Atong Ipil, Atong Garbo

03/06/2026

𝗛𝗮𝗽𝗽𝘆 𝗕𝗶𝗿𝘁𝗵𝗱𝗮𝘆, 𝗠𝗮𝘆𝗼𝗿 𝗥𝗮𝗺𝘀𝗲𝘀 𝗧𝗿𝗼𝘆 𝗢𝗹𝗲𝗴𝗮𝗿𝗶𝗼!

Karong adlawa, ang LGU Ipil nakig-uban sa katawhan sa paghatag ug mainitong pagbati kang Mayor Ramses Troy Olegario sa iyang adlawng natawhan.

Among gihandom ang maayong panglawas, kalipay, ug daghang panalangin alang sa imong kaugalingon ug pamilya. Hinaut nga magpadayon ang usa ka mabungahong tuig nga puno sa mga oportunidad ug positibong kalampusan.

Malipayong pagsaulog sa imong espesyal nga adlaw. Happy Birthday, Mayor Ramses Troy Olegario!

02/06/2026

𝗣𝗛𝗜𝗟𝗛𝗘𝗔𝗟𝗧𝗛 𝗬𝗔𝗞𝗔𝗣 𝗚𝗔𝗠𝗢𝗧 𝗕𝗘𝗡𝗘𝗙𝗜𝗧, 𝗔𝗩𝗔𝗜𝗟𝗔𝗕𝗟𝗘 𝗡𝗔 𝗦𝗔 𝗜𝗣𝗜𝗟!

Ang Municipal Health Office (MHO) sa LGU Ipil malipayong nagpahibalo nga ang PhilHealth YAKAP GAMOT Benefit available na karon sa atong munisipyo.

Pinaagi sa Accessible Medications for Outpatient Treatment (GAMOT) Benefit ubos sa Yaman ng Kalusugan Program (YAKAP), mas sayon na alang sa mga PhilHealth members ug ilang mga dependents ang pag-angkon sa gikinahanglang tambal alang sa outpatient treatment.

Ang programa nagtugot sa mga kwalipikadong benepisyaryo nga makadawat ug hangtod ₱20,000 nga kantidad sa tambal matag tuig, nga magamit alang sa pagtambal sa nagkalain-laing kasagarang sakit ug chronic conditions sama sa hypertension, diabetes, asthma, infections, ug pipila ka cardiovascular ug neurologic conditions. Lakip niini ang access sa 75 ka essential medicines nga makatabang sa padayon ug hapsay nga pagdumala sa kahimsog sa mga pasyente.

PAUNSA MAKA-AVAIL NIINI?
Aron maka-avail sa GAMOT Benefit, kinahanglan nga mUadto una ang miyembro o dependent sa usa ka PhilHealth-accredited YAKAP Clinic alang sa konsultasyon ug medical assessment. Human sa pag-evaluate, ang YAKAP physician mohatag ug reseta nga mahimong ipresentar sa accredited GAMOT provider aron makuha ang gikinahanglang tambal. Magpadayon usab ang regular nga follow-up consultations aron masubay ang kahimtang sa pasyente ug masiguro ang epektibong pagtambal.

NOTE: Ang mga tambal nga naay asterisk (*), sa YAKAP facility ma-avail kung asa nakaregister ang kliyente.

Human sa malampusong process testing karong adlawa, ang CECILLE'S PHARMACY opisyal nang usa ka YAKAP GAMOT Partner Pharmacy sa Ipil ug andam na sa pagserbisyo sa mga benepisyaryo sa programa. Samtang nagpadayon ang implementasyon niini, adunay uban pang mga botika nga gipaabot nga mahimong accredited partners sa umaabot.

Pinaagi niini nga programa, mas mapadali ang access sa tambal ug mas moubos ang pinansyal nga kabug-at sa mga pamilya nga nagkinahanglan ug padayon nga pagtambal.

02/06/2026

𝗜𝗽𝗶𝗹 𝗠𝗣𝗗𝗢 𝗡𝗮𝗴𝗽𝗮𝗵𝗶𝗻𝘂𝗺𝗱𝗼𝗺 𝘀𝗮 𝗣𝘂𝗯𝗹𝗶𝗸𝗼 𝘀𝗮 𝗟𝗲𝗴𝗮𝗹 𝗻𝗴𝗮 𝗣𝗮𝗴𝗯𝗮𝗹𝗶𝗴𝘆𝗮 𝘂𝗴 𝗣𝗮𝗴𝗽𝗮𝗹𝗶𝘁 𝘀𝗮 𝗬𝘂𝘁𝗮 𝘂𝗴 𝗕𝗮𝗹𝗮𝘆

Tungod sa nagkadaghang mga reklamo ug pangutana kabahin sa mga lote ug yuta, ang Municipal Planning and Development Office (MPDO) sa Ipil, kauban ang Department of Human Settlements and Urban Development (DHSUD), nagpadayon sa pagpahinumdom sa publiko sa importansya sa pagsunod sa legal ug sakto nga mga pamaagi sa PAGBALIGYA UG PAGPALIT UG YUTA o BALAY.

Siguroha nga adunay sakto ug legal nga mga dokumento, lakip ang mga permit ug approvals nga gikinahanglan sa balaod. Sa pagpalit ug yuta o balay, ayaw pagsalig sa mga pulong nga "INATO LANG" o "OKAY RA NA." Kini mahimong usa ka dakong red flag nga adunay kulang o wala matarong nga dokumentasyon.

Ang DUE DELIGENCE ug pag-verify sa legal status sa usa ka property makatabang sa paglikay sa pagpangilad, doble nga pagbaligya, ug uban pang mga problema nga mahimong makaapekto sa imong puhunan ug kaugmaon sa imong pamilya.

Dili magdali sa pagpalit. Susiha una ang dokumento aron luwas ang imong puhunan.

Alang sa mga pangutana, verification, o reklamo kabahin sa real estate properties sa Ipil, mahimo nga mubisita sa Ipil Municipal Planning and Development Office (MPDO).

Please share for public awareness.

02/06/2026

𝗠𝗮𝘀 𝗢𝗿𝗴𝗮𝗻𝗶𝘀𝗮𝗱𝗼 𝗻𝗴𝗮 𝗦𝗲𝗿𝗯𝗶𝘀𝘆𝗼 𝘀𝗮 𝗜𝗽𝗶𝗹 𝗠𝘂𝗻𝗶𝗰𝗶𝗽𝗮𝗹 𝗧𝗿𝗲𝗮𝘀𝘂𝗿𝗲𝗿'𝘀 𝗢𝗳𝗳𝗶𝗰𝗲

Aron mas mapadali ug mas organisado ang paghatag ug serbisyo sa publiko, nasugdan na sa Municipal Treasurer’s Office sa Ipil ang Queuing System para sa mga kliyente sa opisina.

Pinaagi niini, mas hapsay ang pagdumala sa dagan sa mga transaksyon, maminusan ang kalibog sa linya, ug mas masiguro ang episyenteng pagserbisyo sa matag kliyente.

Positibo usab ang pagdawat sa mga empleyado sa MTO sa maong sistema tungod kay makatabang kini sa mas organisado nga workflow ug mas episyenteng pag-atubang sa mga transaksyon.

Labaw sa pagdumala sa pila, ang queuing system usa ka lakang padulong sa mas modernong serbisyo publiko nga nagtutok sa kahapsay sa mga kliyente. Mas organisado nga proseso, mas maayong serbisyo para sa katawhan.

01/06/2026

𝗛𝗠𝗢 𝗠𝗲𝗺𝗯𝗲𝗿𝘀𝗵𝗶𝗽 𝗖𝗮𝗿𝗱𝘀 𝗡𝗮𝗱𝗮𝘄𝗮𝘁 𝗻𝗮 𝘀𝗮 𝗺𝗴𝗮 𝗘𝗺𝗽𝗹𝗲𝘆𝗮𝗱𝗼 𝘀𝗮 𝗟𝗚𝗨 𝗜𝗽𝗶𝗹

Padayon nga gipalig-on sa LGU Ipil ang kaayohan ug kapakanan sa mga empleyado pinaagi sa paghatag sa Health Maintenance Organization (HMO) benefits, diin nadawat na nila ang ilang HMO membership cards.

Ang maayong panglawas usa ka importante nga pundasyon aron mas epektibong serbisyo publiko maong mapasalamaton ang mga empleyado sa maong dugang na benepisyo, ilabi na kay makahatag kini ug dugang nga seguridad ug suporta sa panahon nga gikinahanglan ang medikal nga serbisyo.

Usa kini nga lakang sa LGU Ipil sa pag-invest sa kaayohan sa mga empleyado usa usab ka pagpalig-on sa kalidad sa serbisyo publiko. Mapasalamaton ang LGU Ipil sa partnership kauban ang Medicare Plus sa paghatod ani nga benepisyo sa mga kawani sa LGU.

01/06/2026

𝗦𝘂𝗽𝗽𝗼𝗿𝘁𝗶𝗻𝗴 𝗙𝗮𝗿𝗺𝗲𝗿𝘀, 𝗦𝘁𝗿𝗲𝗻𝗴𝘁𝗵𝗲𝗻𝗶𝗻𝗴 𝗥𝗶𝗰𝗲 𝗖𝗼𝗺𝗺𝘂𝗻𝗶𝘁𝗶𝗲𝘀 𝗶𝗻 𝗜𝗽𝗶𝗹

Padayon nga gipalig-on sa LGU Ipil pinaagi sa Municipal Agriculturist Office ang suporta sa atong sektor sa agrikultura pinaagi sa Rice Seeds & Fertilizer Distribution ngadto sa 300 ka mag-uuma sa munisipyo.

Ang maong rice seeds ug fertizer gipondohan pinaagi DA-PHILRICE ug Department of Agriculture (DA) isip kabahin sa padayon nga programa sa pagpalambo sa produksyon sa humay ug pagpalig-on sa kapasidad sa mga mag-uuma sa komunidad.

Pinaagi sa maayong kalidad nga binhi ug angay nga agricultural inputs, gilauman nga mas mapauswag ang ani sa humay, maminusan ang gasto sa produksyon, ug mas mapalig-on ang kita sa mga pamilyang nagasalig sa pagpanguma isip panginabuhian.

Ang agrikultura nagpabiling usa sa mga nag-unang haligi sa lokal nga ekonomiya sa Ipil. Ang mga programa sama niini dili lamang suporta sa indibidwal nga mag-uuma kondili usa usab ka pamuhunan alang sa lig-on nga suplay sa pagkaon ug mas malungtarong kalamboan sa tibuok komunidad.

Nagpasalamat ang LGU Ipil sa Department of Agriculture sa padayon nga pakigtambayayong alang sa kaayohan sa atong mga mag-uuma ug sa umaabot sa sektor sa agrikultura sa Ipil.

01/06/2026

𝗣𝗨𝗕𝗟𝗜𝗖 𝗔𝗗𝗩𝗜𝗦𝗢𝗥𝗬 | 𝗖𝗮𝗽𝗮𝗯𝗶𝗹𝗶𝘁𝘆 𝗘𝘅𝗲𝗿𝗰𝗶𝘀𝗲 (𝗖𝗔𝗣𝗘𝗫) 𝘀𝗮 𝗭𝗮𝗺𝗯𝗼𝗮𝗻𝗴𝗮 𝗦𝗶𝗯𝘂𝗴𝗮𝘆 𝗣𝗼𝗹𝗶𝗰𝗲

Gipahibalo sa LGU Ipil ang publiko nga ang Zamboanga Sibugay Police Provincial Office (ZSBPPO) magpahigayon ug Capability Exercise (CAPEX) gikan karong adlawa, Hunyo 1 hangtod Hunyo 7, 2026 sa nagkalin-laing lugar sa probinsya.

Atol sa maong kalihokan, mahimong makamatikod ang mga residente ug dugang nga presensya sa kapulisan, paglihok sa mga police personnel ug patrol vehicles, ug mga simulation exercises sa pipila ka mga lugar. Kini mga lehitimong kalihukan nga kabahin sa padayon nga pagpalig-on sa kaandam ug kahusayan sa kapulisan sa pagresponde sa mga emergency, krisis, ug uban pang sitwasyon nga nagkinahanglan ug agarang aksyon.

Pinaagi sa maong exercise, mas mapalambo ang koordinasyon, disiplina, ug operational readiness sa atong mga law enforcement personnel, nga adunay direktang kaayohan sa komunidad pinaagi sa mas epektibo ug mas paspas nga paghatag og serbisyo sa publiko kung adunay mga panghitabo nga nagkinahanglan sa ilang pagresponde.

MAGPABILING KALMADO ug makigtambayayong sa mga otoridad samtang ginapahigayon ang maong exercise.

Daghang salamat.

📢 PAHIBALO | CAPABILITY EXERCISE (CAPEX)

Ang Zamboanga Sibugay Police Provincial Office (ZSBPPO) magpahigayon og Capability Exercise (CAPEX) gikan Hunyo 1–7, 2025 sa nagkadaiyang lugar sa probinsya.

Mahimong makamatikod ang publiko og dugang nga presensya sa kapulisan, paglihok sa mga police personnel ug sakyanan, ug mga simulation exercises. Kini mga lehitimong kalihokan aron mapalig-on ang kaandam ug kahusayan sa pagserbisyo sa katawhan.

🤝 Padayon kita sa pagpakigtambayayong alang sa luwas ug malinawon nga komunidad.

29/05/2026

𝗟𝗗𝗥𝗥𝗠𝗢 𝗠𝗶𝗽𝗮𝗻𝗴𝘂𝗻𝗮 𝘀𝗮 𝗕𝗮𝗿𝗮𝗻𝗴𝗮𝘆 𝗙𝗶𝗿𝗲 𝗙𝗶𝗴𝗵𝘁𝗲𝗿𝘀 & 𝗖𝗼𝗺𝗺𝘂𝗻𝗶𝘁𝘆 𝗙𝗶𝗿𝗲 𝗔𝘂𝘅𝗶𝗹𝗶𝗮𝗿𝘆 𝗚𝗿𝗼𝘂𝗽 𝗧𝗿𝗮𝗶𝗻𝗶𝗻𝗴

Padayon ang paningkamot sa LGU Ipil sa pagpalig-on sa kaandam ug kaluwasan sa komunidad pinaagi sa pagpahigayon sa Barangay Fire Fighters (BFF) ug Community Fire Auxiliary Group (BFF) Training sa Municipal Evacuation Center, Ipil, Zamboanga Sibugay.

Ang maong BFF ug BFF Training gipangunahan sa Local Disaster Risk Reduction and Management Office (LDRRMO) sa koordinasyon sa Bureau of Fire Protection – Ipil, uban sa partisipasyon sa mga barangay personnel gikan sa nagkalain-laing barangay sa munisipyo.

Lakip sa mga nahisgutan ug gipraktis atol sa training ang:
✔️ Basic Fire Fighting
✔️ CPR ug Rescue Breathing
✔️ First Aid ug Bandaging Techniques
✔️ Emergency Response Demonstrations ug Rescue Exercises

Pinaagi niini nga training, mas napalambo ang kahibalo ug kapasidad sa mga partisipante sa dali nga pag-ila sa life-threatening emergencies ug sa hustong paghatag og unang tabang samtang naghulat sa advanced medical responders.

Dako usab kini nga lakang sa pagpalig-on sa community-based disaster preparedness diin ang matag barangay adunay mas andam ug mas kahibalo nga responders panahon sa sunog, aksidente, ug uban pang emerhensiya.

Nagpakita usab ang maong aktibidad sa importansya sa padayon nga panagtinabangay tali sa LGU, national agencies, ug mga barangay aron mapalig-on ang kaluwasan ug proteksyon sa katawhan.

28/05/2026

𝗦𝗮𝗻𝗴𝗴𝘂𝗻𝗶𝗮𝗻𝗴 𝗕𝗮𝘆𝗮𝗻 𝗻𝗴 𝗜𝗽𝗶𝗹 𝗡𝗼𝘁𝗶𝗰𝗲 | 𝗝𝗼𝗶𝗻 𝘁𝗵𝗲 𝗣𝘂𝗯𝗹𝗶𝗰 𝗛𝗲𝗮𝗿𝗶𝗻𝗴

Ang Sangguniang Bayan ng Ipil (SB IPIL) magapahigayon ug Public Hearing alang sa mga ginasugyot nga ordinansa nga direktang makaapekto sa kahimsog, kaluwasan, disiplina, serbisyo publiko, ug kaayohan sa komunidad.

Mga Proposed Ordinances nga pagahisgutan:

▪️AN ORDINANCE PROHIBITING ANY PERSON FROM ROAMING, LOITERING, OR APPEARING TOPLESS OR HALF-NAKED IN PUBLIC PLACES WITHIN THE MUNICIPALITY OF IPIL, ZSP, AND PROVIDING PENALTIES FOR VIOLATIONS THEREOF.

▪️ AN ORDINANCE REGULATING THE SALE OF INTOXICATING LIQUORS, CI******ES, E-CI******ES, VAPES, TO***CO AND OTHER ADDICTIVE PRODUCTS, PROHIBITING THE SALE THEREOF TO MINORS AND REQUIRING MANDATORY PRESENTATION OF VALID IDENTIFICATION WITHIN THE MUNICIPALITY OF IPIL, ZSP.

▪️ AN ORDINANCE ADOPTING AND IMPLEMENTING THE HEALTHY FOOD AND BEVERAGE CHOICES IN ALL PUBLIC SCHOOLS AND IN DEPED OFFICES WITHIN THE JURISDICTION OF THE MUNICIPALITY OF IPIL AND APPROPRIATING FUNDS THEREOF AND FOR OTHER PURPOSES.

▪️ AN ORDINANCE INSTITUTIONALIZING THE “OPLAN LIGTAS PAMAYANAN” (OLP) PROGRAM IN THE MUNICIPALITY OF IPIL, MANDATING THE TWENTY-EIGHT (28) CONSTITUENT BARANGAYS TO DESIGNATE TEMPORARY SHELTERS FOR FIRE VICTIMS, PRESCRIBING AN EXPEDITIOUS TWENTY-FOUR (24) HOUR RELEASE OF SUBSISTENCE FUNDS FROM THE LOCAL DISASTER RISK REDUCTION AND MANAGEMENT (LDRRM) FUND, INTEGRATING FINANCIAL ASSISTANCE PROTOCOLS OF THE MUNICIPAL SOCIAL WELFARE AND DEVELOPMENT OFFICE (MSWDO), AND DEFINING RESPONSIBILITIES FOR DISASTER PREVENTION AND RESPONSE.

▪️ AN ORDINANCE ESTABLISHING THE INSTALLATION, OPERATION, REGULATION, AND MANAGEMENT OF A MULTI-GATE BARRIER CONTROL SYSTEM (BOOM GATE) WITH AN INTEGRATED TICKETING AND ELECTRONIC CARD SYSTEM AT THE IPIL PUBLIC MARKET II, BARANGAY DON ANDRES, MUNICIPALITY OF IPIL, PROVINCE OF ZAMBOANGA SIBUGAY, PROVIDING POLICIES FOR SYSTEM.

📅 Date: June 1, 2026 (Monday)
🕗 Time: 8:00 AM
📍 Venue: Covered Court beside Old Municipal Building, Poblacion, Ipil, Zamboanga Sibugay

Ang maong public hearing usa ka importante nga higayon aron mapaminawan ang tingog sa katawhan ug mapalambo ang mga polisiya nga tukmang motubag sa kasamtangang panginahanglan sa komunidad.

Ginaengganyo ang tanang stakeholders, barangay officials, sektor, organizations, vendors, parents, youth, ug mga residente sa Ipil nga muapil sa diskusyon pinaagi sa paghatag sa ilang opinyon, suhestiyon, ug kabalaka kabahin sa mga ginasugyot nga ordinansa.

28/05/2026

𝗣𝗘𝗦𝗢 𝗡𝗮𝗴𝗸𝗮𝗽𝗮𝗵𝗶𝗴𝗮𝘆𝗼𝗻 𝗻𝗮 𝘀𝗮 𝘂𝗻𝗮𝗻𝗴 𝗦𝗣𝗘𝗦 𝗣𝗮𝘆𝗼𝘂𝘁 𝗔𝗹𝗮𝗻𝗴 𝘀𝗮 𝟰𝟬 𝗸𝗮 𝗦𝘁𝘂𝗱𝘆𝗮𝗻𝘁𝗲𝗻𝗴 𝗕𝗲𝗻𝗲𝗽𝗶𝘀𝘆𝗮𝗿𝘆𝗼

Malampusong gipahigayon sa LGU Ipil ang unang payout alang sa first batch sa 40 ka SPES beneficiaries nga nakatrabaho sulod sa 10 ka adlaw ubos sa pagdumala sa Public Employment Service Office (PESO).

Pinaagi sa Special Program for the Employment of Students (SPES), nahatagan ug oportunidad ang mga estudyante nga makatrabaho sa nagkadaiyang opisina sa LGU samtang nagbakasyon. Dugang tabang kini alang sa ilang pang-eskwela ug adlaw-adlaw nga panginahanglan.

Gawas sa allowance nga ilang nadawat, nakahatag usab ang programa ug importante nga kasinatian sa mga kabatan-onan pinaagi sa pag-apil sa trabaho sa gobyerno ug pagserbisyo sa komunidad.

Padayon nga gipakita sa LGU Ipil ang suporta niini sa edukasyon ug kabatan-onan pinaagi sa mga programa nga naghatag ug oportunidad, kasinatian, ug dugang kaalam alang sa mas maayong kaugmaon sa mga estudyante.

Nagpasalamat ang LGU Ipil sa tanang SPES beneficiaries, partner offices, ug PESO Ipil sa malampusong pagpatuman sa programa.