What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm

https://www.facebook.com/102638592423449/

Aklan District Jail - MD, Brgy. Nalook, Aklan, Kalibo (2026)

29/08/2026

Dengue ay Iwasan, Kalusugan ay Ingatan!

Bilang bahagi ng patuloy na pagsusulong ng kalinisan, kalusugan, at kaligtasan sa loob ng pasilidad, isinagawa ang Mosquito Misting and Spraying Activity sa Aklan District Jail – Male Dormitory, sa pakikipagtulungan ng Municipal Health Unit ng Kalibo, Aklan.

Pinangunahan ang aktibidad sa ilalim ng pamumuno ni JSINSP WOODY S PALMEJAR, OIC, bilang bahagi ng preventive measures upang makatulong na mapababa ang panganib ng pagdami ng lamok at pagkalat ng dengue at iba pang mosquito-borne diseases sa loob ng pasilidad.

Ang aktibidad na ito ay nagpapakita ng kahalagahan ng inter-agency cooperation at sama-samang pagkilos para sa pagpapanatili ng isang malinis at ligtas na pasilidad para sa ating mga Persons Deprived of Liberty (PDL) at jail personnel.

Maraming salamat sa Municipal Health Unit ng Kalibo sa kanilang suporta at serbisyo tungo sa pangangalaga ng kalusugan ng ating komunidad.

#𝗖𝗵𝗮𝗻𝗴𝗶𝗻𝗴𝗟𝗶𝘃𝗲𝘀𝗕𝘂𝗶𝗹𝗱𝗶𝗻𝗴𝗔𝗦𝗮𝗳𝗲𝗿𝗡𝗮𝘁𝗶𝗼𝗻

BJMPROVI-ADJ-MD-2026-08-16

25/08/2026

PAGKAMAGALANG: RESPETO SA KAPWA, DANGAL SA SERBISYO

Bilang bahagi ng lingguhang Values Restoration Program, binigyang-pansin ngayong linggo ang mahalagang pagpapahalaga na Pagkamagalang. Isinagawa ang sesyon sa pangunguna ni SJO1 Marc D Ascaño, Unit Values Restoration Officer (UVRO), sa ilalim ng pamumuno ni JSINSP WOODY S PALMEJAR, OIC, Aklan District Jail–Male Dormitory.

Sa talakayan, binigyang-diin na ang pagkamagalang ay nagsisimula sa pagkilala sa dignidad at halaga ng bawat tao. Hindi ito nasusukat sa posisyon, ranggo, o katayuan ng isang indibidwal, kundi sa paraan ng pakikipag-usap, pakikinig, at pakikitungo sa kapwa. Ang simpleng pagbibigay-galang, mahinahong pananalita, at pagpapakita ng konsiderasyon ay maaaring magkaroon ng malaking epekto sa pagbuo ng maayos na relasyon.

Sa pagtatapos ng sesyon, hinikayat ang bawat kawani na isabuhay ang Pagkamagalang sa bawat salita, kilos, at desisyon. Sa pagpili ng respeto at kabutihang-asal sa araw-araw, nagiging mas maayos, ligtas, at makatao ang kapaligirang pinaglilingkuran, habang higit na naipapakita ang tunay na diwa ng propesyonal at responsableng serbisyo publiko.

#𝗖𝗵𝗮𝗻𝗴𝗶𝗻𝗴𝗟𝗶𝘃𝗲𝘀𝗕𝘂𝗶𝗹𝗱𝗶𝗻𝗴𝗔𝗦𝗮𝗳𝗲𝗿𝗡𝗮𝘁𝗶𝗼𝗻

BJMPROVI-ADJ-MD-2026-08-15

21/08/2026

𝐏𝐀𝐓𝐔𝐋𝐎𝐘 𝐍𝐀𝐊𝐀-𝐃𝐈𝐒𝐏𝐋𝐀𝐘 𝐀𝐍𝐆 𝐌𝐆𝐀 𝐋𝐈𝐕𝐄𝐋𝐈𝐇𝐎𝐎𝐃 𝐏𝐑𝐎𝐃𝐔𝐊𝐓𝐎𝐍𝐆 𝐋𝐈𝐊𝐇𝐀 𝐍𝐆 𝐌𝐆𝐀 𝐏𝐃𝐋! 🛍️✨

Patuloy pa ring naka-display at available ang mga livelihood products na likha ng ating mga Persons Deprived of Liberty (PDL) sa Aklan Agri-Aqua Demo Farm and Training Center, Brgy. Nalook, Kalibo, Aklan.

Ang bawat produkto ay bunga ng sipag, tiyaga, kasanayan, at pagkamalikhain ng ating mga PDL—patunay na sa tulong ng tamang paggabay, oportunidad, at suporta, mayroon silang kakayahang matuto, lumikha, at magtagumpay.

Sa bawat produktong inyong binibili at sinusuportahan, hindi lamang isang produkto ang inyong tinatangkilik—kundi isang kuwento ng pag-asa, pagbabago, pagsisikap, at bagong simula.

MARAMING SALAMAT PO 🥰

#𝗖𝗵𝗮𝗻𝗴𝗶𝗻𝗴𝗟𝗶𝘃𝗲𝘀𝗕𝘂𝗶𝗹𝗱𝗶𝗻𝗴𝗔𝗦𝗮𝗳𝗲𝗿𝗡𝗮𝘁𝗶𝗼𝗻

BJMPROVI-ADJ-MD-2026-08-13

21/08/2026

⚡ 8KVA GENERATOR SET, IPINAGKALOOB SA AKLAN DISTRICT JAIL – MALE DORMITORY ⚡

KATATAGAN AT TULOY-TULOY NA SERBISYO PARA SA MAS MAASAHANG OPERASYON!

Ang Aklan District Jail – Male Dormitory (ADJ-MD), sa ilalim ng pangangasiwa ni JSINSP WOODY S PALMEJAR, Officer-in-Charge, ay taos-pusong nagpapahayag ng pasasalamat sa Pamahalaang Panlalawigan ng Aklan, sa pamumuno ni Hon. JOSE ENRIQUE M. MIRAFLORES, Provincial Governor ng Aklan, para sa bukas-palad na pagkakaloob ng isang (1) yunit ng 8KVA Generator Set para sa pasilidad.

Malaki ang maitutulong ng kagamitang ito upang mapanatili ang tuloy-tuloy na operasyon ng mahahalagang serbisyo ng piitan, lalo na sa panahon ng pagkawala ng suplay ng kuryente. Makakatulong ito upang matiyak ang patuloy na paggana ng mga kinakailangang kagamitan at pangunahing serbisyo ng pasilidad, na mahalaga sa kaligtasan, seguridad, kapakanan, at kagalingan ng mga Namumuno ng Piitan at Taong Pinagkaitan ng Kalayaan o PDL.

Taos-puso rin ang aming pasasalamat kay JCINSP FRANCIS H JANAGAP, Tagapangasiwa ng Lalawigan, BJMP-Aklan, sa kanyang mahalagang pakikilahok, suporta, at pagsisikap sa paghiling at pagsasakatuparan ng pagkakaloob ng mahalagang kagamitang ito.

Lubos na nagpapasalamat ang Aklan DJ-MD sa patuloy na suporta, pakikipagtulungan, at matibay na ugnayan sa Pamahalaang Panlalawigan ng Aklan sa pagpapalakas ng pamamahala sa mga piitan, pagpapahusay ng mga pasilidad at operasyon, at higit na pagpapaunlad ng paghahatid ng de-kalidad na serbisyong pampubliko.

Maraming Salamat, Pamahalaang Panlalawigan ng Aklan! 🤝💙

BJMPROVI-ADJ-MD-2026-08-12

19/08/2026

PAGPAPATAWAD: BITAWAN ANG HINANAKIT, YAKAPIN ANG KAPAYAPAAN

Bilang tampok na pagpapahalaga sa linggong ito, isinagawa ang Weekly Values Restoration Program na nakasentro sa Pagpapatawad, sa pangunguna ni SJO1 Marc D Ascaño, Unit Values Restoration Officer (UVRO), sa ilalim ng pamumuno ni JSINSP WOODY S PALMEJAR, Officer-in-Charge, Aklan District Jail–Male Dormitory.

Sa talakayan, binigyang-halaga ang pagpapatawad bilang isang pagpapasya na pairalin ang kabutihan at pag-unawa sa halip na galit, hinanakit, o paghihiganti. Ipinapaalala na ang tunay na pagpapatawad ay hindi nangangahulugang pagbabalewala sa pagkakamali, kundi ang pagkakaroon ng lakas ng loob na tanggapin ang nangyari, matuto mula rito, at piliing magpatuloy nang may kapayapaan sa puso.

Binigyang-diin din na ang pagpapatawad ay may mahalagang papel sa pagbuo ng maayos na ugnayan sa loob ng isang organisasyon. Sa pamamagitan ng pagiging mahinahon, mapagpasensya, at maunawain, nagkakaroon ng pagkakataon na maresolba ang mga hindi pagkakaunawaan nang may respeto at dignidad. Ang ganitong pananaw ay mahalaga sa pakikitungo sa PDL, kapwa kawani, at mga miyembro ng komunidad.

Sa huli, hinikayat ang mga kawani na gawing bahagi ng kanilang pang-araw-araw na pamumuhay ang Pagpapatawad, isang pagpapahalagang nagtuturo ng kababaang-loob, malasakit, at pagkakaisa. Sa pagpili ng kapatawaran kaysa paghihiganti, nakatutulong ang bawat isa sa paglikha ng isang mas mapayapa, makatao, at positibong correctional environment na sumusuporta sa pagbabago at rehabilitasyon.

#𝗖𝗵𝗮𝗻𝗴𝗶𝗻𝗴𝗟𝗶𝘃𝗲𝘀𝗕𝘂𝗶𝗹𝗱𝗶𝗻𝗴𝗔𝗦𝗮𝗳𝗲𝗿𝗡𝗮𝘁𝗶𝗼𝗻

BJMPROVI-ADJ-MD-2026-08-11

18/08/2026

INTERVIEW | JSINSP WOODY S PALMEJAR, OIC

Isang panayam kay JSINSP WOODY S PALMEJAR, Officer-in-Charge, hinggil sa paglulunsad ng mga livelihood products na ginawa ng ating mga Persons Deprived of Liberty (PDL).

Sa pamamagitan ng mga programang pangkabuhayan, nabibigyan ang ating mga PDL ng pagkakataong malinang ang kanilang mga kakayahan, magkaroon ng dagdag na pagkakakitaan, at makatulong sa kanilang mga pamilya.

Isang hakbang tungo sa pagbabago, pag-asa, at makabuluhang reintegration sa lipunan. 💙

#𝗖𝗵𝗮𝗻𝗴𝗶𝗻𝗴𝗟𝗶𝘃𝗲𝘀𝗕𝘂𝗶𝗹𝗱𝗶𝗻𝗴𝗔𝗦𝗮𝗳𝗲𝗿𝗡𝗮𝘁𝗶𝗼𝗻

BJMPROVI-ADJ-MD-2026-08-10

18/08/2026

Taos-pusong pasasalamat kay Hon. Jose Enrique Miraflores, Gobernador ng Aklan, sa kanyang patuloy na suporta sa paglulunsad at pagtataguyod ng mga produktong likha ng ating mga PDL.

#𝗖𝗵𝗮𝗻𝗴𝗶𝗻𝗴𝗟𝗶𝘃𝗲𝘀𝗕𝘂𝗶𝗹𝗱𝗶𝗻𝗴𝗔𝗦𝗮𝗳𝗲𝗿𝗡𝗮𝘁𝗶𝗼𝗻

BJMPROVI-ADJ-MD-2026-08-09

18/08/2026

𝐏𝐀𝐆𝐋𝐔𝐍𝐒𝐀𝐃 𝐍𝐆 𝐌𝐆𝐀 𝐏𝐑𝐎𝐃𝐔𝐊𝐓𝐎𝐍𝐆 𝐋𝐈𝐊𝐇𝐀 𝐍𝐆 𝐌𝐆𝐀 𝐏𝐃𝐋 | 𝐀𝐊𝐋𝐀𝐍 𝐃𝐈𝐒𝐓𝐑𝐈𝐂𝐓 𝐉𝐀𝐈𝐋 – 𝐌𝐀𝐋𝐄 𝐃𝐎𝐑𝐌𝐈𝐓𝐎𝐑𝐘

Matagumpay na nakilahok ang Aklan District Jail – Male Dormitory, sa pangunguna ni JSINSP WOODY S PALMEJAR, Officer-in-Charge, sa Paglulunsad ng mga Produktong Likha ng mga Taong Pinagkaitan ng Kalayaan o PDL na ginanap sa Aklan Agri-Aqua Demo Farm and Training Center sa Brgy. Nalook, Kalibo, Aklan.

Layunin ng aktibidad na maipakita ang talento, kasanayan, sipag, at pagkamalikhain ng ating mga PDL, na nagpapatunay na sa pamamagitan ng tamang paggabay, oportunidad, at suporta, maaari silang makalikha ng mga de-kalidad na produkto habang naghahanda para sa kanilang matagumpay na pagbabalik at muling pakikibahagi sa komunidad.

Dinaluhan at pinarangalan ng kanyang presensya ang aktibidad ni Hon. Jose Enrique Miraflores, Gobernador ng Lalawigan ng Aklan, kasama si dating Bise Gobernador Atty. Boy Quimpo. Ang kanilang presensya at suporta ay nagpapakita ng patuloy na pagtutulungan upang maisulong ang mga programang nakatuon sa rehabilitasyon, pagpapaunlad ng kabuhayan, at pagbibigay ng pangalawang pagkakataon sa mga PDL.

Taos-pusong pasasalamat kay Mr. Emmanuel Soviet Russia Dela Cruz, Executive Director ng Aklan Agri-Aqua Demo Farm and Training Center, sa pagbibigay ng mahalagang pagkakataon upang maipakita at maitaguyod ang mga produktong pangkabuhayan na likha ng ating mga PDL.

Ang gawaing ito ay hindi lamang simpleng paglulunsad ng mga produkto—ito ay isang pagdiriwang ng pag-asa, pagbabago, at pangalawang pagkakataon. Bawat produkto ay sumasalamin sa sipag, tiyaga, at determinasyon ng isang PDL na magsikap para sa mas maayos na kinabukasan.

𝐌𝐚𝐲 𝐤𝐚𝐬𝐚𝐧𝐚𝐲𝐚𝐧, 𝐦𝐚𝐲 𝐤𝐚𝐛𝐮𝐡𝐚𝐲𝐚𝐧, 𝐚𝐭 𝐦𝐚𝐲 𝐩𝐚𝐠-𝐚𝐬𝐚. ❤️

#𝗖𝗵𝗮𝗻𝗴𝗶𝗻𝗴𝗟𝗶𝘃𝗲𝘀𝗕𝘂𝗶𝗹𝗱𝗶𝗻𝗴𝗔𝗦𝗮𝗳𝗲𝗿𝗡𝗮𝘁𝗶𝗼𝗻

BJMPROVI-ADJ-MD-2026-08-08

Aklan District Jail - MD

29/08/2026

25/08/2026

21/08/2026

21/08/2026

19/08/2026

18/08/2026

18/08/2026

18/08/2026

Address

Opening Hours

Website

Alerts

Shortcuts

Share

Category

Listing takedown request

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm