16/12/2021
โBY WEDNESDAY SANG GAB-I (DECEMBER 15), POSIBLE NGA MABATYAGAN TA NA ANG EPEKTO SANG WEATHER DISTURBANCEโ โ PAGASA- ILOILO
By: Ariel Solacito | December 13, 2021, 8:58PM
Via Firingline
Aksyon Radyo Iloilo
ILOILO CITY โ Gina-forecast nga masulod sa Philippine Area of Responsibility (PAR) ang tropical storm nga may international name nga โRAIโ buwas sa gab-i, Disyembre 14 ukon sa Miyerkules sang kaagahon, Disyembre 15.
Ini base sa latest forecast track suno kay Mr. Michael Diongon sang PAGASA- Iloilo kag pagatawgon nga Odette sa tiun nga makasulod sa PAR.
Kun indi magbaylo ang direksyon, padayon nga magahulag pa-Westward ang bagyo kag posible mag-landfall sa bisinidad sang CARAGA ukon Eastern Visayas sa Disyembre 16 sang hapon ukon gab-i.
Sa Biyernes sang aga, Disyembre 17, masulod sa โcone of uncertaintyโ ang Panay Island kag Negros Island.
Ginpaathag ni Diongon โsa forecast track, ang cone of uncertainty โ amo na siya ang posible โya nga labyan or sang iya nga sentro. So, kun nasulod ta sa amo ni nga cone, posible nga maga-landfall ang bagyo sa aton nga area โ sa Western Visayas.โ
Padayon nga gina-monitor sang PAGASA ang hulag sang bagyo bangud posible nga magbag-o pa ang direksyon sini.
Sa las-5:00PM (December 13) nga forecast sang PAGASA, ktapusan nga nasiplatan ang sentro sang bagyo sa 1,630 km East sang Mindanao (guwa sang PAR). Dala sini ang hangin nga nagabaskog sa 65km/h kag pagmadlos nga nagalab-ut sa 80 km/h. Nagahulag ang bagyo pa-West northwestward sa kadasigon nga 20 km/h.
Tropical storm ang category sang bagyo kag yara pa sa kadagatan pero may tsansa suno kay Diongon nga magbaskog.
โMay tendency or may tsansa pa ni siya nga mag-intensify. Sa forecast track sang PAGASA, posible โya nga ma-reach ang Typhoon category by Wednesday (December 15),โ dugang ni Diongon.
Ang range sang sustained winds sang Typhoon category yara sa 118โ220 km/h.
โExpect lang ta by Wednesday sang gab-i (December 15), posible nga mabatyagan ta na ang epekto sang weather disturbance,โ dugang ni Diongon.
