Sangguniang Barangay Pulo

29/09/2026

Paanyaya para sa lahat ng MSMEs (Micro, Small, Medium Enterprises )ng Indang!

Septyembre 30, 2026 (Miyerkules)
8:00 AM – 11:00 AM
Poblacion 3 Covered Court, Indang, Cavite

Layunin ng aktibidad na magbigay ng mahahalagang impormasyon, gabay, at oportunidad na makatutulong sa pagpapaunlad ng inyong negosyo at kapakanan ng inyong mga manggagawa.

Magkakaroon din ng pamamahagi ng livelihood assistance mula sa DOLE para sa mga kwalipikadong benepisyaryo.

Paalala: Mangyaring magdala ng sariling ballpen.

Hinihikayat po namin ang lahat ng MSMEs ng Indang na makiisa at samantalahin ang pagkakataong ito. Tara na, MSMEs ng Indang! Sama-sama nating palakasin ang ating mga negosyo at bumuo ng mas masiglang kabuhayan sa ating komunidad! Magkita-kita po tayo!

18/09/2026

BAGONG PILIPINAS BARANGAY SCHOLARS
Narito ang listahan ng limang (5) napiling iskolar ng Barangay PULO sa ilalim ng Bawat Barangay Makikinabang Program (BBMP).
Ang pagpili sa mga iskolar ay isinagawa alinsunod sa mga itinakdang pamantayan at kwalipikasyon na nakasaad sa Sangguniang Barangay Resolution No. 10, Series of 2026.
Bilang bahagi ng programa, bawat napiling iskolar ay makatatanggap ng halagang ₱20,000.00 bilang tulong-pinansyal para sa kanilang pag-aaral.
Sa ating mga bagong iskolar, nawa'y maging inspirasyon ang pagkakataong ito upang patuloy na magsikap sa pag-aaral, abutin ang inyong mga pangarap, at maging huwaran ng kabataan sa ating pamayanan. Antayin lamang ang abiso ng barangay kapag handa na itong maibigay.
Congratulations, Bagong Pilipinas Barangay Scholars!
Ang edukasyon ay puhunan para sa mas maliwanag na kinabukasan.

14/09/2026

𝗣𝗢𝗦𝗧𝗔𝗟 𝗜𝗗 𝗖𝗔𝗣𝗧𝗨𝗥𝗜𝗡𝗚

Para sa mga Indangeñong nais kumuha ng Postal ID, magkakaroon ng Postal ID Capturing sa Setyembre 16, 2026 (Miyerkules), mula 8:00 ng umaga hanggang 4:00 ng hapon sa:

📍 Indang Post Office sa may Public Market, Poblacion 4, Indang, Cavite

𝗠𝗚𝗔 𝗞𝗔𝗜𝗟𝗔𝗡𝗚𝗔𝗡𝗚 𝗗𝗢𝗞𝗨𝗠𝗘𝗡𝗧𝗢:

Para sa lahat:
📌 Orihinal na Birth Certificate mula sa PSA, kasama ang photocopy
📌 Barangay Clearance na may layuning “POSTAL ID Application”

Para sa mga babaeng may asawa:
📌 Orihinal na Birth Certificate mula sa PSA, kasama ang photocopy
📌 Orihinal na Marriage Certificate, kasama ang photocopy
📌 Barangay Clearance na may layuning “POSTAL ID Application”

💰Bayad: ₱650.00

Ihanda ang mga kinakailangang dokumento at samantalahin ang pagkakataong makakuha ng Postal ID nang mas madali at malapit sa inyong lugar. Kita-kits sa Indang Post Office!

12/09/2026

12/09/2026

11/09/2026

OPLAN GALUGAD

Patuloy ang ating Oplan Galugad bilang bahagi ng pagpapatibay ng seguridad at pagpapanatili ng kapayapaan sa ating barangay. Isinasagawa ang regular na pag-iikot at pagmomonitor upang maagapan ang anumang insidente at mapanatiling ligtas ang ating mga kabarangay.

Kaligtasan at kapayapaan, sama-sama nating pangalagaan!

Maraming salamat sa ating mga Barangay Tanod, Barangay Officials, at katuwang na kapulisan ng Bayan ng Indang sa kanilang patuloy na paglilingkod.

03/09/2026

BASIC LIFE SUPPORT (BLS) AND STANDARD FIRST AID TRAINING

Isang makabuluhang pagsasanay sa Basic Life Support (BLS) at Standard First Aid ang isinagawa ng Indang Municipal Disaster Risk Reduction and Management Office (MDRRMO) para sa mga Barangay Officials and Employees, kasama ang mga piling miyembro ng ating komunidad.

Layunin ng pagsasanay na mapaunlad ang kaalaman at kasanayan ng mga kalahok sa pagsagip ng buhay, pagbibigay ng paunang lunas, at tamang pagtugon sa mga emergency situation.

Maraming salamat sa Indang MDRRMO sa pagbabahagi ng kanilang kaalaman at karanasan, at sa lahat ng Barangay Officials, Employees, at mga constituent na aktibong nakilahok.

Handa, May Kaalaman, at May Kakayahang Tumugon—para sa Ligtas at Resilient na Pamayanan.

03/09/2026

PLANNING AND BUDGETING WORKSHOP FOR THE BARANGAYS OF INDANG, CAVITE

“Harmonizing Barangay Plans with Municipal and National Development Priorities”

Isang makabuluhan at produktibong araw ng pagpaplano, pagbabahaginan ng kaalaman, at pagbuo ng mga programa at proyekto para sa patuloy na pag-unlad ng bawat barangay ng Indang.

Dinaluhan ito ng mga Punong Barangay, Barangay Secretary, Barangay Treasurer, at mga miyembro ng Committee on Appropriation mula sa iba’t ibang barangay.

Layunin ng workshop na mapalakas ang kakayahan ng mga barangay sa maayos na pagpaplano at responsableng pagbabadyet, upang matiyak na ang mga programa at proyekto ay naaayon sa mga prayoridad at layunin ng Munisipalidad at Pambansang Pamahalaan.

Sa sama-samang pagpaplano at pagkilos, patuloy nating isusulong ang mas maayos, makabuluhan, inklusibo, at responsableng pamamahala para sa kapakanan ng bawat mamamayan.

📸DILG Indang Field Office

03/09/2026

Skills Enhancement Training on Katarungang Pambarangay forms, procedures and cases covered by the Katarungang Pambarangay Law (August 26,2026)

📸DILG Indang Field Office

29/08/2026

24/7 BARANGAY EMERGENCY OPERATIONS CENTER, HANDA NA!

Para sa August 29, 2026 HABAGAT Response

Handa na ang mga Barangay Emergency Operations Center ng Barangay Pulo sa pangunguna ni Punong Barangay Wilfredo P. Perido at Kagawad on Peace and Order and Public Safety Leo O. Gatdula para sa 24/7 monitoring, coordination, at response ngayong panahon ng Habagat.

Naka-standby na ang mga Barangay Officials at Employees, kasama ang mga kinakailangang kagamitan at sasakyan, upang agarang makatugon sa anumang insidente o panganib na maaaring idulot ng patuloy na pag-ulan.

Patuloy ang pag-iikot at pag-iinspeksyon sa mga komunidad upang:

🔹 Ma-monitor ang mga lugar na maaaring maapektuhan ng pag-ulan;
🔹 Makipag-ugnayan sa mga sambahayan na nasa hazard-prone areas;
🔹 Magbigay ng maagap na impormasyon at safety advisories;
🔹 Maghanda para sa posibleng pre-emptive evacuation kung kinakailangan; at
🔹 Tiyaking tuloy-tuloy ang koordinasyon sa Municipal EOC at iba pang response agencies.

Kung kayo ay nakatira sa hazard-prone area, manatiling alerto at makipag-ugnayan sa inyong Barangay. Huwag nang hintaying lumala ang sitwasyon bago lumikas kung kinakailangan.

📞 PARA SA EMERGENCY AT AGARANG TULONG:
Barangay Emergency Operations Center – 24/7

Contact No.: 09057578480

Para sa anumang emergency, pagbaha, landslide, pangangailangang lumikas, o iba pang insidente, agad na makipag-ugnayan sa inyong Barangay.