Liberal Party - Imus City

21/08/2026

YOUTH. EXPERIENCE. HOPE.

Ngayong Agosto 21, hindi lamang natin inaalala si Ninoy Aquino bilang isang bayaning kinitil ang buhay sa tarmac, at isang pinunong nanguna sa laban kontra diktadurya.

Inaalala rin natin siya bilang isang 28-anyos na Gobernador ng Tarlac na nagbigay ng pag-asa para sa isang makabagong uri ng pamumuno at, kalaunan, naging pinakabatang senador na may malinaw na paninindigan para sa bayan.

Sa murang edad, ipinamalas ni Ninoy kung paano mamuhay nang may integridad at kung paano mangarap hindi lamang para sa sarili, kundi para sa buong bayan.

Mula sa pagiging isang kabataang Tarlaqueño, isinabuhay at isinapuso niya ang kanyang mga paninindigan. Hindi niya sinayang ang mandatong ipinagkaloob ng kanyang mga kababayan.

Ipinaglaban niya ang tama, kahit ang kanyang sariling kalayaan ang maging kapalit.

Ngayon, habang papalapit ang 2026 Barangay and Sangguniang Kabataan Elections, mahalagang balikan natin ang aral na ito.

Ang kabataan ay hindi lamang para sa hinaharap. Kaya nilang mamuno ngayon.

Sa bawat kabataang tatakbo para sa Sangguniang Kabataan, may pagkakataong ipakita na ang edad ay hindi hadlang upang magsilbi nang may integridad, malasakit, at paninindigan.

At sa bawat botante, may responsibilidad na pumili ng mga lider na hindi lamang mahusay magsalita, kundi handang magtrabaho, manindigan, at magsilbi sa komunidad.

Hindi kailangang maging Ninoy Aquino ang bawat kabataan. Ngunit maaari nating isabuhay ang kanyang tapang, integridad, at paninindigan.

Sa darating na Barangay at SK Elections, piliin natin ang mga kabataang may malinaw na pangarap para sa kanilang barangay at may tapang na panindigan ang tama.

Youth. Experience. Hope.

Maging bahagi tayo ng paghubog ng susunod na henerasyon ng mga lider.

Maging tulad ni Ninoy. Maging lider na may integridad. Maging bayani ng susunod na henerasyon.

21/08/2026

Sa paggunita ng Partido Liberal sa 1971 Plaza Miranda Bombing ngayong araw, hindi na natin natagpuan ang historical marker na inilagay ng ating Partido sa Plaza Miranda noong 2008.

Limampu’t limang taon man ang lumipas, tanggalin man o nakawin ang mga palatandaan ng ating kasaysayan, hindi nito mabubura ang mga gunita at aral na iniwan ng Plaza Miranda Bombing.

Magpapatuloy tayong alalahanin ang mga yugto ng kasaysayan kung saan tumindig ang Partido Liberal—at patuloy na tumitindig—para sa demokrasya, kalayaan, at mga paninindigang pinanghahawakan natin hanggang ngayon.

Nananawagan tayo sa ating mga kababayan: kung mayroon mang nakakita sa historical marker ng Partido Liberal na inilagay sa Plaza Miranda, maaari lamang po ninyo itong ipagbigay-alam sa atin.

Ang mga palatandaan ay maaaring mawala, ngunit ang kasaysayan ay hindi mabubura.

Hindi Pasisiil.

01/08/2026

With love, we remember President Corazon C. Aquino on her 17th Death Anniversary. As we honor her life and legacy, may we always remember that our responsibility to our country is a lifelong calling- it extends far beyond the positions we hold.

With love, we remember President Cory on her 17th Death Anniversary. As we honor her life and legacy, may we always remember that our responsibility to our country is a lifelong calling- it extends far beyond the positions we hold.

27/07/2026

Ilan lamang ito sa mga linyang tumatak sa mga State of the Nation Address (SONA) ni Pangulong Benigno "Noynoy" Aquino III—mga paninindigang naging gabay ng kanyang pamumuno.

Si PNoy ang kauna-unahang Pangulo ng Pilipinas na naghatid ng kanyang State of the Nation Address (SONA) nang ganap na sa wikang Filipino. Isang simbolo na naglapit sa mensahe ng Pangulo sa mas maraming Pilipino at nagpatibay na ang SONA ay para sa sambayanan.

Hanggang ngayon, nananatiling buhay ang kanyang mga salita at ang adhikain para sa tapat na pamamahala at mabuting kinabukasan para sa bawat Pilipino.

25/06/2026

Mariing kinukundena ng Partido Liberal ang pagpapakalat ng kasinungalingan at disimpormasyon laban sa Juvenile Justice and Welfare Act at sa mga tagapagtanggol ng karapatan at kapakanan ng kabataan. Walang naitutulong ang ganitong mga iresponsable at malisyosong gawain sa pagkamit ng hustisya. Nilalason nito ang pampublikong diskurso. Pinahihina nito ang mga institusyong nagbabantay sa kabataan at sa ating demokrasya. Higit sa lahat, dinaragdagan nito ang pagdurusa ng mga nasaktan at namatayan sa naganap na trahedya.

Hindi maiwasang maitanong ngayon: Ito na ba ang naging bunga ng walang humpay na pagbabandera ng kultura ng karahasan at kawalang pananagutan sa ilalim ng administrasyong Duterte? Tuluyan na bang nalusaw ang kakayahan ng mga Pilipino na magmalasakit at makipagkapwa-tao?

Nananawagan kami sa mga social media platform na kumikita dito sa Pilipinas na higpitan ang kanilang mga mekanismo laban sa manipulasyon ng kabataan at pagbura at pagbago sa katotohanan. Walang dudang kulang na kulang pa ang ginagawa ninyo upang mabantayan at mabawasan ang sinasadyang manipulasyon ng algoritmo gamit ang troll operations. Dahil dito, paulit-ulit na napapaburan sa mga social media feed ang mga content na malinaw na mapanira pero napagkakakitaan. Kailangan ding patibayin at gawing mas epektibo ang pag-uulat ng mga mapanlinlang na content, lalo na kung tinatarget nito ang kabataan.

Sa mga politikong nagpapakalat ng disimpormasyon kahit alam naman nilang problematiko ito: Itigil na ninyo ang pagsisinungaling sa mga Pilipino.

Nananawagan kami sa bawat Pilipinong may pagpapahalaga sa katotohanan, sa kinabukasan ng ating mga kabataan, at sa ikapapanatag ng mga nasaktan at namatayan: Ipagtanggol natin ang demokrasya sa pamamagitan ng pakikipaglaban para sa katotohanan. Hingin natin sa ating mga pinuno ang katapatan, pananagutan, at mga polisiyang nakabatay sa siyensiya at ebidensiya. Hindi sa mga edited na video, AI-generated images, troll farm, at artipisyal na engagement.

23/06/2026

Para sa iyong panatang tinupad para sa mga Pilipino. Maraming ! 💛🇵🇭

23/06/2026

KUNG WALANG CORRUPT, WALANG MAHIRAP 🎗

Limang taon na ang nakalipas, ngunit nananatili ang alaala ng isang lider na piniling maglingkod nang may dangal.

Sa panahon ni PNoy, mababa ang presyo ng bilihin, walang takot na nilabanan ang korupsyon, at higit sa lahat, hindi kailanman ipinagbili ang ating karapatan sa West Philippine Sea.

Salamat, PNoy sapagkat pinatunayan mong ang tunay na pamumuno ay hindi nasusukat sa ingay, kundi sa integridad at totoong pagmamahal sa bayan.

16/06/2026

BALIKAN: Pangakong 10,000 pesos sa bawat pamilya ni Alan Cayetano at iba pang panloloko sa mga Pilipino.

Mga kababayan, maging mapanuri po tayo at huwag hayaang lituhin ng mga pulitikong ayaw bumitiw sa kapangyarihan.



Disclaimer: We do not own this video. All credits and rights belong to the original owner. No copyright infringement intended.

27/05/2026

PANOORIN | UMAMIN si Sen. Rodante Marcoleta na tumanggap siya ng kabuuang ₱75 milyon na campaign donations noong 2025 — dahilan upang irekomenda ng Office of the Ombudsman ang pagsasampa laban sa kanya ng kasong PLUNDER at INDIRECT BRIBERY.

Ayon sa reklamo, nilabag umano ni Marcoleta ang:
• Republic Act No. 7080 (Plunder Law)
• Presidential Decree No. 46 — batas na nagbabawal sa mga opisyal ng gobyerno na tumanggap ng regalo o pabor
• Article 211 ng Revised Penal Code para sa indirect bribery

Sinasabing lumampas sa ₱50 milyon ang umano’y “ill-gotten wealth,” na pasok sa threshold ng kasong plunder. Kaugnay ito ng hindi umano pagdeklara ng mga donasyon sa kanyang SOCE at SALN.

Panoorin ang naging pag-amin ni Marcoleta sa video na ito mula sa Net 25:

09/02/2026

Together with members of the clergy led by Fr. B**g Sarabia and Fr. Joel Saballa, and lawyers led by Atty. Amando Ligutan, we once again endorsed an impeachment complaint against VP Sara Duterte.

Ang mga grounds na inilatag sa pangatlong impeachment complaint na ito ay hindi nalalayo sa una nating inendorso. Hindi rin ito nalalayo sa grounds ng complaint na inaprubahan ng more than 1/3 of the House of Representatives at isinumite sa Senado noong nakaraang taon. Naniniwala po tayo na sufficient in form and substance ito at nararapat na umusad sa House Justice Committee para magsagawa ng evidentiary hearing.

It is the moral obligation of the members of Congress to perform our constitutional duty to scrutinize serious corruption allegations against the Vice President and to evaluate the evidence.

Sa impeachment, kailangang tukuyin kung ano ang totoo at ang pananagutan ng mga naglustay sa kaban ng bayan at umabuso sa kanyang mandato, gaano man kataas ang kapangyarihan. Noong nakaraang taon pa dapat nilitis si VP Sara, kung hindi lang na-dismiss ng Korte Suprema ang impeachment complaint laban sa kanya dahil sa teknikalidad. Hindi pwedeng sagutin o ilihis ang mabibigat na alegasyong bilang “pamomolitika” lang.