Kabataan Partylist - Intramuros

Home
Philippines
Intramuros
Kabataan Partylist - Intramuros

Kabataan Partylist, the sole representative of the youth in the Philippine Congress is now here in Intramuros!

13/11/2022

Youth of Intramuros, we call on you to WALK FOR EDUCATION! WALK FOR YOUR FUTURE!

Join us next week as we discuss the rising issues in our education sector and as we unite together to amplify the plight of Filipino students everywhere! Magkaisa para sa 100% ligtas, abot-kaya, at dekalidad na pagbabalik eskwela, hindi mandatory ROTC!

Sign-up using the link: bit.ly/WalkforEducation

19/10/2022

Youth of Intramuros, in the struggle for land, rights, and justice!

18/10/2022

TIGNAN: Ngayong umaga, ika-18 ng Oktubre ay nagkasa ng lightning rally ang iba't ibang grupo ng kabataan sa harap ng Mendiola Peace Arch.

Sa paggunita ng buwan ng mga Pesante ang pangunahing bitbit na panawagan ay ang agarang aksyon para sa tunay na repormang agraryo at konkretong pagtugon sa krisis pang-agrikultura.

11/10/2022

Ika-9 ng Oktubre ay ating inalala ang dalawang taon simula ng paglisan ni Baby River sa mundo. Si River Nacino ay ang anak ng na isang human rights worker na si Riena Mae Nacino na ikinulong ng rehimeng Duterte. Matatandaan na si Baby River ay dumanas ng acute respiratory distress syndrome habang hinihintay na maalagaan ng kanyang ina dahil sa murang edad nito ngunit hindi pinayagan ng kapulisan at ng estado hanggang tuluyan itong bawian ng buhay. Maski sa huling hantungan nito ay tandang-tanda pa rin natin ang pagpigil kay Riena na makapagdalahamhati nang maayos.

Nitong ika-5 ng Sityembre ay idiniklara ng Court of Appeals na “Void” o walang bisa ang search warrants na ginamit kay Riena Mae Nasino at sa Dalawa nitong kasamang Human rights activist. Nagpapatunay lamang na siya o ang Tondo 3 ay inosente at ang pait na kanyang dinaranas ay dulot ng laganap na redtagging at impyunidad ng estado.

Kaisa ang Kabataan Partylist- Intramuros na taas kamaong sigaw ang hustisya para kay Baby River Nacino at tuluyang pagpapalaya sa kanyang ina na Si Riena Mae Nacino! Atin kailanaman hindi makakalimutan ang bawat luha at dugong dumanak. Tayo’y taas kamaong lalaban para sa tunay na hustisya at paninigil sa mga nagkasala.

01/10/2022

Statement of Kabataan Partylist- Intramuros on Cardema’s attack on Rep. Manuel

Ngayong araw ika-1 ng Oktubre ay ginanap ang isang Pandesal Forum sa Kamuning bakery at inimbitahan si Kabataan Representative na si Cong. Raoul Manuel upang magsalita tungkol sa mahahalagang isyu tulad ng pinasang national budget. Ngunit napuno ito ng panreredtag nang biglang sumipot si National Youth Commission Chair Ronaldo Cardema kahit hindi naman ito imbitado sa naturang forum.

Ang walang basehang akusasyon ni Chair Cadema ay nakikitang isang taktika lang upang ibaon sa limot ang mga anomalyang naungkat sa kanya ng COA. Matatandaan ang NYC ay naglihis ng pondo sa NTF- ELCAC na dapat ay para sana sa Sangguniang Kabataan Mandatory and Continuing Training Fund at rehabilitation efforts for Marawi City. Imbes na tugunan ang aligasyon at pagsilbihan ang mga kabataang Pilipino ay ginamit nito ang kanyang katayuan upang harap-harapang i-redtag at atakihin ang representanteng nagboboses ng tunay na interes ng kabataan sa kongreso.

Ang panduduro at pagtataas ng boses kasabay ng pagbubuga ng walang basehang alegasyon na pinakita ni Chair. Cadema ay manipestasyon ng kawalang-asal at nagpapatunay lamang na ito ay hindi karapat-dapat na maging National Youth Commission Chair. Ang pagbabanta ni Cadema rin na pag-alis ng Scholarship ay katraydoran at pag-aalis ng karapatan sa edukasyon dahil lamang sa pagiging progresibo.

Kaisa ang kabataan Partylist- Intramuros na taas kamaong isinisigaw, CADEMA RESIGN NOW!

25/09/2022

has been classified as a super typhoon after a period of explosive intensification. In light of this, here are some background information and safety reminders you must know to stay alert.

Ingat mga kababayan!

22/09/2022

Nitong Setyembre 21, ating ginunita ang ika-50 na taong nakalipas nang idiniklara ang Batas Militar. At sa pagkalipas na malagim na taon ay patuloy pa ring sigaw ang hustisya para sa bawat buhay na ninakaw, karapatang binaboy, at ang kaban ng bayang sinimot ng diktaduryang Marcos upang tustusan ang mala-pantasyang pamumuhay habang ang taumbayan ay ginutom at pinabayaan.

Sa pagbabalik ng anak ng diktador na si Ferdinand Marcos Jr. ay marahil nagagalak ito sa pagkakaluklok ay hindi natin o kahit sino man sa kanila ang makakawaksi ng katotohanan na ang pagbabalik nito ay bunga ng pagmamanipula ng sirkumstanya at kasaysayan. Ang harap-harapang pagpapakita ng impyunidad, hindi pag-ako ng kasalanan, pagbubuo ng alyansa ng Marcos-Arroyo- Duterte upang tuluyang maghari-harian at patuloy na pag-atake ng karapatang pantao ng mamamayang Pilipino ay patuloy na nagpapaalab sa ating puso bilang kabataan na lagi’t laging tumindig para sa bayan.

Ngayong ika-limang dekada simula nang isa sa pinakamadilim na yugto ng ating kasaysayan kaisa ang Kabataan Partylist- Intramuros na taas kamaong tumitindig para sa hustisya ng 3,257 biktima ng EJK, 35,000 na tinortyur, 77 na naglaho, at 70,000 na kinulong ng diktaduryang Marcos.

‘DI KAILANMAN MAKAKALIMOT. NEVER AGAIN. NEVER FORGET. MARCOS PAGBAYARIN!

18/09/2022

Limampung taon na ang nakalipas mula idineklara ng dating diktador na si Ferdinand Marcos Sr. ang batas militar. Sa ika-limang dekada ng pag-aalala natin sa pinaka madilim na bahagi ng kasaysayan ng ating bansa, inaalala natin ang katapangan ng mamamayang Pilipino na lumaban para sa kanilang demokratikong karapatan at kalayaan.

Ngayon na nakapanumbalik ang mga Marcos sa kapangyarihan, bitbit nila ang huwad na mga pangako at pagpapatuloy ng mga pahirap na patakaran habang ginagamit ang ninakaw nilang kapangyarihan para baluktutin ang kasaysayan at subukang isalba ang kanilang sarili.

Kaya sa darating na September 21, aramado ng mga alala ng nakaraan, tinatawag ng kasalukuyang pangyayari na paigtingin ang diwa ng paglaban sa papet, pahirap, pasista, at ilehitimong rehimeng US-Marcos II!

Never Again! Never Forget! No to Historical Distortion!
Ipaglaban ang budget para sa serbisyo at karapatan, hindi sa pasismo at korapsyon!
No to Mandatory ROTC! Defend Academic Freedom!
Itakwil ang ilehitimong rehimeng US-Marcos II!

SUMAMA SA PAGKILOS SA SEPTEMBER 21!

2PM - Youth Assembly at Commission on Human Rights
2PM-2:30PM - Study Circles
2:30-3:00PM - Youth Program
3:15PM - March to UP Diliman
4-7PM - Cultural Program

09/09/2022

Hinarass ng mga kapulisan ang mga kabataang nagkasa ng kilos protesta ngayong araw sa harap ng House of Representative upang kondenahin ang pagtapyas na naman ng badyet para sa edukasyon.

Kaisa ang Kabataan Partylist- Intramuros sa tumututol sa pagbabawas na naman ng badyet sa Edukasyon. Matatandaang nitong nakaraang rehimeng Duterte ay tinapyasan ng ilang bilyones na ang para sa sektor ng edukasyon sa ilalim ng lumalalang krisis ng pandemya. Ang pagpapatuloy ng pagbaba ng nakalaang pondo para sa edukasyon ay lalong negatibong makakaapekto sa pagkatuto ng mga mag-aaral na Pilipino.

Karapatan sa Edukasyon, Ipaglaban!

01/09/2022

Happy 2nd Birthday sa Kabataan Partylist- Intramuros! Sagot na namin ang cake!🎂

Ang 𝐊𝐚𝐛𝐚𝐭𝐚𝐚𝐧 𝐏𝐚𝐫𝐭𝐲𝐥𝐢𝐬𝐭-𝐈𝐧𝐭𝐫𝐚𝐦𝐮𝐫𝐨𝐬 ay ang samahan ng mga progresibong kabataan mula sa iba't ibang unibersidad at sulok ng Intramuros! Sa ikalawang anibersaryo ng KPL intramuros atin laging sisiguraduhin na bitbit ang tunay na esensya ng mga katagang “Kabataang Pag-asa ng bayan” sa pamamagitan ng pagkakaisa at araw-araw na pagtindig para sa Karapatan, Kabuhayan, at Edukasyon ng mamamayang Pilipino!

Sumali sa Kabataan Partylist- Intramuros 🔗: bit.ly/JOINKPLIntra

26/08/2022

Ipasa ang Safe School Reopening Bill at Student Aid Bill!

Nitong lunes lamang ay ibinuksan na ang paaralan para salubungin ang mga mag-aaral na 2 taong naantala ang pagkatuto gawa ng lumalalang krisis ng pandemya. Matatandaan na ang 2 taong online mode na pag-aaral ay nakapag-dulot din ng kaliwa’t kanang problemang pinansyal partikular na sa mga magulang. Dagdag ding bigat nito ang sunod-sunod na pagsirit ng mga pangunahing bilihin na nagpahirap lalo sa ordinaryong mamamayan.

Sa pagbubukas ng paaralan mahalagang siguraduhin ng pamahalaan na magagampanan nito ang pangangailangan ng mga magulang at estudyante. Bagama’t Face-to-face na klase na ang moda ng pagkatututo ay hindi pa rin maitatanggi na kaakibat nito ay ang panibagong gastos para sa pagnangailangan ng mga estudyante gayoon na rin pagtuloy ng banta sa kalusugan ng COVID-19 virus o mapa-Monkey pox man.

Kaya ang pangunahing sigaw ng Kabataan ay: Ipasa ang Safe School Reopening Bill and Student Aid Bill! Ang Kabataan Partylist-Intramuros ay kaisang nanawagan na ipasa na ang House Bill 251 o Safe School Reopening Bill at House Bill 252 o Student Aid Bill na naglalayong makamit ang pagbibigay ng suportang pinansyal sa mga estudyante at magagarantisa na ang kalusugan ng mga mag-aaral at kaguruan ay ligtas sa loob ng mga paaralan.

Kung talagang nais ng rehimeng Marcos-Duterte na umunlad ang pamumuhay ng mamamayang Pilipino ay karapatdapat lamang na magsimula ito sa pagpapabuti ng ating Edukasyon. Pondohan ang mga paaralan, bigyan ng sapat na benepisyo ang sangkaguruan at mga estudyante!

25/08/2022

Handa ka na ba sa Face-to-face na klase, bestie? 🤔

Sa pagbabalik ng kabataan sa mga paaralan ay mahalagang masiguro na bitbit natin lagi ang panawagan at karapatan para sa edukasyon! Kaya halika’t sama-sama nating alamin kung bakit ba natin kailangan isulong at ipaglaban ang at ✊

Ikinagagalak ipresenta sa inyo ng kabataan Partylist- Intramuros ang InTARA Balik-Eskwela! Ito ay may series of events na pwedeng-pwede mong daluhan. 😮

Magrehistro lamang gamit ang link na ito🔗 : bit.ly/InTARAbalikeskwela

Address

Intramuros

Website

https://twitter.com/KPLIntramuros

Alerts

Be the first to know and let us send you an email when Kabataan Partylist - Intramuros posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Kabataan Partylist - Intramuros:

Shortcuts

Want your organization to be the top-listed Government Service in Intramuros?