DA-PhilRice Bicol

31/08/2026

SA BAWAT ANI, may bayANI. 💪🌾

31/08/2026

Mas pinadaling proseso, mas produktibong pagsasaka!

Para kay Ka-Palay Rommel Pagsuyuin, Seed Grower mula sa Libmanan, Camarines Sur, malaking tulong ang Binhi e-Padala 2.0 dahil mas napapadali at napapabilis nito ang pagkuha ng mga magsasaka ng dekalidad na binhi.

Dahil mas mabilis ang proseso, mas maaga ring naibabalik ang pondong inilaan para sa binhi. Para sa mga seed grower, nangangahulugan ito ng mas mabilis na pagkakaroon ng pondong magagamit para sa mga gastusin sa produksyon mula sa paghahanda ng taniman hanggang sa iba pang pangangailangan sa pagpapalago ng binhi.

Sa ganitong paraan, hindi lamang natutulungan ang mga magsasaka na makakuha ng dekalidad na binhi sa mas madaling paraan. Natutulungan din ang mga seed grower na mas maayos na magampanan ang kanilang tungkulin bilang katuwang ng programa sa paghahatid ng dekalidad na binhi sa mga magsasaka.

29/08/2026

SERBISYONG MAY DIREKSYON PARA SA MAGSASAKA 🌾

Pinagtibay ng PhilRice Board of Trustees ang mga hakbang upang mas maging responsive ang institusyon sa pangangailangan ng mga rice farming communities sa isinagawang 71st Regular Board Meeting sa DA-PhilRice Bicol. Pinangunahan ito ni Undersecretary Christopher V. Morales, kasama si Executive Director John C. de Leon at ang PhilRice Top Management.

Inaprubahan ng Board ang recalibrated targets ng PhilRice Strategic Plan 2026–2028, batay sa midterm assessment ng institusyon. Inaprubahan at inendorso rin nito ang pagsusumite ng PhilRice Optimization Plan sa Committee on Optimizing the Executive Branch, alinsunod sa Republic Act No. 12231.

Binigyang-diin din nito na sa kabila ng mga hamon, dapat manatiling pangunahing prayoridad ng PhilRice ang serbisyo sa mga magsasaka.

Sa mas malinaw na direksyon at pagtutok sa pangangailangan ng mga kliyente, patuloy na pinapalakas ng PhilRice ang mga programa, teknolohiya, at serbisyong makatutulong sa mas produktibo at matatag na rice farming communities.

29/08/2026

Mas madali ang pagkuha ng dekalidad na binhi, mas dama ang pag-asa ng magsasaka! 💚

Para kay Augusto Consorte, magsasaka mula sa Buhi, Camarines Sur, malaking tulong ang Binhi e-Padala 2.0 sa pagpapadali ng access ng mga magsasaka sa libreng dekalidad na binhi.

Sa pamamagitan ng programa, ang kanilang farmers’ association na mismo ang namamahala sa pamamahagi ng libreng dekalidad na binhi, sa tulong ng kanilang Local Government Unit (LGU).

Higit pa rito, diretsong naihahatid ang mga binhi sa kanilang lugar, kaya mas mabilis at mas abot-kamay ng ating mga ka-Palay ang handog na libreng dekalidad na binhi mula sa .

25/08/2026

83 DAYS vs 130+ days 🌾

Bakit halos 50 araw ang agwat sa paghinog?

Kapag alam natin kung gaano katagal mahinog ang isang barayti, mas madaling pumili ng akma sa planting calendar at panahon.

Dito papasok ang genes. Kinokolekta ang shoot apical meristem o ang maliit na bahagi sa tuktok ng palay kung saan aktibo ang paglaki nito. Pagkatapos ay sinusuri kung anong genes ang may kinalaman sa maaga o matagal na paghinog ng palay na ang tawag naman ay transcriptome study.

Natukoy ng 1k1RG Program ang mga tradisyunal na barayting maagang mahinog gaya ng Dagi, Kulu, at Buluhan. Ang Gobyerno at Sarayusay naman ay umaabot ng 130 araw o higit pa bago mahinog.

Abangan ang pag-aaral tungkol dito ng 1k1RG Program.

20/08/2026

SAFE ang palayang may gagamba! 🕷️🌾

Ang gagamba ay isa sa mga kaibigang kulisap na tumutulong sa pagkontrol ng mga peste sa palayan. Ating pangalagaan at paramihin sila.

✅ Iwasan ang hindi kailangang pag-ispray ng insecticide sa unang 30–40 araw.

✅ Magtanim ng okra, kalabasa, talong, at linga upang magsilbing tirahan ng mga gagamba.

14/08/2026

MAG-INGAT, mga ka-palay! 🌾🥾

Kapag may baha o putik sa bukid, mag-ingat sa leptospirosis.

🥾 Magsuot ng boots at gloves
🩹 Takpan ang mga sugat o galos
🧼 Maghugas agad pagkatapos ma-expose sa baha o putik
📞 Sumangguni kaagad sa pinakamalapit na health center kung may duda kang ikaw ay may leptospirosis

Alagaan ang sarili habang inaalagaan ang ani. 💚

📌 MAG-INGAT sa leptospirosis!

Kapag may baha o putik sa bukid, mag-ingat sa leptospirosis.

✅ Magsuot ng boots at gloves
✅ Takpan ang mga sugat o galos
✅ Maghugas agad pagkagaling sa baha o putik
✅ Sumangguni agad sa pinakamalapit na health center kung nakaranas ng mga sintomas ng leptospirosis, lalo na kung lumusong sa baha, putik, o maruming tubig.

Alagaan ang sarili habang inaalagaan ang pananim.

14/08/2026

Seed distribution made easy! 🌾

“Less hassle ang pagkuha ng binhi,” ani Ka-Palay Mario Labarrete ng Alangalang, Leyte.

Malaking bagay para sa kanya ang Binhi e Padala 2.0 dahil hindi na niya kailangang bumiyahe pa para makakuha ng binhi. Sa halip, idinideliver at ipinapamahagi na mismo sa kanilang lugar ang mga ito. Mas malapit, mas madali, at mas maginhawa para sa mga magsasaka.

Layunin ng BeP 2.0 na mas mailapit pa sa ating mga Ka-Palay ang dekalidad na binhi sa tulong ng mga Farmers Cooperatives/ Associations (FCAs) o BeP Communities na nagsisilbing katuwang ng PhilRice sa
pamamahagi nito.

13/08/2026

AESA: Mabisang Aksyon sa Pagsasaka 🌾

Isang Agro-Ecosystem Analysis (AESA)
ang isinagawa ng ating mga Ka-Palay sa Calpi, Claveria, Masbate, kasabay ng Seed Purification and Multiplication Training.

Sa pamamagitan ng AESA, mas nauunawaan ng ating mga magsasaka ang kalagayan ng kanilang palayan at iba’t-ibang aspeto na nakaaapekto sa kanilang pananim. Ito ay isang hakbang tungo sa mas wais na pagdedesisyon, mas maayos na pamamahala, at mas produktibong pagsasaka.

12/08/2026

📸 PICTURE PERFECT, KA-PALAY!

I-flex na ang inyong picture-perfect moment nang makatanggap ng dekalidad na binhing RCEF para sa WS 2026!

Ibahagi ang inyong larawan at ipakita ang inyong saya at suporta sa patuloy na paghahatid ng dekalidad na binhi para sa ating mga magsasaka.

📸 Pose. Smile. I-flex ang inyong RCEF Seed!