30/05/2020
Mga detalye sang POSIBLE nga pamaagi o sistema sang pagtudlo sa inyo nga mga bata sa pag-abre sang klase, base sa suhestyon sang Deparment of Education.
1. 2-DAY PER WEEK LEARNING MODALITY ( 2 days class and 3 days home study)
Ano ini siya?
Ang buot silingon sini nga pamaagi sa pagtudlo amo nga:
a. Duha (2) lang ka-adlaw ang ila klase sa eskwelahan kag may tatlo (3) ka-adlaw nga ang mga ginikanan
na ang magagiya sa mga bata sa ila balay para matapos ang Worksheet/ Modyul nga igahatag sang
ila maestra base sa ila natun-an sa 2 ka-adlaw sa eskwelahan.
b. Sa sini nga pamaagi, 16-20 lang ka bata ang makasulod sa isa ka kwarto kada adlaw para mapatuman
ang “1-meter apart, social distancing.”
c. Ang posible nga klase sang mga bata sa eskwelahan amo ang:
1. Group A- Lunes kag Miyerkules lang.
2. Group B- Martes kag Huwebes lang.
d. Sa Biyernes ( Friday) nga adlaw:
1. Ang mga maestra magaobra o magapreparar naman sang ila worksheets/ modyul nga
igahatag sa mga bata sa masunod nga semana.
2. Ang mga kabataan maga- padayon sa pagsabat ( answer) sang ila worksheets/modyul sa ila
balay.
2. ANG ESKWELAHAN magahatag sang mga libre kag libre nga worksheets o modyul nga amo ang pagatun-an kag anseran sang mga bata sa adlaw nga ara sila sa ila balay.
3. Ang eskwelahan may pamaagi man PARA MAHALUNGAN ANG HEALTH AND SAFETY SANG INYO MGA KABATAAN samtang ara sila sa sulod sang eskwelahan.
Ano ini?
A. Sa pagpatuman sang gina require nga Health And Safety Protocol ang tanan nga magasulod sa eskwelahan
( estudyante, maestra, ginikanan kag bisita)
Magaagi sila sa:
STEP 1- Thermal Scanner- para mabal-an ang body temperature.
( Ang may HILANAT indi pwede pasudlon)
STEP 2- Foot Bath- Ang magasulod sa eskwelahan magatapak sa kahon nga may basa nga trapo nga may
disinfectant solution para ma-disinfect ang mga sapatos, tsinelas para malikawan ang paglpta
sang kagaw.
STEP 3- Hand Washing- May lababo kon sa diin magahugas sang kamot ang tanan nga magasulod sa
Eskwelahan.
STEP 4- Sa kada kwarto, may alcohol para sa dugang nga pag-disinfect sang ila nga kamot kag mga gamit
antes magsulod kag magwa sa klase.
B. Ang mga bata indi pagpahanugutan sa paghampang ukon sa pagwa sa classroom sa pagbakal sang ila
pamahaw o pagkaon. Ipatuman namon ang “ Supervised Recess” Buot Silingon may dala na nga pagkaon ang
mga bata kag sa sulod classroom na lang sila makaon nga ginaubayan sang ila mga maestra.
Amo lang ini anay ang simple nga paathag para mapaalinton namon sa inyo ang plano sang eskwelahan para mapadayon naton ang paghatag edukasyon sa mga kabataan sa Tuig 2020-2021.
Ini nga plano nadihon sandig man sa suhistyon sang aton Department of Education.
Sa katapusan , kamo nga mga ginikanan sa gihapon ang makadesisyon kon paeskwelahon ninyo ang inyo mga kabataan sa sini nga School Year 2020- 2021.
Madamo gid nga salamat!!!
TES SCHOOL FACULTY & STAFF
