PNP Dingle Municipal Police Station

05/08/2026

𝐓𝐨𝐩 𝟖 𝐑𝐞𝐠𝐢𝐨𝐧𝐚𝐥-𝐋𝐞𝐯𝐞𝐥 𝐌𝐨𝐬𝐭 𝐖𝐚𝐧𝐭𝐞𝐝 𝐏𝐞𝐫𝐬𝐨𝐧 𝐬𝐚 𝐊𝐚𝐬𝐨𝐧𝐠 𝐑𝐚𝐩𝐞, 𝐁𝐨𝐥𝐮𝐧𝐭𝐚𝐫𝐲𝐨𝐧𝐠 𝐒𝐮𝐦𝐮𝐤𝐨 𝐬𝐚 𝐏𝐑𝐎𝟔

ILOILO – Boluntaryong sumuko sa mga awtoridad ang Top 8 Regional-Level Most Wanted Person ng Police Regional Office 6 (PRO6) sa Barangay Tolarucan, Mina, Iloilo, bandang 11:00 ng umaga noong Agosto 4, 2026.

Kinilala ang akusado sa alyas na “San-San,” 27 taong gulang, binata, at residente ng Barangay Abangay, Janiuay, Iloilo.

Sumuko ang akusado sa tulong ng mga operatiba ng 602nd Maneuver Company, Regional Mobile Force Battalion 6 (RMFB6), katuwang ang Mina Municipal Police Station (MPS) at Regional Intelligence Unit 6 (RIU6).

Matapos ang kanyang pagsuko, isinilbi laban sa kanya ang warrant of arrest para sa kasong r**e by carnal knowledge. Ang warrant ay inilabas ng Regional Trial Court, Branch 68, Sixth Judicial Region, Dumangas, Iloilo, noong Hulyo 24, 2026. Walang inirekomendang piyansa para sa kanyang pansamantalang paglaya.

Pinuri ni PRO6 Acting Regional Director Police Brigadier General Randulf T. Tuaño ang maayos na koordinasyon ng mga yunit na nagbunga ng boluntaryong pagsuko ng akusado.

“Ang boluntaryong pagsuko ng isang wanted person ay nagpapakita ng pagkilala sa umiiral na proseso ng batas. Hinihikayat natin ang iba pang may kinahaharap na kaso na kusang humarap sa hustisya. Kasabay nito, mananatiling masigasig ang ating mga operatiba sa pagtunton sa mga patuloy na umiiwas sa batas,” ani PBGen Tuaño.

Kasalukuyang nasa kustodiya ng Mina MPS ang akusado para sa kaukulang dokumentasyon at disposisyon bago iharap sa hukuman na nagpalabas ng warrant.

Patuloy na pinalalakas ng PRO6 ang kampanya laban sa mga wanted persons bilang bahagi ng layunin nitong isulong ang RESPONSIVE, TRUSTED, AND TRANSFORMATIVE POLICING tungo sa mas ligtas at mas mapayapang Western Visayas.

Ang tagumpay na ito ay kaakibat din ng bisyon ng Philippine National Police na "BAGONG PNP PARA SA BAGONG PILIPINAS: SERBISYONG MABILIS, TAPAT, AT NARARAMDAMAN," sa ilalim ng pamumuno ni Police General Jose Melencio C Nartatez Jr, Chief, PNP.

(PNP-RPIO6)

#𝗥𝗲𝘀𝗽𝗼𝗻𝘀𝗶𝘃𝗲𝗧𝗿𝘂𝘀𝘁𝗲𝗱𝗧𝗿𝗮𝗻𝘀𝗳𝗼𝗿𝗺𝗮𝘁𝗶𝘃𝗲𝗣𝗼𝗹𝗶𝗰𝗶𝗻𝗴
#𝗧𝗼𝗦𝗲𝗿𝘃𝗲𝗮𝗻𝗱𝗣𝗿𝗼𝘁𝗲𝗰𝘁
#𝗕𝗮𝗴𝗼𝗻𝗴𝗣𝗡𝗣𝗽𝗮𝗿𝗮𝗦𝗮𝗕𝗮𝗴𝗼𝗻𝗴𝗣𝗶𝗹𝗶𝗽𝗶𝗻𝗮𝘀

05/08/2026

𝐏𝐑𝐎𝟔 𝐍𝐚𝐠𝐭𝐚𝐥𝐚 𝐧𝐠 𝟑𝟖% 𝐏𝐚𝐠𝐛𝐚𝐛𝐚 𝐬𝐚 𝟖-𝐅𝐨𝐜𝐮𝐬 𝐂𝐫𝐢𝐦𝐞𝐬; 𝐑𝐚𝐩𝐞 𝐂𝐚𝐬𝐞𝐬 𝐁𝐮𝐦𝐚𝐛𝐚 𝐧𝐠 𝟕𝟖%

ILOILO CITY – Nagtala ang Police Regional Office 6 (PRO6) ng 38.09 porsyentong pagbaba sa kabuuang insidente ng walong focus crimes sa Kanlurang Visayas noong Hulyo 2026 kumpara sa kaparehong buwan noong 2025.

Batay sa datos ng PRO6, bumaba sa 104 ang mga naitalang kaso mula sa 168 noong Hulyo 2025, o 64 na mas kaunting insidente.

Pinakamalaking pagbaba ang naitala sa r**e cases, mula 46 noong Hulyo 2025 tungo sa 10 kaso noong Hulyo 2026, katumbas ng 78.26 porsyento.

Bumaba rin ang mga kaso ng carnapping ng motorsiklo mula 13 sa tatlo; murder, mula 14 sa 10; physical injury, mula 30 sa 24; robbery, mula 13 sa 11; at theft, mula 44 sa 38.
Nanatili naman sa walong kaso ang homicide, habang walang naitalang carnapping ng motor vehicle noong Hulyo 2026.

Sa mga Provincial at City Police Offices, nanguna ang Antique Police Provincial Office sa pinakamalaking pagbaba na 68.42 porsyento. Sinundan ito ng Guimaras PPO na may 66.66 porsyento, habang kapwa nagtala ng 50 porsyentong pagbaba ang Aklan PPO at Iloilo City Police Office.

Pinuri ni Police Brigadier General Randulf T Tuaño, Acting Regional Director ng PRO6, ang dedikasyon ng mga pulis at pakikiisa ng komunidad sa pagpapanatili ng kapayapaan at kaayusan.

“Ang pagbaba ng focus crimes ay bunga ng pinaigting na police visibility, intelligence-driven operations, mahigpit na koordinasyon ng mga yunit, at aktibong pakikipagtulungan ng publiko. Patuloy nating palalakasin ang pagpapatupad ng batas at crime prevention efforts upang mapanatiling ligtas ang bawat komunidad sa Kanlurang Visayas,” pahayag ni PBGen Tuaño.

Gayunman, binigyang-diin ng PRO6 na hindi dapat maging kampante sa kabila ng pagbaba ng krimen. Patuloy nitong paiigtingin ang anti-criminality operations, police visibility, intelligence gathering, at pakikipag-ugnayan sa komunidad sa ilalim ng RESPONSIVE, TRUSTED, AND TRANSFORMATIVE POLICING for a safer Western Visayas, alinsunod sa adhikain ng BAGONG PNP PARA SA BAGONG PILIPINAS: SERBISYONG MABILIS, TAPAT, AT NARARAMDAMAN.

(PNP-RPIO6)

#𝗥𝗲𝘀𝗽𝗼𝗻𝘀𝗶𝘃𝗲𝗧𝗿𝘂𝘀𝘁𝗲𝗱𝗧𝗿𝗮𝗻𝘀𝗳𝗼𝗿𝗺𝗮𝘁𝗶𝘃𝗲𝗣𝗼𝗹𝗶𝗰𝗶𝗻𝗴
#𝗧𝗼𝗦𝗲𝗿𝘃𝗲𝗮𝗻𝗱𝗣𝗿𝗼𝘁𝗲𝗰𝘁
#𝗕𝗮𝗴𝗼𝗻𝗴𝗣𝗡𝗣𝗽𝗮𝗿𝗮𝗦𝗮𝗕𝗮𝗴𝗼𝗻𝗴𝗣𝗶𝗹𝗶𝗽𝗶𝗻𝗮𝘀

05/08/2026

𝐓𝐨𝐩 𝟑 𝐌𝐮𝐧𝐢𝐜𝐢𝐩𝐚𝐥-𝐋𝐞𝐯𝐞𝐥 𝐌𝐨𝐬𝐭 𝐖𝐚𝐧𝐭𝐞𝐝 𝐏𝐞𝐫𝐬𝐨𝐧 𝐬𝐚 𝐊𝐚𝐬𝐨𝐧𝐠 𝐒𝐞𝐱𝐮𝐚𝐥 𝐀𝐬𝐬𝐚𝐮𝐥𝐭, 𝐀𝐫𝐞𝐬𝐭𝐚𝐝𝐨 𝐧𝐠 𝐏𝐑𝐎𝟔

ILOILO CITY – Patuloy na pinaiigting ng Police Regional Office 6 (PRO6) ang kampanya laban sa mga wanted person na nagresulta sa pagkakaaresto ng Top 3 Municipal-Level Most Wanted Person sa isinagawang intelligence-driven manhunt operation sa Barangay Nabitasan, La Paz, Iloilo City, bandang 3:04 ng hapon noong Agosto 4, 2026.

Ang akusado, na kinilala bilang alyas “Emman,” 22 taong gulang, binata, at residente ng Barangay San Antonio, Nueva Valencia, Guimaras, ay inaresto ng mga operatiba ng Iloilo City Police Station 2 (ICPS2) sa pakikipagtulungan ng Nueva Valencia Municipal Police Station, Guimaras.

Isinilbi laban sa kanya ang Warrant of Arrest para sa kasong Sexual Assault na inilabas noong Hulyo 27, 2026 ng Regional Trial Court, Branch 31, Sixth Judicial Region, Iloilo City. Nagtakda ang hukuman ng piyansang PhP120,000.00 para sa kanyang pansamantalang paglaya.

Pinuri ni Police Brigadier General Randulf T Tuaño, Acting Regional Director ng PRO6, ang matagumpay na operasyon at binigyang-diin ang kahalagahan ng patuloy na intelligence-driven manhunt operations upang mapanagot ang mga taong may kinahaharap na kaso.

“Ang bawat wanted person na ating naihaharap sa hustisya ay patunay ng dedikasyon ng ating kapulisan sa pagpapatupad ng batas. Patuloy nating paiigtingin ang ating manhunt operations upang matiyak na walang sinumang makaiiwas sa pananagutan sa batas,” ani PBGen Tuaño.

“Kasabay nito, hinihikayat natin ang iba pang indibidwal na may nakabinbing warrant of arrest na kusang sumuko sa mga awtoridad upang mapayapang harapin ang kanilang mga kaso,” dagdag pa niya.

Ang akusado ay kasalukuyang nasa kustodiya ng Iloilo City Police Station 2 para sa kaukulang dokumentasyon at disposisyon bago iharap sa hukuman na nagpalabas ng warrant.

Ang tagumpay na ito ay sumasalamin sa patuloy na pagpapatupad ng RESPONSIVE, TRUSTED, and TRANSFORMATIVE POLICING for a safer Western Visayas, alinsunod sa bisyon ng “BAGONG PNP PARA SA BAGONG PILIPINAS: SERBISYONG MABILIS, TAPAT, AT NARARAMDAMAN.”

(PNP-RPIO6)

#𝗥𝗲𝘀𝗽𝗼𝗻𝘀𝗶𝘃𝗲𝗧𝗿𝘂𝘀𝘁𝗲𝗱𝗧𝗿𝗮𝗻𝘀𝗳𝗼𝗿𝗺𝗮𝘁𝗶𝘃𝗲𝗣𝗼𝗹𝗶𝗰𝗶𝗻𝗴
#𝗧𝗼𝗦𝗲𝗿𝘃𝗲𝗮𝗻𝗱𝗣𝗿𝗼𝘁𝗲𝗰𝘁
#𝗕𝗮𝗴𝗼𝗻𝗴𝗣𝗡𝗣𝗽𝗮𝗿𝗮𝗦𝗮𝗕𝗮𝗴𝗼𝗻𝗴𝗣𝗶𝗹𝗶𝗽𝗶𝗻𝗮𝘀

05/08/2026

𝐇𝐕𝐈 𝐀𝐫𝐞𝐬𝐭𝐚𝐝𝐨, 𝐏𝐡𝐏𝟒𝟎𝟖𝐊 𝐒𝐡𝐚𝐛𝐮 𝐍𝐚𝐬𝐚𝐦𝐬𝐚𝐦 𝐬𝐚 𝐀𝐫𝐞𝐯𝐚𝐥𝐨 𝐁𝐮𝐲-𝐁𝐮𝐬𝐭

ILOILO CITY – Isang High-Value Individual (HVI) ang naaresto at humigit-kumulang 60 gramo ng hinihinalang shabu na nagkakahalaga ng PhP408,000.00 ang nasamsam sa buy-bust operation sa Project 1, Barangay Sooc, Arevalo, Iloilo City, bandang 11:35 ng gabi noong Agosto 4, 2026.

Kinilala ang naarestong suspek sa alyas na “Bona,” 29 taong gulang at residente ng nasabing barangay.

Matagumpay na naisagawa ang operasyon ng Iloilo City Drug Enforcement Unit (CDEU) sa pakikipagtulungan ng Iloilo Maritime Police Station (MARPSTA) at Iloilo City Police Station 6 – Station Drug Enforcement Team (SDET), matapos ang masusing intelligence validation, surveillance, at target profiling na isinagawa laban sasuspek.

Nasamsam sa operasyon ang sampung (10) heat-sealed plastic sachets na naglalaman ng hinihinalang shabu, buy-bust money, at iba't ibang non-drug items na magsisilbingebidensya sa isasampang kaso.

Kasalukuyang nasa kustodiya ng Iloilo City Police Station 6 ang naarestong suspek habang inihahanda ang kasong paglabag sa Republic Act No. 9165 o Comprehensive Dangerous Drugs Act of 2002.

Binigyang-diin ni PRO6 Acting Regional Director, Police Brigadier General Randulf T Tuaño, na nananatiling agresibo ang kampanya ng kapulisan laban sa ilegal na droga, lalo na sa mga high-value drug personalities.

"Patuloy nating tinutumbok ang mga high-value drug personalities upang tuluyang maputol ang kanilang operasyon at maprotektahan ang ating mga komunidad. Hindi kami titigil hangga't hindi natin napapanagot ang mga patuloy na nagpapakalat ng ilegal na droga. Ang bawat matagumpay na operasyon ay patunay ng ating matatag na paninindigan para sa isang ligtas at drug-free na Western Visayas," pahayag ni PBGen Tuaño.

Muling hinikayat ng PRO6 ang publiko na iulat sa pinakamalapit na himpilan ng pulisya ang anumang impormasyon kaugnay ng ilegal na droga.

Patuloy ding isinusulong ng PRO6 ang RESPONSIVE, TRUSTED, AND TRANSFORMATIVE POLICING bilang bahagi ng layunin nitong makapaghatid ng mas episyente, maaasahan, at makabagong serbisyo para sa isang mas ligtas at mas mapayapang Western Visayas, alinsunod sa bisyon na BAGONG PNP PARA SA BAGONG PILIPINAS: SERBISYONG MABILIS, TAPAT, AT NARARAMDAMAN.

(PNP-RPIO6)

#𝗥𝗲𝘀𝗽𝗼𝗻𝘀𝗶𝘃𝗲𝗧𝗿𝘂𝘀𝘁𝗲𝗱𝗧𝗿𝗮𝗻𝘀𝗳𝗼𝗿𝗺𝗮𝘁𝗶𝘃𝗲𝗣𝗼𝗹𝗶𝗰𝗶𝗻𝗴
#𝗧𝗼𝗦𝗲𝗿𝘃𝗲𝗮𝗻𝗱𝗣𝗿𝗼𝘁𝗲𝗰𝘁
#𝗕𝗮𝗴𝗼𝗻𝗴𝗣𝗡𝗣𝗽𝗮𝗿𝗮𝗦𝗮𝗕𝗮𝗴𝗼𝗻𝗴𝗣𝗶𝗹𝗶𝗽𝗶𝗻𝗮𝘀

05/08/2026

𝐏𝐑𝐎𝟔, 𝐍𝐚𝐚𝐫𝐞𝐬𝐭𝐨 𝐚𝐧𝐠 𝐃𝐚𝐥𝐚𝐰𝐚𝐧𝐠 𝐌𝐨𝐬𝐭 𝐖𝐚𝐧𝐭𝐞𝐝 𝐏𝐞𝐫𝐬𝐨𝐧 𝐬𝐚 𝐀𝐧𝐭𝐢𝐪𝐮𝐞 𝐬𝐚 𝐌𝐚𝐠𝐤𝐚𝐡𝐢𝐰𝐚𝐥𝐚𝐲 𝐧𝐚 𝐌𝐚𝐧𝐡𝐮𝐧𝐭 𝐎𝐩𝐞𝐫𝐚𝐭𝐢𝐨𝐧𝐬

ILOILO – Dalawang Most Wanted Person ang naaresto sa magkahiwalay na manhunt operations sa Antique noong Agosto 4, 2026, bilang bahagi ng pinaigting na kampanya ng Police Regional Office 6 (PRO6) laban sa mga wanted person.

Bandang 8:30 ng umaga, naaresto sa Barangay 4, San Jose, Antique si alyas “Jon,” 40 taong gulang, online seller at residente ng Barangay Lapaz, Hamtic, Antique. Siya ay nakatala bilang No. 4 Municipal Most Wanted Person ng Hamtic Municipal Police Station (MPS).

Isinilbi laban sa kanya ang Warrant of Arrest para sa anim (6) na bilang ng Qualified Theft sa bisa ng mga kautusang inilabas ng Regional Trial Court, Branch 12, San Jose, Antique, noong Hulyo 29, 2026. Inirekomenda ng hukuman ang piyansang PhP180,000.00.

Samantala, bandang 10:45 ng umaga, naaresto rin sa Barangay Igbonglo, San Jose, Antique si alyas “Tino,” 63 taong gulang, tricycle driver at residente ng nasabing barangay. Siya ay nakatala bilang No. 5 Provincial Most Wanted Person ng Antique Police Provincial Office (AnPPO) at No. 5 Municipal Most Wanted Person ng San Jose MPS.

Naaresto siya sa bisa ng Warrant of Arrest para sa mga kasong Qualified R**e of a Minor at Sexual Assault na inilabas ng Regional Trial Court, Branch 11, San Jose, Antique, noong Hulyo 30, 2026. Walang inirekomendang piyansa para sa kasong Qualified R**e of a Minor, habang PhP200,000.00 naman ang inirekomendang piyansa para sa kasong Sexual Assault.

Kapwa isinagawa ang mga operasyon ng mga operatiba ng CIDG Antique Provincial Field Unit katuwang ang 1st Antique Provincial Mobile Force Company (APMFC), Hamtic MPS at San Jose MPS. Matapos maaresto, ipinaalam sa mga akusado ang kanilang mga karapatan alinsunod sa umiiral na batas bago dinala sa kustodiya ng CIDG Antique PFU para sa kaukulang dokumentasyon at iba pang legal na proseso.

Pinuri ni Police Brigadier General Randulf T Tuaño, Acting Regional Director ng PRO6, ang mga operatibang nagsagawa ng matagumpay na manhunt operations.

“Ang sunod-sunod na pagkakaaresto sa mga wanted person ay malinaw na patunay na hindi titigil ang PRO6 sa pagtugis sa mga nagtatago sa batas. Patuloy nating paiigtingin ang intelligence-driven operations at koordinasyon sa lahat ng yunit upang matiyak na ang bawat akusado ay maihaharap sa hukuman at mananagot sa kanilang mga ginawa, ani PBGen Tuaño.

“Sa ilalim ng PRO6 Way - Intelligence First, Coordination Always, and Results That Speak for Themselves, patuloy nating isusulong ang RESPONSIVE, TRUSTED, AND TRANSFORMATIVE POLICING for a safer Western Visayas, alinsunod sa adhikain ng BAGONG PNP PARA SA BAGONG PILIPINAS: SERBISYONG MABILIS, TAPAT, AT NARARAMDAMAN,” dagdag niya.

(PNP-RPIO6)

#𝗥𝗲𝘀𝗽𝗼𝗻𝘀𝗶𝘃𝗲𝗧𝗿𝘂𝘀𝘁𝗲𝗱𝗧𝗿𝗮𝗻𝘀𝗳𝗼𝗿𝗺𝗮𝘁𝗶𝘃𝗲𝗣𝗼𝗹𝗶𝗰𝗶𝗻𝗴
#𝗧𝗼𝗦𝗲𝗿𝘃𝗲𝗮𝗻𝗱𝗣𝗿𝗼𝘁𝗲𝗰𝘁
#𝗕𝗮𝗴𝗼𝗻𝗴𝗣𝗡𝗣𝗽𝗮𝗿𝗮𝗦𝗮𝗕𝗮𝗴𝗼𝗻𝗴𝗣𝗶𝗹𝗶𝗽𝗶𝗻𝗮𝘀

05/08/2026

𝐏𝐑𝐎𝟔, 𝐇𝐮𝐥𝐢 𝐚𝐧𝐠 𝐇𝐕𝐈 𝐬𝐚 𝐃𝐮𝐦𝐚𝐧𝐠𝐚𝐬 𝐃𝐫𝐮𝐠 𝐁𝐮𝐬𝐭;𝐏𝐡𝐏𝟒𝟕𝟔𝐊 𝐇𝐚𝐥𝐚𝐠𝐚 𝐧𝐠 𝐒𝐡𝐚𝐛𝐮 𝐍𝐚𝐬𝐚𝐦𝐬𝐚𝐦

LUNGSOD NG ILOILO – Isa na namang High-Value Individual (HVI) ang nalambat ng Police Regional Office 6 (PRO6) sa pinaigting nitong kampanya laban sa ilegal na droga matapos makumpiska ang humigit-kumulang 70 gramo ng hinihinalang shabu na may Standard Drug Price (SDP) na PhP476,000.00 sa isinagawang buy-bust operation sa Brgy. Dacutan, Dumangas, Iloilo, bandang 7:07 ng gabi noong Agosto 4, 2026.

Kinilala ang naarestong suspek sa alyas na "Vivo," 40 taong gulang, may asawa, isang checker ng mga trucking ng mga Agri-Essentials na naka-base sa Brgy. Dacutan, Dumangas, Iloilo, at residente ng Barotac Nuevo, Iloilo.

Naisagawa ang operasyon sa pamamagitan ng pinagsanib na puwersa ng Dumangas Municipal Police Station–Station Drug Enforcement Team (SDET), Philippine Drug Enforcement Group–Special Operations Unit 6 (PDEG SOU6), at Iloilo Maritime Police Station, sa koordinasyon ng Philippine Drug Enforcement Agency (PDEA), kasunod ng masusing intelligence monitoring, surveillance, at target validation.

Kabilang sa mga nakumpiskang ebidensya ang sampung(10) pakete ng hinihinalang shabu kabilang ang buy-bust item, at isang (1) knot-tied plastic sachet, gayundin ang buy-bust money at iba pang non-drug items.

Kasalukuyang nasa kustodiya ng Dumangas Municipal Police Station ang suspek habang inihahanda ang kasongpaglabag sa Republic Act No. 9165 o ang Comprehensive Dangerous Drugs Act of 2002.

Ayon kay PRO6 Acting Regional Director, Police Brigadier General Randulf T Tuaño, malinaw na mensahe ang operasyong ito sa mga nagtutulak ng ilegal na droga nawala silang ligtas na pagtataguan.

"Hindi kami titigil sa pagtugis sa mga nagpapalaganap ng ilegal na droga. Ang bawat high-value individual na aming naaresto at bawat gramo ng shabu na aming nasasamsam ay katumbas ng mga buhay na naililigtas at mga komunidad na napoprotektahan. Sa tulong ng ating mga operating units at ng komunidad, patuloy nating babaklasin ang mga drug network hanggang sa tuluyang mawala ang kanilang operasyon sa Western Visayas," pahayag ni PBGen Tuaño.

Patuloy ang intelligence monitoring at intelligence gathering ng PRO6 upang matukoy at maaresto ang ibapang mga supplier, kasabwat, at miyembro ng drug network na may kaugnayan sa suspek.

Muling hinihikayat ng PRO6 ang publiko na ipagpatuloy ang pakikipagtulungan sa kapulisan sa pamamagitan ng pagbibigay ng mapagkakatiwalaang impormasyon laban sa ilegal na droga. Sa ilalim ng RESPONSIVE, TRUSTED, AND TRANSFORMATIVE POLICING, nananatiling matatag ang PRO6 sa layuning mapanatili ang isang ligtas, mapayapa, at drug-free na Western Visayas, alinsunod sa bisyon ng BAGONG PNP PARA SA BAGONG PILIPINAS: SERBISYONG MABILIS, TAPAT, AT NARARAMDAMAN.

(PNP-RPIO6)

#𝗥𝗲𝘀𝗽𝗼𝗻𝘀𝗶𝘃𝗲𝗧𝗿𝘂𝘀𝘁𝗲𝗱𝗧𝗿𝗮𝗻𝘀𝗳𝗼𝗿𝗺𝗮𝘁𝗶𝘃𝗲𝗣𝗼𝗹𝗶𝗰𝗶𝗻𝗴
#𝗧𝗼𝗦𝗲𝗿𝘃𝗲𝗮𝗻𝗱𝗣𝗿𝗼𝘁𝗲𝗰𝘁
#𝗕𝗮𝗴𝗼𝗻𝗴𝗣𝗡𝗣𝗽𝗮𝗿𝗮𝗦𝗮𝗕𝗮𝗴𝗼𝗻𝗴𝗣𝗶𝗹𝗶𝗽𝗶𝗻𝗮𝘀

05/08/2026

𝐏𝐑𝐎𝟔, 𝟐𝟓 𝐈𝐥𝐥𝐞𝐠𝐚𝐥 𝐅𝐢𝐬𝐡𝐞𝐫𝐬 𝐓𝐢𝐦𝐛𝐨𝐠 𝐬𝐚 𝟏𝟎 𝐎𝐩𝐞𝐫𝐚𝐬𝐲𝐨𝐧; 𝐇𝐚𝐥𝐨𝐬 𝐏𝐡𝐏𝟑.𝟗𝐌 𝐇𝐚𝐥𝐚𝐠𝐚 𝐧𝐠 𝐁𝐚𝐧𝐠𝐤𝐚, 𝐊𝐚𝐠𝐚𝐦𝐢𝐭𝐚𝐧 𝐚𝐭 𝐈𝐬𝐝𝐚 𝐍𝐚𝐬𝐚𝐦𝐬𝐚𝐦 𝐬𝐚 𝐋𝐨𝐨𝐛 𝐧𝐠 𝟐𝟒 𝐎𝐫𝐚𝐬

LUNGSOD NG ILOILO – Dalawampu’t limang indibidwal ang naaresto at halos PhP3.9 milyon halaga ng mga bangka, kagamitan sa pangingisda, at isda ang nasamsam sa 10 anti-illegal fishing operations ng Police Regional Office 6 (PRO6) sa iba’t ibang bahagi ng Western Visayas sa loob lamang ng 24 oras.

Isinagawa ang mga operasyon mula alas-6:00 ng umaga noong Agosto 4 hanggang alas-5:59 ng umaga noong Agosto 5, 2026, na nagresulta sa pagkakasamsam ng mga kagamitan na may kabuuang halagang PhP3,898,500.00.

Kabilang dito ang mga bangkang nagkakahalaga ng PhP2,905,000.00, fishing paraphernalia na nagkakahalaga ng PhP962,500.00, at mga isdang tinatayang nagkakahalaga ng PhP31,000.00.

Pinakamalaki sa mga operasyon ang isinagawa ng 2nd Iloilo Provincial Mobile Force Company–Provincial Bantay Dagat Task Force sa karagatang sakop ng Barangay Alipata, Carles, Iloilo. Sa tatlong magkakahiwalay na operasyon, tatlong indibidwal ang naaresto at nasamsam ang tatlong fishing boat, fishing gear, at mga isda na nagkakahalaga ng mahigit PhP2.2 milyon.

Samantala, limang operasyon ng Carles Municipal Police Station ang nagresulta sa pagkakaaresto ng 20 katao dahil sa iba’t ibang paglabag sa mga umiiral na batas sa pangingisda.

Nagsagawa rin ng magkahiwalay na operasyon ang Caluya Municipal Police Station at Libertad Municipal Police Station sa Antique na nagresulta sa pagkakaaresto ng dalawa pang indibidwal.

Binigyang-diin ni PRO6 Acting Regional Director, Police Brigadier General Randulf T Tuaño, na hindi palalampasin ng kapulisan ang anumang ilegal na aktibidad na sumisira sa yamang-dagat at kabuhayan ng mga lehitimong mangingisda.

"Ang bawat anti-illegal fishing operation ay hindi lamang pagpapatupad ng batas kundi matibay na hakbang upang mapangalagaan ang ating yamang-dagat at matiyak ang pangmatagalang kabuhayan ng ating mga mangingisda. Patuloy nating papanagutin ang mga lumalabag at paiigtingin ang ating operasyon laban sa mga mapanirang paraan ng pangingisda sa buong Western Visayas," pahayag ni PBGen Tuaño.

Hinimok din ni PBGen Tuaño ang publiko, lalo na ang mga mangingisda, coastal barangays, at mga lokal na pamahalaan, na patuloy na makipagtulungan sa kapulisan sa pamamagitan ng agarang pag-uulat ng mga ilegal na aktibidad sa karagatan upang higit pang mapalakas ang pangangalaga sa yamang-dagat ng rehiyon.

Patuloy na paiigtingin ng PRO6 ang intelligence-driven operations at pakikipag-ugnayan sa mga partner agencies upang tuluyang masugpo ang ilegal na pangingisda at maisulong ang RESPONSIVE, TRUSTED, AND TRANSFORMATIVE POLICING para sa isang mas ligtas at mas maunlad na Western Visayas, bilang suporta sa adhikaing "BAGONG PNP PARA SA BAGONG PILIPINAS: SERBISYONG MABILIS, TAPAT, AT NARARAMDAMAN."

(PNP-RPIO6)

#𝗥𝗲𝘀𝗽𝗼𝗻𝘀𝗶𝘃𝗲𝗧𝗿𝘂𝘀𝘁𝗲𝗱𝗧𝗿𝗮𝗻𝘀𝗳𝗼𝗿𝗺𝗮𝘁𝗶𝘃𝗲𝗣𝗼𝗹𝗶𝗰𝗶𝗻𝗴
#𝗧𝗼𝗦𝗲𝗿𝘃𝗲𝗮𝗻𝗱𝗣𝗿𝗼𝘁𝗲𝗰𝘁
#𝗕𝗮𝗴𝗼𝗻𝗴𝗣𝗡𝗣𝗽𝗮𝗿𝗮𝗦𝗮𝗕𝗮𝗴𝗼𝗻𝗴𝗣𝗶𝗹𝗶𝗽𝗶𝗻𝗮𝘀

05/08/2026

𝐏𝐑𝐎𝟔, 𝐍𝐚𝐚𝐫𝐞𝐬𝐭𝐨 𝐀𝐧𝐠 𝐍𝐨. 𝟓 𝐑𝐞𝐠𝐢𝐨𝐧𝐚𝐥 𝐌𝐨𝐬𝐭 𝐖𝐚𝐧𝐭𝐞𝐝 𝐏𝐞𝐫𝐬𝐨𝐧 𝐒𝐚 𝐌𝐚𝐧𝐝𝐮𝐫𝐫𝐢𝐚𝐨 𝐃𝐢𝐬𝐭𝐫𝐢𝐜𝐭

ILOILO CITY – Naaresto ng Police Regional Office 6 (PRO6) ang No. 5 Regional-Level at No. 5 Iloilo Provincial-Level Most Wanted Person sa isinagawang OPLAN PAGTUGIS operation sa Barangay Oñate de Leon, Mandurriao, Iloilo City, bandang 10:00 ng gabi noong Agosto 3, 2026.

Kinilala ang akusado sa alyas na “Dominggo,” 35 taong gulang, may asawa, construction worker, at residente ng Barangay Igcabidio, Miagao, Iloilo.

Pinangunahan ng Criminal Investigation and Detection Group–Iloilo City Field Unit (CIDG-Iloilo CFU) ang operasyon katuwang ang Miagao Municipal Police Station, Police Intelligence Team–Iloilo ng Regional Intelligence Unit 6.

Isinilbi laban sa akusado ang Warrant of Arrest para sa tatlong bilang ng Statutory R**e by Carnal Knowledge sa ilalim ng Article 266-A, Paragraph 1, kaugnay ng Article 266-B ng Revised Penal Code.

Ang warrant ay inilabas noong Hulyo 29, 2026 ng Regional Trial Court, Branch 72, Sixth Judicial Region, Guimbal, Iloilo. Walang inirekomendang piyansa para sapansamantalang paglaya ng akusado.

Pinuri ni Police Brigadier General Randulf T Tuaño, Acting Regional Director ng PRO6, ang CIDG-Iloilo CFU at mga katuwang nitong yunit sa matagumpay na operasyon.

“Ang pagkakaaresto sa isa pang Regional Most Wanted Person ay patunay ng matatag na koordinasyon, masusing intelligence gathering, at dedikasyon ng ating mga operating unit. Patuloy nating paiigtingin ang manhunt operations upang matiyak na ang mga wanted person, lalo na ang mga nahaharap sa mabibigat na kaso, ay maihaharap sa hukuman at mapanagot sa batas,” ani PBGen Tuaño.

Matapos ipabatid sa akusado ang dahilan ng kanyang pagkakaaresto at ang kanyang mga karapatan sa ilalim ng Miranda Doctrine at Anti-Torture Act, dinala siya sa CIDG Iloilo CFU para sa kaukulang dokumentasyon bago iharap sa hukuman na nagpalabas ng warrant.

Patuloy na isinusulong ng PRO6 ang RESPONSIVE, TRUSTED, AND TRANSFORMATIVE POLICING for a safer Western Visayas, alinsunod sa adhikain ng BAGONG PNP PARA SA BAGONG PILIPINAS: SERBISYONG MABILIS, TAPAT, AT NARARAMDAMAN, sa ilalim ng pamumuno ni Police General Jose Melencio C Nartatez Jr., Chief, Philippine National Police.

(PNP-RPIO6)

#𝗥𝗲𝘀𝗽𝗼𝗻𝘀𝗶𝘃𝗲𝗧𝗿𝘂𝘀𝘁𝗲𝗱𝗧𝗿𝗮𝗻𝘀𝗳𝗼𝗿𝗺𝗮𝘁𝗶𝘃𝗲𝗣𝗼𝗹𝗶𝗰𝗶𝗻𝗴
#𝗧𝗼𝗦𝗲𝗿𝘃𝗲𝗮𝗻𝗱𝗣𝗿𝗼𝘁𝗲𝗰𝘁
#𝗕𝗮𝗴𝗼𝗻𝗴𝗣𝗡𝗣𝗽𝗮𝗿𝗮𝗦𝗮𝗕𝗮𝗴𝗼𝗻𝗴𝗣𝗶𝗹𝗶𝗽𝗶𝗻𝗮𝘀

05/08/2026

05/08/2026

𝐏𝐑𝐎𝟔, 𝐍𝐚𝐚𝐫𝐞𝐬𝐭𝐨 𝐚𝐧𝐠 𝐋𝐚𝐡𝐚𝐭 𝐧𝐠 𝐓𝐨𝐩 𝟏𝟎 𝐑𝐞𝐠𝐢𝐨𝐧𝐚𝐥-𝐋𝐞𝐯𝐞𝐥 𝐌𝐨𝐬𝐭 𝐖𝐚𝐧𝐭𝐞𝐝 𝐏𝐞𝐫𝐬𝐨𝐧𝐬 𝐬𝐚 𝐋𝐨𝐨𝐛 𝐧𝐠 𝐀𝐩𝐚𝐭 𝐧𝐚 𝐀𝐫𝐚𝐰

ILOILO CITY – Isang malaking tagumpay ang naitala ng Police Regional Office 6 (PRO6) matapos maaresto at mapasuko ang lahat ng Top 10 Regional-Level Most Wanted Persons sa Kanlurang Visayas sa loob lamang ng apat na araw, mula Agosto 1 hanggang 4, 2026.

Ang sunud-sunod na operasyon ay isinagawa sa iba’t ibang bahagi ng rehiyon at naging matagumpay sa pamamagitan ng pinaigting na intelligence gathering, surveillance, target profiling, manhunt operations, at koordinasyon ng mga operating unit at iba pang katuwang na ahensiya.

Karamihan sa mga naaresto ay nahaharap sa mabibigat na kaso, kabilang ang murder, r**e, sexual assault, at iba pang paglabag sa batas. Ang ilan ay naaresto sa bisa ng mga warrant of arrest, habang ang iba naman ay boluntaryong sumuko dahil sa patuloy na pagtugis at pakikipag-ugnayan ng mga awtoridad sa kanilang pamilya at komunidad.

Ayon kay Police Brigadier General Randulf T Tuaño, Acting Regional Director ng PRO6, ipinakikita ng accomplishment na walang ligtas na lugar para sa mga taong nagtatangkang umiwas sa pananagutan sa batas.

“Ang pagkakaaresto at pagsuko ng lahat ng Top 10 Regional-Level Most Wanted Persons sa loob lamang ng apat na araw ay malinaw na patunay ng mabilis na pagkilos, mahusay na intelligence work, at matibay na koordinasyon ng ating mga yunit. Hindi natin hahayaang manatiling malaya ang mga taong may pananagutan sa batas. Patuloy natin silang tutugisin upang maiharap sa hukuman at mabigyan ng hustisya ang kanilang mga biktima,” pahayag ni PBGEN Tuaño.

Pinuri rin ng Regional Director ang mga operatiba at katuwang na yunit na naging bahagi ng magkakasunod na operasyon, gayundin ang mga mamamayang nagbigay ng mahahalagang impormasyon na nagresulta sa matagumpay na pagkakaaresto at pagsuko ng mga akusado.

Binigyang-diin ng PRO6 na magpapatuloy ang intelligence-driven manhunt operations laban sa iba pang wanted persons sa rehiyon alinsunod sa PRO6 Way—“Intelligence First, Coordination Always, and Results That Speak for Themselves.”

Isinusulong ang mga hakbang na ito sa ilalim ng RESPONSIVE, TRUSTED, AND TRANSFORMATIVE POLICING for a safer Western Visayas at ng adhikain ng BAGONG PNP PARA SA BAGONG PILIPINAS: SERBISYONG MABILIS, TAPAT, AT NARARAMDAMAN.

Hinihikayat naman ang publiko na patuloy na makipagtulungan sa mga awtoridad at agad na iulat ang anumang impormasyon tungkol sa kinaroroonan ng mga wanted person sa pinakamalapit na himpilan ng pulisya o sa Unified Emergency Hotline 911.

(PNP-RPIO6)

#𝗥𝗲𝘀𝗽𝗼𝗻𝘀𝗶𝘃𝗲𝗧𝗿𝘂𝘀𝘁𝗲𝗱𝗧𝗿𝗮𝗻𝘀𝗳𝗼𝗿𝗺𝗮𝘁𝗶𝘃𝗲𝗣𝗼𝗹𝗶𝗰𝗶𝗻𝗴
#𝗧𝗼𝗦𝗲𝗿𝘃𝗲𝗮𝗻𝗱𝗣𝗿𝗼𝘁𝗲𝗰𝘁
#𝗕𝗮𝗴𝗼𝗻𝗴𝗣𝗡𝗣𝗽𝗮𝗿𝗮𝗦𝗮𝗕𝗮𝗴𝗼𝗻𝗴𝗣𝗶𝗹𝗶𝗽𝗶𝗻𝗮𝘀