Provincial Government of Basilan

07/09/2026

𝐏𝐫𝐨𝐠𝐫𝐚𝐦𝐚, 𝐒𝐞𝐫𝐛𝐢𝐬𝐲𝐨 𝐚𝐭 𝐏𝐚𝐠𝐤𝐢𝐥𝐚𝐥𝐚, 𝐓𝐚𝐦𝐩𝐨𝐤 𝐬𝐚 𝐁𝐫𝐞𝐚𝐤𝐟𝐚𝐬𝐭 𝐌𝐞𝐞𝐭𝐢𝐧𝐠 𝐤𝐚𝐬𝐚𝐦𝐚 𝐬𝐢 𝐆𝐨𝐯. 𝐇𝐚𝐭𝐚𝐦𝐚𝐧

Pinangunahan ni People’s Governor Mujiv S. Hataman ang lingguhang breakfast meeting kasama ang mga department heads ng Provincial Government of Basilan at mga kinatawan ng Basilan-based BARMM ministries, agencies, at offices, Setyembre 7, sa Taguime Conference Room, Basilan Government Center, Sta. Clara, Lamitan City.

Isa sa mga tinalakay ang Poverty Incidence Rate (PIR) ng Basilan, na inilahad ni Sadar Saharin, Statistician I mula sa Provincial Planning and Development Office. Batay sa presentasyon, bumaba ng 55.9 percentage points ang poverty incidence ng Basilan, mula 66.3% noong 2018 tungo sa 10.4% noong 2025.

Sa naturang breakfast meeting, personal ding tinanggap ni Gov. Hataman si Ibrahim Luna Edris, 27, na nagligtas sa isang pasahero matapos itong mahulog sa dagat mula sa isang vessel noong nakaraang linggo.

Bilang pagkilala sa kanyang katapangan, nagpaabot si Gov. Hataman ng financial assistance at inalok siya ng Job Order position sa Provincial Disaster Risk Reduction and Management Office (PDRRMO).

Si Edris, na panganay sa tatlong magkakapatid, ay pinasalamatan ni Gov. Hataman sa kanyang mabilis na pagkilos at tapang na nakatulong upang mailigtas ang kapwa Basileño.

Tinalakay rin sa meeting ang iba’t ibang ongoing programs at proyekto ng Pamahalaang Panlalawigan para patuloy na matugunan ang mga pangangailangan ng mga Basileño.

Sa pamumuno ni Gov. Hataman, patuloy na pinag-uugnay ang mga programa at hakbang ng pamahalaan upang mas mapalakas ang serbisyo para sa mga Basileño.

07/09/2026

𝗕𝗮𝗴𝗼𝗻𝗴 𝗟𝘂𝗻𝗲𝘀, 𝗧𝘂𝗹𝗼𝘆 𝗮𝗻𝗴 𝗦𝗲𝗿𝗯𝗶𝘀𝘆𝗼 𝗻𝗴 𝗧𝗲𝗮𝗺 𝗞𝗮𝗽𝗶𝘁𝗼𝗹𝘆𝗼

Ngayong unang Lunes ng Setyembre, pinangunahan ni People’s Governor Mujiv S. Hataman ang flag raising ceremony sa Basilan Government Center (BGC), Sta. Clara, Lamitan City.

Kasama sa pagtitipon ang mga kawani ng Team Kapitolyo, gayundin ang mga empleyado mula sa iba’t ibang ministries, agencies, at offices ng BARMM na nakabase sa BGC.

Sa pamumuno ni Gov. Hataman, patuloy na pinagtitibay ang pagkakaisa ng mga kawani at iba’t ibang tanggapan sa BGC upang mas maayos at mas mabilis na maihatid ang serbisyo para sa bawat Basileño.

Bagong linggo, bagong serbisyo para sa !

06/09/2026

𝗟𝗘𝗩𝗘𝗟-𝗨𝗣 𝗔𝗡𝗚 𝗞𝗔𝗔𝗟𝗔𝗠𝗔𝗡 𝗦𝗔 𝗦𝗧𝗥𝗢𝗞𝗘 𝗖𝗔𝗥𝗘!

Palawakin ang iyong kaalaman at kasanayan sa medisina sa pamamagitan ng pagdalo sa 4th Post Graduate Course: Stroke B.A.S.I.C.S. (An Integrative Approach to Stroke Care) na hatid sa atin ng The Stroke Society of the Philippines - Zamboanga Peninsula Chapter katuwang ang Zamboanga City Medical Center Brain and Spine Unit at Integrated Provincial Health Office-Basilan.

Markahan na ang kalendaryo ngayong September 16, 2026 sa Raayat Hall, People's Capitol, Sta. Clara, Lamitan City, Basilan.

Bakit Ka Dapat Dumalo?
May CPD Units na makakuha dito. 5 CPD units para sa mga Doctors at 6 CPD units naman para sa mga Nurses!

Matuto ng mga makabagong integrative approach sa pangangalaga ng stroke mula sa mga eksperto.

Mag-pre-register na ngayon! I-scan lamang ang QR code na makikita sa poster o magsadya sa kanilang opisyal na link para makasiguro ng slot.

Tag mo na ang iyong mga kasamahan sa healthcare industry at sabay-sabay tayong matuto!

06/09/2026

𝗕𝗘𝗡𝗖𝗛𝗠𝗔𝗥𝗞𝗜𝗡𝗚 𝗞𝗔𝗦𝗔𝗠𝗔 𝗔𝗡𝗚 𝗜𝗦𝗔𝗕𝗘𝗟𝗔 𝗖𝗜𝗧𝗬 𝗟𝗘𝗗𝗜𝗣𝗢 | Matagumpay na isinagawa ng Provincial Local Economic Development and Investment Promotion Office (LEDIPO) ang isang benchmarking activity sa Isabela City upang palakasin ang mga programa para sa lokal na ekonomiya sa Basilan.

Binisita ng grupo ang Isabela City LEDIPO para alamin ang kanilang mga best practices at nagtungo rin sa mga Barangay IPON upang masaksihan at matutunan ang proseso ng kanilang mga lokal na produkto.

Layunin ng aktibidad na ito na magbahagi ng kaalaman, palakasin ang kolaborasyon, at tumuklas ng mga makabagong paraan para masuportahan ang ating mga lokal na negosyante at komunidad sa buong Basilan.

Building partnerships. Sharing best practices. Promoting local enterprise.

05/09/2026

𝗥𝗔𝗔𝗬𝗔𝗧 𝗥𝗘𝗖𝗔𝗣 | Narito ang mga kaganapan ngayong linggo, September 1-4, 2026 sa Provincial Government of Basilan

1. TEAM KAPITOLYO NAKIISA SA 126TH PHILIPPINE CIVIL SERVICE ANNIVERSARY SA LAMITAN CITY

2. PGB SUMAILALIM SA HEALTH SCORECARD MONITORING AND ASSESSMENT

3.MULTI-STAKEHOLDERS ENERGY RESILIENCE FORUM KASAMA ANG BASELCO, NAPOCOR AT MEMBER CONSUMERS GINANAP

4. 2ND SAGIP KALIKASAN COUNCIL MEETING, GINANAP

5. GROUNDBREAKING NG BUS STOP AT WAITING SHED PROJECT NG PICE-BASILAN CHAPTER GINANAP

6. NBI CLEARANCE CENTER PANUKALANG ITATATAG SA BASILAN

04/09/2026

Bumisita ngayong araw sa ang bagong talagang Provincial Election Supervisor ng lalawigan!

Nag-courtesy call si Atty. Miguel Roberto Dela Peña at mga kasamahan nito mula sa Commission on Elections-Basilan, ang bagong OIC Basilan Provincial Election Supervisor, kay People’s Governor Mujiv Hataman sa Provincial People’s Capitol upang mas mapaigting ang mga paghahanda para sa gaganaping BARMM Parliamentary Election sa darating na Setyembre 14.

Sa wastong paghahanda, masisiguro natin ang isang ligtas at payapang halalan sa .

04/09/2026

04/09/2026

𝗥𝗔𝗔𝗬𝗔𝗧 𝗥𝗘𝗘𝗟𝗦 | Samahan nyo kami sa isang araw na agaran at tapat na pagseserbisyo para sa Raayat kasama ang ating People’s Governor Mujiv S Hataman.

03/09/2026

Bumisita ngayong araw sa Lumah Raayat, September 3 ang Liaison Officer for Mindanao Peace Process and Development Center, OCPNP na si PCOL Mannan C. Muarip para sa isang courtesy visit sa opisina ni People’s Governor Mujiv S Hataman. Sentro ng pagbisita ang tuloy-tuloy na pagtutulungan at koordinasyon ng ahensya at pamahalaang panlalawigan sa pagpapanatili ng kaayusan at kapayapaan sa .

03/09/2026

𝗚𝗼𝘃. 𝗛𝗮𝘁𝗮𝗺𝗮𝗻, 𝗽𝗶𝗻𝗮𝗻𝗴𝘂𝗻𝗮𝗵𝗮𝗻 𝗮𝗻𝗴 𝗘𝗻𝗲𝗿𝗴𝘆 𝗥𝗲𝘀𝗶𝗹𝗶𝗲𝗻𝗰𝗲 𝗙𝗼𝗿𝘂𝗺; 𝘁𝗿𝗮𝗻𝘀𝗽𝗮𝗿𝗲𝗻𝗰𝘆 𝘀𝗮 𝗰𝗼𝗻𝘀𝘂𝗺𝗲𝗿𝘀, 𝗶𝗴𝗶𝗻𝗶𝗶𝘁

Sa pangunguna ni People’s Governor Mujiv Hataman, isinagawa ang Multi-Stakeholders Energy Resilience Forum nitong Setyembre 3 sa Raayat Hall, People’s Capitol, Sta. Clara, Lamitan City, upang talakayin ang mga hamon sa suplay ng kuryente at mga hakbang para sa mas maaasahang serbisyo sa Basilan.

Dinaluhan ito ng mga kinatawan ng Basilan Electric Corporation (BASELCO), NAPOCOR, iba’t ibang stakeholders at consumers.

Tampok sa forum ang presentasyon ni BASELCO General Manager Felix Canja hinggil sa proposed rehabilitation ng mga linya, development plan, financial plan, at kasalukuyang kalagayan ng kooperatiba.

Ipinaliwanag din ni GM Canja ang ilan sa mga dahilan ng madalas na pagkawala ng kuryente, kabilang ang mga insidente na may kaugnayan sa fruit bats, vegetation, leaked insulation, burned transformers at collapsed poles.

Nagkaroon naman ng masinsinang open forum kung saan nakapagtanong at nakapagbahagi ng saloobin ang mga stakeholders at consumers na dumalo, gayundin ang mga nanonood online.

Ayon sa BASELCO, kabilang sa mga isusulong na hakbang ang rehabilitasyon ng mga linya na mahigit 50 taon nang ginagamit, bilang bahagi ng pagpapabuti sa power distribution system ng lalawigan.

Samantala, iginiit ni Gov. Hataman ang kahalagahan ng transparency at malinaw na komunikasyon ng BASELCO sa mga consumers.

Aniya, karapatan ng mga consumer na malaman ang tunay na kalagayan ng power supply, ang mga dahilan ng mga outage, at ang mga konkretong hakbang na ginagawa upang matugunan ang mga ito.

Dumalo din sa nasabing forum sina Board Member Atty. Faidgar Jaafar, Chairman ng Committee on Energy, BM Allet Ismael at BM Ronie Hantian at Basilan Ulama Council President Dr. Aboulkair Tarason bilang bahagi ng programa.

Sa ganitong mga pag-uusap, nais ng Pamahalaang Panlalawigan na magkaroon ng mas malinaw na ugnayan sa pagitan ng power provider, stakeholders at consumers—upang sama-samang makahanap ng praktikal at pangmatagalang solusyon sa problema sa kuryente.

Sa pamumuno ni People’s Governor Mujiv Hataman, patuloy nating isinusulong ang bukas na pag-uusap, pananagutan at serbisyong tunay na nararamdaman ng bawat Basileño.