GO Kayaga

16/07/2026

16/07/2026

𝗕𝗔𝗬𝗔𝗡𝗜𝗛𝗔𝗡 𝗞𝗔𝗗𝗨𝗚𝗢 𝗔𝗪𝗔𝗥𝗗𝗦 𝟮𝟬𝟮𝟲

Malugod na ibinabahagi ng Sangguniang Barangay ng Kayaga ang pagtanggap ng Bayanihan Kadugo Awards 2026, isang prestihiyosong pagkilala sa ating patuloy na suporta at aktibong pakikilahok sa pagsusulong ng boluntaryong blood donation at iba pang mga programang nagliligtas ng buhay.

Ang parangal ay tinanggap sa ngalan ng Sangguniang Barangay ng Kayaga ni Hon. Greg K. Tacuken Jr. sa ginanap na awarding ceremony sa KCC Mall Convention and Event Center, Cotabato City, noong Hulyo 15, 2026.

Ang pagkilalang ito ay sumasalamin sa sama-samang pagsisikap ng Sangguniang Barangayng Kayaga, mga boluntaryong blood donors, Barangay Health Workers (BHWs), Barangay Nutrition Scholars (BNSs), Barangay Midwife, mga kawani ng Barangay, mga katuwang ang ahensya ng RHU Kabacan, LGU Kabacan sa pangunguna ni Mayor Evangeline P. Guzman at VM Herlo P. Guzman Jr. at ng buong komunidad ng Barangay Kayaga sa pagtataguyod ng malasakit, bayanihan, at serbisyong may puso.

Ang pagkilalang ito ay bahagi rin ng patuloy na adhikain ng ating Liga ng mga Barangay (LnB) President at Punong Barangay, Hon. Abduladzis L. Macalipat, na palakasin at suportahan ang mga programang pangkalusugan upang matiyak na ang ating komunidad ay may sapat na kaalaman, kahandaan, at agarang suporta para sa mga nangangailangan ng dugo sa panahon ng emergency at hospitalization.

Kaugnay nito, inaanyayahan at hinihikayat namin ang lahat ng nagnanais na maging blood donor na makiisa sa ating Blood Donation Activity na gaganapin sa Agosto 4, 2026, sa Mahad Kayaga, Barangay Kayaga, Kabacan, Cotabato. Ang inyong simpleng pag-aalay ng dugo ay maaaring maging daan upang makapagligtas ng buhay.

Lubos ang aming pasasalamat sa lahat ng naging bahagi ng tagumpay na ito. Patuloy na magsisilbi ang Sangguniang Barangay ng Kayaga nang may integridad, dedikasyon, at malasakit para sa kapakanan ng bawat mamamayan.

Maraming salamat, at mabuhay ang Barangay Kayaga!

14/07/2026

ABISO SA PUBLIKO
CORN SEEDS DISTRIBUTION

Ipinababatid sa lahat ng mga benepisyaryong nakatala na gaganapin bukas, Hulyo 15, 2026, ang Pamamahagi ng Binhi ng Mais.

🗓️ Petsa: Hulyo 15, 2026
🕗 Oras: 8:00 ng umaga
📍 Lugar: Municipal Gymnasium, Kabacan

Mga Paalala:
• Magdala ng anumang balidong ID para sa beripikasyon.
• Mahigpit na ipinagbabawal ang proxy.
• Tanging ang mga benepisyaryong nakatala sa opisyal na listahan ang maaaring tumanggap ng binhi ng mais.

Maraming salamat sa inyong pakikipagtulungan.

14/07/2026

OPERATION BAKLAS | Pagpapatupad ng Smoke-Free at Vape-Free Community

Bilang bahagi ng patuloy na pagpapatupad ng Kabacan Municipal Ordinance No. 2017-04, Series of 2017, na mahigpit na nagbabawal sa paninigarilyo at paggamit ng v**e sa mga itinakdang pampublikong lugar, matagumpay na isinagawa ng Sangguniang Barangay ng Kayaga ang Operation Baklas sa iba’t ibang bahagi ng barangay.

Sa pamamagitan ng sama-samang pagkilos ng Sangguniang Barangay sa pangunguna ni OIC PB Yusoph M.Mamaluba at Barangay Midwife, Purok Presidents, Barangay Nutrition Scholars (BNS), Barangay Health Workers (BHW), Barangay Staff, at mga Volunteer, isinagawa ang mga sumusunod na aktibidad:

• Pagbabaklas ng mga advertisement ng sigarilyo at iba pang produktong tabako na hindi naaayon sa umiiral na mga regulasyon;
• Paglalagay ng “No Smoking” at “No Vaping” signages at information stickers sa mga establisyemento, sari-sari stores, at iba pang pampublikong lugar bilang paalala sa mahigpit na pagpapatupad ng ordinansa;
• Pagsasagawa ng Pulot-Opos o paglilinis at pangangalap ng mga upos ng sigarilyo upang mapanatili ang kalinisan ng kapaligiran at mabawasan ang mga panganib sa kalusugan at kalikasan.

Ang gawaing ito ay isinagawa bilang suporta sa mga programa ng Department of Health (DOH) at ng Provincial Government of Cotabato para sa pagsusulong ng isang 100% Smoke-Free at Vape-Free Community.

Ang Sangguniang Barangay ng Kayaga ay nananawagan sa lahat ng residente, mga may-ari ng negosyo, at mga mamamayan na makiisa sa mahigpit na pagsunod sa Kabacan Municipal Ordinance No. 2017-04, Series of 2017. Sa pamamagitan ng disiplina, kooperasyon, at malasakit sa kapwa, sama-sama nating mapangangalagaan ang kalusugan ng ating komunidad at ang kalinisan ng ating kapaligiran.

Isang malinis, ligtas, at malusog na Barangay Kayaga ang ating sama-samang layunin.

11/07/2026

📢 Reliable Workforce & General Service Inc. Special Recruitment Activity
Citi Hardware - Kabacan Branch

We are inviting applicants to join our upcoming recruitment event.
📆SRA Date: To be announced soon
📍 Venue: To be announced soon

How to Apply:
📄Pre-register at the Mayor’s Office beginning July 9, 2026

Available Positions:

• Human Resources
• Cash & Collection In-charge
• Assistant Cash in Collection
• Warehouse In-charge
• Category In-Charge
• Check Out Checker
• Receiving Clerk
• Merchandising Supervisor
• Store Inventory In-charge
• Inventory Specialist
• Encoder
• Terminal Cashier
• Inhouse Merchandiser
• Counter Salesman
• Service Technician

11/07/2026

PAALALA SA PUBLIKO | MAG-INGAT SA BAHA

Dahil sa patuloy na malakas na pag-ulan, hinihikayat ang lahat ng residente ng Barangay Kayaga na manatiling alerto at unahin ang kaligtasan.

Lalo na sa mga naninirahan malapit sa ilog, sapa, at mabababang lugar, maging handa sa posibilidad ng mabilis na pagtaas ng tubig at biglaang pagbaha. Iwasang tumawid sa rumaragasang baha o ilog, at agad lumikas kung kinakailangan.

Maghanda ng emergency kit, bantayan ang lagay ng panahon, at sundin lamang ang mga opisyal na abiso mula sa Barangay, MDRRMO, at iba pang kinauukulang ahensya.

📞 Emergency Hotlines:
🚨 BDRRM Kayaga: 0965 203 5337
🚑 Rescue: 0935 160 1572

Ang kaligtasan ng bawat isa ay ating pananagutan.
Maging alerto. Maging handa. Mag-ingat ang lahat.

10/07/2026

COTABATO PROVINCE PUROKALUSUGAN | DAY 2 SA SITIO KIBALES, BARANGAY KAYAGA, KABACAN, COTABATO
"Bawat Pilipino, Ramdam ang Kalusugan." 🇵🇭💚

Matagumpay na isinagawa ang Day 2 ng PuroKalusugan sa Sitio Kibales, Barangay Kayaga, Kabacan, Cotabato, bilang bahagi ng patuloy na paghahatid ng mga pangunahing serbisyong pangkalusugan sa mga komunidad.

Sa pamamagitan ng pagtutulungan ng Provincial Government of Cotabato, Integrated Provincial Health Office (IPHO) – Cotabato Province, Rural Health Unit (RHU) Kabacan, Department of Health (DOH), at ng Barangay Local Government Unit of Kayaga, naihatid sa mga residente ang mahahalagang serbisyong medikal at pangkalusugan.

Sa isinagawang outreach activity, 60 na residente ang nabigyan ng medical consultation, 5 ang sumailalim sa prenatal check-up, 5 ang nakatanggap ng family planning services, at 3 ang nabigyan ng immunization.

Nagsagawa rin ng Information, Education, and Communication (IEC) sessions tungkol sa Nutrition, Family Planning, Prenatal Care, at Immunization upang mapalawak ang kaalaman ng bawat pamilya sa tamang pangangalaga ng kalusugan at pagpapanatili ng isang ligtas at malusog na pamayanan.

Taos-pusong pasasalamat ng Sangguniang Barangay ng Kayaga, sa pangunguna ni LnB President/PB Hon. Abduladzis L. Macalipat, sa ating Governor Hon. Emmylou "Lala" Taliño-Mendoza, MNSA, Mayor Hon. Evangeline Pascua-Guzman, VM Hon. Herlo P. Guzman Jr., Dr. Sofronio T. Edu Jr. (Doctor to the Barrio), at sa RHU Kabacan healthcare team, Midwife, Barangay Health Workers (BHWs), Barangay Nutrition Scholars (BNS), mga volunteers, at sa lahat ng mga katuwang na naging bahagi ng matagumpay na pagsasagawa ng programang ito.

Patuloy nating isulong ang isang komunidad na malusog, ligtas, at may malasakit sa bawat isa.

Bawat Pilipino, Ramdam ang Kalusugan. 🇵🇭💚

09/07/2026

COTABATO PROVINCE PUROKALUSUGAN | KAYAGA, KABACAN, COTABATO
“Bawat Pilipino, Ramdam ang Kalusugan.”

Isinagawa ngayong araw ang PuroKalusugan sa Barangay Kayaga sa pamamagitan ng pagtutulungan ng Provincial Government of Cotabato, Integrated Provincial Health Office (IPHO), Department of Health (DOH), Rural Health Unit (RHU) ng Kabacan, at Sangguniang Barangay ng Kayaga.

May kabuuang 150 residente ang nabigyan ng libreng serbisyong pangkalusugan kabilang ang medical consultation at libreng gamot, nutrition counseling, prenatal check-up, catch-up immunization, Td vaccination, at family planning services.

Pinangunahan ang medical consultation ni Dr. Mark Angelo M. Panelo (Doctor to the Barrio) katuwang ang Kabacan RHU Personnel, habang ang nutrition counseling ay isinagawa ni Daisy Mae C. Celestial, RND. Naging katuwang din ang mga BHW, BNS, at mga Barangay Midwives na sina Myline P. Cahilig, RM, Ramaysa Pantao, RM, Norma S. Ulidan, RM, at Baidido M. Ampuan, RM.

Taos-pusong nagpapasalamat ang Sangguniang Barangay ng Kayaga, sa pangunguna ni LnB President/Punong Barangay Hon. Abduladzis L. Macalipat, sa lahat ng mga naging katuwang sa matagumpay na pagsasagawa ng programang ito para sa kapakanan ng ating mga kabarangay.

09/07/2026

July 9,2026| Maulan Man, Tuloy ang Serbisyo

Sa kabila ng maulang panahon, tuloy pa rin ang serbisyo para sa ating mga kabarangay.

Habang matiyagang naghihintay ng kanilang pagkakataon para sa PSA PhilSys National ID Registration at Issuance, ang Sangguniang Kayaga ng Kayaga ay naglaan ng libreng mainit na kape upang maibsan ang lamig at maging mas komportable ang kanilang paghihintay.

Maliit man na handog, ito ay tanda ng aming malasakit at pasasalamat sa inyong pagtitiwala at kooperasyon.

Maulan man o maaraw, nananatiling tapat ang Barangay Kayaga sa pagbibigay ng dekalidad at may pusong serbisyo para sa bawat mamamayan. 🇵🇭🤝