Barangay Poblacion Ibaan Batangas

21/08/2026

📢 PAALALA, MAHAL NAMING MGA KABARANGAY! 📢 BARANGAY POBLACION

Para sa isang malinis, maayos, at ligtas na Barangay Poblacion, muli po nating ipinapaalala sa lahat ng residente na ang regular na hakot ng basura ay tuwing LUNES LAMANG. 🗑️🚛

👉 Ilabas lamang ang inyong mga basura sa itinakdang araw ng pangongolekta.

🚫 MAHIGPIT NA IPINAGBABAWAL DIN ang pagtatapon ng basura sa Barangay Poblacion ng mga ILLEGAL DUMPERS o mga indibidwal na nagmumula sa ibang barangay. Ang sinumang mahuhuling lalabag ay maaaring patawan ng kaukulang multa at iba pang nararapat na aksyon, alinsunod sa umiiral na barangay ordinansa.

Ang kalinisan ng ating barangay ay responsibilidad nating lahat. Sa simpleng pagsunod sa tamang araw at lugar ng pagtatapon, malaki na ang ating ambag sa pagpapanatili ng malinis at maayos na Poblacion. 🌿🤝

Makiisa. Sumunod. Makipagtulungan.
Malinis na Poblacion, Responsibilidad Natin!

07/08/2026

𝗣𝗔𝗨𝗡𝗔𝗪𝗔: 𝙋𝙖𝙜𝙠𝙖𝙖𝙣𝙩𝙖𝙡𝙖 𝙣𝙜 𝙎𝙪𝙥𝙡𝙖𝙮 𝙣𝙜 𝙏𝙪𝙗𝙞𝙜

Ipinagbibigay-alam sa lahat ng mamamayan ng Brgy. Poblacion na nagkakaroon ng pagkaantala sa suplay ng tubig dahil sa pagpapalit ng submersible pump kasabay ng repair, maintenance, at paglilinis ng mga tubo ng tubig.

Ito ay upang masiguro ang malinis at ligtas na tubig para sa lahat ng consumer. Sa kasalukuyan, sa pakikipagtulungan ng Bureau of Fire Protection-Ibaan, nagsasagawa ng pagrarasyon ng tubig sa mga apektadong lugar.

Hinihingi ng pamunuan ang inyong malawak na pang-unawa at kooperasyon. Maraming salamat po.

29/07/2026

BARANGAY RICE DISTRIBUTION
7/28/26

22/07/2026

📢𝙏𝙧𝙖𝙛𝙛𝙞𝙘 𝘼𝙙𝙫𝙞𝙨𝙤𝙧𝙮 🚧
𝗧𝗲𝗺𝗽𝗼𝗿𝗮𝗿𝘆 𝗥𝗼𝗮𝗱 𝗖𝗹𝗼𝘀𝘂𝗿𝗲
July 25, 2026
6 AM to 9 AM I R.I. Reyes St. and Santiago St.
6 PM to 9 PM I J.P. Rizal Avenue, M. Mercado St., R.I. Reyes St., A. Yabyabin St., A. Hernandez St., J. Pastor St.

Bilang bahagi ng Kapistahan ng Mahal na Poong Santiago Apostol, pansamantalang isasara ang ilang mga pangunahing lansangan sa Barangay Poblacion, Ibaan, Batangas ngayong Hulyo 25, mula 6:00 AM hanggang 9:00 AM at 6:00 PM hanggang 9:00 PM.

Ang pagsasara ng kalsada ay alinsunod sa Municipal Ordinance No. 24 s. 2026 at layuning masiguro ang kaayusan at kaligtasan ng mga lalahok sa maringal na kapistahan at prusisyon.

Pinapayuhan ang mga motorista na gumamit ng mga alternatibong ruta sa nabanggit na oras. Maraming salamat sa inyong pang-unawa at suporta.

30/06/2026

OPISYAL NA ANUNSYO

Magandang Araw po!

Ipinaaalam po sa lahat ng mga may-ari at namamahala ng mga ESTABLISYEMENTO na pansamantala pong SUSPENDIDO ang koleksyon ng basura sa inyong mga lugar dahil sa hindi ligtas na kondisyon ng kalsada patungo sa landfill na pinagdadalhan ng mga nakolektang basura. Dulot ng tuluy-tuloy na pag-ulan, naging madulas ang daan kaya’t hindi muna makabibiyahe nang ligtas ang ating mga garbage collection truck.

Ang hakbang na ito ay isinasagawa upang matiyak ang kaligtasan ng ating mga garbage collectors, mga sasakyan, at maiwasan ang anumang hindi inaasahang insidente.

Hinihiling po namin ang inyong pang-unawa at pakikiisa. Mangyaring pansamantalang itabi at siguraduhing maayos na nakalagay ang inyong mga basura habang hinihintay ang muling pagsasagawa ng regular na koleksyon. Magbibigay po kami ng panibagong abiso sa oras na maging ligtas na ang biyahe patungo sa landfill.

Maraming salamat po sa inyong pang-unawa at kooperasyon.

13/06/2026

MALIGAYANG KAARAWAN sa aming AMA ng BARANGAY POBLACION!!!...Naway sapitin nyo pa an mahabang buhay sa piling ng iyong mga mahal sa buhay..Biyayaan nawa kayo ng Poong Maykapal ng malusog na katawan palagi...God Bless ...

12/06/2026

"Operation Linis " in preparation for the rainy season..

22/05/2026

21/05/2026

Mula po sa bumubuo ng Sangguniang Barangay ng Poblacion, sa pangunguna ni Kgg. Ariel C. Soriano, kami po ay buong kagalakang bumabati ng isang Mapagpalang Kaarawan sa ating butihing Pangalawang Punong Bayan, Vice Mayor Edralyn Joy Salvame!

Palagiang hangad at dalangin po namin ang inyong magandang kalusugan, kaligtasan at puspusin pa ng mga biyaya upang patuloy kayong maging biyaya at pagpapala sa minamahal nating Progresibong Bagong Ibaan! 🧡

20/05/2026

TANGGAPAN NG SANGGUNIANG BARANGAY

IKA-24 ng MAYO, 2026

PAANYAYA PARA SA PAMPUBLIKONG PAGDINIG

Mahal naming mga residente ng Barangay Poblacion,

Mabiyayang Araw po!

Ang Pamahalaang Barangay ng Poblacion ay magsasagawa ng isang Pampublikong Pagdinig kaugnay sa mas pinaigting na programa sa pangangalaga at wastong pamamahala ng basura ng ating barangay. Kabilang dito ang pagtalakay sa panukalang pagpapatupad ng bagong sistema ng pangongolekta ng basura at ang kaukulang bayarin sa bawat sako ng basura na kokolektahin.

Layunin ng gawaing ito na maipaliwanag nang maayos ang nasabing programa, mapakinggan ang inyong mga mungkahi at opinyon at magkaroon ng pagkakaisa tungo sa mas malinis, maayos at disiplinadong pamayanan.

Kaugnay nito, malugod namin kayong inaanyayahan na dumalo sa nasabing pampublikong pagdinig sa:

Petsa: Mayo 24, 2026 ; Araw ng Linggo
Oras: 1:00 ng Hapon
Lugar: Recto Gymnasium

Mahalaga po ang inyong presensiya at pakikibahagi upang maging matagumpay at makatarungan ang pagpapatupad ng programang ito para sa kapakanan ng buong barangay.

Maraming Salamat po at inaasahan po namin ang inyong pagdalo sa pagpupulong na ito!

Lubos na gumagalang,

Sangguniang Barangay ng Poblacion