Provincial Government of Cotabato

Provincial Government of Cotabato Official page of the Provincial Government of (North) Cotabato
(8)

Mission: Provider of excellent and responsive services through dynamic teamwork, transparent governance, and increasing adaptive capacity of the communities. Vision: Cotabato Province is a center of development opportunities with resilient, gender-sensitive, economically productive and globally competitive people in a peaceful and sound environment.

|| Kabuuang 1,670 na pamilya mula sa tatlong barangay sa lungsod ng Kidapawan ang nabigyan ng tig‑sampung (10) kilo ng b...
07/08/2026

|| Kabuuang 1,670 na pamilya mula sa tatlong barangay sa lungsod ng Kidapawan ang nabigyan ng tig‑sampung (10) kilo ng bigas bilang bahagi ng programa ng pamahalaang nasyonal at pagsisikap ni Pangulong Ferdinand R. Marcos Jr. na magbigay ng kaginhawaan sa mga mamamayan sa gitna ng kasalukuyang krisis na nararanasan sa bansa.

Sa pagsisikap ni Governor Emmylou "Lala" J. Taliño‑Mendoza na nagsilbing katuwang sa matagumpay na pagpapatupad ng programa, binisita ng mga kawani ng kapitolyo ang mga barangay ng Sto. Niño, San Roque, at San Isidro upang direktang ihatid ang nabanggit na tulong.

Abot sa P551,100.00 ang halaga ng naipamahaging bigas na bahagi ng kabuuang P169M pondo na natanggap ng lalawigan sa ilalim ng Local Government Support Fund o (LGSF). Ang mabilis at maayos na pamamahaging ito ay patunay na may gobyernong handang umalalay at tumulong sa panahon ng pangangailangan.//PGO-Sopresencia Photoby:PSWDO//

|| Bumisita ngayong hapon ng Biyernes, Agosto 7, 2026 kay Governor Emmylou "Lala" J. Taliño-Mendoza sa kanyang tanggapan...
07/08/2026

|| Bumisita ngayong hapon ng Biyernes, Agosto 7, 2026 kay Governor Emmylou "Lala" J. Taliño-Mendoza sa kanyang tanggapan, si LtCol. Wellard S. Maquida na siyang bagong Commanding Officer ng 34th Infantry Battalion, 1st Infantry Division ng Philippine Army .

Sa kanyang pagbisita, siniguro ng bagong-upong opisyal ang patuloy at mahigpit na pakikipagtulungan nito sa pamahalaang panlalawigan ng Cotabato upang maayos na maipatupad ang mga programang makakatulong sa pagpapanatili sa katiwasayan at kapayapaan sa probinsya

Samantala, pinasalamatan naman ni Governor Taliño-Mendoza si outgoing Commanding Officer LTC Edgardo B Batinay Jr. sa tapat at maayos na paglilingkod nito sa pagtataguyod ng kaunlaran sa lalawigan.//PGO-Sopresencia Photoby:WMSamillano//

||Pinangunahan ngayong araw ni Cotabato Governor Emmylou “Lala” Taliño-Mendoza, kasama si Board Member Joemar Cerebo, an...
07/08/2026

||Pinangunahan ngayong araw ni Cotabato Governor Emmylou “Lala” Taliño-Mendoza, kasama si Board Member Joemar Cerebo, ang budget consultation para sa CY 2027 Annual Budget for the General Fund na ginanap sa Governor’s Cottage, Amas, Kidapawan City.

Isinalang sa naturang konsultasyon ngayong Biyernes, Agosto 7, 2026 ang mga opisina ng Provincial Planning and Development Office, Provincial Accounting Office, Provincial Treasurer’s Office, Provincial Budget Office, Provincial Human Resource Management Office, Provincial Assessors Office, Provincial Legal Office, Provincial Accounting Office, Philippine National Police, Provincial General Services Office, Provincial Cooperative and Development Office, at Provincial Public Employment Service Office.

Ang budget consultation ay isang proseso kung saan mabusising tinitingnan at pinaplano ng isang lokal na pamahalaan ang mga programa at proyekto na ipapatupad sa susunod na taon na nakabatay sa pangangailangan ng mamamayan. Paraan din ito upang maayos na mailatag ang annual budget sa pamamagitan dayalogo sa pagitan ng executive at legislative branch at department heads ng mga opisina na siyang katuwang sa implementasyon ng Programs Projects and Activities (PPAs) ng LGUs.//idcd-pgo-sotto/photobyJGuya&WMSamillano//

Ang bayan ng President Roxas sa lalawigan ng Cotabato na bibubuo ng 25 na barangay ay nakatanggap ng National Tax Allotm...
07/08/2026

Ang bayan ng President Roxas sa lalawigan ng Cotabato na bibubuo ng 25 na barangay ay nakatanggap ng National Tax Allotment para sa taong 2026 na nagkakahalaga ng P473,976,409. Ito ay may land area na 618.25 sq.km. at populasyong 51,245.

Sa layuning higit pang mapalakas ang industriya ng goma sa lalawigan at matulungan ang mga rubber farmers, inilunsad ng ...
07/08/2026

Sa layuning higit pang mapalakas ang industriya ng goma sa lalawigan at matulungan ang mga rubber farmers, inilunsad ng pamunuan ni Governor Emmylou "Lala" J. Taliño-Mendoza ang Cotabato Rubber Trading and Auction Center (CRTAC) o Rubber Bagsakan sa taong 2017.

Mula nang maipatupad ang Implementing Rules and Regulations (IRR) sa operasyon nito, nagkaroon na rin ng mga pagbabago sa industriya ng goma at sa mga polisiya ng pamahalaan na kailangang maisaalang-alang. Kaya nagsagawa ng consultation dialogue ang mga opisyal ng CRTAC, kasama ang mga accredited bidders at iba pang stakeholder, nitong Agosto 6, 2026 sa Agri-Center Building, Amas, Kidapawan City upang suriin at amyendahan ang nabanggit na IRR.

Bilang kinatawan ni Gov. Taliño-Mendoza, binigyang-diin ni Board Member Rosalie H. Cabaya na mahalagang matugunan ang mga napapanahong isyu sa industriya ng goma at matiyak na nananatiling angkop at epektibo ang mga umiiral na patakaran o polisiya sa operasyon ng CRTAC. Ang aktibidad ay pinangasiwaan ng Office of the Provincial Agriculturist sa pangunguna Engr. Elena E. Ragonton.// idcd-pgo-abellana/ photo by OPAg.

“𝗬𝗼𝘂𝗿 𝗽𝗿𝗼𝘃𝗶𝗻𝗰𝗶𝗮𝗹 𝗴𝗼𝘃𝗲𝗿𝗻𝗺𝗲𝗻𝘁 𝗶𝘀 𝗼𝗻𝗲 𝘄𝗶𝘁𝗵 𝘆𝗼𝘂.”- Gov. Taliño- MendozaNakiisa si Governor Emmylou “Lala” J. Taliño-Mendoza ...
07/08/2026

“𝗬𝗼𝘂𝗿 𝗽𝗿𝗼𝘃𝗶𝗻𝗰𝗶𝗮𝗹 𝗴𝗼𝘃𝗲𝗿𝗻𝗺𝗲𝗻𝘁 𝗶𝘀 𝗼𝗻𝗲 𝘄𝗶𝘁𝗵 𝘆𝗼𝘂.”- Gov. Taliño- Mendoza

Nakiisa si Governor Emmylou “Lala” J. Taliño-Mendoza sa mga Libunganon na pinamumunuan nina Mayor Angel Rose L. Cuan at Vice Mayor Jims S. Fullecido, kasama ang iba pang local government unit officials sa kanilang masayang pagdiriwang ng ika-65 Foundation Anniversary o ika-11 KaTamboLit Festival, ngayong Biyernes, Agosto 7, 2026, gabay ng temang: Sama-sama sa Hamon at Tagumpay: 65 Years of Libungan Pride.”

Sa gitna ng iba’t ibang hamong kinakaharap ng bawat isa sa komunidad, ipinahiwatig ni Gov. Taliño-Mendoza na, “𝗬𝗼𝘂𝗿 𝗽𝗿𝗼𝘃𝗶𝗻𝗰𝗶𝗮𝗹 𝗴𝗼𝘃𝗲𝗿𝗻𝗺𝗲𝗻𝘁 𝗶𝘀 𝗼𝗻𝗲 𝘄𝗶𝘁𝗵 𝘆𝗼𝘂.” Isang positibong mensahe na nagbibigay pag-asa at kumpyansa sa mga Cotabateño, na may pamahalaang masasandalan sa oras ng pangangailangan. Naging daan din ang naturang okasyon na maipanawagan ng ina ng lalawigan sa mga magulang na, “𝗣𝗮𝗿𝗲𝗻𝘁𝘀, 𝗰𝗼𝗻𝘀𝘁𝗮𝗻𝘁𝗹𝘆 𝗺𝗼𝗻𝗶𝘁𝗼𝗿 𝗼𝘂𝗿 𝗰𝗵𝗶𝗹𝗱𝗿𝗲𝗻,” kasunod ng mga napapabalitang karahasan na nasasangkot ang mga kabataan sa paaralan o pamayanan.

Sa nalalapit naman na BARMM Parliamentary Election sa Setyembre at Barangay at Sangguniang Kabataan Election sa Nobyembre, nagpaalala ito sa lahat ng makikilahok sa halalan na pairalin ang paggalang, “𝗶𝗺𝗽𝗼𝗿𝘁𝗮𝗻𝘁𝗲 𝗮𝗻𝗴 𝗿𝗲𝗹𝗮𝘀𝘆𝗼𝗻,” ayon pa sa kanya. Para naman sa mga tagapamuno sa probinsya: “𝗟𝗲𝘁’𝘀 𝗯𝗲 𝗽𝗿𝘂𝗱𝗲𝗻𝘁 𝗶𝗻 𝘁𝗵𝗲 𝘂𝘁𝗶𝗹𝗶𝘇𝗮𝘁𝗶𝗼𝗻 𝗼𝗳 𝗳𝘂𝗻𝗱𝘀,” bilang paghihikayat na gamitin ang pondo ng bayan ng responsible at may pananagutan. Sa kabilang banda, ipinaunawa din nito ang kahalagahan ng pagkakaroon ng simpleng selebrasyon ng kapistahan. “𝗠𝗮𝗴𝗽𝘆𝗲𝘀𝘁𝗮 𝗸𝗶𝘁𝗮 𝘁𝗼 𝗰𝗼𝗺𝗺𝗲𝗺𝗼𝗿𝗮𝘁𝗲 𝘁𝗵𝗲 𝘀𝘂𝗰𝗰𝗲𝘀𝘀 𝗮𝗻𝗱 𝗰𝗵𝗮𝗹𝗹𝗲𝗻𝗴𝗲𝘀 𝘀𝗮 𝗮𝘁𝘂𝗮𝗻𝗴 𝗺𝘂𝗻𝗶𝘀𝗶𝗽𝘆𝗼,” saad pa ng butihing gobernadora.

Nasa naturang okasyon din si 1st District Representative Dr. Edwin L. Cruzado na naging aktibong katuwang ng kapitolyo sa pagsusulong ng mga proyekto para sa Cotabateño. Naroon din sina Board members Sittie Eljorie C. Antao-Ballisi, Rosalie H. Cabaya, Roland D. Jungco at ang bagong Indigenous Peoples Mandatory Representative (IPMR) ng probinsya na si Rodrigo S. Rangaban na nagmula rin sa nabanggit na bayan.//idcd-pgo-frigillana/photoby:WSamillano
‎

Isinagawa ngayong Agosto 7, 2026 ang Eucharistic Celebration sa Capitol Rooftop, Amas, Kidapawan City, bilang bahagi ng ...
07/08/2026

Isinagawa ngayong Agosto 7, 2026 ang Eucharistic Celebration sa Capitol Rooftop, Amas, Kidapawan City, bilang bahagi ng patuloy na pagsusulong ng pamunuan ni Governor Emmylou “Lala” J. Taliño-Mendoza ng mga programang nagpapatibay sa pananampalataya, pagkakaisa, at malasakit ng mga kawani sa kanilang paglilingkod sa sambayanan. Pinangunahan ni Rev. Fr. Salvador Robles, DCC ang banal na misa, habang ang homiliya ay ibinahagi ni Rev. Fr. Alvin Ron Reovoca, DCK.

Ang homiliya ay nakasentro sa ebanghelyo ayon kay San Mateo 16:24–28, kung saan binigyang-diin ang paanyaya ni Hesus sa kanyang mga alagad na tanggihan ang sarili, pasanin ang kani-kanilang krus, at matapat na sumunod sa Kanya. Ipinaalala rin dito na ang tunay na tagumpay ay hindi nasusukat sa yaman o kapangyarihan, kundi sa katapatan sa Diyos at sa taos-pusong paglilingkod sa kapwa. Nagsilbi ring paanyaya ang mensahe sa mga dumalo na patuloy na isabuhay ang kanilang pananampalataya, habang inuuna ang kabutihang panlahat at kapakanan ng bawat mamamayan.

‎Nakiisa dito sina 3rd District Representative Congresswoman Ma. Alana Samantha Taliño Santos, Board Member Joemar S. Cerebo, Provincial Administrator Aurora P. Garcia, mga department heads, kawani ng Pamahalaang Panlalawigan ng Cotabato, gayundin ang mga kinatawan ng Philippine National Police (PNP), Bureau of Jail Management and Penology (BJMP), Bureau of Fire Protection (BFP), at iba pang panauhin. // idcd-delacruz-pgo // Photo by : LDCruz //

Nagsagawa ng pagpupulong nitong Agosto 5, 2026 ang pamahalaang panlalawigan, Department of the Interior and Local Govern...
07/08/2026

Nagsagawa ng pagpupulong nitong Agosto 5, 2026 ang pamahalaang panlalawigan, Department of the Interior and Local Government (DILG), Philippine National Police (PNP), Philippine Drug Enforcement Agency (PDEA) at City/Municipal Anti-Drug Abuse Councils upang talakayin ang implementasyon ng mga programang may kaugnayan sa pagpapatupad ng anti-illegal drug abuse initiatives sa lalawigan.

Kabilang dito ang naging resulta ng 2026 Functionality Audit para sa Barangay ADAC at Barangay Peace and Order Councils kung saan batay sa presentasyon ni DILG Focal on Anti-Drugs Sheena Punzalan bilang kinatawan ni DILG Provincial Director Inecita C. Kionisala, ay nakakuha ng 98.54% performance rating ang BADAC at 99.79% naman ang BPOC ng lalawigan na maituturing na outstanding level of compliance ng DILG.

Iprinisenta naman nina PDEA Provincial Officer IA V Jerome C. Valentos at PLT Glojic Sasi, kinatawan ni Cotabato Police Provincial Director Ramel B. Hojilla ang updates sa pagpapatupad ng Provincial Anti-Drug Abuse and Rehabilitation Program. Bukod dito, ibinahagi naman ni PADAC Focal Person Christa Hope Oribello ang nakatakdang pagbibigay ng incentives ng pamahalaang panlalawigan sa mga anti-drug abuse councils na napabilang sa National ADAC Awardees at nakakuha ng high functional ratings.

Patuloy namang pinagtitibay ng pamunuan ni Gov. Emmylou “Lala” J. Taliño-Mendoza ang pakikipagtulungan nito sa mga kaukulang ahensya upang mapanatiling ligtas sa banta ng iligal na droga ang probinsya at makapamuhay ng mapayapa ang bawat Cotabateño. Nasa naturang pagpupulong din sina PADAC Governance and Linkages Chairperson at Provincial Planning and Development Coordinator Jonah J. Balanag kasama si Sports Program Focal Russel H. Villorente.//idcd-pgo-mombay/PhotobyOPPDC//

Nagsama-samang muli para sa isang pagpupulong itong Huwebes, Agosto 6, 2026 ang mga miyembro ng Yaman ng Cotabato Travel...
07/08/2026

Nagsama-samang muli para sa isang pagpupulong itong Huwebes, Agosto 6, 2026 ang mga miyembro ng Yaman ng Cotabato Travel and Trade Expo-Technical Working Group sa tanggapan ni Governor Emmylou “Lala” J. Taliño-Mendoza. Dito, kanilang tinalakay ang “mechanics, guidelines, criteria, at judging process” para sa itatayong mga booth sa naturang aktibidad na nakasentro sa temang: “Cotabato Fruits, Stories and Heritage.”

Magiging bukas para sa kanilang partisipasyon ang iba’t ibang city/municipalities sa buong probinsya na magtatanghal ng kanilang fresh and processed farm product displays; MSME fruit based and fruit inspired products; cooperative livelihood and enterprise products; at fruit tourism destinations, experiences and cultural narratives. Parte rin ng diskusyon ang criteria for judging para sa mga itatampok na kompetisyon tulad ng best booth at iba pang special awards. Pinag-usapan din dito ang mga hakbang upang mapanatiling malinis at ligtas ang kapaligiran. Nasa naturang kaganapan si Provincial Advisory Council (PAC) Member Amalia J. Datukan na binigyang diin ang kahalagahan ng pagbabahagi ng YNC daily activities sa pamamagitan ng social media post upang mabigyan ng pagkakataon ang lahat na makisaya sa pagdiriwang ng Kalivungan Festival.

Aktibong nakibahagi rin sa pagpupulong sina PAC Members Engr. Dolores Aranas, Teresita R. Gementiza at Judge Lily Lydia A. Laquindanum; pati na sina Provincial MSME Permanent Designate Mabel Lynnel Calungsod; PMSMED Council member Teresita Espanol, Kabacan Councilor Jonathan M. Tabara at Carmen Municipal Councilor Albert Rivera. Naroon din ang mga kinatawan ng Office of the Provincial Agriculturist (OPAg), Provincial Cooperatives Development Office (PCDO), Local Economic Development and Investment Promotions Office (LEDIPO) at Public Affairs, Assistance, Tourism and Sports Development Division (PAATSDD).//idcd-pgo-frigillana/photoby:paatsdd

||Sentro ng naging talakayan sa ginanap na Central Mindanao Airport (CMA) Stakeholders Meeting nitong ika-6 ng Agosto 20...
06/08/2026

||Sentro ng naging talakayan sa ginanap na Central Mindanao Airport (CMA) Stakeholders Meeting nitong ika-6 ng Agosto 2026 sa Governor’s Cottage, Amas, Kidapawan City, ang kasalukuyang estado ng mga ipinapatupad na proyekto sa Central Mindanao Airport (CMA) sa Brgy. Tawan-tawan sa bayan ng M’lang, Cotabato.

Ang pagpupulong ay pinangunahan ng Provincial Planning and Development Office (PPDO) at dinaluhan ng mga kinatawan mula sa Department of Public Works and Highways, Department of Transportation (DOTr), Civil Avaiation Authority of the Philippines (CAAP), National Irrigation Administration (NIA), LGU M’lang at Provincial Legal Office (PLO). Batay sa datos, ilan sa mga proyektong ipinapatupad sa paliparan na nakumpleto na ay ang administration bulding, water system building at power house building. Habang nagpapatuloy naman ang konstruksyon ng fire station building, control tower building, gayundin ang bridge project sa Brgy. New Rizal ng naturang bayan.

Personal namang dinaluhan ni DPWH XII Regional Director Cayamombao Dia ang naturang pagpupulong kung saan inihayag nito ang buong suporta ng ahensya sa pamunuan ni Governor Emmylou "Lala" Taliño-Mendoza sa hangarin nitong maging fully operational ang nasabing paliparan. Nagbigay rin ng kanilang updates ang CAAP tungkol sa ongoing rehabilitation of passenger terminal building at extension ng runway.//idcd-pgo-sotto/photobyPPDO//

Address

Amas
Kidapawan
9400

Opening Hours

Monday 8am - 5pm
Tuesday 8am - 5pm
Wednesday 8am - 5pm
Thursday 8am - 5pm
Friday 8am - 5pm

Telephone

+63645218080

Website

Alerts

Be the first to know and let us send you an email when Provincial Government of Cotabato posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Provincial Government of Cotabato:

Shortcuts

Share

Category