07/03/2026
Nasaksihan naton subong nga adlaw ang masadya nga pagselebrar sang ika-14 nga Ibus Festival sang Barangay Camansi , isa ka pagpasidungog sa kultura kag pagpangabudlay sang aton mga pumuluyo—halin sa pagtanum sang humay tubtob sa paghimo sang ibus nga ginahimo sa malagkit nga bugas kag gata sang lubi nga ginabalot sa dahon sang lubi.
Simbolo ini sang kabudlayan,pagbinuligay, paghiusa kag paglaum nga pinaagi sa aton mga tradisyon kag pangabudlay, napalig-on ang tagsa-tagsa.Kag nagapakita man ini sang pagpangabudlay sang aton mga mangunguma sang brgy. nga nagatanum sang humay agud may ikabuhi sa ila pamilya kag may igapa-eskwela sang ila mga kabataan para sa maayo nga palaabuton kag sa sunod nga mga henerasyon.
