https://www.facebook.com/155313157673945/

Sangguniang Kabataan ng San Isidro, Iriga City, San Isidro, Iriga City (2026)

03/08/2026

Malay mo naman may pag-asa ka talaga sa kaniya!

Kaya ano pa ang hinihintay mo? Register na sa Kamp Pag-asa!

Ano, tara?

02/08/2026

𝗧𝗮𝗿𝗮 𝗻𝗮 𝘀𝗮 𝗞𝗮𝗺𝗽 𝗣𝗮𝗴-𝗮𝘀𝗮! 🙌🏽

Bukas na ang Pagpaparehistro para sa Kamp Pag-asa 2.0!

Inaanyayahan namin ang lahat ng kabataang 15 hanggang 30 taong gulang na maging bahagi ng Kamp Pag-asa 2.0—isang karanasang puno ng pagkatuto, pagkakaibigan, at pag-asa.

Ito ay bukas sa lahat ng kabataan ng Barangay San Isidro at mayroon ding slot para sa mga kabataang nasa ibang barangay. Kaya ano? Tara?

Tandaan!
Petsa: Agosto 14–16, 2026
Lugar: C-Farm, La Medalla, Baao, Camarines Sur

I-scan ang QR Code na nasa post na ito o kaya i-click ang link upang makapagparehistro.
https://forms.gle/tKewwJKQ7n4HKw5n7

Mga Dapat Tandaan sa Pagpaparehistro:
• Maaaring magparehistro kahit hindi residente ng Barangay San Isidro. May 15 nakalaang puwesto para sa mga kalahok mula sa ibang barangay.
• Isang (1) sulatroniko (email address) lamang ang maaaring gamitin ng bawat kalahok.
• Tiyaking tama at aktibo ang email address na inyong ilalagay.
• Kumpletuhin at tiyaking wasto ang lahat ng impormasyong ilalagay sa registration form bago ito isumite.
• Ang pagpaparehistro ay hindi nangangahulugang awtomatiko na kayong kabilang sa opisyal na listahan ng mga kalahok.
• Tanging ang mga mapipiling kalahok lamang ang makatatanggap ng kumpirmasyon at mga susunod na tagubilin sa pamamagitan ng kanilang ibinigay na sulatroniko.

Maraming salamat! Inaasahan namin ang inyong pakikilahok sa Kamp Pag-asa 2.0.

Magkita-kita tayo para sa isang makabuluhang karanasang puno ng pagkatuto, pagkakaibigan, at pag-asa!

31/07/2026

𝗣𝗮𝗴𝗯𝗮𝘁𝗶, 𝗦𝗞 𝗖𝗵𝗮𝗶𝗿 𝗠𝗶𝗸-𝗠𝗶𝗸! 🙌🏽

Buong pagmamalaking binabati ng Sangguniang Kabataan ng Barangay San Isidro, Lungsod ng Iriga ang aming Tagapangulo, Kgg. John Michael "Mik-Mik" Madoro Laniog, sa kaniyang sunod-sunod na natamong tagumpay at pagkilalang nagpapatunay ng kaniyang husay sa pamumuno at paglilingkod.

Isa si Kgg. Mik-Mik sa mga Philippine Youth Delegates na lalahok sa ASEAN Youth Summit 2026 na gaganapin sa Agosto 5–6, 2026 sa Pasay City. Bilang kinatawan ng Pilipinas at kabataang Pilipino, makikiisa siya sa mga kabataang lider mula sa iba't ibang bansa sa ASEAN upang talakayin ang mga makabuluhang usapin hinggil sa digital resilience at responsableng paggamit ng makabagong teknolohiya.

Bukod dito, sa mahigit 500 na aplikasyon, napabilang din siya sa opisyal na 150 Regional Fellows mula sa iba't ibang panig ng bansa bilang bahagi ng +iMPACT Leadership Academy for Civic Empowerment (iLACE) Regional Cohort, isang programang naglalayong higit pang paunlarin ang kakayahan ng mga kabataang lider sa epektibong pamumuno at paglilingkod sa komunidad.

Higit pa rito, matagumpay ring natanggap ang kaniyang aplikasyon sa Climate Reality Leadership Corps Training na gaganapin sa Singapore. Gayunman, pinili niyang hindi na ipagpatuloy ang paglahok sa naturang programa upang mailaan ang pondong gagamitin sana para rito sa iba pang mas mahahalagang pangangailangan at proyektong makikinabang ang Barangay San Isidro. Ang desisyong ito ay sumasalamin sa kaniyang dedikasyon at malasakit sa kapakanan ng komunidad na kaniyang pinaglilingkuran.

Ang iyong mga tagumpay ay hindi lamang personal na pagkilala kundi inspirasyon din sa kabataang San Isidro na mangarap, magsikap, at maglingkod nang may integridad at layunin.

Muli, taos-pusong pagbati, Chair Mik! Ipinagmamalaki ka ng buong Barangay San Isidro. Patuloy kang maging huwaran sa paglilingkod at pamumuno para sa kabataan at sa ating komunidad. 💚

26/07/2026

𝗞𝗔𝗨𝗧𝗨𝗦𝗔𝗡𝗚 𝗧𝗔𝗚𝗔𝗣𝗔𝗚𝗣𝗔𝗚𝗔𝗡𝗔𝗣 𝗡𝗚 𝗦𝗔𝗡𝗚𝗚𝗨𝗡𝗜𝗔𝗡𝗚 𝗞𝗔𝗕𝗔𝗧𝗔𝗔𝗡 𝗕𝗟𝗚. 𝟬𝟭, 𝗦𝗘𝗥𝗬𝗘 𝗡𝗚 𝟮𝟬𝟮𝟲

PAGTATAG NG PANGKAT SA IMBENTARYO NG SANGGUNIANG KABATAAN (SANGGUNIANG KABATAAN INVENTORY TEAM O SKIT)

Upang matiyak ang patas, maayos, at may pananagutang pamamahala sa lahat ng ari-arian, kagamitan, at pondo ng kabataan, pormal nang binuo ng Sangguniang Kabataan ng San Isidro, Lungsod ng Iriga ang Pangkat sa Imbentaryo ng Sangguniang Kabataan (SK Inventory Team o SKIT).

Layunin ng SKIT na matiyak ang maayos na pagbibilang at pagtatala ng mga ari-arian, wastong pangangalaga, at pananagutan sa lahat ng ari-arian, mga rekord, at iba pang kagamitan ng Sangguniang Kabataan bilang paghahanda sa maayos, malinaw, at maayos na paglilipat ng mga pananagutan sa susunod na hanay ng mga halal na opisyal.

Ang pagbuo ng SKIT ay alinsunod sa Memorandum Sirkular Blg. 2026-021 ng Kagawaran ng Interyor at Pamahalaang Lokal (DILG) at iba pang umiiral na batas at mga alituntunin, bilang pagpapakita ng ating paninindigan sa mabuting pamamahala, katapatan, pagiging bukas sa pananagutan, at tapat na paglilingkod para sa kapakanan ng kabataang Barangay San Isidro.

Tungo sa nararapat at tapat na pamamahala para sa Kabataang San Isidro!

22/07/2026

Hulaan ninyo!

Ano, handa na ba kayo?

21/07/2026

𝗧𝗔𝗧𝗔𝗞 𝗟𝗔𝗕𝗥𝗔𝗗𝗢𝗥 𝟮.𝟬: 𝗦𝗮𝗻 𝗜𝘀𝗶𝗱𝗿𝗼 𝗖𝗼𝗼𝗸 𝗙𝗲𝘀𝘁

Matagumpay na naisakatuparan ng Sangguniang Kabataan ng San Isidro, Lungsod ng Iriga ang Tatak Labrador 2.0: San Isidro Cook Fest, isang pagdiriwang ng nutrisyon sa pamamagitan ng kahusayan sa pagluluto, noong Hulyo 19, 2026 sa Paaralang Elementarya ng San Isidro, Lungsod ng Iriga.

Higit pa sa isang paligsahan, nagsilbi itong entablado upang matuklasan at maipamalas ng ating mga kabataan ang kanilang husay, talento, at potensyal sa sining ng pagluluto. Patunay itong kapag binibigyan ng tamang pagkakataon ang kabataan, nagiging daan ito upang sila'y higit pang umunlad at magkaroon ng kumpiyansa sa kanilang sariling kakayahan.

Patuloy ang SK San Isidro sa paglikha ng mga makabuluhan at makabagong programa na nagbibigay ng espasyo para sa pagkatuto, paglinang ng talento, at paghubog ng susunod na henerasyon ng mga kabataang lider.

Basta taga-San Isidro, dekalibre’t talentado.

21/07/2026

𝗣𝗮𝗴𝗯𝗮𝘁𝗶, 𝗞𝗮𝗯𝗮𝘁𝗮𝗮𝗻𝗴 𝗧𝗮𝘁𝗮𝗸 𝗟𝗮𝗯𝗿𝗮𝗱𝗼𝗿! 🙌🏽💚

Ang Sangguniang Kabataan ng San Isidro, Lungsod ng Iriga ay taos-pusong binabati ang lahat ng mga nagwagi at kalahok ng Tatak Labrador 2.0: San Isidro Cook Fest, isang pagdiriwang ng nutrisyon sa pamamagitan ng kahusayan sa pagluluto na matagumpay na isinagawa noong Hulyo 19, 2026 sa Paaralang Elementarya ng San Isidro, Lungsod ng Iriga.

Ang inyong husay, pagkamalikhain, at dedikasyon sa bawat inihandang putahe ay tunay na nagpamalas ng kahalagahan ng masustansiyang pagkain at responsableng pagluluto.

Lubos ang aming pasasalamat sa lahat ng mga kalahok mula sa anim na purok ng Barangay San Isidro na buong pusong nakiisa at nagbahagi ng kanilang talento. Higit pa sa isang paligsahan, ang Tatak Labrador 2.0 ay naging isang pagkakataon upang maitaguyod ang wastong nutrisyon, mapaunlad ang kakayahan sa pagluluto, at mapalalim ang pagkakaisa ng ating komunidad.

Muli, binabati namin ang bawat kalahok at lalo na ang ating mga nagwagi. Nawa'y magsilbi kayong inspirasyon sa iba upang patuloy na yakapin ang kahalagahan ng nutrisyon at gamitin ang talento bilang daan sa pagbuo ng isang mas malusog, mas masigla, at mas maunlad na Barangay San Isidro.

Basta taga-San Isidro, dekalibre’t talentado.

20/07/2026

𝗣𝘂𝗻𝗹𝗮 𝗻𝗴 𝗣𝗮𝗴-𝗮𝘀𝗮: 𝗦𝗞 𝗦𝗮𝗻 𝗜𝘀𝗶𝗱𝗿𝗼 𝗧𝗿𝗲𝗲 𝗣𝗹𝗮𝗻𝘁𝗶𝗻𝗴 𝗔𝗰𝘁𝗶𝘃𝗶𝘁𝘆 🍃

Noong Hulyo 6, 2026, matagumpay na nagsagawa ng tree planting activity ang Sangguniang Kabataan ng San Isidro, Lungsod ng Iriga kasama ang mga kasapi ng Lupon sa Wikang Filipino sa Sitio Kiskisan, Barangay San Isidro, Lungsod ng Iriga.

Sa bawat punlang itinatanim, sama-sama nating pinagyayaman ang kalikasan at pinangangalagaan ang kinabukasan ng henerasyon ngayon at ng mga susunod pang henerasyon.

Kasama ninyo sa pangarap na luntiang kapaligiran buong konseho ng Sangguniang Kabataan ng San Isidro.

20/07/2026

𝗬𝗨𝗚𝗧𝗢 𝟮𝟬𝟮𝟲 | 𝗛𝗶𝗴𝗶𝘁 𝘀𝗮 𝗦𝗲𝗺𝗶𝗻𝗮𝗿, 𝗜𝘀𝗮𝗻𝗴 𝗛𝗮𝗸𝗯𝗮𝗻𝗴 𝗧𝘂𝗻𝗴𝗼 𝘀𝗮 𝗠𝗮𝘀 𝗠𝗮𝘂𝗻𝗹𝗮𝗱 𝗻𝗮 𝗞𝗶𝗻𝗮𝗯𝘂𝗸𝗮𝘀𝗮𝗻

Matagumpay na naisakatuparan ng Sangguniang Kabataan ng San Isidro, Lungsod ng Iriga ang YUGTO: Kabataang Handa para sa Mas Maunlad na Bukas, isang seminar at palihan sa paggawa ng resume, liham aplikasyon, at paghahanda sa paghahanap ng trabaho, na ginanap noong Hulyo 18, 2026 sa Fatima Integrated Farm School, Inc., Barangay San Agustin, Lungsod ng Iriga.

Layunin ng programang ito na ihanda ang mga kabataan sa kanilang pagpasok sa mundo ng trabaho sa pamamagitan ng pagbibigay ng mahahalagang kaalaman at praktikal na kasanayan na magagamit sa kanilang paghahanap ng oportunidad sa hinaharap. Sa pamamagitan ng mga aktuwal na pagsasanay at pagbabahagi ng karanasan, nabigyan ang mga kalahok ng mas malinaw na direksyon at mas matibay na kumpiyansa sa pagharap sa kanilang propesyonal na paglalakbay.

Taos-pusong pasasalamat ang aming ipinaaabot sa aming tatlong inimbitahang tagapagsalita na buong husay at dedikasyong ibinahagi ang kanilang kaalaman, karanasan, at inspirasyon upang maging mas handa ang ating mga kabataan sa mga hamon ng paghahanap ng trabaho.

Maraming salamat din sa lahat ng mga kalahok na aktibong nakiisa at naglaan ng oras upang matuto at paunlarin ang kanilang sarili. Ang inyong sigasig at determinasyon ang nagpapatunay na ang kabataang Labradorian ay handang matuto, umunlad, at harapin ang kinabukasan.

Higit sa lahat, taus-puso kaming nagpapasalamat sa Fatima Integrated Farm School, Inc. sa pagbubukas ng kanilang institusyon bilang lugar ng pagdarausan ng programa, sa tulong ng Senior High School Coordinator, Bb. Alma Aganon at g**o sa institusyon, Bb. Ladymae D**o at lalong-lalo na sa kanilang Punongg**o, Sr. Vanise Mariel Ocera, DSA, sa kanilang walang sawang suporta, mainit na pagtanggap, at paniniwala sa mga programang nagbibigay-kapangyarihan sa kabataan.

Ang tagumpay ng YUGTO ay patunay na ang kabataan ay nangangailangan ng mga programang hindi lamang nagbibigay-aliw, kundi naghahanda rin sa kanila para sa tunay na buhay. Bilang tugon dito, nananatiling matatag ang pangako ng Sangguniang Kabataan ng San Isidro na magpatupad ng mga makabago, makabuluhan, at pangmatagalang inisyatiba—mga programang lumalampas sa tradisyunal na pagdaraos ng mga aktibidad at tunay na tumutugon sa kasalukuyan at hinaharap na pangangailangan ng kabataan.

Patuloy naming isusulong ang mga programang nagbibigay ng kaalaman, kasanayan, at mga oportunidad upang ang bawat kabataan ay maging handa, may kakayahan, at may tiwala sa pagbuo ng isang mas maunlad na bukas.

19/07/2026

𝗞𝗜𝗟𝗔𝗟𝗔𝗡𝗜𝗡 𝗔𝗡𝗚 𝗠𝗚𝗔 𝗛𝗨𝗥𝗔𝗗𝗢 | 𝗧𝗮𝘁𝗮𝗸 𝗟𝗮𝗯𝗿𝗮𝗱𝗼𝗿 𝟮.𝟬: 𝗦𝗮𝗻 𝗜𝘀𝗶𝗱𝗿𝗼 𝗖𝗼𝗼𝗸 𝗙𝗲𝘀𝘁

Sa tagumpay ng bawat paligsahan ay mahalaga ang patas at mahusay na paghusga. Kaya naman buong galak naming ipinakikilala ang mga magsisilbing hurado para sa Tatak Labrador 2.0: San Isidro Cook Fest, na mayroong temang “Pagdiriwang ng Nutrisyon sa Pamamagitan ng Kahusayan sa Pagluluto,” na gaganapin ngayong araw, Hulyo 19, 2026, sa Paaralang Elementarya ng San Isidro, Lungsod ng Iriga.

Ang kaalaman, karanasan, at integridad ang magsisilbing gabay sa pagpili ng mga natatanging kalahok na magpapamalas ng husay, pagkamalikhain, at kahalagahan ng masustansyang pagluluto.

Maraming salamat sa inyong oras at kahandaang maging bahagi ng pagdiriwang na ito. Nawa'y maging inspirasyon ang inyong paglilingkod sa patuloy na pagsusulong ng wastong nutrisyon at kahusayan sa sining ng pagluluto.

Sangguniang Kabataan ng San Isidro, Iriga City

03/08/2026

02/08/2026

31/07/2026

26/07/2026

22/07/2026

21/07/2026

21/07/2026

20/07/2026

20/07/2026

19/07/2026

Address

Website

Alerts

Contact The Organization

Shortcuts

Share

Category

Listing takedown request