Mayor Son Marfil

03/09/2026

03/09/2026

𝐎𝐏𝐈𝐒𝐘𝐀𝐋 𝐍𝐀 𝐏𝐀𝐇𝐀𝐘𝐀𝐆 𝐌𝐀𝐍𝐔𝐍𝐆𝐎𝐃 𝐒𝐀 𝐀𝐍𝐓𝐈-𝐇𝐔𝐌𝐀𝐍 𝐓𝐑𝐀𝐅𝐅𝐈𝐂𝐊𝐈𝐍𝐆 𝐎𝐏𝐄𝐑𝐀𝐓𝐈𝐎𝐍 𝐬𝐚 𝐬𝐚𝐭𝐮𝐲𝐚𝐧𝐠 𝐁𝐀𝐍𝐖𝐀𝐀𝐍. ❌

Kasubanggi, nagkondusir kita kaiba an National Bureau of Investigation (NBI), nin sarong entrapment operation manungod sa ini-report na Human Trafficking sa sarong resort sa laog kan satuyang banwaan.

Sa nasabing operasyon, na-corner an duwang lalaking inaapod na walker o "bugaw" asin na-rescue an 8 (walong) babae na hali sa kataraid na ta sana man na banwaan. Sa inisyal na imbestigasyon, duwa sainda an posibleng menor de edad.

Sa tabang kan satuyang MSWDO, yaon na ngonian sa satuyang kustodiya asin nasa maray na kamugtakan an mga menor de edad, asin padagos an hararom na imbestigasyon kan kapulisan asin NBI sa kasong ini.

Mariing kinokondena kan satuyang gobyerno lokal an anuman na porma nin pang-aabuso asin human trafficking. Dae ta ini tutugutan sa satuyang banwaan.

An mga personahe asin establisyemento na imbuelto dai ta babanggiton nguna huli ta padagos an imbestigasyon.

Sa mga nakakaaram nin kaparehong insidente, magreport tulos sa MSWDO, sa PNP Libmanan, o sa satuyang OPISINA.

Protektaran ta an satuyang mga kaakian asin kababaihan. ❤️

03/09/2026

Sibot man sa trabaho, pero pano nin pasasalamat. 🙏 Padagos lang para sa Libmanan! ❤️

03/09/2026

03/09/2026

𝐏𝐔𝐁𝐋𝐈𝐂 𝐀𝐃𝐕𝐈𝐒𝐎𝐑𝐘: 𝐊𝐎𝐍𝐏𝐈𝐑𝐌𝐀𝐃𝐎𝐍𝐆 𝐊𝐀𝐒𝐎 𝐊𝐀𝐍 𝐀𝐅𝐑𝐈𝐂𝐀𝐍 𝐒𝐖𝐈𝐍𝐄 𝐅𝐄𝐕𝐄𝐑 (𝐀𝐒𝐅) 𝐒𝐀 𝐁𝐀𝐑𝐀𝐍𝐆𝐀𝐘 𝐋𝐀𝐁𝐀𝐎.

Buot ko pong ipaabot sa gabos na an satuyang banwaan nag-positibo na sa 𝐀𝐟𝐫𝐢𝐜𝐚𝐧 𝐒𝐰𝐢𝐧𝐞 𝐅𝐞𝐯𝐞𝐫 (𝐀𝐒𝐅).

Kumpirmado po ini kan Regional Animal Disease Diagnostic Laboratory (RADDL) kan DA Region V sa Barangay Labao, Libmanan ngonian na Agosto 28, 2026.

Kaiba an DA Region V asin an satuyang Municipal Agriculture Office (MAO), personal tang dinumanan an apektadong lugar.

𝗕𝘂𝗼𝘁 𝗸𝗼 𝗽𝗼𝗻𝗴 𝗹𝗶𝗻𝗮𝘄𝗼𝗻, 𝗱𝗮𝗲 𝗽𝗼 𝘁𝗼𝘁𝗼𝗼 𝗻𝗮 𝗺𝗮𝘆𝗼 𝗸𝗶𝘁𝗮𝗻𝗴 𝗴𝗶𝗻𝗶𝗴𝗶𝗯𝗼𝗻𝗴 𝗮𝗸𝘀𝘆𝗼𝗻.

𝗔𝗻 𝗮𝗿𝗼𝗴 𝗽𝗼 𝗸𝗮𝗻𝗶𝗻𝗴 𝗽𝗿𝗼𝗯𝗹𝗲𝗺𝗮 𝗱𝗮𝗲 𝗽𝘄𝗲𝗱𝗲 𝗻𝗮 𝗯𝗮𝘀𝘁𝗮-𝗯𝗮𝘀𝘁𝗮 𝘀𝗮𝗻𝗮. 𝗞𝗮𝗶𝗽𝘂𝗵𝗮𝗻 𝗽𝗼 𝗻𝗮 𝗺𝗮𝗴𝗶𝗻𝗴 𝘁𝗿𝗮𝗻𝘀𝗽𝗮𝗿𝗲𝗻𝘁 𝗸𝗶𝘁𝗮 𝗮𝘀𝗶𝗻 𝗸𝘂𝗻𝗴 𝗮𝗻𝗼 𝗮𝗻 𝗶𝗸𝗮𝗸𝗮𝗿𝗮𝗵𝗮𝘆 𝗸𝗮𝗻 𝗸𝗮𝗴𝗮𝗯𝘀𝗮𝗻, 𝗶𝘆𝗼 𝗽𝗼 𝗮𝗻 𝗴𝗶𝗴𝗶𝗯𝘂𝗵𝗼𝗻 𝘁𝗮. 𝗠𝗮𝘀 𝗺𝗮𝗿𝗵𝗮𝘆 𝗻𝗮 𝗺𝗮𝗮𝗿𝗮𝗺𝗮𝗻 𝘁𝗮 𝗮𝗻 𝘁𝗼𝘁𝗼𝗼, 𝗻𝗴𝗮𝗻𝗶𝗻𝗴 𝗺𝗮𝘀 𝗺𝗮𝗽𝗿𝗼𝘁𝗲𝗸𝘀𝘆𝗼𝗻𝗮𝗻 𝘁𝗮 𝗮𝗻 𝗴𝗮𝗯𝗼𝘀 𝗻𝗮 𝗽𝗮𝗿𝗮𝘁𝗮𝗺𝗮𝗻 𝗻𝗶𝗻 𝗼𝗿𝗶𝗴 𝘀𝗮 𝗯𝗶𝗹𝗼𝗴 𝗻𝗮 𝗯𝗮𝗻𝘄𝗮𝗮𝗻.

Nakakamundo man po an pangyayareng ini, alagad mayo pa po kitang bulong sa virus na ini. An laban ta po iyo an pag-kontrol asin pag-pugol na maglakop pa.

Dahil digdi:

1. Tulos po kitang nag-aksyon. Naka-quarantine na an apektadong area, nagkondusir na nin culling asin disinfection protocol susog sa standard kan DA.
2. Mahigot na monitoring an piggigibo kan MAO sa 500m - 1km radius kan apektadong piggery.
3. Pansamantala tang ipagbabawal an paglaog asin pagluwas nin buhay na orig, karne, asin iba pang produkto sa Barangay Labao.

𝗣𝗶𝗻𝗮𝘀𝗮𝘀𝗮𝗹𝗮𝗺𝗮𝘁𝗮𝗻 𝗸𝗼 𝗽𝗼 𝗮𝗻 𝗸𝗮𝗴𝘀𝗮𝗱𝗶𝗿𝗶 𝗸𝗮𝗻 𝗽𝗶𝗴𝗴𝗲𝗿𝘆 𝗻𝗮 𝗻𝗮𝗴𝗸𝘂𝘀𝗼𝗴-𝗯𝗼𝗼𝘁 𝗻𝗮 𝗺𝗮𝗴𝗽𝗮-𝘁𝗲𝘀𝘁 𝗮𝘀𝗶𝗻 𝗺𝗮𝗴-𝗿𝗲𝗽𝗼𝗿𝘁. 𝗜𝗻𝗶 𝗽𝗼 𝗮𝗻 𝗱𝗮𝗽𝗮𝘁 𝗻𝗮 𝗺𝗮𝗴𝗶𝗻𝗴 𝗲𝗵𝗲𝗺𝗽𝗹𝗼 - 𝗮𝗻 𝗽𝗮𝗴𝗶𝗴𝗶𝗻𝗴 𝗿𝗲𝘀𝗽𝗼𝗻𝘀𝗮𝗯𝗹𝗲 𝗮𝘀𝗶𝗻 𝘁𝗿𝗮𝗻𝘀𝗽𝗮𝗿𝗲𝗻𝘁 𝗶𝘆𝗼 𝗮𝗻 𝗺𝗮𝗸𝗮𝗸𝗮𝗹𝗶𝗴𝘁𝗮𝘀 𝘀𝗮 𝗶𝗻𝗱𝘂𝘀𝘁𝗿𝗶𝘆𝗮 𝘁𝗮.

Nakikiulay po ako sa gabos:

Dai po kita magtago nin helang na orig. I-report tulos sa Barangay o sa MAO. Mag-disinfect, dai mag-swill feeding, asin magtarabangan kita.

An LGU po handang mag tabang. Kaiba nindo kami.

Para sa report, mag-message po digdi sa page o mag-email sa [email protected].

03/09/2026

𝐂𝐎𝐔𝐑𝐓𝐄𝐒𝐘 𝐕𝐈𝐒𝐈𝐓 𝐅𝐑𝐎𝐌 𝐋𝐆𝐔 𝐓𝐈𝐍𝐀𝐌𝐁𝐀𝐂 😊

Na-oogma po kita na personal na binisita kan mga empleyado kan LGU Tinambac para personal na i-hatod an saindang imbitasyon sa LGU Tinambac Business Summit 2026.

Mabalos po sa pagbisita asin sa imbitasyon! An sakuyang pag-apresyar sa arog kaining mga pagkakataon na nagdadara nin mas marhay na partnership, pagbunyog, asin pagpauswag kan satuyang banwaan. ❤️

Padagos kita sa pagtulod kan pagkasararo asin kooperasyon para sa mas progresibo asin mas mauswag na komunidad. 🙏

Mabalos, LGU Tinambac! See you sa Business Summit 2026! 🤝✨

03/09/2026

𝐂𝐎𝐂𝐎𝐍𝐔𝐓 𝐓𝐑𝐄𝐄 𝐏𝐋𝐀𝐍𝐓𝐈𝐍𝐆 𝐀𝐂𝐓𝐈𝐕𝐈𝐓𝐘 | 𝐁𝐑𝐆𝐘. 𝐂𝐀𝐖𝐀𝐘𝐀𝐍 🌴🪏

Kaiba an mga representantes hali sa Philippine Coconut Authority (PCA), mga Opisyal kan Barangay, asin an COOP/Farmer's Organization kan Barangay Cawayan, matriumpong nakondusir an Coconut Tree Planting Activity sa Barangay Cawayan, Libmanan. 💯

An aktibidad na ini itinutulod na mapakusog an sektor kan agrikultura sa satuyang banwaan, matabangan an satuyang mga lokal na parauma, asin masiguro an masaganang ani asin pagkakakitaan para sa masunod na henerasyon. 👨‍🌾

Mabalos po sa gabos na naki-sumaro asin nagtao nin oras asin paghinguha para sa proyektong ini. Sa paagi kan satuyang pagtatarabangan, padagos tang paunladon an agrikultura kan Libmanan. 🤝❤️

03/09/2026

𝐑𝐎𝐁𝐀𝐒 & 𝐀𝐁𝐎𝐑𝐐𝐔𝐄𝐙 𝐖𝐄𝐃𝐃𝐈𝐍𝐆 💍👩‍❤️‍👨

Congratulations to the newlyweds!

It was a pleasure to be part of this special day as you begin your life together. Ngonian na aldaw, bako sana ini pagpirma sa sarong dokumento kundi an pagpili kan duwang puso na sabay na maatubang sa kada sakit asin tagumpay kan buhay na may pagkamoot, respeto, asin pagsabot. 💖

May your marriage be filled with understanding, respect, and love for one another. Wishing you both a happy and lasting marriage! God bless.🫶💐

03/09/2026

𝐌𝐄𝐄𝐓𝐈𝐍𝐆 𝐖𝐈𝐓𝐇 𝐏𝐍𝐏 👮👮‍♀️

Nagin parte po kan satuyang agenda an pakikipag-ulay sa satuyang mga kapulisan hali sa Philippine National Police (PNP) Libmanan tanganing pag-olayan an mga importanteng isyu para sa katoninongan asin kaayusan, seguridad publiko, asin kaligtasan kan satuyang mga kahimanwa digdi sa Libmanan. 👮‍♂️🇵🇭

Mahalagang marhay po an padagos na koordinasyon, komunikasyon, asin pagtarabangan kan gobyerno lokal asin kan PNP tanganing mas mapakusog pa an pagpatupad kan mga programa asin lakdang na nagmamawot na mapangatamanan an sarong ligtas, maayos, asin matoninong na banwaan.

Mabalos po sa satuyang mga kapulisan sa saindong padagos na serbisyo, dedikasyon, asin pakikipagtabangan. Sabay tang itaguyod an mas ligtas asin mas mauswag na Libmanan. 🤝❤

03/09/2026

𝟐-𝐃𝐀𝐘 𝐑𝐄𝐅𝐑𝐄𝐒𝐇𝐄𝐑 𝐂𝐎𝐔𝐑𝐒𝐄 𝐎𝐍 𝐂𝐈𝐕𝐈𝐋 𝐑𝐄𝐆𝐈𝐒𝐓𝐑𝐀𝐓𝐈𝐎𝐍 𝐏𝐑𝐎𝐂𝐄𝐒𝐒 📄📉

An aktibidad na ini nagtatarget na mapakusog pa an kaaraman asin kapasidad kan satuyang mga personnel sa husto asin epektibong pagproseso kan mga civil registration documents asin serbisyo, partikular na sa mga birth, marriage, asin death records.

Importante an padagos na pagre-refresh kan kaaraman tanganing masiguro na an satuyang mga dokumento asin proseso iyo tama, kompleto, mabilis, asin naaayon sa mga patakaran. Sa paagi kaini, mas mapapadali ta an pagserbisyo asin mas mapapababa an posibilidad nin mga sala sa mga opisyal na rekord kan satuyang mga kahimanwa. 🤝✨

Dakulang pasasalamat sa satuyang Municipal Civil Registrar Team sa saindang dedikasyon asin padagos na pagpauswag kan kalidad kan serbisyo publiko. Salamat man sa gabos na nag-atender asin nakirisa sa aktibidad na ini.

Padagos kita sa pagkat-on, pagpauswag, asin pagserbisyo nin tama para sa satuyang mga kahimanwa. ❤️🇵🇭