25/12/2025
Isang Makulay at Matagumpay na Family Day | Tagumpay na idinaos ng Harigue Elementary School ang taunang pagdiriwang ng Family Day noong ika-15 ng Disyembre, 2025. Punong-puno ng saya, tawanan, at pagkakaisa ang bawat sandali na ating pinagsaluhan.
Sa ngalan ng buong komunidad ng paaralan — kabilang ang SPTA, SGC, SELG, at YES-O — at sa ilalim ng masigasig na pamumuno ng ating Punong-Guro, Mr. Alvin B. Roncesvalles, kami ay nagpapaabot ng aming walang-hanggang pasasalamat sa lahat ng naghatid ng tulong at suporta.
Gayundin, pinahahalagahan namin ang oras at pakikibahagi ng mga pamilyang aming binisita para sa pangangaroling, at sa lahat ng mga pamilyang nakilahok at naki-bonding sa ating Family Day at Christmas Party.
Higit sa lahat, hindi malilimutan ang excitement at kaba sa naganap na Bingo Socials at Raffle Draw. Ang bawat sigaw ng "Bingo!" at ang pagkapanalo ng ating mga masuswerteng magulang at mag-aaral ay nagdagdag ng kulay at matinding saya sa ating selebrasyon. Ang aming pagbati sa lahat sa lahat ng mga nag-uwi ng papremyo.
Isang malaking pagbati at pasasalamat sa ating proponent, Bb. Baby Lyn M. Talagtag at sa lahat ng mga g**o ng paaralang ito. Ang inyong husay sa pag-oorganisa at dedikasyon ang naging susi upang maging maayos, masaya, at punong-puno ng surpresa ang araw na iyon.
Sa lahat ng aming sponsors, donors at magulang na walang-sawang nag-ambag at sumuporta, Maraming-maraming salamat po. Ang inyong buong-pusong kontribusyon ay nagbigay-daan upang matagumpay na makilala at maipagdiwang ang mga tagumpay ng ating mga mag-aaral.
Nawa'y ang diwa ng pagkakaisa at pagtutulungan na ating ipinamalas ay magpatuloy na maging lakas natin sa mga susunod pang programa at adhikain ng Paaralan.
