Iba Municipal Police Station, ZPPO

21/03/2026

Ligtas SUMVAC 2026

20/03/2026

19/03/2026

PAALALA SA PUBLIKO: HUWAG MAGPAHIRAM NG E-WALLET ACCOUNT!

Pinapaalalahanan ang lahat na iwasan ang pagpapahiram o pagpapagamit ng inyong e-wallet accounts sa ibang tao.

Sa ilalim ng RA 12010 o Anti-Financial Account Scamming Act (AFASA), maaaring managot ang may-ari ng account kapag ito ay nagamit sa scam o fraud — kahit hindi niya alam o siya mismo ang gumawa.

Tandaan:
✔ Huwag ipagamit ang inyong e-wallet account
✔ Ingatan ang inyong personal na impormasyon
✔ Maging mapanuri sa lahat ng transaksyon

❗ Kahit hindi ikaw ang scammer, IKAW PA RIN ANG MANANAGOT kapag ang account mo ang ginamit.

Protektahan ang inyong sarili at ang inyong kinabukasan.
Maging responsable. Iwas-scam, iwas-kaso!

16/03/2026

“Isang tulak ng Illegal na Droga, Timbog sa Buy Bust Opetation

IBA, ZAMBALES – Hindi na nakaporma ang isang 36-anyos na lalaki matapos malambat sa ikinasang Anti-Illegal Drugs Operation (Buy-Bust) ng mga operatiba ng Iba MPS katuwang ang PDEU ZPPO nitong madaling araw ng March 7, 2026.

Sa gitna ng pinaigting na kampanya laban sa kriminalidad, nakumpiska mula sa suspek ang tatlong pirasong plastic sachets na naglalaman ng hinihinalang “shabu”.

Ang naturang operasyon ay nagpapatunay sa seryosong hakbang ng kapulisan na linisin ang bawat sulok ng ating bayan mula sa banta ng ipinagbabawal na droga. Ang suspek ay nahaharap sa paglabag sa Section 5 at Section 11 ng RA 9165 (Comprehensive Dangerous Drugs Act of 2002).

Mananatiling mapagmatyag ang Iba MPS katuwang ang ating komunidad upang siguruhin na walang puwang ang droga sa ating bayan. Ang tagumpay na ito ay babala sa mga nagnanais pang sumuway sa batas—ang inyong kapulisan ay laging handa at hindi titigil upang masiguro ang katahimikan at seguridad para sa bawat mamamayan.

14/03/2026

OPERATIBA NG PDEU NAGKASA NG BUY-BUST OPERATION, ISA ARESTADO

IBA, ZAMBALES — Arestado ang isang lalaki habang nakatakas naman ang kanyang kasamahan matapos ang isinagawang Anti-Illegal Drug Operation (Buy-Bust) ng mga operatiba ng pulisya sa Brgy. San Agustin, Iba, Zambales noong Marso 5, 2026 bandang 2:42 ng madaling araw.

Ang operasyon ay isinagawa sa pangunguna ng Zambales Provincial Drug Enforcement Unit (PDEU) at koordinasyon sa Iba Municipal Police Station . Naging matagumpay ang buy-bust operation matapos na makabili ang poseur-buyer ng isang sachet ng hinihinalang shabu mula sa suspek, na naging dahilan ng kanyang agarang pagkakaaresto.
Samantala, nakatakas naman ang kanyang kasamahan na kasalukuyang pinaghahanap pa ng mga awtoridad.

Nakumpiska sa operasyon ang mga sumusunod na ebidensya:

• Isang heat-sealed transparent plastic sachet na naglalaman ng hinihinalang shabu (buy-bust item)
• Tatlong heat-sealed transparent plastic sachets na naglalaman ng hinihinalang shabu(possession) na tumitimbang sa tinatayang 7.9 na gramo na may Standard Drug Price na nagkakahalaga ng ₱53,720.00.
• Isang limang-daang piso na ginamit bilang buy-bust money
• Isang berdeng plastic box ng flashlight

Ang mga nakuhang ebidensya ay nilagyan ng wastong pagmamarka at isinailalim sa maayos na imbentaryo at dokumentasyon sa presensya ng mga kinatawan ng media, Department of Justice (DOJ), at barangay, alinsunod sa itinakdang legal na proseso.

Ang naarestong suspek ay kasalukuyang nasa kustodiya ng Iba Municipal Police Station para sa kaukulang dokumentasyon at disposisyon. Nahaharap ang suspek sa kasong paglabag sa Section 5 at 11 ng RA 9165 (Comprehensive Dangerous Drugs Act of 2002).

Patuloy ang pinaigting na operasyon ng kapulisan laban sa ilegal na droga bilang upang mapanatili ang katahimikan at kaayusan sa komunidad. Hinihikayat din ang mamamayan na manatiling mapagmatyag at makipag-ugnayan sa pulisya upang sama-samang labanan ang kriminalidad.

14/03/2026

14/03/2026

10/03/2026

ISANG LALAKE NANLOOB NG PAARALAN SA BAYAN NG IBA, NALAMBAT NG PULISYA

IBA, ZAMBALES- Nasakote ng mga tauhan ng Iba Municipal Police Station ang isang suspek na sangkot sa pagnanakaw matapos ang isinagawang follow-up operation kaugnay ng insidente ng pagnanakaw sa isang Paaralan sa Brgy. Palanginan, Iba, Zambales noong Marso 9, 2026.

Sa naturang operasyon, narekober ng mga awtoridad ang mga ninakaw na kagamitan kabilang ang isang EPSON printer, ASUS laptop, at isang 48-inch HISENSE television.

Agad na dinala ang suspek sa Iba Municipal Police Station para sa kaukulang dokumentasyon at disposisyon. Ang nasabing suspek ay nahaharap sa kasong Robbery.

Ang matagumpay na pagkakaaresto sa suspek ay bunga ng mabilis na aksyon at masusing imbestigasyon ng mga kapulisan, bilang bahagi ng patuloy na pagsisikap ng Iba MPS na mapanatili ang kapayapaan at kaayusan sa komunidad.

Samantala, patuloy ang panawagan ng Iba MPS sa publiko na makipagtulungan sa kapulisan at agad na iulat ang anumang kahina-hinalang aktibidad upang mapigilan ang mga krimen sa komunidad.