PRDP RPCO Nueve

07/08/2026

05/08/2026

| Midsalip, Zamboanga del Sur | 𝗗𝗶𝗹𝗶 𝗹𝗮𝗻𝗴 𝗸𝘂𝘁𝗼𝗯 𝘀𝗮 𝗶𝗻𝘀𝗽𝗲𝗰𝘁𝗶𝗼𝗻, 𝗮𝗰𝘁𝘂𝗮𝗹 𝗴𝘆𝘂𝗱 𝗻𝗴𝗮 𝗴𝗶𝘀𝘂𝗹𝗮𝘆𝗮𝗻 𝗮𝗻𝗴 𝗺𝗴𝗮 𝗺𝗮𝗸𝗶𝗻𝗮!

Gipaandar ang Chocolate Melanger Machine ug actual nga nakasulay sa paghimo og chocolate ang inspection team. Gisulayan usab ang Hydraulic Oil Pressing Machine, nga nakaproduce og cocoa cake ug cocoa butter -- mga importanteng produkto ug sangkap sa paghimo og chocolate ug uban pang cacao-based products.

Gihimo niadtong Hulyo 29-31, 2026 ang pag-inspect ug performance testing sa mga makinarya importante aron masiguro nga kalidad, episyente, ug angay gamiton ang mga makinarya sa dili pa kini hingpit nga i-turn over ug gamiton sa operasyon sa MIFAMCO.

Partial pa lamang ang maong delivery alang sa cocoa processing nga mao ang Chocolate Melanger Machine, Hydraulic Oil Pressing Machine ug duha ka unit nga Retarder/Proofer o Chiller.

Samtang hapit na mahuman ang Cocoa Processing Facility Building ginapalit na usab ang mga makinarya ug kagamitan niini. Ang MIFAMCO ang pinaka-unang kooperatiba sa Region 9 nga nakakuha og pondo gikan sa DA-PRDP Scale-Up alang sa Php84-M Cacao Processing and Marketing Enterprise.

Pinaagi sa maong proyekto, padayon nga gipalig-on ang kapasidad sa mga mag-uuma ug kooperatiba aron mapataas ang value sa ilang cacao products ug makahatag og mas daghang oportunidad sa panginabuhian sa Zamboanga Peninsula. # # # (rsa/daprdp9)






Department of Agriculture ZAMPEN
PRDP Mindanao
Department of Agriculture - Philippine Rural Development Project

For more photos, please click the link: https://tinyurl.com/m8waahea

05/08/2026

Congrats Miggie Saldo ug sa duha nimo ka anak nga nigradwar sa kolehiyo ✅👏👏 Mapasalamaton kita sa Talusan Coconut Farmers Producers Cooperative kanhi Baganipay Small Coconut Organization nga naghatag og panginabuhian sa taga Baganipay, Talusan, Zamboanga Sibugay.

Gikan sa tabang sa DA-PRDP ug PLGU Zamboanga Sibugay, ang Integrated Coco Coir Processing and Marketing Enterprise sa maong kooperatiba nakahatag na og trabaho ug kita sa mga membro bisan pa ang dili membro sa maong kooperatiba nga taga Baganipay. 👍👍🌐🇵🇭

31/07/2026

| Ipil, Zamboanga Sibugay | Hulyo 29-30, 2026 | 𝗣𝗮𝗴𝗽𝗮𝗹𝗶𝗴-𝗼𝗻 𝘀𝗮 𝗣𝗮𝗻𝗮𝗴𝘁𝗶𝗻𝗮𝗯𝗮𝗻𝗴𝗮𝘆 𝘀𝗮 𝗔𝗰𝘁𝗶𝘃𝗶𝘁𝘆 𝗥𝗲𝗽𝗼𝗿𝘁𝗶𝗻𝗴 𝘂𝗴 𝗦𝗼𝗰𝗶𝗮𝗹 𝗠𝗲𝗱𝗶𝗮 𝗖𝗼𝗻𝘁𝗲𝗻𝘁 𝘀𝗮 𝗣𝗥𝗗𝗣 𝗥𝗣𝗖𝗢 𝗡𝘂𝗲𝘃𝗲.

Aron mapalig-on ang activity reporting ug pagdumala sa social media content sa 𝙋𝙍𝘿𝙋 𝙍𝙋𝘾𝙊 𝙉𝙪𝙚𝙫𝙚, gipahigayon sa Regional Project Coordination Office (9 InfoACE Unit ang Basic Photography and Editing Workshop alang sa mga personahe gikan sa nagkalain-laing components ug units.

Gilauman nga ang mga nakatambong mahimong focal persons sa pagkuha og hulagway gamit ang ilang mobile phones sa mga kalihukan sa ilang tagsa-tagsa ka opisina, ilabina kon dili makatambong ang InfoACE Unit. Ang ilang mga hulagway ug impormasyon gamiton sa paghimo sa accomplishment reports ug mga posts sa opisyal nga PRDP RPCO Nueve page.

Ang maong inisyatibo gisugdan sa InfoACE Unit ubos sa pagpangulo ni Yvette T. Avellaneda ug gisuportahan ni Regional Project Director Vener L. Dilig, isip tubag sa mga higayon nga magdungan ang mga kalihukan sa tulo ka components ug walo ka support units, samtang duha lamang ang miyembro sa InfoACE Team -- ang Media Production Officer ug ang Writer.

Pinaagi niini, mas mapalig-on ang panagtinabangay sa tanang components ug units sa RPCO9 sa pagdokumento ug pagpakaylap sa mga kalampusan sa PRDP. Ang workshop malampusong gipahigayon sa pakigtimbayayong sa InfoACE9 ug Regional Agri-Fishery Information Section (RAFIS) 9. Si Sotto alang sa DSLR camera operation ug gitudlo nila Information Officer II Marnette D. Luzon ug Staff Kevin Jone D. Daub ang mga konsiderasyon, paagi sa pagkuha sa maayo hulagway base sa mga elements sa photography.

Gapadala usab og partisipante sa maong workshop ang Planning, Evaluation and Monitoring Division ug Agribusiness Management and Assistance Division. # # # (rsa/daprdpnueve)







Department of Agriculture ZAMPEN
PRDP Mindanao
Department of Agriculture - Philippine Rural Development Project

For more photos, please click the link: https://tinyurl.com/yez2xdh9

29/07/2026

#𝘽𝙖𝙬𝙖𝙡𝘽𝙖𝙨𝙩𝙤𝙨 Law | Ipil, Zamboanga Sibugay | Kung kaniadto ang pagtaghoy, pagsitsit, o uban pang malaw-ay nga pamatasan ngadto sa kababayen-an sagad pasagdan lamang, karon adunay balaod nga nagpanalipod sa mga biktima batok sa sexual harassment sa publiko ug sa lugar sa trabaho pinaagi sa Republic Act No. 11313 o Safe Spaces Act (Bawal Bastos Law).

Aron mapalig-on ang kahibalo sa mga empleyado bahin niini, nagpahigayon ang DA-PRDP Regional Project Coordination Office 9 InfoACE Unit, sa pakigtambayayong sa Gender and Development (GAD) System sa Department of Agriculture Regional Field Office IX, og seminar sa Workplace Sexual Harassment and Safe Spaces Act niadtong Hulyo 28. Gitambongan kini sa mga personahe gikan sa DA-PRDP, MIAPD, AMAD, PMED, ug Research Division sa DA9.

Si Police Corporal John Paul A. Carmona sa Zamboanga Sibugay Police Provincial Office ang nahimong resource person nga mipasabut sa mga probisyon sa #𝘽𝙖𝙬𝙖𝙡𝘽𝙖𝙨𝙩𝙤𝙨 Law, mga matang sa sexual harassment, ug ang mga silot alang sa mga molapas niini.

Isip kabahin sa seminar, gipahigayon usab ang usa ka workshop diin gipaambit ang mga partisipante sa ilang mga kasinatian ug mga sitwasyon nga may kalabotan sa Safe Spaces Act aron mas masabtan ang kahinungdanon sa pagtahod, kaluwasan, ug pagkamabinantayon sa matag lugar sa trabaho. # # #






Department of Agriculture ZAMPEN
PRDP Mindanao
Department of Agriculture - Philippine Rural Development Project

27/07/2026

𝙎𝙖𝙜𝙞𝙣𝙜 𝙆𝙖𝙧𝙙𝙖𝙗𝙖, ang salag-on nga makabusog ug puno sa sustansya! 🍌Dili lang lami, apan puno usab sa mga bitamina ug mineral nga makatabang sa pagmintinar sa maayong panglawas.

💛 Potassium
• Makatabang sa pagmintinar sa normal nga blood pressure.
• Nagasuporta sa himsog ug regular nga pitik sa kasingkasing.
• Makatabang sa pagpaubos sa epekto sa sobrang asin sa lawas.

💛 Vitamin B6 ug Magnesium
• Makatabang sa pagbalanse sa paglihok sa mga kemikal sa lawas.

💛 Vitamin C
• Makatabang sa pagporma ug pagmintinar sa lig-on nga mga bukog, lutahan, ug mga ugat sa dugo.

Sa hustong nutrisyon sa lawas, paresi ang 𝙎𝙖𝙜𝙞𝙣𝙜 𝙆𝙖𝙧𝙙𝙖𝙗𝙖 sa mga pagkaon nga dato sa protina sama sa itlog, isda, manok, monggos o mani. Kaon usab og daghang utanon.

Sa kabukiran, ang saging maoy paboritong baon ug kusog sa daghang mag-uuma samtang nagtrabaho sa uma. 🌾🍌

Ug sa kabaybayonan, mas lami ang init-init nga nilung-ag nga saging nga ipares sa bag-ong sinugbang isda—usa ka yano apan busog ug sustansiyang panihapon nga tinuod nga lami sa atong kultura. 🐟🔥

Asa man ka mas ganahan—sa kabukiran o sa kabaybayonan? 😊
🔥







Department of Agriculture ZAMPEN
PRDP Mindanao

27/07/2026

Giunsa ug unsa ang natabang sa Integrated Coco Coir Processing and Marketing Enterprise sa pamilya sa mananagat mao ang gi-feature sa Unlad Komunidad, ang radio program sa DA-PRDP Scale-Up.✅🌐🇵🇭

25/07/2026

𝐑𝐚𝐝𝐲𝐨𝐏𝐑𝐃𝐏: Ngayong linggo sa DA-PRDP Scale-Up Radio Segment na 𝑼𝒏𝒍𝒂𝒅 𝑲𝒐𝒎𝒖𝒏𝒊𝒅𝒂𝒅, mapapakinggan natin kung natulungan ng proyektong Integrated Coco Coir Processing and Marketing ng PRDP ang mga miyembro ng Baganipay Small Coconut Farmers Organization tulad ni Wadzna Saldo.

Ulat ni Joseph John A. Palarca, DVM (Information and Advocacy Specialist, PSO Mindanao)

Mapapakinggan din ang “Unlad Komunidad” sa dzas.febc.ph at 702 DZAS - FEBC Radio page sa programang Maunlad na Pilipino.

25/07/2026

| PAGADIAN CITY | “𝙈𝙖𝙜-𝙪𝙗𝙖𝙣 𝙠𝙞𝙩𝙖 𝙣𝙜𝙖 𝙢𝙖𝙢𝙪𝙝𝙪𝙣𝙖𝙣 𝙨𝙖 𝙖𝙜𝙧𝙞𝙠𝙪𝙡𝙩𝙪𝙧𝙖, 𝙥𝙖𝙡𝙞𝙜-𝙪𝙣𝙤𝙣 𝙖𝙣𝙜 𝙖𝙩𝙤𝙣𝙜 𝙢𝙜𝙖 𝙠𝙤𝙢𝙪𝙣𝙞𝙙𝙖𝙙, 𝙪𝙜 𝙢𝙖𝙜𝙩𝙪𝙠𝙤𝙙 𝙤𝙜 𝙪𝙨𝙖 𝙠𝙖 𝙢𝙖𝙪𝙨𝙬𝙖𝙜𝙤𝙣 𝙪𝙜 𝙡𝙞𝙜-𝙤𝙣 𝙣𝙜𝙖 𝙕𝙖𝙢𝙗𝙤𝙖𝙣𝙜𝙖 𝙙𝙚𝙡 𝙎𝙪𝙧.”

Kini ang nahimong sentrong tema sa gipahigayong Stakeholders’ Consultation alang sa pag-umol sa Provincial Commodity Investment Plan (PCIP) 2026–2031 sa Lalawigan sa Zamboanga del Sur niadtong Hulyo 23, 2026.

Pinaagi sa suporta sa DA-PRDP RPCO9 I-PLAN Component, gipresentar sa Provincial Core Planning Team, sa pagpangulo ni OIC Provincial Planning and Development Coordinator Roxanne Ruth Z. Cedeño -- ang 15 ka nag-unang produkto nga hatagan og prayoridad ug palamboon sa probinsya sulod sa sunod nga unom ka tuig (2026–2031).

Pinaagi sa DA-PRDP Scale-Up, gihimo sa Provincial Core Planning Team ang PCIP aron basihan sa mga pondo ug interbensyon. Gawas sa DA-PRDP, pwede usab kining pondohan sa ubang ahensya o organisasyon.

Sa maong PCIP Stakeholders' Consultation didto si Vice Governor Roseller Ariosa, nga nagrepresentar ni Governor Divina Grace C. Yu. Gipadayag niya ang kamahinungdayon sa mga plano ug tinguha sa PLGU nga molambo ang industriya sa panguma ug pangisda aron motaas ang kalidad sa panginabuhi sa mga mag-uuma ug mangingisda.

Adunay 15 ka commodities o produkto ang gilista sa PCIP nga gibahin sa tulo ka kategorya:
1) Field and Tree Crops: Mais, Humay, Kamoteng-kahoy, Kape, ug
Kakaw.
2) Fruits and High-Value Crops: Lubi, Goma, Mangga, Saging,
Lemonsito, Abaka, ug Durian.
3) Livestock and Aquaculture: Baboy, Guso , ug Bangus.

Gipresentar sa mga nitambong nga Municipal Planning and Development Officers (MPDOs) ug Municipal Agriculturists gikan sa 26 ka lungsod ug sa Dakbayan sa Pagadian ang matuod nga kahimtang sa maong mga produkto, sama sa gidaghanon sa produksyon, gidaghanon sa mga mag-uuma ug mamumuhunan, ingon man ang mga giplanong interbensyon sa matag munisipyo.

Gihatagan usab sila og higayon sa pagsumite sa ilang mga komento, koreksyon sa datos, ug dugang rekomendasyon sa mga interbensyon nga gikinahanglan sa ilang lugar.

Dugang pa niini, nitambong usab ug naghatag sa ilang teknikal nga komento ug rekomendasyon ang mga representante gikan sa DA9 Banner Programs, Department of Trade and Industry (DTI), Department of Agrarian Reform (DAR), Department of Science and Technology (DOST), Philippine Fiber Industry Development Authority (PhilFIDA), ug Philippine Statistics Authority (PSA).

Personal usab nga nitambong sa maong importanteng konsultasyon si Secretary Leo Tereso A. Magno, ang Chairperson sa Mindanao Development Authority (MinDA), aron ipakita ang iyang suporta sa kalamboan sa agrikultura sa lalawigan. # # #(Remedios S. Alejado/daprdp9)







Department of Agriculture ZAMPEN
PRDP Mindanao
Department of Agriculture - Philippine Rural Development Project

For more photos, please click the link: https://tinyurl.com/bd95azfs