31/07/2026
STATEMENT
July 31, 2026
Nakaabot sa akoa ang bahin sa insidente sa GTLMH nga gipost ni Girlie Namoc. Personal nako siyang kaila, ug nasabtan nako ang iyang kaguol. Apan kaila man nako siya o dili, ang matag Iliganon nga mangayo og medikal nga tabang angay gyud paminawon ug hatagan og makiangayon, matinahuron, ug maayong serbisyo.
Sa atong pagserbisyo sa gobyerno, kanunay nakong pahinumdom sa tanan: ang katawhan kinahanglang trataron uban sa respeto, pagpaubos, ug pagpakabana.
Tungod niini, sa ngalan sa City Government of Iligan, akong gipaabot ang among sinsero nga pagpangayo og dispensa kang Girlie ug sa tanang nakasinati og kahasol. Dili lang kini bahin sa pagpangita og basulon, kundi sa pagtul-id sa sistema.
MGA KONKRETO UG IMMEDIATE ACTIONS PARA SA GTLMH:
Dili kita gusto nga kutob ra sa pagpangayo og dispensa. Ang atong tinguha mao nga mabati sa matag Iliganon ang konkretong kausaban sa serbisyo. Human sa atong direktang pakigpulong sa hospital management pinaagi ni Dr. Richillo Daguman, ania ang mga aksyon nga atong gisugdan ug gipang-andam:
1. Disiplina ug Suporta sa Healthcare Workers
Gipatuman na nato ang internal administrative measures ug reassignment sa mga frontline personnel nga napamatud-ang nakalapas sa tamdanan sa maayong pagtratar sa pasyente. Apan samtang nagpatuman kita og accountability, nangayo usab ako og pagsabot alang sa atong mga doktor ug nars nga nagtrabaho ubos sa dakong pressure ug kakapoy matag adlaw. Atong suportahan sila samtang padayon silang pahinumdoman sa pagtratar sa pasyente uban sa respeto ug pagpakabana.
2. PhilHealth Outpatient Emergency Care Package
Sugod sa 2nd week sa August, i-launch ug i-trial run nato kini nga computerized package. Ang mga pasyente sa triage nga dili na kinahanglang ma-admit (stay nga ubos sa 24 hours) sakopon na sa PhilHealthโlibre na ang tambal, laboratory, X-ray, ug CT scan. Tungod niini, makuhaan ang kahuot sa Malasakit Center ug mas mapukos ang pundo para sa mga inpatients nga nanginahanglan og dako nga tabang.
3. Bag-ong OPD Schedule (Two-Shift System)
Aron matubag ang overcrowding ug makuhaan ang taas nga oras sa paghulat sa OPD, atong ipatuman ang 2-shift system (e.g., 6:00 AM - 2:00 PM ug 2:00 PM - 10:00 PM). Aron magmalampuson kini, mag-hire kita og dugang nga mga doktor ug OPD personnel, diin mag-allocate kita og dugang nga budget para niini.
4. Pag-expand sa Bed Capacity ug mga Rooms
Ang atong DOH-approved capacity 119 beds ra, apan naga-accommodate kita hangtod 250 ka pasyente tungod kay dili nato gustong balibaran ang nanginahanglan. Aron matubag kini:
๐ Renovation sa Senior Citizen Rooms & Former ICU: On-going karon ang repair ug pag-rearrange sa atong mga kwarto sa 2nd floor ug sa daang ICU aron madugangan ang atong kwarto ug higdaanan before mahuman ang tuig.
๐ Completion sa 3rd Floor Wards & Isolation Rooms: Nakig-coordinate na kita sa DPWH-Iligan City District Office para sa 30 MILLION construction aron mahuman na ang 3rd floor sa bag-ong building ug isolation rooms. Pag mahuman kini, maka-akatar na kita og mga 160 to 170 beds.
๐ Future 6-Story Hospital Building: Nagpadayon ang atong pag-lobby sa 250 MILLION DOH Infrastructure budget para sa 6-story building nga makahatag kanato og total capacity nga 300 to 350 beds.
5. Paggamit sa YAKAP / Super Health Centers
Aron malikayan ang pagdasok sa GTLMH OPD para sa mga minor health concerns o ordinaryong checkup, abli ang atong 5 ka PhilHealth-Accredited YAKAP Konsulta ug Super Health Centers (Luinab, Tibanga, City Hall, Fuentes, ug Dalipuga) Monday to Friday (8:00 AM - 5:00 PM) para sa libreng konsultasyon, diagnostic tests, ug tambal.
(Para sa dugang official details ug medical summary bahin sa partikular nga kaso sa OPD, mahimo usab ninyong tan-awon ang official statement nga gipagawas sa GTLMH).
Dili dali ug dili mahitabo overnight ang pagbag-o sa karaan nga sistema, apan dili ako mohunong sa pagpaningkamot hangtod dili nato mabag-o ug mapalambo ang serbisyo sa atong ospital.
Inyong Mayor nga kanunay MASAndigan, MASAligan, ug MASAngpit,
Mayor Frederick W. Siao
City of Iligan
