Narvacan Naisangsangayan, Narvacan (2026)

26/05/2026

Narvacan Community-Based Monitoring System,
reineorganisar ni Mayora Edna Cabalo-Sanidad

Rineorganisar ni Mayora Edna Cabalo Sanidad ti Municipal Community-Based Monitoring System Coordinating Board iti Munisipalidad ti Narvacan tapno ad-adda pay a mapabileg daytoy a tumulong iti gobierno lokal iti pannakabalabala dagiti programa a makatulong iti panagdur-as ti ili babaen ti pannakapabileg dagiti komunidad a makipartisipar iti proseso.

Pinirmaan ni Mayora Sanidad ti Executive Order No. 13-ECS idi Mayo 5, 2026 ken dinutokanna dagiti kabarbaro a kameng ti CBMS-Coordinating Board.

Agpaay ni Mayora Sanidad, kas Local Chief Executive, a chairperson ti Board. Co-chairperson ni Jeanette M. Marzan, PSA PSO- Representative.

Ni Imelda Cadiz, Municipal Statistician, ti agpaay nga LGU CBMS Focal Person.

Kamkameng da: MPDC Elmer Advincula, MSWDO Pauline Cabunoc, Municipal Engr. Danilo Cabatan, PESO Manager Luisa Regua, BPLO Ricky Nusog, Municipal Registrar Atty. Jumar Viloria, Municipal Assessor Arene Debina, Municipal Budget Officer Fely Tacata, MHO Dr. Angelo Gurion DRRMO Edsel Alvin Cunanan, ken Eliseo B. Contillo, Municipal Information Officer.

Ti CBMS ket nabuangay babaen ti Akta Republika 11315 a nagbalin a linteg idi Abril 17, 2019. Gagem daytoy ti institusionalisasion ken pannakaipasdek ti CBMS iti tunggal siudad ken munisipalidad iti pagilian.

Kas sagudayen ti linteg, maysa nga organisado a technology-based system ti CBMS a mangyuna iti pannakaukkon, pannakaproseso, mangiwayat iti validation kadagiti datos a mabalin nga aramaten iti panagplano, pangyimplementar kadagiti programa, mangmonitor no ania ti epektona iti level ti lokal, ken pannakapabileg dagiti komunidad a makipartisipar iti proseso.

Mainaig itoy, naiwayat itay Mayo 26, 2026 ti umuna a panagtataripnong ti baro a nabukel a CBMS Coordinating Board babaen ti panangyuna dagiti pannakabagi ti Philippine Statistic Authority nga inatendaran ni Atty. Jamyrah Sanidad, Municipal Administrator.

Photo credits: Mikee Cabrera

26/05/2026

American Idol Mikaela Bautista, makipaset
iti Summer Youth Sports & Tourism Engagement Program

Makipaset ni American Idol star Mikaela Canto Bautista iti maisayangkat a Summer Sports & Tourism & Tourism Engagement Program a maiwayat inton Mayo 27, 2026 iti Narvacan, Ilocos Sur, babaen ti LGU Narvacan. Ni Mikaela ti mangidaulo iti pannakakanta ti Pambansang Awit iti naisagana a programa a pakasangailian ni GILAS Filipinas basketball star, ni Narvacanean Dwight Ramos.

Nalatak a kumakanta iti USA ni Mikaela ken naglatak iti panag-finalist-na iti American Idol no sadino a nagduetuanda ken ni tatangna, ni Vhen Bautista, ti mabigbig a Prince of Ilocano Songs. Maaramid ti programa iti Narvacan To***co Farmers Tourism Park & Commercial Complex. Tubo ti Quinarayan ni Mikaela ken nakabakasionda ita a sangapamilia.

Naruay dagiti aktibidad a maisayangkat iti Summer Youth Sports program ta kangrunaan a makipartisipar ni Dwight Ramos nga anak ti Paratong, Narvacan. Iti nasao a programa, naawis a makipaset dagiti ubbing ken addanto Meet and Greet with the Celebrity Guest.

Iti aktibidad, mangisayangkat ti nalatak a basketball star Dwight Ramos ken ti grupona iti Basketball Clinic a pakawaatanto iti basketball drills, Pep Talk for the Kids, ken Fun Games with the Participants.

26/05/2026

LGU Narvacan, pasangbayenna
basketball star Dwight Ramos

Nakasagana ti nabara a panangpasangbay ti LGU Narvacan, iti panangidaulo ni Mayor Edna Cabalo Sanidad, ti maipannakkel a nalatak a basketbolista a Narvacanean a ni Dwight Ramos, a Homecoming ni Dwight Ramos, kameng iti Gilas Pilipinas a bumisita itoy a Mayo 27, 2026 iti Narvacan.

Tubo ti Barangay Paratong Narvacan ni Dwight Ramos. Itoy a panagbakasionna, nagasat dagiti agtutubo nga agiray iti basketball gapu ta personalto a mangiwayat iti basketbbal clinic a pakasanayan dagiti umaayam iti basketball.

Daytoy nga Special Outreach Program ti pagbinnuligan ti gobierno lokal ti Narvacan ken ti grupo ni Dwight Ramos.

Impakaammo ni Tourism Officer Chatriane Lucy Cabamungan dagiti maiwayat nga aktibidad inton Mayo 27. Iti 7:30 AM maaramid ti panagrehistro dagiti makipartisipar iti Basketball Clinic, ken sarunuen ti ababa a programa iti 9:30 AM. Iti alas 10:00, maisayangkat met ti Mini Basketball Clinic iti Municipal Covered Court ken iti 4:00 iti malem, maangay ti parada ti grupo ni Dwight Ramos manipud munisipio agingga iti Narvacan Farmers Tourism Park and Commercial Complex, ken iti 5:15, maaramidto ti Court Mural Ribbon Cutting iti Narvacan Farmers Tourism Park, ken iti 5:35 PM, isunto ti Meet and Greet with the Celebrity Guest.

Daytoy nga aktibidad ket paset ti Summer Youth Sports and Tourism Engagement Program a programa ti gobierno lokal ti Narvacan. (Maribel Laranang)

26/05/2026

Naragsak a panagkasangay, Mayora Edna Cabalo-Sanidad
Sangsangkamaysa dagiti opisial ken empleado ti LGU Narvacan a mangyabrasa ti nabara a kablaawda iti panagkasangay ti ingunguten nga Ina ti Ili, Mayora Dra. Edna Cabalo-Sanidad.
Natenneb nga agserbi ken asideg kadagiti umili, maymaysa laeng ti arapaap ni Mayora Edna iti panagtakemna a mangrienda iti turay iti lokallidad ti Narvacan. Ragskna a maser bian ti amin a Narvacanean.
“Awan ti mabati, sapasap amin a maserbian!” dayta ti battle-cry ti nagaget a mayora a saan a mabannog, adda a kanayon a mangtaming iti pakaseknan dagiti umili.
HAPPY BIRTHDAY MAYORA EDNA!
Mabuhay po kayo!

26/05/2026

Padaanan!

Meet and Greet ken ni Narvacanean basketball star Dwight Ramos iti Narvacan, Ilocos Sur inton Mayo 27, 2026.

And more surprise guests!

Paset ti programa ti Summer Youth Sports & Tourism Engagement Program ti LGU Narvacan. iti panangidaulo ni Mayora Dra Edna Cabalo Sanidad ken iti panangituong ti Narvacan Tourism Office babaen ken ni Tourism Officer Chatriane Cabamungan

25/05/2026

Suroten ti umisu a panagibelleng iti basura tapno
nadalus ken nasalun-at ti komunidad - RHU Narvacan

Ti umisu a panangimanehar iti solid waste management wenno panagibelleng iti basura ket saan laeng nga agpatingga iti panamagtalinaed a nadalus iti aglawlaw – maysa daytoy a napateg nga addang tapno maproteksionan ti salun-at ti publiko ken masaluadan ti aglawlaw ken nakaparsuaan para iti sumaruno a henerasion. Ti biddut a wagas ti panagibelleng iti basura ti mabalin a makaparnuay iti panagraira ti sakit, insekto, masullatan iti rugit dagiti kanal, ken tumaud ti polusion a makaapekto iti tao ken iti nakaparsuaan.

Ti Gobiwrn Lokal ti Narvacan, iti panangidaulo ni Mayora Dra Edna Cabalo Sanidad, ti Rural Health Unit ti Narvacan, it panangidaulo ni Dr. Angelo Gurion, ken ti Sanitation Department, guyugoyenna dagiti umili a mangiwayat ti umisu a wagas ti waste segregation, saan nga ibelleng dagiti saan a maibilang a basura, i-recycle dagiti mabalin pay nga usaren, ken ibelleng dagiti basura iti umisu a wagas. Iti panagtinnulong ken panangbalabala iti umisu a wagas iti panagdaldalus iti pagtaengan ken iti komunidad, makabukeltayo ti nadalus, natalged, ken nasalsalun-at nga aglawlaw para iti amin nga umili.

Ti nadalus a komunidad ket repleksion ti nasalun-at nga umili. Agkikibintayo a mangisayangkat iti umisu panagdaldalus ken agbalintayo a responsable a mangimanehar iti basura iti inaldaw.

25/05/2026

Tuping iti Sitio Consuelo ken Day Care
Center, maar-aramid iti Brgy. Marozo

Maragsakan dagiti agindeg iti Barangay Marozo gapu kadagiti maisaysayangkat a proyekto babaen ti agdama nga administrasion nga idauluan ni Brgy. Captain Marivic Tolentino.

Ipangrunada ti mangasikaso kadagiti gannuat a makatulong iti pannakaitag-ay ti panagbiag dagiti bumarangay.

Kas iti agdama a maisaysayangkat a riprapping wenno pannakatuping ti kalsada iti Sitio Consuelo. Inyamang dagiti opisial ti barangay ken ni Mayora Edna Cabalo-Sanidad, banag a dagus met nga inaksionan ti ina ti ili.

Ti panakatuping ti kalsada ti mangipanamnama a saan a madadael daytoy ken agtalinaed ti kinalagdana tapno adda manayon nga aramaten dagiti bumarangay.

Malaksid iti pannakatuping ti kalpasada, maipalagip pay a madama a mailepleppas ti Day Care Center ti barangay.

Mainaig itoy, agyaman ti sibubukel a Barangay Marozo ken ni Mayora Edna Cabalo-Sanidad gapu kadagiti maisasayangkat a proyekto iti barangay a makatulong iti dakkel kadagiti bumarangay.

25/05/2026

Uppat a Barangay ti Narvacan
naideklara a Drug-Cleared Barangays

Impakaammo ni PNP Narvacan chief of police PCapt. Jumar Castro nga uppat a barangay iti Narvacan ti indeklara ti Philippine Drug Enforcement Agency Regional Office 1 iti naiwayat a falg raising ceremony itay agsapa ti Mayo 25, 2026.

Innaganan ni PCapt. Castro dagiti uppat a naideklara kas Drug - Cleared Barangays, ti Bantay-Abot, Codoog, Lanipao ken Pantoc.

Indauluan da Mayor Edna Cabalo-Sanidad, DMD ;Bise Mayor Margarito Tejada, ken dagiti kameng ti Sangguniang Bayan dagiti opisial dagiti uppat a barangay iti panangawatda iti sertipiko ti pammaneknek a nadalusanen iti droga dagiti barangayda.

Segun ken MLGOO IV Mildred Villaruz, dagiti uppat a barangay a naideklara a Drug-Cleared Barangays ket pimmasa iti Regional Oversight Committee for Barangay Drug Clearing Program ti PDEA RO1.

Sakbay ti pammadayaw ken panakaited ti sertipiko kadagiti opisial dagiti nadakamat a barangay, dimmalanda iti nainget a deliberasion ken panangdepensa kadagiti dokumento ken libro nga indatagda. Ti deliberasion ti indauluan ni LGOO VII Atty. Rodel D. Hilario ket sinegundaran ni Mr. Erwin M. Baclig Jr., kas panangsurot iti Board Regulation No. 4, Series of 2021 nga inaprobaran ni Director Julius M. Paderes, PhD, Chairman, ROCBDC.

Naaramid ti awarding wenno pammadayaw idi Mayo 21, 2026 idiay Laoag City Auditorium, Laoag City. (Maribel Malabag—Laranang)

25/05/2026

Cash Incentives naited iti uppat a Narvacanean Athletes
Pinadayawan ken impaayan ti insentibo ni Mayora Edna Cabalo Sanidad, DMD, bayat dagiti uppat a Narvacanean Athletes. Dagitoy ti nagballigi iti pananggun-od da iti balitok a medalia iti Provincial Meet, R1AA ken Qualifier iti 2026 Palarong Pambansa.
Dagiti uppat nga atleta:
1. Angelica Marie Racca
- Gold Medalist - Provincial Meet
-Gold Medalist - R1AA
(Badminton, High School Girls)
- 2026 Palarong Pambansa Qualifier
2. Carlitos Joe Corrales
- Gold Medalist - Provincial Meet
- Gold Medalist - R1AA
(Badminton, Elementary Boys)
- 2026 Palarong Pambansa Qualifier
3. CJ Cabreros
- Gold Medalist - Individual Time Trial (ITT)Race
- Gold Medalist - Criterium Cycling Race
-PhilCycling 2026
4. Athena Gayle Natividad
-Gold Medalist - ISDAAM
-Gold Medalist - R1AA
- 2026 Palarong Pambansa Qualifier
Binigbig ni Mayora Sanidad dagitoy maipannakkel a Narvacanean nga atleta nga agtultuloy a nangted dayaw iti Narvacan.
Suportado ti gobierno lokal ti sports development tapno makapatanor kadagiti atleta a mangibayog iti Narvacan saan la a kadagiti salisal iti lokal, rehional, no di pay iti international. (Maribel Malabag-Laranang)

25/05/2026

Consultation Meeting maipanggep iti Draft Ordinance
iti Consolidated Solid Waste, masagsaganaan

Masagsaganaan ti consultation meeting iti Draft Consolidated Solid Waste Ordinance ti Narvacan.

Inesponsoran daytoy ni SBM Luis Charles Singson, maiwayat ti consultation meeting inton Mayo 25, 2026 iti 1:30 ti malem, iti SB Session Hall.

Matratarto no kasano a mapasayaat pay ti pannakaimanehar ti solid waste management babaen nabalabala nga ordinansa a napauluan "Ordinance Solid Waste Management Code of the Municipality of Narvacan, Ilocos Sur, Consolidating Regulations on Waste Segregation, Composting,Hazardous Waste, Illegal Dumping, and Open Burning, and Providing Penalties Therefor".
Panggep ti consultation meeting a maipinal dagiti probision a rumbeng a maipalaon iti ordinansa gapu ta masapul a suroten dagiti lokal a pagallagadan ti sagudayen ti RA 9003 wenno Ecological Solid Waste Management Act of 2000.

Masapul a ti gobierno lokal ti mangaramid ti bukodna a linteg pakaseknan ti Solid Waste Management Code.

Naipalaon iti ordinansa dagiti naituding a multa tunggal aglabsing nga indibidual/household ken commercial establishment/ institutions.

Adda ti Incentives Policy a maipakat tapno maipromote ti best practices iti solid waste management.

Addan to pay mapili a Model Eco-Barangays" kadagiti kalaingan a mangipakat iti nadakamat a linteg. (Maribel Malabag Laranang)

25/05/2026

Consultation Meeting maipanggep iti Draft Ordinance iti Consolidated Solid Waste, masagsaganaan
Masagsaganaan ti consultation meeting iti Draft Consolidated Solid Waste Ordinance ti Narvacan.
Inesponsoran daytoy ni SBM Luis Charles Singson, maiwayat ti consultation meeting inton Mayo 25, 2026 iti 1:30 ti malem, iti SB Session Hall.
Matratarto no kasano a mapasayaat pay ti pannakaimanehar ti solid waste management babaen nabalabala nga ordinansa a napauluan "Ordinance Solid Waste Management Code of the Municipality of Narvacan, Ilocos Sur, Consolidating Regulations on Waste Segregation, Composting,Hazardous Waste, Illegal Dumping, and Open Burning, and Providing Penalties Therefor".
Panggep ti consultation meeting a maipinal dagiti probision a rumbeng a maipalaon iti ordinansa gapu ta masapul a suroten dagiti lokal a pagallagadan ti sagudayen ti RA 9003 wenno Ecological Solid Waste Management Act of 2000.
Masapul a ti gobierno lokal ti mangaramid ti bukodna a linteg pakaseknan ti Solid Waste Management Code.
Naipalaon iti ordinansa dagiti naituding a multa tunggal aglabsing nga indibidual/household ken commercial establishment/ institutions.
Adda ti Incentives Policy a maipakat tapno maipromote ti best practices iti solid waste management.
Addan to pay mapili a Model Eco-Barangays" kadagiti kalaingan a mangipakat iti nadakamat a linteg. (Maribel Malabag Laranang)

Monday	05:00 - 17:00
Tuesday	05:00 - 17:00
Wednesday	05:00 - 17:00
Thursday	05:00 - 17:00
Friday	05:00 - 17:00
Saturday	05:00 - 17:00
Sunday	05:00 - 17:00

Narvacan Naisangsangayan

26/05/2026

26/05/2026

26/05/2026

26/05/2026

26/05/2026

25/05/2026

25/05/2026

25/05/2026

25/05/2026

25/05/2026

25/05/2026

Address

Opening Hours

Website

Alerts

Shortcuts

Share