Provincial Government of Cotabato

Provincial Government of Cotabato Official page of the Provincial Government of (North) Cotabato
(7)

Mission: Provider of excellent and responsive services through dynamic teamwork, transparent governance, and increasing adaptive capacity of the communities. Vision: Cotabato Province is a center of development opportunities with resilient, gender-sensitive, economically productive and globally competitive people in a peaceful and sound environment.

05/06/2026

Salida Short Film Festival 2026 🎞📽

Plete | 6th Official Trailer

A father’s love knows no bounds, even when a tragic loss leaves an abyss between him and his son. Plying the rugged streets of Libungan on his tricycle and taking every grueling odd job at the market, a grieving father fights to rebuild the bridge that once connected them. Can a parent’s unconditional devotion heal the deep wounds of the past?

​Discover a powerful, heartbreaking story of forgiveness, identity, and redemption.



||Maayos na naitaguyod ng pamahalaang panlalawigan ang Inter-City/Municipality Volleyball and Basketball Tournament sa p...
05/06/2026

||Maayos na naitaguyod ng pamahalaang panlalawigan ang Inter-City/Municipality Volleyball and Basketball Tournament sa probinsya na sinimulan nitong buwan ng Mayo, na aktibong nilahukan ng mga kabataang naging bahagi ng Sports Clinic Program-Bola Kontra Droga ng kapitolyo.

Sa huling paghaharap ng mga koponan mula sa iba't ibang bayan ngayong araw, Hunyo 5, 2026, nanaig ang grupong nagpamalas ng kahusayan, disiplina, determinasyon at pagkakaisa upang makamit ang inaasam na kampeonato.

Sa larangan ng volleyball, itinanghal na champion sa kategoryang 17-Under (women) ang bayan ng Magpet; 12-Under (women) - Kidapawan City; 17-Under (men) - Carmen; at 12-Under (men) - Kidapawan City. Samantala, sa larong basketball, nakamit ng bayan ng Magpet ang kampeonato sa kategoryang 14-Under (men); nanguna rin ang bayan ng M'lang para sa 16-Under (men); Antipas sa 18-Under (men); at Kidapawan City sa 17-Under (women).

Ikinagalak naman ni Gov. Emmylou "Lala" J. Taliño-Mendoza at Vice Governor Rochella Marie "Ella" Taliño Taray ang pakikiisa ng kabataan sa programang nakatutok sa kanilang kapakanan, sabay na pinasalamatan ang suporta ng mga ahensyang nagsusulong ng mga inisyatibong para sa kinabukasan. Nasa isinagawang aktibidad din sina Board Member Reyman L. Saldivar, Provincial Advisory Council for Sports Kerwyn Pacifico at mga kawani ng PGO-Public Affairs Assistance, Tourism and Sports Development na siyang nanguna sa pangangasiwa ng patimpalak.//idcd-pgo-mombay/PhotobyWMSamillano_PAATSDD//

||Patuloy na bukas ang tanggapan ni Governor Emmylou “Lala” J. Taliño-Mendoza sa pakikipag-ugnayan at pakikipagtulungan ...
05/06/2026

||Patuloy na bukas ang tanggapan ni Governor Emmylou “Lala” J. Taliño-Mendoza sa pakikipag-ugnayan at pakikipagtulungan sa iba’t ibang sektor bilang bahagi ng pagsusulong ng kaunlaran at mabuting pamamahala sa lalawigan ng Cotabato.

Kabilang sa mga bumisita ang mga opisyal ng Cotabato Federation of Peace Advocates Organization, Inc. mula sa mga bayan ng Makilala, Tulunan, Magpet, at Arakan na sumailalim sa oathtaking na pinangunahan ni Gov. Taliño-Mendoza. Tiwala ang butihing gobernadora na magiging katuwang nito ang nasabing grupo sa pagpapanatili ng katiwasayan sa lalawigan.

Naging panauhin din ni Gov. Taliño-Mendoza sina Sethrev A. Quiñones, residente ng Barangay Bulucaon, Pigcawayan na nagbahagi ng kanyang planong pagpasok sa medical school, na siya namang ikinatuwa ng ina ng lalawigan. Bumisita rin ang ilang mga opisyales at indibidwal, kabilang si Mayor Cristobal Cadungon, Khim Leal, Libungan Indigenous Peoples Mandatory Representative (IPMR) Rodrigo S. Rangaban at Liga ng mga Barangay President (LnB) Lucsim A. Ando, at mga department heads.//idcd-pgo-frigillana/photoby:WSamillano//

Patuloy ang pamahalaang panlalawigan ng Cotabato sa ilalim ng liderato ni Gov. Emmylou "Lala" J. Taliño-Mendoza sa pagsa...
05/06/2026

Patuloy ang pamahalaang panlalawigan ng Cotabato sa ilalim ng liderato ni Gov. Emmylou "Lala" J. Taliño-Mendoza sa pagsasagawa ng mga programa at interbensyon bilang suporta sa sektor ng agrikultura sa lalawigan. Sa isinagawang "Distribution of Agricultural Farm Inputs" ng Office of the Provincial Agriculturist (OPAg) nitong Hunyo 4, 2026 sa OPAg Motor Shed, Capitol Compound, Amas, Kidapawan City na dinaluhan ng ilang mga representante ng nasabing sektor, ipinagkaloob sa mga magsasakang Cotabateño ang iba't ibang farm inputs na makakatulong sa kanilang pagsasaka.

Kabilang dito ang 2,000 bags of corn seeds, 3,000 bags of complete fertilizers, 500 liters of foliar fertilizers, at 4,000 packs ng vegetable seeds (7 kinds) na nagkakahalaga ng kabuoang P17.45M mula sa Food Production Program, Provincial Crop Protection Project, at High Value Crops Development Program ng OPAg para sa 9,000 farmers ng lalawigan. Inaasahan na magiging daan ang nasabing interbensyon upang mapataas ang produksyon ng mga pananim, mabawasan ang gastusin sa pagsasaka, mapalakas ang seguridad sa pagkain, mapataas ang kita ng mga magsasaka, at matulungan silang makabangon mula sa epekto ng mga peste, sakit, at iba pang hamong kinakaharap.

Dumalo sa aktibidad si 3rd District Board Member Joemar Cerebo bilang kinatawan ni Gov. Taliño-Mendoza, kasama si Provincial Agriculturist Elena Ragonton at iba pang mga opisyal at kawani ng OPAg na nagbigay ng suporta sa matagumpay na pamamahagi ng mga agricultural farm inputs sa mga magsasaka ng lalawigan.//IDCD-PGO-bellosillo/Photoby: OPAg//

𝗜𝗸𝗮𝗹𝗮𝘄𝗮𝗻𝗴 𝗾𝘂𝗮𝗿𝘁𝗲𝗿 𝗻𝗮 𝗦𝗼𝗰𝗶𝗮𝗹 𝗣𝗲𝗻𝘀𝗶𝗼𝗻 𝗻𝗴 𝗗𝗦𝗪𝗗, 𝗶𝗽𝗶𝗻𝗮𝗺𝗮𝗵𝗮𝗴𝗶 𝘀𝗮 𝟯,𝟳𝟱𝟱 𝗯𝗲𝗻𝗲𝗽𝗶𝘀𝘆𝗮𝗿𝘆𝗼 𝘀𝗮 𝗠𝗮𝗴𝗽𝗲𝘁Patuloy na nararamdaman ng mga n...
05/06/2026

𝗜𝗸𝗮𝗹𝗮𝘄𝗮𝗻𝗴 𝗾𝘂𝗮𝗿𝘁𝗲𝗿 𝗻𝗮 𝗦𝗼𝗰𝗶𝗮𝗹 𝗣𝗲𝗻𝘀𝗶𝗼𝗻 𝗻𝗴 𝗗𝗦𝗪𝗗, 𝗶𝗽𝗶𝗻𝗮𝗺𝗮𝗵𝗮𝗴𝗶 𝘀𝗮 𝟯,𝟳𝟱𝟱 𝗯𝗲𝗻𝗲𝗽𝗶𝘀𝘆𝗮𝗿𝘆𝗼 𝘀𝗮 𝗠𝗮𝗴𝗽𝗲𝘁

Patuloy na nararamdaman ng mga nakatatandang Cotabateño ang malasakit ng pamahalaang nasyonal sa ilalim ng liderato ni Pangulong Ferdinand R. Marcos, Jr. sa pamamagitan ng Social Pension Program na ipinatutupad ng Department of Social Welfare and Development (DSWD) sa pangunguna ni Secretary Rex Gatchalian. Layunin ng programang ito na makakatulong sa pagtugon sa pangangailangan ng mga kwalipikadong senior citizen at maibsan ang kanilang gastusin sa pang-araw-araw.

Sa tulong ng DSWD Field Office XII sa pamumuno ni Regional Director Loreto V. Cabaya, Jr., matagumpay na naisagawa ang 2nd Quarter Social Pension Pay-out nitong Hunyo 3-4, 2026 sa bayan ng Magpet, kung saan abot sa 3,755 lolo at lolang Magpeteños ang tumanggap ng tig-P3,000 mula sa pamahalaan na may kabuoang halaga na P11.265M. Katuwang sa implementasyon ng programa ang pamahalaang panlalawigan ng Cotabato sa pangunguna ni Governor Emmylou "Lala" J. Taliño-Mendoza sa pamamagitan ng Provincial Social Welfare and Development Office (PSWDO) at Provincial Treasurer's Office (PTO) upang matiyak na naihahatid ang kinakailangang suporta sa mga nakatatandang Cotabateño.//idcd-pgo-bellosillo/Photoby: PSWDO//

||Nagtipon-tipon ang mga kinatawan mula sa National Line Agencies (NLAs) sa rehiyon at iba pang katuwang na institusyon ...
05/06/2026

||Nagtipon-tipon ang mga kinatawan mula sa National Line Agencies (NLAs) sa rehiyon at iba pang katuwang na institusyon sa SOCCSKSARGEN para sa CY 2026 Second Quarter Regular Meeting ng Regional Statistics Committee XII nitong Hunyo 3, 2026 sa Greenstate Suites Convention Hall sa Koronadal City.

Layunin ng pagpupulong na talakayin ang mahahalagang usapin at updates kabilang ang Shrimp Industry Stakeholders Meeting, Community-Based Monitoring System (CBMS), Environmental Statistics, Core Regional Indicator System (CORE-IS), 2026 Survey and Census Reporting for the Statistical Survey Review and Clearance System (SSRCS) Database, at iba pa. Pinag-usapan din ang gagawing preparasyon para sa 37th National Statistics Month na nakatakdang idaos sa darating na Oktrubre.

Tiwala naman si Governor Emmylou “Lala” J. Taliño-Mendoza, na nagpadala ng kinatawan mula sa Office of the Provincial Planning and Development Coordinator (OPPDC), na sa pamamagitan nito ay mas mapagtitibay pa ang pagtutulungan ng mga ahensya sa pagsusulong ng isang mahusay at responsableng statistical system. Nagsisilbi rin itong mahalagang plataporma upang matiyak na ang mga programa, proyekto, at polisiya ng pamahalaan ay nakabatay sa tama at mapanuring paggamit ng datos para sa kapakanan ng mamamayan ng SOCCSKSARGEN o Region XII.//idcd-pgo-gonzales/photoby:oppdc//

Isang mahalagang hakbang para sa pagpapalakas ng lokal na industriya ng tela at hibla sa Mindanao at sa buong bansa ang ...
05/06/2026

Isang mahalagang hakbang para sa pagpapalakas ng lokal na industriya ng tela at hibla sa Mindanao at sa buong bansa ang naitala sa kasaysayan ng probinsya ng Cotabato matapos pormal na ilunsad ngayong Biyernes, Hunyo 5, 2026 ang Department of Science and Technology (DOST) Regional Yarn Production and Innovation Center (RYPIC) Cotabato sa University of Southern Mindanao (USM) sa bayan ng Kabacan. Ito ay bahagi ng pagsusulong ng administrasyon ni Pangulong Ferdinand R. Marcos Jr. katuwang si DOST Secretary Dr. Renato U. Solidum, Jr. na gamitin ang agham, teknolohiya, at inobasyon bilang pangunahing kasangkapan sa pagpapaunlad ng ekonomiya at pagpapalawak ng oportunidad sa mga rehiyon.

Ang RYPIC Cotabato ay isang micro-scale yarn spinning facility na may kakayahang magproseso ng mga lokal na agricultural fibers at gawing de-kalidad at handa nang gamitin na sinulid para sa paghahabi - itinuturing na “first in Mindanao” at 4th sa buong bansa, kasama ng RYPIC Iloilo, Isabela, at Ilocos Norte. Sa nasabing aktibidad, personal na nagpaabot ng pagbati si Dr. Julius L. Leaño Jr., Director IV ng DOST-Philippine Textile Research Institute (PTRI) sa SOCCSKSARGEN, Cotabato Province, bayan ng Kabacan at sa USM sa tagumpay na ito na inaasahang magpapaunlad ng lokal na industriya ng tela, makakalikha ng trabaho, at magpapataas ng kita ng mga magsasaka at manghahabi.

Labis naman ang pasasalamat ni Governor Emmylou “Lala” Taliño-Mendoza sa naturang proyekto na aniya ay isang “significant step towards building a stronger textile industry in our region” at magbubukas ng mas maraming mga oportunidad sa mga magsasaka, weaving communities, entrepreneurs, at local industries at magbibigay ng mas malawak na pagkakataon sa Mindanao na umangat mula sa pagiging supplier of raw materials tungo sa pagiging “producer of high-value goods.”

Nakibahagi rin sa naturang launching si Undersecretary for Regional Operations Engr. Sancho A. Mabborang at iba pang mga opisyal ng DOST, kasama sina 1st District Representative Dr. Edwin L. Cruzado, Kabacan Mayor Evangeline Pascua-Guzman, University President Dr. Jonald L. Pimentel, Sultan Kudarat State University President Dr. Samson L. Molao, at iba pang lokal na opisyales at panauhin.//idcd-pgo-gonzales/photoby:WSamillano//

Isang malaking ginhawa at tulong para sa mga mag‑aaral at g**o ng Noa Elementary School sa bayan ng Magpet ang 100 bagon...
05/06/2026

Isang malaking ginhawa at tulong para sa mga mag‑aaral at g**o ng Noa Elementary School sa bayan ng Magpet ang 100 bagong wooden armchairs na ipinagkaloob nitong Hunyo 3, 2026 na nagmula sa pamahalaang panlalawigan ng Cotabato katuwang ang Department of Education (DepEd) Cotabato Division.

Matatandaang naglaan ng abot sa P8M ang kapitolyo sa pangunguna ni Governor Emmylou “Lala” J. Taliño‑Mendoza sa ilalim ng Special Education Fund (SEF) upang mapabuti ang mga pasilidad sa iba’t ibang paaralan sa buong lalawigan. Sa nalalapit na pagbubukas ng klase sa taong panuruan 2026-2027, inaasahang malaking tulong ang mga nabanggit na upuan para sa pagkatuto ng mga mag-aaral ng nabanggit na paaralan.

Naging kinatawan naman ni Governor Taliño-Mendoza sa naturang turnover sina Provincial Advisory Council (PAC) members for Education Tessie Victoriano at Alma Tuyan kasama si former Magpet Vice Mayor Toto Villasor.//PGO-Sopresencia Photoby: TVictoriano//

||Matagumpay na idinaos ngayong Biyernes, Hunyo 5, 2026 ang facility blessing ng Regional Yarn Production and Innovation...
05/06/2026

||Matagumpay na idinaos ngayong Biyernes, Hunyo 5, 2026 ang facility blessing ng Regional Yarn Production and Innovation Center (RYPIC) sa bayan ng Kabacan, sa lalawigan ng Cotabato. Magiging daan ang naturang proyekto sa ilalim ng liderato ni Pangulong Ferdinand R. Marcos, Jr., katuwang si Department of Science and Technology (DOST) Secretary, Dr. Renato U. Solidum, Jr. upang mapaunlad ang industriya ng tela sa bansa.

Naging katuwang sa pagsasakatuparan ng nasabing proyekto sa rehiyon dose ang tanggapan ni Field Office -12 Regional Director Engr. Sammy P. Malawan, at ang DOST-Philippine Textile Research Institute (PTRI) na patuloy na nagtataguyod ng inobasyon gamit ang makabagong teknolohiya sa pagproseso ng mga likas na hibla tulad ng abaka, saging, pinya, bulak, at kawayan.

Lubos na ikinagalak at pinasasalamatan naman ni Regional Development Council (RDC) 12 Chairperson at Cotabato Governor Emmylou “Lala” J. Taliño-Mendoza ang proyektong ipinagkaloob ng DOST sa SOCCSKSARGEN na inaasahang makakapaglikha ng maraming oportunidad sa kabuhayan, negosyo at magtatanghal ng produkto na gawang Pilipino.

Bahagi ng naturang aktibidad ay ang unveiling ng RYPIC Marker na sumisimbolo ng opisyal na pagbubukas nito, at ang facility tour na nagbibigay ng pagkakataon sa mga panauhin na personal na makita ang mga kagamitan at maunawaan ang teknolohiya at serbisyong ibibigay ng RYPIC. Sinaksihan nina DOST Undersecretary for Regional Operations Engr. Sancho A. Mabborang, DOST PTRI Director IV Dr. Julius L. Leaño, Jr., USM President Dr. Jonald L. Pimentel, Sultan Kudarat State University President Dr. Samson L. Molao, Kabacan Mayor Evangeline Pascua-Guzman, at iba pang panauhin, ang naturang kaganapan.//idcd-pgo-frigillana/photoby:WSamillano

||Ligtas nang nakauwi kahapon sa Barangay Dualing, Aleosan, Cotabato ang batang atletang si Jovanie Peligrino matapos ma...
05/06/2026

||Ligtas nang nakauwi kahapon sa Barangay Dualing, Aleosan, Cotabato ang batang atletang si Jovanie Peligrino matapos maaksidente sa ginanap na baseball medal match ng Palarong Pambansa noong Abril 30, 2026 sa Agusan del Sur.

Ayon sa Department of Education (DepEd) Cotabato Division, si Peligrino, isang pitcher ng baseball team ng Region XII mula sa Dualing Elementary School (DES), ay nagtamo ng malubhang pinsala sa ulo matapos tamaan ng bola habang nasa laro. Dahil sa lakas ng impact, isinailalim siya sa operasyon sa Davao Regional Medical Center sa Tagum City upang mabigyan ng agarang lunas sa kanyang tinamong injury.

Matapos ang matagumpay na operasyon, nakabalik na si Peligrino sa kanilang tahanan kahapon, Hunyo 4, 2026 sa Barangay Dualing, Aleosan kung saan siya ay mainit na sinalubong ng kanyang pamilya at mga kababayan.

Nagpasalamat naman sina Mr. and Mrs. Joel Peligrino sa agarang pagtugon ng mga organizer ng palaro, gayundin sa tulong pinansyal at moral na ipinagkaloob ng DepEd Cotabato Division, DepEd Region XII, at ng pamahalaang panlalawigan ng Cotabato sa panahon ng pangangailangan.

Samantala, hangad naman ni Governor Emmylou "Lala" J. Taliño-Mendoza ang patuloy na paggaling ng batang atleta. Ayon sa gobernadora, bagama't hindi maiiwasan ang mga aksidenteng maaaring mangyari sa larangan ng palakasan, mahalagang matiyak na ang bawat atletang nasaktan o nagtamo ng injury ay agad na mabigyan ng kinakailangang suporta, pangangalaga, at tulong upang makabangon at makabalik sa kanilang normal na pamumuhay.//idcd-pgo-sotto/photobyDepEd&PDRRM

Address

Amas
Kidapawan
9400

Opening Hours

Monday 8am - 5pm
Tuesday 8am - 5pm
Wednesday 8am - 5pm
Thursday 8am - 5pm
Friday 8am - 5pm

Telephone

+63645218080

Website

Alerts

Be the first to know and let us send you an email when Provincial Government of Cotabato posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Provincial Government of Cotabato:

Shortcuts

Share

Category