City Government of Imus

04/09/2026

𝐈𝐊𝐀-𝐈𝐒𝐀𝐍𝐆 𝐃𝐀𝐀𝐍 𝐀𝐓 𝐓𝐀𝐓𝐋𝐔𝐌𝐏𝐔𝐍𝐆 𝐀𝐍𝐈𝐁𝐄𝐑𝐒𝐀𝐑𝐘𝐎 𝐍𝐆 𝐌𝐀𝐊𝐀𝐒𝐀𝐘𝐒𝐀𝐘𝐀𝐍𝐆 𝐋𝐀𝐁𝐀𝐍𝐀𝐍 𝐒𝐀 𝐈𝐌𝐔𝐒, 𝐁𝐈𝐍𝐈𝐆𝐘𝐀𝐍𝐆-𝐏𝐔𝐆𝐀𝐘

‎Imuseño, narito na ang Imus eNews special coverage para sa selebrasyon ng ika-30 Anibersaryo ng makasaysayang Labanan sa Imus.

‎Balitang may saysay. Kilos na may kabuluhan.
‎
‎

04/09/2026

𝐇𝐀𝐏𝐏𝐄𝐍𝐈𝐍𝐆 𝐍𝐎𝐖: Tumagilid na truck, sinimulan nang alisin

Sinimulan na ngayong hapon ang operasyon para sa ligtas na pag-alis ng tumagilid na truck sa kahabaan ng Imus Boulevard, Brgy. Malagasang 1-G.

Gamit ang crane at iba pang kinakailangang kagamitan, isinasagawa na ang maingat na pagtanggal sa truck upang tuluyang ma-clear ang bahagi ng kalsada.

Patuloy rin ang koordinasyon ng Pamahalaang Lungsod ng Imus sa kinauukulang kumpanya at mga katuwang na grupo upang matiyak ang maayos at ligtas na operasyon.

Pinapayuhan ang mga motorista na mag-ingat at sumunod sa mga batas trapiko upang maiwasan ang mga aksidente.

Patuloy ring nakaantabay ang Pamahalaang Lungsod ng Imus sa sitwasyon hanggang sa tuluyang maalis ang truck at maging maayos ang daloy ng trapiko.

04/09/2026

𝐓𝐫𝐮𝐜𝐤 𝐧𝐚 𝐭𝐮𝐦𝐚𝐨𝐛 𝐬𝐚 𝐤𝐚𝐡𝐚𝐛𝐚𝐚𝐧 𝐧𝐠 𝐈𝐦𝐮𝐬 𝐁𝐨𝐮𝐥𝐞𝐯𝐚𝐫𝐝, 𝐬𝐢𝐧𝐚𝐤𝐥𝐨𝐥𝐨𝐡𝐚𝐧 𝐧𝐠 𝐈𝐦𝐮𝐬 𝐋𝐆𝐔

Kumilos ang Pamahalaang Lungsod ng Imus matapos ang insidente ng tumaob na truck sa kahabaan ng Imus Boulevard, Brgy. Malagasang 1‑G nitong Miyerkules, Setyembre 2, 2026, bandang 4:00 A.M.

Nagpadala ang City of Imus Task Force, City of Imus Traffic Management Unit, at Sangguniang Barangay ng Malagasang 1‑G ng kanilang mga kinatawan upang tiyakin ang lagay ng driver ng truck, gayundin ang kaligtasan ng publiko at ang daloy ng trapiko.

Kasabay nito, nagtungo ang Office of the City Engineer upang magsagawa ng assessment, at batay sa kanilang pagsusuri, walang sapat na kagamitan ang lungsod upang maitayo ang mabigat na truck. Dahil dito, ang mismong kumpanya ng driver ang kumontak sa isang towing company upang maisagawa ang ligtas na pag-alis ng sasakyan.

Naglagay rin ang grupo ng tent at barrier sa paligid ng lugar bilang proteksyon sa mga motorista at residente.

Patuloy naman ang koordinasyon ng lokal na pamahalaan sa kumpanya ng driver upang maisagawa ang ligtas na pag-alis ng sasakyan sa lugar.

Sa kabila ng abala, sinisiguro ng Pamahalaang Lungsod na walang nasaktan sa insidente at nananatiling kontrolado ang sitwasyon.

Bukod sa tulong ng pamahalaan, kapansin‑pansin din ang bayanihan ng mga Imuseño na nagpaabot ng pagkain at tubig sa driver habang naghihintay ng aksyon mula sa kumpanya.

04/09/2026

🟡 ‎𝐇𝐄𝐀𝐕𝐘 𝐑𝐀𝐈𝐍𝐅𝐀𝐋𝐋 𝐖𝐀𝐑𝐍𝐈𝐍𝐆 🟡

Nananatiling nakataas sa Yellow Heavy Rainfall Warning ang Lungsod ng Imus ngayong Setyembre 4, 2026, 8:00 A.M., ayon sa inilabas na Heavy Rainfall Warning No. 5 ng PAGASA dahil sa Habagat.

Inaasahan ang katamtaman hanggang malakas na ulan sa susunod na tatlong oras.

Unang itinaas ang Yellow Heavy Rainfall Warning sa Imus nitong Setyembre 3, 8:00 P.M., at naging tuloy-tuloy ang pagsasailalim sa Imus sa nasabing heavy rainfall warning.

Muling maglalabas ng abiso ang PAGASA mamayang 11:00 A.M., kung walang pagbabago sa nakatalagang rainfall warning level.

‎Patuloy ring binabantayan ng Pamahalaang Lungsod ng Imus ang mga sitwasyon sa mga ilog at mabababang lugar.

Mahalaga ang maagap na impormasyon at tulong. I-save ang sumusunod na Emergency Hotlines:
‎
📞IMUS CDRRMO
‎ 0939-912-0887
‎ (046)472-2623
‎ (046)472-2618
‎ (046)472-2625
‎
📞‎IMUS BFP
‎ 0915-528-3256
‎
📞‎IMUS PNP
‎ 0998-598-5601
‎ 0947-726-6180
‎
‎Manatiling ligtas at alerto, mga Imuseño!
‎
‎

03/09/2026

𝐏𝐀𝐁𝐀𝐓𝐈𝐃 𝐒𝐀 𝐏𝐔𝐁𝐋𝐈𝐊𝐎: Alinsunod sa Memorandum Circular No. 134 na inilabas ng Malacañang, suspendido ang pasok sa lahat ng antas ng klase, ipatutupad naman ang alternative learning modes at learning continuity measures sa lahat ng antas sa mga pampubliko at pribadong paaralan sa Lungsod ng Imus ngayong araw, Setyembre 4, 2026, bilang pag-iingat sa inaasahang matinding pag-ulan.

‎Mag-ingat po ang lahat at manatiling ligtas, Imuseño.
‎
‎

ALTERNATIVE LEARNING MODES FOR SCHOOLS ON SEPTEMBER 4

Pursuant to Memorandum Circular No. 134, alternative learning modes and learning continuity measures shall be implemented at all levels in public and private educational institutions in the National Capital Region and the following provinces on September 4, 2026, unless their respective Local Chief Executives direct the cancellation or suspension of classes:

📍 National Capital Region (NCR)
📍 Ilocos Norte
📍 Ilocos Sur
📍 La Union
📍 Pangasinan
📍 Abra
📍 Benguet
📍 Zambales
📍 Bataan
📍 Bulacan
📍 Tarlac
📍 Pampanga
📍 Cavite
📍 Laguna
📍 Batangas
📍 Occidental Mindoro

The measure is in view of the anticipated continued heavy rainfall associated with the enhanced Southwest Monsoon (Habagat) and poor air quality in the NCR caused by haze from severe forest and peatland fires in Kalimantan and Sumatra, Indonesia.

Localized cancellation or suspension of classes in other areas may be implemented by their respective Local Chief Executives.

03/09/2026

𝐃𝐚𝐥𝐚𝐰𝐚𝐧𝐠 𝐭𝐚𝐠𝐮𝐦𝐩𝐚𝐲, 𝐬𝐚𝐛𝐚𝐲 𝐧𝐚 𝐧𝐚𝐤𝐚𝐦𝐢𝐭 𝐧𝐠 𝐀𝐯𝐞𝐬𝐭𝐚 𝐧𝐠𝐚𝐲𝐨𝐧𝐠 𝐀𝐠𝐨𝐬𝐭𝐨

Dalawang mahalagang tagumpay ang sabay na nakamit ng Avesta Residences ng PH1 World Developers matapos tanghalin bilang Special Recognition Awardee for National Housing Development sa Property Guru Philippines Property Awards noong Agosto 20, 2026, sa Taguig City, kasabay ng matagumpay na Topping-Off Ceremony para sa Tower 1 ng Avesta Residences sa Lungsod ng Imus noong Agosto, 4, 2026.

Ang dalawang tagumpay na nakamit ng Avesta ay patunay sa kanilang husay at dedikasyon sa pagbibigay ng de-kalidad at abot-kayang pabahay para sa mga Imuseño.

Patuloy namang tumatanggap ng mga aplikasyon ang Avesta para sa mga nagnanais na magkaroon ng abot-kayang tahanan. Para sa mga interesado, magrehistro sa link na ito: https://ph1beneficiaryportal.vercel.app/register

03/09/2026

𝟏𝟎𝟎 𝐛𝐚𝐭𝐚𝐧𝐠 𝐈𝐦𝐮𝐬𝐞𝐧̃𝐨, 𝐧𝐚𝐭𝐮𝐤𝐥𝐚𝐬𝐚𝐧 𝐚𝐧𝐠 𝐬𝐢𝐤𝐫𝐞𝐭𝐨 𝐬𝐚 𝐦𝐚𝐬𝐚𝐫𝐚𝐩 𝐧𝐚 𝐀𝐫𝐫𝐨𝐳 𝐂𝐚𝐥𝐝𝐨 𝐧𝐢 𝐋𝐨𝐥𝐨 𝐖𝐚𝐥𝐝𝐨

𝐓𝐈𝐍𝐆𝐍𝐀𝐍: Namangha sa kanilang natuklasan ang 100 batang Imuseño sa kuwentong "Arroz Caldo ni Lolo Waldo", na binigyang‑buhay ni Chiquito Abalos Malicdem sa Kuwentuhan na sa Plaza… Mga Bata, Tara Na! nitong Setyembre 2, 2026 sa Imus City Plaza.

Ipinarating ng kuwento na ang husay ni Lolo Waldo sa pagluluto ay nagpatunay sa mga bata na ang tunay na sangkap ng masarap na lutuin ay pagmamahal.

Ang “Kuwentuhan na sa Plaza . . . Mga Bata, Tara na!” ay buwanang programa ng City of Imus Public Library (CIPL) na layuning hubugin ang pagmamahal sa pagbabasa at maagang pagkatuto ng mahahalagang aral sa mga batang Imuseñong edad 5 hanggang 12.

03/09/2026

𝐒𝐩𝐞𝐜𝐢𝐚𝐥 𝐑𝐞𝐜𝐫𝐮𝐢𝐭𝐦𝐞𝐧𝐭 𝐀𝐜𝐭𝐢𝐯𝐢𝐭𝐲: 𝐁𝐨𝐮𝐧𝐝 𝐟𝐨𝐫 𝐉𝐚𝐩𝐚𝐧 𝐧𝐠𝐚𝐲𝐨𝐧𝐠 𝐒𝐞𝐭𝐲𝐞𝐦𝐛𝐫𝐞 𝟕

Ihanda na ang inyong mga resume at job interview skills dahil gaganapin muli ang isang Special Recruitment Activity: Bound for Japan sa darating na Setyembre 7, 2026, Lunes, 9:00 A.M. hanggang 4:00 P.M., sa Fourth Floor Function Hall ng New Imus City Government Center, Imus Blvd., Brgy. Malagasang 1-G.

Job Offers:
🟢Sewing – 40 vacancies
🟢Plastic Molding – 20 vacancies
🟢Ready Made Meal Manufacturing – 12 vacancies
🟢Metal Press – 10 vacancies
🟢Farming – 6 vacancies
🟢Machining – 4 vacancies
🟢Frame Works – 4 vacancies
🟢Frame Working/Framework Construction – 3 vacancies
🟢Factory Sheet Metal – 3 vacancies

Qualifications:
✅ Birth Certificate (If late registered – Maximum of 7 years is only allowed)
✅At least High School Graduate
❎No Body Operation (Minor or major)
❎No Body Tattoo
✅If previously worked abroad, applicant must’ve stayed in the Philippines for at least 32 years
❎No an ex-Japanese Overseas Filipino Worker or Trainee
✅Physically and Mentally Fit
✅Good Eye Vision

Libre din ang Japanese language class!

Kung ikaw ay interesado, i-scan ang kalakip na QR Code o pindutin ang link na ito: https://docs.google.com/forms/d/e/1FAIpQLSfOzDPaIEXfIsMyyqbtDy2aigWvic5wVOaz9eUWnL7u051AjQ/viewform para sa pre-registration.

Tara na para sa pagkakataong makapagtrabaho sa Japan!

03/09/2026

𝐌𝐚𝐲𝐨𝐫 𝐀𝐀, 𝐤𝐢𝐧𝐢𝐥𝐚𝐥𝐚 𝐧𝐠 𝐁𝐉𝐌𝐏 𝐂𝐀𝐋𝐀𝐁𝐀𝐑𝐙𝐎𝐍

Binigyang parangal si Imus City Mayor Alex “AA” L. Advincula sa ginanap na selebrasyon ng ika-35 anibersaryo ng Bureau of Jail Management and Penology Regional Office – CALABARZON (BJMPRO-CALABARZON) noong Agosto 20, 2026, sa Calamba City, Laguna.

Sa temang “BJMP@35: Disiplina at Responsibilidad, Sandigan sa Serbisyong may Kredibilidad,” kinilala ang mahalagang papel ng pamumuno ni Mayor AA sa patuloy na pakikipag-ugnayan at suporta sa mga programa ng BJMP na naglalayong palakasin ang disiplina, responsibilidad, at kredibilidad sa serbisyo publiko.

Ang pagkilala ring ito sa alkalde ay patunay sa kanyang tapat na pamumuno at walang sawang suporta sa mga inisyatiba ng BJMP na naglalayong palakasin ang ugnayan sa komunidad at itaguyod ang makataong pamamahala sa mga pasilidad ng piitan.

Congratulations, Mayor AA!

03/09/2026

𝐀𝐫𝐚𝐰 𝐧𝐠 𝐦𝐠𝐚 𝐁𝐚𝐲𝐚𝐧𝐢 𝐚𝐭 𝐢𝐤𝐚‑𝟏𝟖𝟕 𝐤𝐚𝐚𝐫𝐚𝐰𝐚𝐧 𝐧𝐢 𝐆𝐞𝐧. 𝐋𝐢𝐜𝐞𝐫𝐢𝐨 𝐓𝐨𝐩𝐚𝐜𝐢𝐨, 𝐢𝐩𝐢𝐧𝐚𝐠𝐝𝐢𝐰𝐚𝐧𝐠 𝐧𝐠 𝐈𝐦𝐮𝐬 𝐋𝐆𝐔

𝐓𝐈𝐍𝐆𝐍𝐀𝐍: Binigyang‑pugay ng Pamahalaang Lungsod ng Imus ang Araw ng mga Bayani, kasabay ng ika‑187 taon ng kapanganakan ni Heneral Licerio Topacio, nitong Agosto 27, 2026, sa Liwasang Heneral Licerio C. Topacio, Brgy. Poblacion 2‑C, sa pangunguna ng Office of the City Tourism and Heritage Officer, sa pamumuno ni Tourism and Heritage Officer-in-charge Jose Rafael "Paeng" Alarcon.

Sa naturang pagdiriwang, muling kinilala ang kabayanihan at ambag ni Heneral Topacio sa kasaysayan ng Imus at ng buong bansa.

Dumalo sa nasabing selebrasyon ang natitirang apo sa tuhod ni Heneral Licerio Topacio na si Lita Mangubat Pallera, na nagbahagi ng kaniyang mensahe at pag‑alala sa buhay ng kaniyang lolo. Kasabay nito, nagbigay rin ng mensahe sina City Vice Mayor Homer Saquilayan at City Local Government Operations Officer (CLGOO) Mary Roxanne T. Vicedo.

Nagbahagi rin ng mensahe si Albert Roderos, Punong‑guro ng Gen. Licerio Topacio National High School, na naglatag ng kahalagahan ng edukasyon at alaala ng kabayanihan.

Nakiisa rin sa pagdiriwang ang mga kinatawan mula sa Sangguniang Panlungsod, Department of the Interior and Local Government (DILG) Imus, Philippine Army, Veterans Federation of the Philippines, Boy Scouts of the Philippines, at DepEd Gen. Licerio C. Topacio National High School, bilang patunay ng patuloy na pagkakaisa sa pagpapahalaga sa kasaysayan.

Ang taunang pagdiriwang ay naglalayong ipaalala sa mga Imuseño ang sakripisyo ng mga bayani at ang kahalagahan ng pagpapanatili ng diwa ng nasyonalismo.