https://www.facebook.com/239985725846215/

Ian Loking

Nurse | Public Servant | Iliganon
CHAMPION in Disaster Preparedness and Resiliency
Former Chief of Staff – Office of Cong.

Celso Regencia
Former Chief Nurse
With compassion, experience and a vision to uplift every Iliganon.

02/06/2026

Dako kaayo ang akong kalipay nga makatambong ug makasuporta sa Bloodletting Activity sa Barangay San Roque. Isip representante ni Congressman Celso Gomera Regencia among gipaabot ang among gamayng pasalamat pinaagi sa paghatag ug 5-kilo nga sako sa bugas alang sa matag blood donor isip pag-ila sa ilang halangdong paghatag sa dugo nga makatabang sa pagluwas sa kinabuhi sa atong isigkatawo. Ang inyong pagkamanggihatagon usa ka inspirasyon ug dakong tabang sa atong komunidad.

Akong gipahalipayan ug gipasalamatan si Barangay Captain Lucia Capangpangan ug ang tibuok liderato sa Barangay San Roque sa malampusong pag-organisa niini nga kalihokan, ingon man ang mga personnel sa Philippine Red Cross nga walay kakapoy nga nagserbisyo aron masiguro ang kaluwasan ug kaayohan sa tanang blood donors. Daghang salamat usab sa tanang niapil ug nagpaluyo. Pinaagi sa atong panaghiusa ug pagtinabangay, mas daghan pa kitag kinabuhi nga matabangan ug maluwas.

01/06/2026

Sa adlaw mismo nga nahitabo ang sunog sa Barangay Luinab, isip representante ni Congressman Celso G. Regencia naghatag kita og 5-kilo nga sako sa bugas ngadto sa mga pamilyang naapektuhan aron adunay gamay nga ikatabang sa ilang panginahanglan, ilabina sa ilang pagkaon atol niining lisod nga kahimtang.

Nasayod kita nga dili kini igo aron mapulihan ang ilang mga kabtangan nga nalaglag sa sunog, apan hinaut nga bisan sa gamay nga paagi, makatabang kini sa pagpagaan sa ilang gibati ug kahimtang samtang nagsugod sila sa pagbangon.

Padayon kita nga mag-ampo alang sa mga pamilya nga naapektuhan sa maong kalamidad. Sa panahon sa kalisdanan, mas makita ang tinuod nga kusog sa panaghiusa, pagtinabangay, ug pag-amuma sa isigkaingon.

31/05/2026

Sa Ebanghelyo karon, atong madungog ang usa sa labing nailhang mga pulong sa Balaang Kasulatan: “Kay gihigugma pag-ayo sa Dios ang kalibutan nga Iyang gihatag ang Iyang bugtong Anak.” Kini usa ka makapahupay nga pahinumdom nga ang gugma sa Dios alang kanato walay kinutuban ug walay kondisyon.

Wala ipadala sa Dios si Jesus aron hukman o silotan ang kalibutan, kondili aron luwason kini. Bisan pa sa atong mga kahuyang, kasaypanan, ug kapakyasan, ang Dios nagpadayon sa pagtawag kanato ngadto sa pagtuo ug paglaum. Ang Iyang gugma dili lang usa ka saad—kini usa ka realidad nga atong masinati matag adlaw.

Sa atong kinabuhi karon, daghang mga butang ang mahimong makapawala sa atong kadasig ug pagsalig. Apan ang mensahe sa Ebanghelyo nagpahinumdom kanato nga adunay Dios nga nahigugma kanato pag-ayo ug andam kanunay sa paghatag og bag-ong oportunidad ug bag-ong kinabuhi.

Kay si Kristo nabanhaw, ug pinaagi sa Iyang gugma, kita gitawag sa pagkinabuhi nga puno sa pagtuo, paglaum, ug gugma.

26/05/2026

Every day in the office of Congressman Celso Gomera Regencia is an opportunity to serve and help our fellow Iliganons through various programs, especially medical assistance. As the Volunteer Program Coordinator, I am truly grateful to be part of this meaningful service, particularly because it is closely connected to my profession as a nurse.

Being able to assist individuals and families during difficult times brings fulfillment and inspiration to continue serving with compassion and dedication. Seeing the gratitude and relief on the faces of those we help reminds me that public service is not only about programs, but about genuinely caring for the people we serve.

24/05/2026

Sa Ebanghelyo karon, mitungha si Jesus sa taliwala sa Iyang mga disipulo bisan pa nga sirado ang mga pultahan tungod sa ilang kahadlok. Ang una Niyang gisulti mao ang: “Peace be with you.” Sa Iyang pagkabanhaw, wala Siya mianhi aron hukman sila, kundili aron maghatag og kalinaw, kapasayloan, ug bag-ong kusog.

Human niini, gihatagan Niya sila sa Espiritu Santo ug gitawag sa pagpadaayon sa Iyang misyon. Kini nagpahinumdom kanato nga bisan sa atong mga kahadlok, kapakyasan, ug pagduha-duha, anaa gihapon si Kristo nga nagpalig-on ug naghatag og paglaum.

Karong panahona, daghan ang nagkinahanglan og kalinaw—sa pamilya, sa komunidad, ug sulod sa kaugalingon. Gitawag kita nga mahimong instrumento sa kalinaw ug gugma ni Kristo pinaagi sa pagpasaylo, pagsinabtanay, ug pagtabang sa uban.

Kay si Kristo nabanhaw, ug ang Iyang kalinaw magpabilin uban kanato hangtod karon.

20/05/2026

𝑭𝒐𝒓𝒆𝒗𝒆𝒓 𝑩𝒆𝒈𝒊𝒏𝒔 𝒇𝒐𝒓 𝑪𝒍𝒊𝒏𝒕 𝒂𝒏𝒅 𝑯𝒂𝒛𝒆𝒍

Last May 18 marked a beautiful celebration of love and new beginnings as Hon. Clint Catubig, Barangay Captain of Barangay Acmac, and his wife, Hazel Catubig, exchanged vows and officially began their journey together as husband and wife.

As a dear friend, it was truly wonderful to witness such a meaningful and joyous occasion surrounded by the people closest to their hearts. The evening was filled with love, laughter, heartfelt moments, and prayers for a strong and lasting marriage.

May your life together be guided by understanding, strengthened by faith, and filled with endless happiness and blessings. Wishing you both a future overflowing with love, peace, and success as you build your family together. Congratulations once again to the newlyweds!

17/05/2026

Sa Ebanghelyo karon, human sa Iyang pagkabanhaw, gitigom ni Jesus ang Iyang mga disipulo ug gihatagan sila og dakong misyon: ang pagdala sa Maayong Balita ngadto sa tanang katawhan. Wala lamang Niya sila tawga nga motuo, kundili usab nga mahimong saksi sa Iyang gugma ug kamatuoran.

Usahay, sama sa mga disipulo, mahimo usab kitang mahadlok o magduha-duha sa atong abilidad sa pagdala sa pagtuo ngadto sa uban. Apan gipahinumdoman kita ni Jesus nga dili kita mag-inusara sa atong panaw, kay Siya mismo nag-ingon:
"Ako magauban kaninyo sa tanang adlaw hangtod sa katapusan sa kalibutan."

Karong panahona, gitawag kita nga mahimong kahayag ug instrumento sa paglaum pinaagi sa atong mga pulong, buhat, ug pagkinabuhi isip Kristohanon. Ang tinuod nga pagtuo dili lamang itago sa kasingkasing, kundili ipaambit aron mas daghan pa ang makaila sa gugma sa Dios.

Kay si Kristo nabanhaw—ug pinaagi kanato, ang Iyang mensahe sa paglaum ug kaluwasan magapadayon sa kalibutan.

16/05/2026

𝐈𝐍𝐈𝐓 𝐀𝐋𝐄𝐑𝐓, 𝐈𝐋𝐈𝐆𝐀𝐍𝐎𝐍𝐒!

Sumala sa PAGASA, ang heat index karong adlawa sa Iligan City mahimong mosaka tali sa 33°C hangtod 41°C nga sakop sa “EXTREME CAUTION” category.

Sa ingon ani nga kainit, posible nga makasinati og:
• heat cramps
• heat exhaustion
• dehydration
• grabeng kakapoy ug pagkalipong

Ato kining seryosohon ug magmatngon alang sa atong kaugalingon ug pamilya.

Pahinumdom sa tanan:
💧 inom kanunay og tubig
☂️ paggamit og payong o proteksyon batok sa init
🏠 likayi ang dugay nga pagpabilin sa gawas ilabi na sa alas 10 sa buntag hangtod alas 4 sa hapon
👶 bantayi pag-ayo ang kabataan ug mga tigulang

Ang inyong kahimsog ug kaluwasan importante kanato.

Source: https://www.pagasa.dost.gov.ph/weather/heat-index?

11/05/2026

Niadtong Mayo 6, 2026, isip kabahin sa atong padayon nga pagdamay ug pagtabang sa komunidad, personal nakong gihatag ang hinabang nga 5-kilo nga bugas alang sa pito ka pamilya nga naapektuhan sa sunog sa Barangay Puga-an.

Bisan gamay lamang kini nga tabang, hinaut nga makapahupay kini bisan sa gamay nilang kabug-aton samtang naningkamot silang makabangon ug makasugod pag-usab human sa maong trahedya.

Nagpadayon kita sa pag-ampo alang sa kaluwasan, kusog, ug paglaum sa matag pamilyang naapektuhan. Sa panahon sa kalisod, mas importante nga magtinabangay ug maghiusa kita isip usa ka komunidad.

Padayon ang pag-alagad ug pag-amoma sa matag pamilyang Iliganon.

Loking Good, Loking Great, Let's make Iligan — Elevate!

10/05/2026

Sa Ebanghelyo karon, gipahinumdoman kita ni Jesus nga ang paghigugma kaniya dili lamang kutob sa pulong, kundili makita sa atong pagtuman sa iyang mga sugo. Ug bisan pa sa iyang pagbalik ngadto sa Amahan, wala niya biyai ang iyang mga sumusunod. Iyang gisaad ang Espiritu Santo—ang manlalaban ug magtatabang nga magpabilin uban kanato.

Sa atong kinabuhi, adunay mga higayon nga mobati kita og kamingaw, kahadlok, o kakulang sa kusog sa pagpadayon sa pagtuo. Apan ang saad ni Kristo klaro: dili kita niya pasagdan nga nag-inusara. Ang iyang presensya magpabilin pinaagi sa Espiritu Santo nga naggiya, naglig-on, ug naghatag og kalinaw sa atong kasingkasing.

Karong panahona, gitawag kita nga magpabilin diha sa gugma ni Kristo pinaagi sa pagkinabuhi nga matinud-anon, mahigugmaon, ug masinugtanon sa Iyang kabubut-on. Kay ang kasingkasing nga puno sa gugma sa Dios mahimong kahayag ug paglaum alang sa uban.

Address

GTC Building, Tambo Highway, Lanao Del Norte
Iligan City
9200

Website

facebook.com

Alerts

Be the first to know and let us send you an email when Ian Loking posts news and promotions. Your email address will not be used for any other purpose, and you can unsubscribe at any time.

Shortcuts

Want your organization to be the top-listed Government Service in Iligan City?