08/04/2026
𝐏𝐮𝐛𝐥𝐢𝐜 𝐇𝐞𝐚𝐥𝐭𝐡 𝐀𝐝𝐯𝐢𝐬𝐨𝐫𝐲: 𝐋𝐢𝐤𝐚𝐰𝐚𝐧 𝐀𝐧𝐚𝐲 𝐚𝐧𝐠 𝐏𝐚𝐠𝐛𝐚𝐤𝐚𝐥 𝐤𝐚𝐠 𝐏𝐚𝐠𝐤𝐨𝐧𝐬𝐮𝐦𝐨 𝐬𝐚𝐧𝐠 𝐀𝐥𝐨𝐲/𝐓𝐮𝐥𝐢𝐧𝐠𝐚𝐧
Ang Iloilo Provincial Health Office naga paandam sa publiko nga temporaryo nga likawan anay ang pagbakal kag pagkonsumo sang isda nga aloy ukon tulingan samtang nagaubra sang imbestigasyon kag mga tikang ang otoridad para macontrol ang kaso sang food poisoning naangaot sa pagkonsumo sang sini nga isda.
Sa pagpreparar sang iban nga isda, sundon ang masunod nga food safety tips:
-Magbakal sang preska kag malimpyo nga klase sang isda
-Kung indi pa paglutuon, ibutang gilayun sa refrigerator ukon sotrage box nga bastante sa ice(indi mag taas sa 4°C)
-Husto kag limpyo nga pag preparar kag paghimus
-Lutuon gid sang maayo antes iserbe ukon kaunon
Kung makabatyag sang sintomas sang scombroid fish poisoning pareho sang pamula sang panit, sakit sang ulo, pagpalangluya, ukon pagsuka matapos magkaon sang isda, magpakonsulta gilayon sa health center, primary care facility ukon ospital nga pinakamalapit sa inyo lugar.
Bantayan ang abiso sang otoridad kung hilway na ang pagkonsumo sang isda nga aloy kag iban pa nga mga pahanumdum.
Halin sa Kapitolyo
