LTO Cavite District Office

07/10/2026

📢 PABATID MULA SA LTO CAVITE DISTRICT OFFICE! 📢

Maligayang pagdiriwang ng Elderly Filipino Week sa ating mga minamahal na Lolo at Lola! 👵👴

Ngayong taon, buong-pusong nakikiisa ang LTO Cavite District Office sa pagdiriwang ng Elderly Filipino Week ngayong October 1-7, 2026 na may temang: "Nakatatandang Pilipino: May Halaga at Karapatan, May Boses at Ambag sa Bayan."

Bilang pasasalamat at pagbibigay-pugay sa inyong hindi matatawarang ambag sa ating lipunan, mayroon po kaming munting handog para sa lahat ng Senior Citizens na may transaksyon sa ating opisina ngayong linggo! ☕🍩

Para sa mas maginhawang pagbisita, hatid namin ang:

* ✅ Priority Lane: Mas mabilis at walang-hassle na proseso ng inyong mga rehistro.

* ✅ Libreng Kape at Meryenda: Mag-relax at i-enjoy ang aming inihandang pa-kape at snacks habang kayo po ay naghihintay sa ating waiting area.

Kayo po ay aming pinapahalagahan at palaging uunahin. Patuloy naming sisikapin na magbigay ng serbisyong may malasakit para sa ating mga nakatatanda.

Maraming salamat po at ingat palagi sa byahe! 🚗💙

28/09/2026

Alinsunod sa Memorandum Circular No. 136 at Proclamation No. 6 (s. 1992), ginugunita ang Family Week o Kainang Pamilya Mahalaga Day tuwing huling linggo ng Setyembre, bilang pagkilala sa kahalagahan ng pamilya at sa paglalaan ng panahon upang makapagsama-sama, makapagkuwentuhan, at mapatibay ang samahan ng bawat pamilyang Pilipino.

Kaugnay nito, hinihikayat ang lahat na samantalahin ang pagkakataong ito upang makasalo ang pamilya sa hapag-kainan at makapaglaan ng mahalagang oras para sa isa’t isa, sapagkat ang simpleng pagsasama-sama ay mahalagang bahagi ng pagpapatatag ng ugnayan ng pamilya.

Bilang pakikiisa sa pagdiriwang, ipinababatid ng Land Transportation Office (LTO) na simula alas-1:00 ng tanghali ngayong araw, Setyembre 28, 2026 (Lunes), suspendido ang operasyon ng lahat ng tanggapan ng LTO sa buong bansa.

Magpapatuloy naman ang regular na operasyon ng lahat ng tanggapan ng LTO bukas, Setyembre 29, 2026 (Martes).

Hinihiling ng LTO ang inyong pang-unawa at hinihikayat ang lahat na gamitin ang pagkakataong ito upang makasama ang pamilya, makapaglaan ng panahon para sa isa’t isa, at higit na mapahalagahan ang mga mahal sa buhay.

21/09/2026

15/09/2026

𝐀𝐁𝐈𝐒𝐎 𝐒𝐀 𝐏𝐔𝐁𝐋𝐈𝐊𝐎

Nais ipabatid ng Land Transportation Office (LTO) na muli nang magagamit ang Land Transportation Management System (LTMS) at maaari nang ipagpatuloy ang mga transaksyon dito ngayong araw, Setyembre 15, 2026.

Patuloy na isinasagawa ng technical team ng ahensya ang pagmo-monitor sa sistema upang matiyak ang maayos at tuloy-tuloy na paghahatid ng serbisyo.

Maraming salamat sa inyong pang-unawa.

14/09/2026

𝐀𝐁𝐈𝐒𝐎 𝐒𝐀 𝐏𝐔𝐁𝐋𝐈𝐊𝐎

Ipinapaalam ng Land Transportation Office (LTO) na pansamantalang magiging offline ang system ng ahensya at maaaring magkaroon ng pansamantalang pagkaantala ng pagproseso ng mga transaksyon ngayong araw, Setyembre 14, 2026, bilang bahagi ng isinasagawang transition mula sa Stradcom LTO-IT System patungo sa Land Transportation Management System (LTMS).

Humihingi ang LTO ng pang-unawa ng publiko sa anumang abalang maaaring idulot ng pansamantalang pagkaantala. Magbibigay ang ahensya ng karagdagang abiso sa sandaling maging maayos na ang sistema at maaari nang ipagpatuloy ang mga transaksyon.

Maraming salamat sa inyong pang-unawa at pakikiisa.

10/09/2026

𝐀𝐁𝐈𝐒𝐎 𝐒𝐀 𝐏𝐔𝐁𝐋𝐈𝐊𝐎

Mananatiling bukas ang mga tanggapan ng Land Transportation Office (LTO) ngayong araw, Setyembre 10, 2026, upang patuloy na maihatid ang kinakailangang serbisyo sa publiko.

Alinsunod sa Memorandum Circular No. 135, ang mga tanggapan ng LTO ay magpapatuloy sa kanilang regular na operasyon.

Para sa mga may kinakailangang transaksyon, maaari pa ring magtungo sa pinakamalapit na tanggapan ng LTO. Gayunman, hinihikayat ang publiko na unahin ang kanilang kaligtasan, lalo na sa mga lugar na nakararanas ng malakas na pag-ulan o pagbaha.

Pinapayuhan ang mga kliyente na manatiling updated sa mga opisyal na anunsyo ng LTO para sa anumang pagbabago sa operasyon.

09/09/2026

Sumunod sa batas, manatiling listas para hindi tomolo ang iyong loha!

09/09/2026

08/09/2026

bahala na kayo sa caption huhuhu

07/09/2026