22/01/2026
Mayong adlaw sa tanang lumulupyo sa lungsod sa Kitaotao. Adunay pahibalo alang sa tanang tag-iya sa yuta ug propiedad Real Property. Ang Munisipyo sa Kitaotao pinaagi sa Opisina sa Municipal Treasurer, nagapahibalo sa tanang tag-iya sa yuta, balay, ug uban pang real properties nga adunay Real Property Tax (RPT) nahabilin nga BUHISANAN, nga gipahigayon karon ang TAX AMNESTY subay sa BALAOD Republic Act No. 12001 o ang Real Property Tax Valuation and Assessment Reform Act 2024 (RPVARA).
Panahon sa TAX AMNESTY:
-nagsugod atong: HULYU 5, 2024
-matapos karong: Hulyo 5, 2026
mga importanteng detalye kabahin sa RA 12001. Ubos sa RA 12001, ang tanang kwalipikadong magbubuhis nga mo-avail sa amnestiya makabenepisyo sa mosunod:
UNA: 100% Pag-wala o pagpaksi sa tanang penalidad, dungag nga balayronon, ug interest.
IKA-DUHA: Principal tax lamang ang bayranan
IKA-TULO: Sakop ang tanang Real Property Tax nga na dilingkwente sa tuig 2024 ug sa miaging mga tuig
IKA-UPAT: Aplikado sa yuta, building, ug machinery.
Hinumdumi: Ang benepisyo sa amnestiya sa buhisanan taman lamang sulod sa gitakdang panahon. Human sa Hulyo 5, 2026, mobalik ang regular nga Penalidad ug multa sumala sa gitalid sa balaod. Adto Lamang kamo sa opisina sa Municipal Treasurer dre sa atong lungsod sa Kitaotao, Bukidnon. Ayaw kalimot sa pagdala sa mga musunod na dokumento sa propiedad (Tax Declaration, resibo, ug uban pa). Gina-awhag ang tanang tag-iya sa real property nga mangadto sa Municipal Treasurerβs Office sa madali nga panahon aron makapahimulos sa tax amnestiya ug malikayan ang dugang nga bayronon sa umaabot nga panahon. Maghiusa kita sa husto ug tukmang pagbayad sa buhis alang sa kalamboan sa atong lungsod sa Kitaotao.
DAGHANG SALAMAT UG MAAYONG ADLAW
KITAKITZ KITAOTAO!
