4Ps BARMM - Old Kaabakan

25/08/2026

𝐅𝐃𝐒 𝐨𝐧 𝐅𝐨𝐮𝐧𝐝𝐚𝐭𝐢𝐨𝐧𝐚𝐥 𝐓𝐨𝐩𝐢𝐜, 𝐌𝐚𝐭𝐚𝐠𝐮𝐦𝐩𝐚𝐲 𝐧𝐚 𝐍𝐚𝐢𝐝𝐚𝐨𝐬 𝐩𝐚𝐫𝐚 𝐬𝐚 𝟗𝟐 𝐁𝐚𝐠𝐨𝐧𝐠 𝟒𝐏𝐬 𝐁𝐞𝐧𝐞𝐩𝐢𝐬𝐲𝐚𝐫𝐲𝐨 𝐧𝐠 𝐒𝐞𝐭 𝟏𝟒 𝐀, 𝐁 𝐚𝐭 𝐂 𝐬𝐚 𝐁𝐚𝐫𝐚𝐧𝐠𝐚𝐲 𝐍𝐚𝐧𝐠𝐚-𝐚𝐧, 𝐎𝐥𝐝 𝐊𝐚𝐚𝐛𝐚𝐤𝐚𝐧, 𝐒𝐆𝐀

𝗔𝗴𝗼𝘀𝘁𝗼 𝟮𝟰, 𝟮𝟬𝟮𝟲, matagumpay na naisagawa ang 𝑭𝒂𝒎𝒊𝒍𝒚 𝑫𝒆𝒗𝒆𝒍𝒐𝒑𝒎𝒆𝒏𝒕 𝑺𝒆𝒔𝒔𝒊𝒐𝒏 (𝑭𝑫𝑺) 𝒐𝒏 𝑭𝒐𝒖𝒏𝒅𝒂𝒕𝒊𝒐𝒏𝒂𝒍 𝑻𝒐𝒑𝒊𝒄 para sa 𝟵𝟮 bagong Pantawid Pamilyang Pilipino Program (4Ps) beneficiaries mula sa 𝗦𝗲𝘁 𝟭𝟰 𝗔, 𝗕 𝗮𝘁 𝗖 sa Barangay Nanga-an, Old Kaabakan, Special Geographic Area. Ang sesyon ay nagbigay-diin sa pagpapalakas ng kamalayan ng mga benepisyaryo hinggil sa kanilang mga tungkulin at responsibilidad, gayundin sa pagpapahalaga sa edukasyon, kalusugan, at tamang pamumuhay. Pinangunahan ng mga case managers ang talakayan, na sinamahan ng aktibong partisipasyon ng mga benepisyaryo.

Bukod sa Foundational Topic, isinagawa rin ang orientation hinggil sa apat na system units ng programa na kinabibilangan ng 𝑩𝒆𝒏𝒆𝒇𝒊𝒄𝒊𝒂𝒓𝒚 𝑫𝒂𝒕𝒂 𝑴𝒂𝒏𝒂𝒈𝒆𝒎𝒆𝒏𝒕 (𝑩𝑫𝑴), 𝑪𝒐𝒎𝒑𝒍𝒊𝒂𝒏𝒄𝒆 𝑽𝒆𝒓𝒊𝒇𝒊𝒄𝒂𝒕𝒊𝒐𝒏 (𝑪𝑪𝑽), 𝑮𝒓𝒊𝒆𝒗𝒂𝒏𝒄𝒆 𝑹𝒆𝒅𝒓𝒆𝒔𝒔 𝑺𝒚𝒔𝒕𝒆𝒎, at 𝑪𝒂𝒔𝒆 𝑴𝒂𝒏𝒂𝒈𝒆𝒎𝒆𝒏𝒕 𝑼𝒏𝒊𝒕 (𝑪𝑴𝑼). Ipinaliwanag ng mga focal persons ang kani-kanilang tungkulin upang mas maunawaan ng mga bagong benepisyaryo ang proseso ng pag-update ng datos, pagsubaybay sa kanilang pagsunod sa mga kondisyon, mekanismo ng pagresolba ng reklamo, at pagtutok sa mga pamilyang may partikular na pangangailangan.

Bilang huling bahagi ng aktibidad, isinagawa ang 𝑷𝒂𝒏𝒖𝒏𝒖𝒎𝒑𝒂 𝒏𝒈 𝒎𝒈𝒂 𝑩𝒂𝒈𝒐𝒏𝒈 𝑩𝒆𝒏𝒆𝒑𝒊𝒔𝒚𝒂𝒓𝒚𝒐, kung saan buong puso nilang ipinangako na susunod sa mga alituntunin ng programa, tutuparin ang kanilang mga tungkulin, at magiging katuwang ng pamahalaan sa pagpapaunlad ng kanilang pamilya at komunidad. Ang kabuuang aktibidad ay nagsilbing makabuluhang hakbang tungo sa mas matibay na pag-unawa ng mga benepisyaryo sa layunin ng 4Ps, at patunay ng patuloy na suporta ng MSSD sa mga pamilyang kabilang sa programa upang matiyak ang kanilang pag-unlad at mas maayos na pamumuhay.

29/07/2026

𝐌𝐮𝐧𝐭𝐢𝐧𝐠 𝐇𝐚𝐤𝐛𝐚𝐧𝐠 𝐓𝐮𝐧𝐠𝐨 𝐬𝐚 𝐌𝐚𝐬 𝐌𝐚𝐚𝐲𝐨𝐬 𝐧𝐚 𝐊𝐢𝐧𝐚𝐛𝐮𝐤𝐚𝐬𝐚𝐧: 𝐀𝐧𝐠 𝐊𝐰𝐞𝐧𝐭𝐨 𝐧𝐠 𝐏𝐚𝐦𝐢𝐥𝐲𝐚 𝐊𝐚𝐥𝐢𝐩𝐚𝐩𝐚

Si Rina S. Kalipapa ay isang ina at asawa na patuloy na lumalaban sa hamon ng buhay para sa kanyang pamilya. Nakatira sila sa Barangay Simone, Old Kaabakan, at tulad ng maraming pamilya, hindi naging madali ang kanilang pinagdaanan. Dumaan sila sa matinding kakulangan sa kita at hirap sa pagtugon sa pang-araw-araw na pangangailangan.

Bilang isang benepisyaryo ng Pantawid Pamilyang Pilipino Program (4Ps), malaking tulong ang programang sa kanyang pamilya. Sa pamamagitan ng tulong pinansyal, nagkaroon sila ng kakayahang masuportahan ang pag-aaral at kalusugan ng kanyang mga anak. Hindi lamang ito tulong pinansyal—ito rin ay naging gabay upang matutunan niya ang wastong paghawak ng pera, kahalagahan ng edukasyon, at tamang pag-aalaga sa kanyang pamilya sa pamamagitan ng Family Development Sessions (FDS).

Sa kabila ng kanilang kalagayan na nasa subsistence level pa rin, hindi siya nawalan ng pag-asa. Patuloy siyang nagsusumikap at nagsasakripisyo para sa kinabukasan ng kanyang mga anak. At ngayon, unti-unti nilang naaabot ang kanilang mga pangarap.

Isang malaking karangalan para sa kanilang pamilya na ang kanyang panganay ay nagtapos bilang Cum Laude sa University of Southern Mindanao. Hindi niya maipaliwanag ang saya at pagmamalaki na kanyang naramdaman—lahat ng pagod, sakripisyo, at paghihirap ay tila napawi sa tagumpay na iyon. Isa itong patunay na ang edukasyon ay susi sa pag-angat sa buhay.

Samantala, ang kanyang bunsong anak ay patuloy na nagsusumikap sa kanyang pag-aaral at nakatakdang tumuntong sa Grade 12 sa darating na school year. Nakikita niya sa kanyang bunso ang parehong determinasyon at pagnanais na makapagtapos upang matulungan ang kanilang pamilya.
Ang kanilang kwento ay hindi lamang kwento ng hirap, kundi kwento ng pag-asa, tiyaga, at tagumpay. Sa tulong ng 4Ps at sa kanyang matibay na paniniwala na balang araw ay giginhawa rin ang kanilang buhay, patuloy silang lalaban para sa kanilang pamilya.

Ayon kay Rina ang bawat maliit na hakbang ay mahalaga. Hindi man sila agad nakaahon, ang mahalaga ay patuloy silang umaangat at nangangarap. “Ang aking pangarap ay simple lamang—ang mabigyan ng maayos na kinabukasan ang aking mga anak—at unti-unti ko na itong nakikitang natutupad.”

16/07/2026

TINGNAN | 𝗣𝗵𝗶𝗹𝗦𝘆𝘀 𝗥𝗲𝗴𝗶𝘀𝘁𝗿𝗮𝘁𝗶𝗼𝗻 𝗡𝗮𝗴𝗵𝗮𝘁𝗶𝗱 𝗻𝗴 𝗠𝗮𝘀 𝗠𝗮𝗯𝗶𝗹𝗶𝘀 𝗻𝗮 𝗦𝗲𝗿𝗯𝗶𝘀𝘆𝗼 𝘀𝗮 𝗢𝗹𝗱 𝗞𝗮𝗮𝗯𝗮𝗸𝗮𝗻

Isinagawa sa Municipal Hall ng Old Kaabakan ang National ID registration at issuance (PhilSys) para sa mga benepisyaryo ng Pantawid Pamilyang Pilipino Program (4Ps), sa pangunguna ng Philippine Statistics Authority (PSA)-Kidapawan City sa pakikipag-ugnayan sa Municipal Social Welfare and Development Office (MSWDO). Layunin ng aktibidad na mabigyan ng opisyal na pagkakakilanlan ang mga benepisyaryo upang mas mapadali ang kanilang pag-access sa iba't ibang programa, benepisyo, at serbisyong ipinagkakaloob ng pamahalaan. Naging maayos at organisado ang buong proseso ng pagpaparehistro at pag-iisyu ng National ID sa tulong ng maayos na koordinasyon ng mga katuwang na ahensya. Sa ginanap na apat na araw na implementasyon ng programa, maraming residente ng Old Kaabakan mula sa pitong barangay ang nakinabang sa serbisyong ito. Ipinakita ng matagumpay na aktibidad ang patuloy na pagpapalawak ng akses ng mamamayan sa mahahalagang serbisyo ng pamahalaan.

Patunay ang programang ito ng patuloy na pagsisikap ng LGU Old Kaabakan na mailapit ang mahahalagang serbisyo ng pamahalaan sa bawat mamamayan. Sa ilalim ng pamumuno ni Municipal Mayor Tonicks Enalang, patuloy na isinusulong ang mga programang nagbibigay ng mabilis, episyente, at inklusibong serbisyo publiko para sa komunidad. Sa pamamagitan ng matibay na ugnayan ng PSA-Kidapawan City at MSWDO, higit na napalalawak ang pagkakataon ng mga benepisyaryo na magkaroon ng mas madali at ligtas na pag-access sa iba't ibang transaksiyon at benepisyo ng pamahalaan. Malaki ang magiging ambag ng National ID sa pagpapabilis ng mga proseso sa pagkuha ng mga serbisyong pampubliko at iba pang mahahalagang dokumento. Muling pinatutunayan ng LGU Old Kaabakan ang matatag nitong paninindigan sa paghahatid ng dekalidad, makatao, at serbisyong tunay na tumutugon sa pangangailangan ng bawat residente.

16/07/2026

𝗛𝗔𝗣𝗣𝗘𝗡𝗜𝗡𝗚 𝗡𝗢𝗪 | The validation for new beneficiaries of the Pantawid Pamilyang Pilipino Program (4Ps) Set 14 has officially begun today in the Municipality of Old Kaabakan, covering families under Categories D, E, and F. The activity, scheduled from July 16–17 and continuing on July 20–21, aims to verify the eligibility of potential beneficiaries to ensure that government assistance reaches those who truly need it. The validation is being conducted by the Ministry of Social Services and Development (MSSD), led by Old Kaabakan Case Manager Basser Guiamadel, in partnership with the Municipal Social Welfare and Development Office, headed by Alinor Solaiman.

LGU Old Kaabakan, under the leadership of Municipal Mayor Tonicks S. Enalang, continues to demonstrate its strong commitment to social protection and community development through active support for the validation process. Mayor Enalang emphasized the importance of a fair, transparent, and people-centered implementation of the 4Ps program so that deserving families can access opportunities that improve their lives. With close coordination with MSSD and partner agencies, the local government continues to deliver responsive public services and strengthen programs that bring hope and meaningful assistance to the people of Old Kaabakan.

09/07/2026

𝐏𝐫𝐞-𝐎𝐫𝐢𝐞𝐧𝐭𝐚𝐭𝐢𝐨𝐧 𝐩𝐚𝐫𝐚 𝐬𝐚 𝐁𝐚𝐠𝐨𝐧𝐠 𝟒𝐏𝐬 𝐓𝐚𝐫𝐠𝐞𝐭 𝐁𝐞𝐧𝐞𝐟𝐢𝐜𝐢𝐚𝐫𝐢𝐞𝐬 𝐬𝐚 𝐢𝐥𝐚𝐥𝐢𝐦 𝐧𝐠 𝐒𝐞𝐭 𝟏𝟒𝐄 𝐚𝐭 𝐒𝐞𝐭 𝟏𝟒𝐃, 𝐌𝐚𝐭𝐚𝐠𝐮𝐦𝐩𝐚𝐲 𝐧𝐚 𝐈𝐝𝐢𝐧𝐚𝐨𝐬 𝐬𝐚 𝐎𝐥𝐝 𝐊𝐚𝐚𝐛𝐚𝐤𝐚𝐧, 𝐒𝐩𝐞𝐜𝐢𝐚𝐥 𝐆𝐞𝐨𝐠𝐫𝐚𝐩𝐡𝐢𝐜 𝐀𝐫𝐞𝐚

Ngayong 𝐇𝐮𝐥𝐲𝐨 𝟗, 𝟐𝟎𝟐𝟔, matagumpay na isinagawa ang 𝐩𝐫𝐞-𝐨𝐫𝐢𝐞𝐧𝐭𝐚𝐭𝐢𝐨𝐧 para sa mga bagong Pantawid Pamilyang Pilipino Program (4Ps) target beneficiaries sa ilalim ng Set 14E at Set 14D sa Barangay Nanga-an, Old Kaabakan, Special Geographic Area.

Sa naturang aktibidad, tinalakay ang mahahalagang impormasyon hinggil sa 4Ps, kabilang ang mga 𝐜𝐨𝐧𝐝𝐢𝐭𝐢𝐨𝐧𝐚𝐥𝐢𝐭𝐢𝐞𝐬 na dapat sundin ng mga benepisyaryo upang manatiling kabilang sa programa. Ipinaliwanag rin ang proseso ng registration at ang mga dokumentong kinakailangang dalhin sa registration proper.

Bukod dito, sinagot ng mga case managers ang iba’t ibang katanungan ng mga target beneficiaries kaugnay sa mga dokumentaryong kinakailangan. Mahigpit din nilang ipinaalala ang kahalagahan ng mga dokumento, partikular ang pagpapatupad ng “𝐍𝐨 𝐍𝐚𝐭𝐢𝐨𝐧𝐚𝐥 𝐈𝐃, 𝐍𝐨 𝐑𝐞𝐠𝐢𝐬𝐭𝐫𝐚𝐭𝐢𝐨𝐧” 𝐏𝐨𝐥𝐢𝐜𝐲 bilang pangunahing pamantayan sa proseso ng pagpapatala.

Itinakda ang registration proper sa mga sumusunod na petsa: 𝐇𝐮𝐥𝐲𝐨 𝟏𝟔, 𝟏𝟕, 𝟐𝟎, 𝐚𝐭 𝟐𝟏, 𝟐𝟎𝟐𝟔 sa 𝐌𝐮𝐧𝐢𝐜𝐢𝐩𝐚𝐥 𝐇𝐚𝐥𝐥, 𝐁𝐚𝐫𝐚𝐧𝐠𝐚𝐲 𝐍𝐚𝐧𝐠𝐚-𝐚𝐧, 𝐎𝐥𝐝 𝐊𝐚𝐚𝐛𝐚𝐤𝐚𝐧, 𝐒𝐩𝐞𝐜𝐢𝐚𝐥 𝐆𝐞𝐨𝐠𝐫𝐚𝐩𝐡𝐢𝐜 𝐀𝐫𝐞𝐚.

Para sa karagdagang impormasyon o katanungan, maaaring bisitahin ang aming 𝐅𝐚𝐜𝐞𝐛𝐨𝐨𝐤 𝐩𝐚𝐠𝐞, makipag-ugnayan sa 𝐌𝐮𝐧𝐢𝐜𝐢𝐩𝐚𝐥 𝐋𝐢𝐧𝐤 (𝐌𝐋), o bumisita sa 𝐌𝐒𝐒𝐃 𝐎𝐥𝐝 𝐊𝐚𝐚𝐛𝐚𝐤𝐚𝐧 𝐎𝐟𝐟𝐢𝐜𝐞.

08/07/2026

𝗣𝗔𝗨𝗡𝗔𝗪𝗔 𝗦𝗔 𝗣𝗨𝗕𝗟𝗜𝗞𝗢

𝗣𝗿𝗲-𝗢𝗿𝗶𝗲𝗻𝘁𝗮𝘁𝗶𝗼𝗻 𝗽𝗮𝗿𝗮 𝘀𝗮 𝗺𝗴𝗮 𝗕𝗮𝗴𝗼𝗻𝗴 𝗡𝗮𝗽𝗶𝗹𝗶𝗻𝗴 𝟰𝗣𝘀 𝗕𝗲𝗻𝗲𝗳𝗶𝗰𝗶𝗮𝗿𝗶𝗲𝘀

Inaanyayahan ang lahat ng mga bagong napiling benepisyaryo ng Pantawid Pamilyang Pilipino Program (4Ps) sa Municipality of Old Kaabakan na dumalo sa 𝗣𝗥𝗘-𝗢𝗥𝗜𝗘𝗡𝗧𝗔𝗧𝗜𝗢𝗡 na gaganapin sa:

📅 Hulyo 09, 2026 (Huwebes)
🕘 9:00 A.M.
📍 Nanga-an Elementary School Covered Court

Sa nasabing pre-orientation ay tatalakayin ang mahahalagang impormasyon tungkol sa programa, kabilang ang mga kinakailangang requirements at ang opisyal na iskedyul ng Final Registration/Validation.

Ang lahat ng kabilang sa opisyal na listahan ng mga bagong benepisyaryo ay inaasahang makadalo. Mangyaring dumating nang mas maaga upang maging maayos ang proseso ng pagpapatala.

Maraming salamat sa inyong pakikiisa at kooperasyon.

06/06/2026

TINGNAN | 𝟯𝟴 𝗚𝗿𝗮𝗱𝘂𝗮𝘁𝗶𝗻𝗴 𝗕𝗲𝗻𝗲𝗳𝗶𝗰𝗶𝗮𝗿𝗶𝗲𝘀 𝗟𝘂𝗺𝗮𝗵𝗼𝗸 𝘀𝗮 𝗙𝗗𝗦 𝗮𝘁 𝗖𝗮𝗽𝗮𝗰𝗶𝘁𝘆 𝗕𝘂𝗶𝗹𝗱𝗶𝗻𝗴 𝗔𝗰𝘁𝗶𝘃𝗶𝘁𝘆 𝗻𝗴 𝗠𝗦𝗦𝗗

Nagsagawa ang Ministry of Social Services and Development (MSSD) Old Kaabakan ng Family Development Session (FDS) na may kasamang Capacity Building Activity noong Hunyo 4 sa Municipal Hall, Nangaan, Old Kaabakan. Dinaluhan ito ng 38 graduating beneficiaries bilang pagkilala sa kanilang pagsisikap at tagumpay sa pag-abot ng mahahalagang yugto ng kanilang buhay. Tinalakay sa programa ang kanilang nalalapit na pagtatapos at ang mga oportunidad na maaari nilang mapakinabangan sa paghahanda para sa mas malayang pamumuhay. Nagbahagi rin ang mga kinatawan ng MSSD ng mahahalagang impormasyon hinggil sa mga programang at serbisyong maaaring magsilbing gabay sa kanilang susunod na hakbang. Layunin ng aktibidad na mapalakas ang kanilang kakayahan, kaalaman, at kumpiyansa sa pagharap sa mga bagong hamon at responsibilidad sa hinaharap.

Ipinakita ng nasabing gawain ang patuloy na dedikasyon ng LGU Old Kaabakan sa pagsusulong ng mga programang nakatuon sa kapakanan at pag-unlad ng mamamayan. Sa ilalim ng pamumuno ni Municipal Mayor Tonicks Enalang, nananatiling prayoridad ng lokal na pamahalaan ang pagbibigay ng mga makabuluhang oportunidad at suporta upang maging handa ang mga benepisyaryo sa mas maunlad na kinabukasan. Binigyang-diin din sa aktibidad ang kahalagahan ng kaalaman, paghahanda, at tamang gabay sa pagbuo ng isang matatag at produktibong komunidad. Patunay ito ng matibay na pangako ng administrasyon na maghatid ng maagap, inklusibo, at makataong serbisyo publiko para sa lahat. Sa pamamagitan ng mga ganitong inisyatiba, higit na napapalakas ang kakayahan ng mga mamamayan na maging aktibong katuwang sa patuloy na pag-unlad ng Old Kaabakan.

04/06/2026

𝐌𝐚𝐭𝐚𝐠𝐮𝐦𝐩𝐚𝐲 𝐧𝐚 𝐅𝐃𝐒 𝐬𝐚 𝐏𝐮𝐠𝐚𝐲 𝐓𝐚𝐠𝐮𝐦𝐩𝐚𝐲 — 𝐋𝐆𝐔 𝐎𝐥𝐝 𝐊𝐚𝐚𝐛𝐚𝐤𝐚𝐧 𝐚𝐭 𝐌𝐒𝐒𝐃, 𝐆𝐚𝐛𝐚𝐲 𝐬𝐚 𝐏𝐚𝐭𝐮𝐥𝐨𝐲 𝐧𝐚 𝐒𝐮𝐩𝐨𝐫𝐭𝐚 𝐚𝐭 𝐏𝐚𝐠𝐩𝐚𝐩𝐚𝐭𝐚𝐭𝐚𝐠 𝐧𝐠 𝐏𝐚𝐦𝐢𝐥𝐲𝐚𝐧𝐠 𝐊𝐚-𝟒𝐏𝐬

𝗢𝗹𝗱 𝗞𝗮𝗮𝗯𝗮𝗸𝗮𝗻, 𝗛𝘂𝗻𝘆𝗼 𝟰, 𝟮𝟬𝟮𝟲 — Matagumpay na isinagawa ang 𝑭𝒂𝒎𝒊𝒍𝒚 𝑫𝒆𝒗𝒆𝒍𝒐𝒑𝒎𝒆𝒏𝒕 𝑺𝒆𝒔𝒔𝒊𝒐𝒏 (𝑭𝑫𝑺) na may temang 𝑷𝒊𝒏𝒂𝒍𝒂𝒌𝒂𝒔 𝒏𝒂 𝑷𝒂𝒈𝒑𝒖𝒑𝒖𝒈𝒂𝒚 𝒔𝒂 𝑻𝒂𝒈𝒖𝒎𝒑𝒂𝒚 𝑵𝒂𝒕𝒊𝒏𝒈 𝒎𝒈𝒂 𝑲𝒂-4𝑷𝒔 sa Municipal Hall ng Nangaan, Old Kaabakan. Ang nasabing aktibidad ay nagmarka ng mahalagang yugto sa paglipat ng mga benepisyaryong magtatapos mula sa programa. Binibigyang-diin ng sesyon na ang graduation ay hindi pagtatapos ng suporta kundi simula ng panibagong pagkakataon. Ang Local Government Unit (LGU) ng Old Kaabakan ang mangunguna sa pagtiyak na ang mga pamilya ay patuloy na konektado sa mga serbisyong pangmunisipyo at mga programang pangkomunidad, gamit ang referral letters upang sila ay magabayan sa tamang tanggapan at ahensya.

Bilang bahagi ng programa, nagsagawa ng oryentasyon hinggil sa mga serbisyo ng Ministry of Social Services and Development (MSSD) si Ma’am Gemma A. Alforo, RSW, Social Welfare Officer I. Ipinresenta niya ang mga programang maaaring mapakinabangan ng mga pamilyang magtatapos, kabilang ang tulong pang-edukasyon para sa mga bata at suporta sa kabuhayan para sa mga magulang at pinuno ng sambahayan. Ang oryentasyong ito ay nagpatibay sa katiyakan ng patuloy na paggabay at nagbigay-diin sa mga oportunidad na angkop sa pangangailangan ng mga pamilya.

Mahalagang katuwang sa transisyong ito ang MSSD na patuloy na nagbibigay ng mga programang magpapatatag sa edukasyon ng mga anak at kabuhayan ng mga magulang. Sa pamamagitan ng pagkakaugnay sa mga serbisyong ito, nagiging mas komprehensibo ang proseso, na nagsisiguro ng pagpapatuloy ng progreso at pagtamo ng ekonomiyang kasarinlan. Sa tulong ng maayos na referral system, aktibong monitoring, at mas pinatibay na kolaborasyon ng mga ahensya, ang transisyon ay idinisenyo upang maging mas suportado at mas matatag.

04/06/2026

𝐏𝐀𝐁𝐀𝐓𝐈𝐃: 𝐇𝐈𝐍𝐆𝐆𝐈𝐋 𝐒𝐀 𝐏𝐀𝐘𝐎𝐔𝐓 𝐒𝐂𝐇𝐄𝐃𝐔𝐋𝐄 𝐍𝐆 𝐌𝐆𝐀 𝐊𝐖𝐀𝐋𝐈𝐏𝐈𝐊𝐀𝐃𝐎𝐍𝐆 𝐁𝐄𝐍𝐄𝐏𝐈𝐒𝐘𝐀𝐑𝐘𝐎 𝐏𝐀𝐑𝐀 𝐒𝐀 𝐏𝐄𝐑𝐈𝐎𝐃 𝟐 (𝐌𝐀𝐑𝐒𝐎-𝐀𝐁𝐑𝐈𝐋 𝟐𝟎𝟐𝟔)
Ang payout ng cash grants para sa mga kwalipikadong benepisyaryo ng Pantawid Pamilyang Pilipino Program (4Ps) para sa PERIOD 2 (Marso–Abril 2026) ay naka-schedule sa ika-3 at ika-4 ng Hunyo 2026, sa pamamagitan ng ATM withdrawals sa mga piling LANDBANK Servicing Branches at sa kanilang mga e-wallet.
Narito ang payroll schedule sa bawat rehiyon:
𝗝𝘂𝗻𝗲 𝟯, 𝟮𝟬𝟮𝟲
1 - CVS Regular - NCR, CAR, I, II, III, IV-A, MIMAROPA, V, VI, VII
1 - CVS Regular via e-wallet (Gcash) - NCR, CAR, I, III, IV-A, MIMAROPA, V, VI, VIII, X, XI, XII, CARAGA
1 - CVS Regular via e-wallet (Pay maya) - NCR
𝗝𝘂𝗻𝗲 𝟰, 𝟮𝟬𝟮𝟲
1 - CVS Regular - VIII, IX, X, XI, XII, CARAGA, BARMM, NIR
17 - Client Status 28 - Active Households in Special or Difficult Circumstances - CAR, III, IV-A, V, IX, XII, CARAGA, BARMM
Upang masigurong tama at opisyal ang impormasyong natatanggap, palaging sumubaybay sa mga sumusunod na official page:
Pantawid Pamilyang Pilipino Program: https://www.facebook.com/DSWDPantawidPamilya
Pantawid Pamilyang Pilipino program- BARMM:
https://web.facebook.com/pantawidbarmm
Landbank of the Philippines: https://www.facebook.com/landbankofficial
Department of Social Welfare and Development: https://www.facebook.com/dswdserves
Maraming salamat po.

𝐏𝐀𝐁𝐀𝐓𝐈𝐃: 𝐇𝐈𝐍𝐆𝐆𝐈𝐋 𝐒𝐀 𝐏𝐀𝐘𝐎𝐔𝐓 𝐒𝐂𝐇𝐄𝐃𝐔𝐋𝐄 𝐍𝐆 𝐌𝐆𝐀 𝐊𝐖𝐀𝐋𝐈𝐏𝐈𝐊𝐀𝐃𝐎𝐍𝐆 𝐁𝐄𝐍𝐄𝐏𝐈𝐒𝐘𝐀𝐑𝐘𝐎 𝐏𝐀𝐑𝐀 𝐒𝐀 𝐏𝐄𝐑𝐈𝐎𝐃 𝟐 (𝐌𝐀𝐑𝐒𝐎-𝐀𝐁𝐑𝐈𝐋 𝟐𝟎𝟐𝟔)

Ang payout ng cash grants para sa mga kwalipikadong benepisyaryo ng Pantawid Pamilyang Pilipino Program (4Ps) para sa PERIOD 2 (Marso–Abril 2026) ay naka-schedule sa ika-3 at ika-4 ng Hunyo 2026, sa pamamagitan ng ATM withdrawals sa mga piling LANDBANK Servicing Branches at sa kanilang mga e-wallet.

Narito ang payroll schedule sa bawat rehiyon:

𝗝𝘂𝗻𝗲 𝟯, 𝟮𝟬𝟮𝟲
1 - CVS Regular - NCR, CAR, I, II, III, IV-A, MIMAROPA, V, VI, VII
1 - CVS Regular via e-wallet (Gcash) - NCR, CAR, I, III, IV-A, MIMAROPA, V, VI, VIII, X, XI, XII, CARAGA
1 - CVS Regular via e-wallet (Pay maya) - NCR

𝗝𝘂𝗻𝗲 𝟰, 𝟮𝟬𝟮𝟲
1 - CVS Regular - VIII, IX, X, XI, XII, CARAGA, BARMM, NIR
17 - Client Status 28 - Active Households in Special or Difficult Circumstances - CAR, III, IV-A, V, IX, XII, CARAGA, BARMM

Upang masigurong tama at opisyal ang impormasyong natatanggap, palaging sumubaybay sa mga sumusunod na official page:

Pantawid Pamilyang Pilipino Program: https://www.facebook.com/DSWDPantawidPamilya
Landbank of the Philippines: https://www.facebook.com/landbankofficial
Department of Social Welfare and Development: https://www.facebook.com/dswdserves

Maraming salamat po.

❤️

24/05/2026

𝟖𝟓 𝐧𝐚 𝐛𝐞𝐧𝐢𝐩𝐢𝐬𝐲𝐚𝐫𝐲𝐨 𝐧𝐠 𝟒𝐏𝐬 𝐦𝐮𝐥𝐚 𝐬𝐚 𝐒𝐆𝐀, 𝐧𝐚𝐤𝐚𝐭𝐚𝐧𝐠𝐠𝐚𝐩 𝐧𝐠 𝐜𝐚𝐬𝐡 𝐜𝐚𝐫𝐝 𝐬𝐚 𝐊𝐚𝐛𝐚𝐜𝐚𝐧 𝐁𝐫𝐚𝐧𝐜𝐡 𝐬𝐚 𝐢𝐬𝐢𝐧𝐚𝐠𝐚𝐰𝐚𝐧𝐠 𝐜𝐚𝐬𝐡 𝐜𝐚𝐫𝐝 𝐝𝐢𝐬𝐭𝐫𝐢𝐛𝐮𝐭𝐢𝐨𝐧

𝐒𝐩𝐞𝐜𝐢𝐚𝐥 𝐆𝐞𝐨𝐠𝐫𝐚𝐩𝐡𝐢𝐜 𝐀𝐫𝐞𝐚 - Isinagawa noong Mayo 20-21, 2026 ang pamamahagi ng cash cards para sa mga benepisyaryo ng Pantawid Pamilyang Pilipino Program sa Land Bank of the Philippines – Kabacan Branch. Layunin ng aktibidad na mapadali ang pagtanggap ng cash grants ng mga benepisyaryo sa pamamagitan ng mas maayos at ligtas na sistema ng distribusyon.

Nasa kabuuang 85 benepisyaryo ang nakatanggap ng kanilang cash card sa nasabing aktibidad mula sa iba’t ibang munisipalidad ng Special Geographic Area. Kabilang dito ang 15 household beneficiaries mula sa Kapalawan, 28 mula sa Ligawasan, 17 mula sa Tugunan, at 4 mula sa Old Kaabakan.

Hindi lamang sa pagkuha ng cashcard nagtatapos ang paggabay at serbisyo ng mga kawani ng programa sa mga benepisyaryo 4Ps. Patuloy nilang sinisiguro na ang bawat benepisyaryo ay naaalalayan at nabibigyan ng tamang impormasyon kaugnay ng paggamit ng cash card, pagkuha ng benepisyo, at iba pang proseso ng programa upang maiwasan ang abala at masiguro ang maayos na pag-access sa mga ayuda ng pamahalaan.

Patuloy pa ring pinoproseso at inaasikaso ang mga unclaimed at may depektibong cash cards sa iba't ibang bahagi ng SGA upang matiyak na maayos na matatanggap ng mga benepisyaryo ang kanilang mga benepisyo.

Kaugnay nito, hinihikayat ang lahat ng benepisyaryo na makipag-ugnayan sa kanilang nakatalagang Case Managers o Municipal Links para sa karagdagang impormasyon, updates at iba pang mga katanungan hinggil sa kanilang cash cards at benepisyaryo.

Maraming salamat po sa inyong patuloy na pakikipagtulungan.