nga gipahigayon ...
14/05/2026

Mabungahon ug mapuslanon nga gitambungan ni Mayor Manuel “Linlin” R. Villahermosa ang TUPAD Orientation nga gipahigayon didto sa 3rd Floor Function Room, Municipal Building, Hilongos, Leyte. Ang maong kalihokan nagpakita sa padayon nga paningkamot sa lokal nga panggamhanan sa paghatag og suporta ug oportunidad alang sa mga kababayan nga nanginahanglan og panginabuhian ug panarbaho.

Sa iyang mensahe, gipasiugda ni Mayor Villahermosa ang importansya sa panaghiusa, kooperasyon, ug aktibong partisipasyon sa matag benepisyaryo aron mas mapuslan ug mapalambo pa ang mga programa nga gitanyag sa gobyerno alang sa kaayohan sa katawhan. Gidasig usab niya ang tanan nga magpabiling responsable ug matinud-anon sa matag oportunidad nga ilang madawat.

Kauban sa Mayor sa maong kalihokan sila Mr. Giovanni G. Olo, PESO Manager, ug Ms. Jessica Chumacera, TUPAD Coordinator, nga nagpadayon sa ilang dedikasyon sa pagpalig-on sa implementasyon sa mga programa alang sa mga Hilongosnon.

Nagpabiling lig-on ang paningkamot sa lokal nga pangagamhanan sa Hilongos alang sa pagpanalipod sa kinaiyahan ug pagpala...
14/05/2026

Nagpabiling lig-on ang paningkamot sa lokal nga pangagamhanan sa Hilongos alang sa pagpanalipod sa kinaiyahan ug pagpalambo sa kahandaan sa komunidad batok sa mga hagit sa klima, samtang mainiton nga giabi-abi ni Mayor Manuel “Linlin” R. Villahermosa ang mahinungdanong pagbisita sa mga representante gikan sa Oxfam Pilipinas, ECLIPSE, ug Forest Foundation Philippines.

Ang maong courtesy visit kabahin sa implementasyon sa proyekto nga “Strengthening Hilongos’ Ecosystems through Women’s Involvement in Nature-based Solutions for Disaster Risk Reduction and Climate Change Adaptation (SHEWINS-DRR-CCA),” nga opisyal nang naaprobahan sa Forest Foundation Philippines. Tumong niini ang pagpalig-on sa mga ekosistema sa Hilongos pinaagi sa aktibong partisipasyon sa kababayen-an sa mga pamaagi nga nakabase sa kinaiyahan alang sa disaster risk reduction ug climate change adaptation.

Lakip sa mga benepisyaryong barangay sa maong proyekto ang Brgy. Naval, Brgy. Cantandog II, ug Brgy. Bantigue, diin ipahigayon ang baseline mapping sa mga mangrove forests aron masiguro ang epektibo ug malungtarong implementasyon sa proyekto.

Sa iyang mensahe, gipadayag ni Mayor Villahermosa ang iyang pagpasalamat sa padayon nga pagsalig ug pakigtambayayong sa mga organisasyon ngadto sa LGU Hilongos. Gipasiugda usab niya ang importansya sa hiniusang paningkamot sa pag-atiman sa kalikupan ug sa pagpalig-on sa kahandaan sa komunidad batok sa mga hagit nga dala sa pagbag-o sa klima ug mga kalamidad.

Kauban sa Mayor sa maong kalihokan si Hon. Bernadeth M. Nerves, Sangguniang Bayan Member, ug mga representante gikan sa LGU nga may kalabutan sa implementasyon sa maong proyekto.

Address

Hilongos, Leyte
Hilongos
6524

Website

Alerts

Be the first to know and let us send you an email when ANGAT KA Hilongosnon posts news and promotions. Your email address will not be used for any other purpose, and you can unsubscribe at any time.

Shortcuts

Share

Category