22/09/2026
Pinangunahan ng Department of Agriculture – Philippine Rural Development Project (PRDP) Regional Project Coordination Office 6 ang apat na araw na Marketing Management and Financial Capability Enhancement Training noong Setyembre 15–18, 2026 sa Iloilo City. Lumahok dito ang Farmers and Fisherfolk Cooperatives and Associations (FCAs) na may mga panukalang proyekto sa ilalim ng PRDP Scale-Up Program, kabilang ang Lezo Swine Integrated and Marketing Enterprise, Antique Dressing Plant Enterprise, at Antique Integrated Swine Production and Marketing Enterprise.
Sa pamamagitan ng mga lecture, workshop, at praktikal na pagsasanay, hinasa ang mga kalahok sa marketing, market demand, pricing, promotion, financial management, budgeting, cash flow, at cost analysis upang mapalakas ang kahandaan at sustainability ng kanilang mga negosyo. Inaasahang magagamit ng mga FCAs ang mga natutuhang kaalaman at tools sa pagbuo ng mas matatag na enterprise at pangmatagalang market partnerships bilang paghahanda sa pagpapatupad ng kanilang mga panukalang PRDP Scale-Up subprojects.
