Dumangas Municipal Health Office

05/09/2026

🦠 LEPTOSPIROSIS

⚠️ NAKAMAMATAY ANG LEPTOSPIROSIS

WAG MALIGO, WAG MAGLARO, KAG LIKAWAN ANG PAGTAGAL SA BAHA!

Mga kasimanwa namon nga Dumangasanon, labi na gid subong nga panahon sang mabaskog nga ulan kag pagbaha, importante nga mahibaluan naton ang peligro sang Leptospirosis kag kon paano naton ini malikawan.

❓ ANO ANG LEPTOSPIROSIS?

Ang Leptospirosis isa ka seryoso nga bacterial infection nga ginadala sang Leptospira bacteria. Masami ini makita sa ihi sang infected nga mga sapat, labi na ang mga ilaga.

Kon ang ihi sang infected nga sapat maghalo sa baha, lutak, duta ukon tubig, mahimo ini mangin source sang infection.

Mas nagataas ang risgo kon kita maglusong, maglangoy, maghugas ukon magtrabaho sa baha nga posible kontaminado.

⚠️ PAANO KITA MAIMPEKSYON?

Mahimo makasulod ang bacteria paagi sa:

• mga samad, bagras ukon open wounds sa panit
• mata, ilong kag baba
• direkta nga pagkontak sang panit sa kontaminado nga tubig ukon lutak
• kag sa iban nga sitwasyon, paagi sa pag-inom sang kontaminado nga tubig

IMPORTANTE: Indi kinahanglan nga daku ang samad para maimpeksyon. Bisan wala sang klaro nga samad, posible gihapon ang exposure paagi sa mata, ilong, baba ukon gamay nga pilas sa panit.

🚨 SIN-O ANG MAS HIGH RISK?

Mas dapat maghalong ang mga tawo nga:

• naglusong ukon nagtrabaho sa baha
• nagaagi permi sa baha
• nagapanglimpyo sang balay pagkatapos sang baha
• nagapanglimpyo sang kanal ukon lugar nga posible may ilaga
• naga-expose sa tubig ukon lutak nga posible kontaminado
• responders kag rescue workers nga exposed sa baha

🤒 ANO ANG MGA SINTOMAS?

Pagkatapos sang exposure sa baha, bantayan ang imo lawas. Ang sintomas mahimo magpakita sang pila ka adlaw tubtob pila ka semana pagkatapos sang exposure.

Mga sintomas nga dapat bantayan:

🔴 Hilanat
🔴 Sakit sang ulo
🔴 Panalakit sang lawas ukon kaunoran, labi na sa batiis
🔴 Pangurog ukon chills
🔴 Pagsuka ukon sakit sang tiyan
🔴 P**a nga mata
🔴 Paninilaw sang panit ukon mata
🔴 Pagluya ukon indi maayo nga pamatyag

⚠️ NAGLUSONG KA SA BAHA KAG NAGLAIN ANG IMO PAMATYAG?

MAGPAKONSULTA DAYON.

Indi hulata nga maglala pa ang kondisyon.

💊 PARTE SA DOXYCYCLINE PROPHYLAXIS

Kon nag-expose ka sa baha, labi na kon mataas ang risk sang exposure, magpakonsulta anay sa pinakamalapit nga Health Facility ukon YAKAP Clinic para ma-assess kon kinahanglan mo sang doxycycline prophylaxis.

Ang doxycycline isa ka prescription medicine kag indi ini dapat inumon basta-basta ukon wala sang assessment sang health professional.

Ang paggamit sini nagadepende sa klase kag lebel sang exposure, kag may mga tawo nga kinahanglan sang espesyal nga assessment antes ini mahatag, lakip ang mga nagabusong, nagapasuso kag mga kabataan.

👉 INDI MAG-SELF-MEDICATE SANG ANTIBIOTICS.

🛡️ PAANO MALIKAWAN ANG LEPTOSPIROSIS?

Pinakamaayo nga proteksyon: LIKAWAN ANG PAGLUSONG SA BAHA KON MAHIMO.

Kung indi gid malikawan:

✅ Maggamit sang waterproof boots ukon protective footwear.
✅ Takpan ang mga samad kag garas gamit ang waterproof dressing.
✅ Indi maglangoy, magpaligo ukon magdugay sa baha.
✅ Indi mag-inom sang tubig nga posible kontaminado.
✅ Pagkatapos ma-expose, hugasi dayon ang lawas kag tiil gamit ang malimpyo nga tubig kag sabon.
✅ Likawan ang pagpalapit sa mga ilaga kag iban nga sapat nga posible infected.
✅ Ibutang ang pagkaon, basura kag tubig sa nasarhan nga containers agod indi ma-attract ang mga ilaga.

🏥 REMEMBER, DUMANGASANON!

NAGLUSONG SA BAHA? INDI MAGHULAT NGA MAG-SINTOMAS.

👉 May exposure? Magpakonsulta para sa proper assessment.
👉 May exposure + may sintomas? MAGPAKONSULTA DAYON.
👉 Indi mag-self-medicate sang antibiotics.
👉 Likawan ang baha kon mahimo.

❤️ PARA SA LIGTAS NGA DUMANGAS

WAG MALIGO. WAG MAGLARO. WAG MAGTAGAL SA BAHA.

LIKAW SA BAHA • PROTEKTAHAN ANG LAWAS • MAGPAKONSULTA DAYON

Dumangas Main Primary Health Care Facility

Para sa mas HEALTHY, mas SAFE kag mas HANDA nga Dumangas.

04/09/2026

📢 PAHIBALO, MGA KASIMANWA!

🏥 DUMANGAS MAIN PRIMARY HEALTH CARE FACILITY
may yara Libre kag Abordable nga Health kag Laboratory Services para sa aton tanan!

🩺 Halin sa TB-DOTS, Maternal & Child Care, Family Planning, Dental Services, Minor Surgical Procedures, tubtob sa nagkalain-lain nga Laboratory Services available para sa aton komunidad.

💚 May libre nga mga serbisyo para sa mga kwalipikado nga benepisyaryo sang PHIC, kag may ara man affordable rates para sa wala sang PHIC coverage.

📌 Updated Health & Laboratory Services as of March 13, 2026

👉 Para sa kumpleto nga lista sang serbisyo kag rates, tan-awa ang attached nga posters.

Serbisyong panglawas nga mas lapit, mas accessible, kag para sa tanan!

💚 Dumangas Main Primary Health Care Facility — Alagang Pang Ikaayong Lawas, Para sa Dumangasanon!

04/09/2026

🌫️ HAZE ALERT, DUMANGAS!

MAGHALONG KITA! PROTEKTAHAN ANG ATON LAWAS!

Mga kasimanwa namon nga Dumangasanon, may yara sang haze ukon aso sa hangin sa iban nga parte sa Probinsya sang Iloilo. Ini mahimo makairita sa aton ilong, tutunlan kag baga, kag mahimo magpalala sang sintomas sang mga tawo nga may asthma ukon iban nga balatian sa respiratory system.

Indi naton pagbalewalaon ang haze. Bisan wala kita sang ginabatyag nga sintomas, importante gihapon nga maghalong kag maghimo sang mga tikang para maprotektahan ang aton kaugalingon kag pamilya.

😷 ANO ANG DAPAT NATON HIMUON?

✅ Magsuksok sang N95 ukon KN95 mask kon kinahanglan maggwa, ilabi na kon mabaskog ukon madamo ang haze.

✅ Likawan ang indi kinahanglanon nga pag-gwa. Magpabilin anay sa sulod sang balay kon mabug-at ang haze.

✅ Likawi anay ang mabug-at nga ehersisyo ukon trabaho sa guwa, pareho sang jogging kag iban pa nga aktibidad nga makapabug-at sang pagginhawa.

✅ Sirad-i ang bintana kag puertahan kon mabug-at ang haze agod malikawan ang pagsulod sang hugaw ukon aso nga hangin.

🚭 INDI MAGPANIGARILYO KAG INDI MAG-V**E.

🔥 INDI MAGDABOK UKON MAGSUNOG SANG BASURA, PLASTIK, KAHOY, KAG IBAN PA NGA MATERYALES nga makadugang sang aso kag air pollution.

👶👵 MAS DAPAT MAGHALONG ANG:

👶 Mga bata
👵 Mga tigulang
🤰 Mga nagabusong
🫁 Mga may asthma ukon iban nga balatian sa baga
❤️ Mga may balatian sa tagipusuon

Kon mahimo, likawan nila ang dugay nga pagpabilin sa guwa samtang mabug-at ang haze.

🚨 KON MAY SINI NGA MGA SINTOMAS, MAGPA-CHECK-UP DAYON:

🔴 Gakulang ukon gabudlay ang pagginhawa
🔴 Nagasakit ukon nagabug-at ang dughan
🔴 Padayon ukon nagalala nga pag-ubo
🔴 Grabe nga pagsipol-sipol ang ginhawa (wheezing)
🔴 Pagkahilo ukon sobra nga kaluya
🔴 Nagalala ang sintomas sang asthma

Indi maghulat nga maglala pa ang kondisyon. Magpakonsulta sa pinakamalapit nga health facility.

💚 TANDAAN:

Kon may haze, likawi ang exposure.
Kon kinahanglan maggwa, magsuksok sang husto nga mask.
Kon mabudlayan magginhawa, magpakonsulta dayon.

💚 DUMANGAS, MAGHALONG KITA!

Dumangas Main Primary Health Care Facility
Serbisyong pangkalusugan, mas malapit sa pumuluyo.

01/09/2026

💉 MAGPABAKUNA NA! PROTEKTAHAN ANG ATON MGA BATA!

Mga ginikanan kag guardian, indi magkabalaka kung may pila ka normal nga reaksyon pagkatapos mabakunahan. 💉👶

Pagkatapos sang bakuna, posible nga makabatyag ang bata sang kasakit, pamumula ukon pamamaga sa ginaturukan, kag hilanat ukon lawas nga maluya. Kasagaran, ini temporaryo lamang kag nagakadula man sa pila ka adlaw.

📌 TANDAAN:
Kung maghilanat ukon magpamantal ang bata 7–10 ka adlaw pagkatapos sang bakuna, ukon mataas/padayon ang hilanat kag indi nagapanubo, magpakonsulta sa aton Health Center.

🚨 Magpangayo sang bulig medikal kung may:
• Kalit nga pamamaga sang nawong ukon bibig
• Mabudlayan sa pagginhawa
• Matindi nga ukon padayon nga pagtae
• Iban pa nga seryoso ukon indi pangkaraniwan nga reaksyon

💚 Ang bakuna isa ka importante nga proteksyon batok sa mga makahalalit nga balatian. Indi magkahadlok magpamangkot sa aton mga healthcare workers para sa husto nga impormasyon kag pag-atipan.

MAGPABAKUNA NA!
Protektahan ang aton mga kabataan, protektahan ang komunidad!

📍 Dumangas Main Primary Health Care Facility
Serbisyong Pang-Ikaayong Lawas, Mas Malapit sa Pumuluyo.

01/09/2026

DOH: MAGING HANDA SA EPEKTO NG HAZE SA KALUSUGAN!

Dahil sa hanging Habagat, umabot na sa ilang bahagi ng Luzon at Visayas ang usok mula sa forest fires sa Kalimantan, Indonesia.

Maaaring magdulot ang haze ng hirap sa paghinga, pag-ubo, pananakit ng dibdib, pangangati o pagluluha ng mga mata, at paglala ng mga sakit sa baga tulad ng hika. Dobleng pag-iingat ang kailangan para sa mga bata, matatanda, at mga may dati nang sakit sa baga o puso.

Habang nagpapatuloy ang banta ng haze, mag-suot ng mask kung lalabas ng bahay. Alamin ang lagay ng hangin sa inyong lugar at unahin ang kaligtasan. Maging handa sa banta ng Haze!

01/09/2026

🦟 DENGUE: Mag Halong, Magpakonsulta kag Maglikaw!

Sa sini nga panahon, Mag Halong kita kontra sa Dengue! 🦟

Kon ikaw ukon may miyembro sang pamilya nga may mga sintomas pareho sang:

• Hilanat
• Pagpantal-pantal
• Paglingin sang ulo kag pagsuka
• Pagsakit sang lawas, kalamnan kag mga mata

👉 Magpakonsulta gilayon sa health center ukon sa inyo healthcare worker. Indi paghulata nga maglala pa ang kahimtangan.

⚠️ MAG HALONG SA WARNING SIGNS SANG MALALA NGA DENGUE!

Kon may yara sang:
• Pagsakit sang tiyan
• Padayon nga pagsuka
• Pagdugo sang gilagid
• Pagdugo sang ilong
• Pagsuka sang dugo
• Dugo sa tae
• Grabe nga pagpangluya

🚨 Kinahanglan ini sang gilayon nga pagpakonsulta kag pag-atipan sang doktor.

📌 Pahanumdum: Ang mga warning signs nagaguwa pagkatapos magtupa ukon mag-untat ang hilanat, gani importante ang padayon nga pagbantay sa pasyente.

🏥 Magpakonsulta sa Dumangas Main Primary Health Care Facility ukon sa pinakamalapit nga health facility kon may sintomas sang Dengue.

🦟 Likawan ang Dengue!

SEARCH – CHECK – DESTROY!

🔎 Pangitaa ang mga lugar nga mahimo pamugaran sang lamok.
🪣 Pakulba ang mga suludlan nga may nagaipon nga tubig.
🧹 Kuhaa kag limpyohi ang mga posible pamugaran sang lamok.

💚 Ang paglikaw sa Dengue responsibilidad naton tanan.

Mag Halong. Magpakonsulta. Maglikaw sa Dengue.
Para sa mas luwas kag mas healthy nga Dumangas!

30/08/2026

𝐍𝐀𝐓𝐈𝐎𝐍𝐀𝐋 𝐇𝐄𝐑𝐎𝐄𝐒 𝐃𝐀𝐘 𝟐𝟎𝟐𝟔 🇵🇭

Pursuant to Proclamation No. 1006, Series of 2026, August 31, 2026, is declared a regular holiday in observance of National Heroes Day.

The Local Government Unit of Dumangas commemorates the courage, sacrifices, and unwavering love for country of our national heroes and all those who continue to serve and inspire our communities.

Let’s honor their legacy by embodying the same spirit of courage, service, and love for our nation in our everyday lives.

Happy National Heroes Day!

30/08/2026

27/08/2026

DOH: NIKOTINA SA V**E, PANGANIB SA UTAK NG KABATAAN

Detalye sa comment section.

27/08/2026