09/10/2026
Good news para sa ating mga ina, kabataan, at pamilyang Nortehanon! Mas palalawakin pa natin ang ating pagtutulungan sa KOICA-World Vision upang mas mapabuti at maging accessible ang maternal, newborn, at child health services sa ating mga bayan sa pamamagitan ng second phase ng Maternal, Newborn and Child Health Project.
Sa aming meeting, iilan sa mga natalakay namin ang pagpapatuloy sa pagpapalakas ng ating Rural Health Units, kabilang ang accreditation ng birthing facilities para masiguro ang kalidad ng serbisyo at magamit ng mga pasyente ang kanilang Philhealth benefits, pagtatatag ng electronic medical records para sa mas mabilis na transaksyon, pagsasanay ng ating health workers para sa disaster risk reduction and management in health, at pagpapalakas ng mga programa para sa teenage pregnancy at maternal and child health.
Marami na tayong napakinabangan sa unang phase ng programa ito. Mula sa renovation at improvement ng rural health facilities, ambulansya, transport vouchers para sa pasyente, capacity-building ng Barangay Health Workers, hanggang sa provision ng mga gamot at iba pang kinakailangang supplies ng mga bayan. Kaya sa pagpapatuloy ng ating partnership, mas marami pang pamilyang Nortehanon ang ating matulungan sa pamamagitan ng serbisyong pangkalusugan.
Maraming salamat sa KOICA-World Vision sa patuloy na pakikipagtulungan sa Pamahalaang Panlalawigan!
