Barangay Nutrition Scholar Lanao Del Norte

28/07/2026

22/07/2026

21/07/2026

02/07/2026

Gipahigayon sa Lokal nga Kagamhanan sa Tubod pinaagi sa Rural Health Unit (RHU) ug Municipal Nutrition Office ang Idol Ko Si Nanay (IKSN) Training Course Culminating Activity ug Graduation Ceremony sa Barangay Caniogan, diin nagtigom ang mga mabdos ug nagpasuso nga inahan gikan sa mga barangay sa Baris, Barakanas, Licapao, Malingao, Candis, ug Caniogan.

Mitambong ang mga partisipante sa katapusang hugna sa mga leksyon kabahin sa hustong nutrisyon, pag-atiman sa mabdos nga inahan, husto nga pagpakaon sa mga masuso ug gagmayng bata, ug pagpalambo sa kahimsog sa tibuok pamilya isip kabahin sa IKSN training course.

Usa sa mga highlight sa kalihokan mao ang "Idol Nanay" Recognition Program, diin gipasidunggan ang mga nagtapos tungod sa ilang aktibong partisipasyon, dedikasyon, ug pagkompleto sa tanang sesyon sa maong programa.

Ang kalihokan nahimong malampuson pinaagi sa suporta ni Mayor Dionisio "Jimmy" Y. Cabahug, Jr., uban sa tabang sa UNICEF ug Philippine Multi-Sectoral Nutrition Project (PMNP), nga nagpadayon sa pagpalig-on sa mga programa alang sa kahimsog ug nutrisyon sa mga inahan ug kabataan sa lungsod sa Tubod.