21/08/2022
JUST IN:
Gipahibalo sa Ormoc City Social Welfare and Development (CSWD) nga dili na kinahanglan nga mo adto sa Palo, Leyte ang mga studyante nga taga Ormoc aron mo-avail sa Educational Assistance.
Matod ni CSWD officer-in-charge, Maribel Gucela, nakadawat sila karon og impormasyon nga naa ra'y schedule sa payout sa Ormoc City.
"As per information from DSWD region, no need na mo adto sa Palo for the educational assistance kay naa ta schedule sa Ormoc. Naay schedule for coordination meeting, mo ari ra sa Ormoc ang taga DSWD, mo-message ra sila when mo ari. Please disseminate para di sila mahinayak adto sa Palo" matod ni Gucela
Base sa guidelines, ang mga makadawat mao kadtong mga studyante sa elementary, high school, senior high school ug college.
Ang mga studyante nga maka-avail dapat;
✅ Wala nay ginikanan
✅ Anak og OFW
✅ Walay trabaho ang ginikanan
✅ Anak sa PWD
✅ Anak of solo parent
✅ Biktima sa krisis sa giyera
✅ Biktima sa kalamidad
✅ Biktima sa pag-abuso
✅ Anak og HIV patient
Ang studyante sa elementary makadawat og 1,000; ang high school 2,000; ang senior high school 3,000 ug ang college 4,000.
Para sa gusto mag-avail, andama ang inyon enrollment certificate ug school ID. Ang ginikanan nga mo uban sa bata dapat dunay 2 ka photocopy sa ilang valid ID.
Ang satellite office sa DSWD sa Ormoc mo-cover lang sa mga lungsod sa kwatro distrito sa Leyte (Albuera, Kananga, Matag-ob, Palompon, Isabel ug Merida).
Matod ni Gucela, ang studyante ning mga lungsora pwede mo-apply diri sa Ormoc satellite office. l via JKDP
